自由講場今日: 286|主題: 1352228

收藏本版

發帖

返回列表

跳至頁

查看: 969 | 回覆: 25

分享一件關於友情既往事. 朋友我當你一秒朋友 [複製鏈接]

Lorican

珍珠宮

積分: 31362

1^#

發表於 14-9-20 18:37 |只看該作者 |正序瀏覽 |打印

本帖最後由 Lorican 於 14-9-20 18:42 編輯

今日好悶,C6唔知OT到幾時,有時間同大家分享一段往事.

少年時識左一班朋友,有男有女年齡相若,唯一年紀大我地少少既一個女仔(下稱A),大我地3年
A好鍾意當大家姐角色,關心人,但又會拎人地D事當是非周圍講,
A好鍾意傾電話,好多野講,但我唔鍾意,亦係少出聲既人,其實大家性格好唔同,但唔知點解佢偏偏當我係好朋友,
個陣時好興搭幾條線一齊傾電話,唔知點解經常搭埋比我,A就係咁講人事非,講完B又講C,有時C係到就講B,
真係聽都聽到悶,我亦相信我唔係到時,A會講我,有時有D新朋友加入,A唔鍾意人地就排斥人地.

以前我比較我行我素,自己鍾意點就點,但其實影響唔到人,A睇唔順眼就會同我嘈,仲好叻搵埋其他人支持佢,咁當然熟我既朋友知我係點既人,唔會聽佢講啦.中間發生左好多吵吵鬧鬧既事,都反左面唔知幾多次,但次次隔一段時間佢就搵其他人聯絡返我,我一次又一次心軟,要講真係講一晚都唔完,簡單講幾件,

曾經,試個有個男仔鍾意我,而A鍾意個男仔,其實完全唔關我事,我又唔鍾意個男仔,但A當住成班人面前勁踩我,同個男仔講壞話,呢D真係朋友嗎?

試過好返一排,我都只係當佢普通過唔普通既朋友,佢自己就當同我好FD,
曾經試過我爸做手術要係屋企休養,A打去我手提我聽唔到,點知佢打去我屋企(我個人好怪,唔鍾意人地冇緊要事都打去屋企搵我,要搵我有手提電話都已經OK,聽唔到即係唔得閒,之後會覆)
,我爸爸本來訓左都比佢嘈醒.
係我心目中,家人既位置比朋友高,所以我都幾嬲,打返比A,原來佢只係約我當晚去茶餐廳睇波,1.要睇波我自己屋企就睇到.2,A係從來唔睇波既.但就係咁迫我出去,最後我都拒絕左.個陣仲興MSN,我係MSN同A講我爸爸做左手術在家休養,唔係乜野緊要事就唔好打去我屋企,騷擾到佢休息. A既回應係:-P.
係,係一個哈哈笑,一個普通朋友都會禮貌上問下世伯點呀,祝佢早日康復,但A自稱係我BEST FRD 冇問下不特止,仲整個哈哈笑比我,我真係想知有咩咁好笑.

後來決裂更加好笑,A唔抵得我同另一個朋友阿D傾得埋,A又搵野黎嘈,今次我真係覺得唔可以再忍呢個女人,成日搞是搞非,成個八婆咁,最後"嚴重似情侶講分手",其他朋友都笑說A其實係咪鍾意我,
同A唔再做朋友,我真係覺得好輕鬆,但同時我亦失去一個好朋友E,之前E結婚,係朋友FB見到E既相,我真係好唔開心,如果唔係A,我同E都仲係好朋友.

A之後都結婚生小朋友,其實各自各生活好好丫,做朋友都講緣份,緣盡左都無謂強求,
但A唔明,佢周不時搵朋友F問我既事,F由開頭簡單答下佢,到之後F比佢煩到唔再答,但佢都繼續問
A搵佢老公ACC. ADD我FB,我冇理到,其實大家都冇聯絡5,6年,佢既事亦唔關我事,
但到上星期 A竟然係FB ADD我