吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› （狗狗）你係我會點做？

自由講場今日: 2950|主題: 1351860

收藏本版

發帖

返回列表

跳至頁

查看: 4092 | 回覆: 150

（狗狗）你係我會點做？ [複製鏈接]

12 3 4 5...8

hedhed

伯爵府

積分: 19467

想生BB熱投

1^#

發表於 14-9-17 01:34 |只看該作者 |正序瀏覽 |打印

我家狗伴我11年，如佢係男人，會係個絕世好情人。

上月尾開始佢食慾不桭。左驗又驗一時膀胱炎，又時腸胃病，結果係生瘤。

佢到左今日，狗糧己經唔食，連牛雜、包包，小食，都唔食。醫生話佢身體消化緊自己啲肌肉，咁落去只得兩星期命。

醫生話

1）送走佢。

2）做手術拎出腫瘤。但佢腫留係肚內，唔知準確係邊度。一係夷臟，一係肝，一係腸。如係夷，成個切，無左夷臓的狗，可能只可活兩星期，但都有可活兩年。如肝，係肝中間生瘤，切唔倒，就唔會再整返醒佢，直接送走佢⋯ 如肝側邊生，切走後，康復傷口，可繼續正常活下去。如腸生，以照ct同X-ray 睇係12指腸位，無得切，都要送走佢。

3）灌佢食嘢，捱得幾耐就幾耐，食少少葯物安慰下，輔助下。

我見佢宜家冇神冇氣，伏係度唔郁，想玩玩具但無力，想食嘢被個瘤頂住，叫佢名佢就伏係度狂擺尾。我真係唔知點做。

我老公話做手術，唔得就送走佢，但咁就會可能即刻無左佢⋯⋯⋯ 但灌其實又灌唔到佢食，連芝士飽佢都係聞住想食食唔到。

我好亂，你地會點做？

0 0 0

I am Agent P

私人傳訊

Jobian

男爵府

積分: 9170

151^#

發表於 14-9-18 00:21 |只看該作者

引用：我家狗伴我11年，如佢係男人，會係個絕世好

原帖由 hedhed 於 14-09-17 發表
我家狗伴我11年，如佢係男人，會係個絕世好情人。

上月尾開始佢食慾不桭。左驗又驗一時膀胱炎，又時腸胃病 ...

其實條命係狗狗自己嘅，佢自己都冇放棄，做主人又有權選擇送佢上彩虹橋嗎？

私人傳訊

DanDiMa

大宅

積分: 2253

150^#

發表於 14-9-18 00:15 |只看該作者

引用：我今朝同佢剪好頭髮先落去。佢學左廣東話11

原帖由 hedhed 於 14-09-17 發表
我今朝同佢剪好頭髮先落去。佢學左廣東話11年了，雖然唔讓講，但一定識聽⋯⋯ 佢可能都好知自己程況，同埋 ...

樓主保重，你都係想佢有機會好返先帶佢入去

做狗媽媽呢一曰真係好慘，我都好驚，加油呀

私人傳訊

Sonaming

別墅

積分: 578

149^#

發表於 14-9-18 00:12 |只看該作者

回覆：（狗狗）你係我會點做？

我1/2/3都試過，3個决定都會後悔

我之前有3隻貓。3隻宜家都已經走晒
第一隻有事。。面近腦 cancer，我堅持醫佢，又開刀又剩。開刀前已知好返幾會唔大，因為已經有一隻眼壞死左，開刀後發現比個瘤比血管包住，冇可能切除。開刀後一星期，在家狂抽，去到診所已沒有其他選擇。

第二隻，多種長期病患者年紀大，咩都唔敢做，有晚突然抽筋，走了

第三隻，在第二隻走了後發現佢瘦左好多，已經12歲，半年前 body check 過完全正常，但突然全身器官衰竭。嚴重貧血，佢血型旱有好彩揾到血，但唔夠佢消耗一個禮拜，插胃喉，吊鹽水，再去到我係屋企自已幫佢打鹽水。醫生有話做手術，睇下究竟發生咩事 (呢個醫生我哋睇左好多年，第二隻貓長期病幾難搞，佢都搞得掂，好可信) 但佢d血好旱有，有咩事失血過多即走。冇信心手術會有咩進展。最後。。今次我冇做手術，我唔想搞完一大輪，又見佢抽住走，所我送左佢走

其實做咩决定只要係救唔返就一定後悔，做左手術，就會後悔要佢捱多刀。冇做手術又會後悔冇做。拖住先，又會後悔點解拖

只要佢係度嗰陣，大家開心就唔好諗咁多