| 恭喜發財!肥肥91年做既絕大好事! 首先 , 同大家拜年 , 祝願大家身體健康 , 老少平安 , 事事如意 , 貴人常在… 以下呢件事 , 係千真萬確 , 真珠都無咁真 , 當事人健在 …. 話說1991年 , 沈殿霞肥姐喺重金同人情難卻之下 , 過檔ATV亞視 , 當時重有李香琴 , 鵬哥 , 譚炳文等等，但係內政立立亂 , 笑話多蘿蘿 , 亂過亂世佳人 , 加上舊亞視派 / 加盟ATV既無線老薑 / 年輕派互相角力 , 內部文件都可以外洩 , 七角咁亂… 91年某日 , 肥姐正係廠錄影「姐姐妹妹站起來」 , 見佢同幕前幕後工作人員交頭接耳 , 肥肥塊面越黎越難睇 , 突然肥肥大聲講左句：「咁都得 , 重成世界既 , 有無攪錯. 」跟住氣沖沖咁走左去藝員科某陳姓女高層房 , 「砰」埋門之後 , 肥肥面不改容 , 直話直說 , 原來亞視有個金牌監制 --趙xx , 向來節目收視屬榜首 , 金牌節目好似：活色生香、今夜不設防等等好多出位節目都由阿趙監制 , 點知TVB新派黨睇佢唔順眼 , 上奏高層送無情鷄收大信封. 肥肥雖與阿趙唔太熟 , 但係幕前幕後都覺得如果阿趙咁做得都被炒 , 呢間電視台都無用 , 因為高層淨聽奏章 , 唔明察 , 就會4錯好多人. 結果肥肥出聲要亞視幫阿趙翻案 , 加埋安德尊提供唔少資料 , 經女高層明察暗訪 , 越位直奏CEO , 阿趙先可以逃過被炒既命運 , 可以做老公老豆責任養家. 呢件就係佢91年做既大好事 ! 呢段嘢 , 實無人鍾意睇 , 我講呢件事 , 係成日睇到肥肥既負面消息 , 其他傳聞 , 無人知真偽 , 但呢件事 , 就睇到肥姐都有佢義氣助人既一面 , 我唔係幫佢講好說話 , 只係以事論事 . 其人娛樂圈都有唔少好人 , 樹大有枯枝 , 一定有害群之馬 , 不過正面既事 , 好少可以見報 ( 所以無人知呢件事 ) , 大家唔善忘既 , 每年東華 , 因為肥姐關係 , 大慈善家何伯生前幾佰萬咁送俾東華 , 肥姐都有功既 . 但願鼠年 , 貴人到處有 , 大家升職又發財！ :恭: :喜: :發: :財: |
   |
發表於 
即係點
返回列表
