夫婦情感今日: 0|主題: 42753

收藏本版

發帖

返回列表

跳至頁

查看: 1701 | 回覆: 25

係咪應該放棄呢（長篇） [複製鏈接]

iruka

大宅

積分: 1623

1^#

發表於 14-9-26 17:42 |只看該作者 |正序瀏覽 |打印

同男朋友拍左年幾拖，中間差唔多隔一個多D就吵架，一吵佢就話要分手
最初既時候我會同佢講因為兩個人唔同性格，大家係要時候互相遷就，而且情侣吵架係好平常既事，無可能十次吵十次你都講分手，咁樣好傷感情
上兩個星期佢返左去自己國家（佢唔係香港人），本來果日佢仲好地地同我講笑，點知之後完全果3日我完全聯絡唔到佢，打比佢又唔聽，SEND LINE比佢只係睇唔覆，覆都剩係同我講好忙
如事者到第三日我又再SEND LINE比佢，話你三日都唔聯絡究竟咩野事，唔知你係出意外、發脾4定點，跟住佢話好忙，我條氣唔順就話搵你搵到我把幾火，佢竟然同我講你唔鍾意可以唔搵，到次後佢終於聽我電話，但佢既態度完全係HEA我，我問咩野佢都只係“唔，唔，呀“咁，我以為佢真係忙緊，咁之後就SEND LINE同佢講我雖然唔係你身邊，但我都會支持你之類既說話
到之後差唔多一個星期，我真係頂唔順佢睇完又唔覆，搵又搵唔到就SEND 左個LINE比佢話就算你要分手都出句聲，我唔想要一個連搵都搵唔到既男朋友，果晚佢開始覆番我LINE，但係仲好似好HEA咁，到我打比佢，佢又係咁“唔、唔“咁既態度一路打機一路同我傾，我把幾火就同佢講係咪分手呀，係你都應我一句吖，唔係咩鬼野都唔唔唔呀，果晚佢話我之前佢要我幫佢我唔幫，同埋我成日同佢SAY NO。。。。但我真係唔知自己之前做過咩野，之後佢返黎香港都叫和好左，但我自己知對佢宜家無咁愛，因為我真係唔知佢點解可以係無吵架既情況下突然間發脾4話分手
到尋日因為佢返工會做到好夜，佢夜晚12點打比我同我講12點半出黎啦，其實由頭到尾我都無應承佢，因為我今日要返工，到左12：40佢打比我叫我出去，我話唔出啦，咁麻煩，佢就話我特登快手D做好D野諗住見你，你又話唔出，跟手CUT左我線，咁我就關機瞓覺（因為我怕成日“形“住佢搵我會瞓到）
到今朝我起身，佢SEND左7個LINE比我，原來佢1：30打過比我知我關左機，就話你唔想聽可以唔聽，唔洗連機都關埋，我以後都唔會打比你，我覺得大家已經變成大家既負擔，我地暫時都唔好搵等大家，等將來大家覺得可以既話先再見
我睇到真係好無言，佢可以瞓到1點先起身返工，但我唔得，而且佢係同朋友一齊住既，我一點出到去佢又無地方比我瞓，佢要我幾點返屋企呢？唔係我唔想見佢，而係我都要返工架，我都唔會6點鍾叫佢起身同我食早餐啦
我之前搵唔到佢一星期都無話佢，宜家佢搵唔到我一晚就話我係負擔，最初拍拖時都有同佢講過兩個人最緊要個心一樣，你小小野就同我講分手，你想點呀，跟住我就話你鍾意發脾4又好，唔搵又好你自己鍾意啦

其實同佢呢一年我已經比佢講分手好多次，次次都係好拉返佢，經過上次佢突然發脾4之後我真係覺得好攰，當我想修補返我地既關係時，你又小小野同我講分手，我真係唔知之後大家點過。。。。

呻完，多謝大家咁長都睇