吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 今天，一位20多歲血壓膽固醇高學生來睇報告.... ...

自由講場今日: 903|主題: 1359773

收藏本版

發帖

返回列表

跳至頁

查看: 2200 | 回覆: 45

今天，一位20多歲血壓膽固醇高學生來睇報告.... [複製鏈接]

12 3

Lewisli226

洋房

積分: 31

1^#

發表於 14-10-2 11:58 |只看該作者 |正序瀏覽 |打印

今天，一位20多歲學生來睇報告。這名青年有血壓膽固醇高，一直食緊藥都控制不到，加上常在家吃飯，家人習慣餐餐大魚大肉，又多鹽多油，要控制病情更難。今次報告顯示肝、腎功能已受影響，眼底亦顯示有血管病變。

今天他與爸爸和媽媽一起來睇報告。

處理這類未必有明顯病徵的長期病，最重要係令病人了解病情的嚴重及可能有的併發症，要病人用心正視問題，他才會願意接受長期治療。

另外要更改療程，先轉另一隻有機會更有效的藥物（雖然冇可能100%肯定對此病人有足夠效果，始終要食過才知效果），雖然此藥物較貴，也會有一段較長的適應期，當中會有些唔舒服或唔方便，例如小便次數多了，影響睡覺等等。另外還要飲食控制，少鹽少油少肉，更要抽時間多做運動。病人在考慮後想開始新的治療。但問題在同行的爸爸和媽媽身上⋯

由於病人經常在家吃飯，要少肉少鹽少油意味家人也不能大魚大肉，或要特意費時間為病人準備食物分開食⋯

爸爸的反應：「你是甚麼醫生！根本係搞事！明明原來隻藥食得好好地，冇唔舒服又冇副作用，阿仔又冇病徵只係肥少少，你無啦啦又話要轉貴藥，又話有段唔舒服適應期，還是不是100%有效！？你無非都係想收多些藥費罷！你記住，現在要我埋單而唔係我這個還是學生的兒子啊！」

醫生：但係報告顯示已有器官受影響，再拖延療程可能會越來越差，返唔到轉頭，畢竟他還這般年青，還有50年以上生活⋯

媽媽：老實講，你講的報告結果我唔識睇亦唔想睇，反正是我現在見唔到我個仔有任何病徵。而且你都識講可能，可能遲些我個仔啲血壓膽固醇會自己康復呢？還要我們全家一家五口因為佢要少鹽少油少肉？享受方便的生活係我哋屋企人的權利，唔應該因為一個人而改變囉。我明，我都想醫我個仔個病，但唔係用這個方法囉，就用返以前嗰隻藥，唔駛戒口，唔可以咁自私影響屋企人，可能遲些隻舊藥有效呢！還有，我個仔要讀書攞1st honor畢業，根本唔應該浪費時間做運動，佢要讀好書才有前途呀！

望住這對爸媽，醫生很佩服佢哋句句都係大道理，醫生都差些被他們說服。只是醫生心中不禁問：這青年是不是你們的一家人呀？你們是愛自己多於你們的兒子吧？而且，沒有健全的身體，你認為你兒子現在努力攞1st honor畢業又有何用？

（故事未完，待續）

***********************************************************************************

（續）

以上故事未必是很好的譬喻。而事實是，對「佔中」反對的原因，最常聽到的就是：「我認同佢哋爭取的目標，但唔應該用癱瘓交通，影響香港及其他市民這手段囉。」

我見到的現實是：
1）香港現在的問題千瘡百孔，冇錯表面上大家繼續有工返有錢搵，但除非你已離地，否則冇可能唔發現香港很多地方正日益敗壞，「很多器官已有併發症」

2）而實際上，過往嘗試爭取民主的和平談判協商方法完全沒有效果，這「舊藥」冇效果更讓病情惡化。

3）兒子已明白這問題，願意承擔新藥的副作用，接受新的治療（副作用包括罷課、日曬雨淋，食催涙彈，瞓街，被人駡是搞事份子），即使冇人知道這「新藥」是否有效。

4）作為成人，卻因為經濟的影響（要幫佢埋單），或生活短暫性的不便（不能吃好味的食物，或要替仔仔煮多餐）而反對這年輕人，更義正嚴詞說他們太自私為目的影響其他人

5）難道成人真的相信用回舊方法（舊藥）真的能令這千瘡百孔的香港（已影響多個器官的高血壓膽固醇）有改善嗎？

6）難道成人相信，只要讀書叻，即使社會制度如何貪污腐敗（不健全的身邊）仍能出人頭地？

7）還是，萬千義正嚴詞的理由，只不過因為我們成年人愛自己太多，只看重現在經濟的利益和生活的便利，便無視了年輕人他們未來那>50年生活上的民主自由？

對於那些反「佔中」的朋友，我冇可能說服或改變你們，畢竟，義正辭嚴的大道理你們絕對有很多。但假如你們已有兒女，嘗試代入故事中，你還會是故事中的父母嗎？

歸根究底，你「愛」你的下一代，你「愛」我們的香港嗎？還是，你早已有離開香港的準備？

點評

Rhjl 希望多d人明白發表於 14-10-3 20:59

butterfly22 希望有人明白箇中道理發表於 14-10-2 22:03

DEN_DEN 好文章，可惜夏蟲不可發表於 14-10-2 20:58

Lorican

發表於 14-10-2 18:33

kiu1112

發表於 14-10-2 15:49

mrscircle

發表於 14-10-2 13:42

oguh 唔係人人夠智慧理解發表於 14-10-2 13:22

Stone2007

發表於 14-10-2 12:42

Hoba

發表於 14-10-2 12:42

0 1 0

私人傳訊

20091

伯爵府

積分: 18913

46^#

發表於 14-10-3 22:54 |只看該作者

回覆：Lewisli226 的帖子

看完文章，想起前幾日又有篇
狂妄到和國父相比，唔係生病啦！
係狂想症

私人傳訊

Lewisli226

洋房

積分: 31

45^#

發表於 14-10-3 20:57 |只看該作者

你們可以唔同意學生佔領街頭的手段，但今天我眼見藍絲帶人仕以暴力、追打、腳踢，非禮、恐嚇會流血衝突等手段去對待為普選而和平抗爭、日灑雨淋的學生，借故搞事。而警方不但冇制止，甚至故意放生這班藍絲帶，更借故説因有人搞事今晚可能強行清場。這種警黑合作的情況，你如果仍然覺得香港未病入膏肓，那末你就繼續自斯斯人吧！但不要批評一班較你們更勇敢更承擔更勇於對不義抗爭的年輕人！

私人傳訊

珠媽

男爵府

積分: 7177

44^#

發表於 14-10-2 21:42 |只看該作者

isli226 發表於 14-10-2 11:58
今天，一位20多歲學生來睇報告。這名青年有血壓膽固醇高，一直食緊藥都控制不到，加上常在家吃飯，家人習 ...

我對佔中持中立態度，但覺得政府政策上、社會民生、經濟、廉潔上都俾學生感到千瘡百孔，真正感到成年人以往做嘅事(建制派十泛民)，正正令下一代受苦

私人傳訊

SullytheMonster

伯爵府

積分: 18622

43^#

發表於 14-10-2 21:26 |只看該作者

引用：Quote:原帖由 Lewisli226 於 14-10-02 發表

原帖由 ReadOnly 於 14-10-02 發表
呢幾日，好多人打左好多比喻… 好老實，大部份都不倫不類，而且絕大部份都係假設左香港已步向死亡。

我承 ...

啲比喻聽落好有道理，但細心睇其實有太多同香港現時境況唔一樣嘅前設，睇就幾好睇嘅，不過冇乜說服力囉

私人傳訊

bibi0826

大宅

積分: 2105

42^#

發表於 14-10-2 21:17 |只看該作者

私人傳訊

nanaaixi

男爵府

積分: 8220

41^#

發表於 14-10-2 21:12 |只看該作者

根本上係佔中都動搖唔到中央，受影響既永遠都係香港人，大陸政府有咩損失？而且太高估大陸政府既民主意向啦，忘記咗六四嗎？可以用塔克車死示威既大學生既政府會幾有人權？幾有民主。真係唔好傻啦。

做人，5好難为自己

私人傳訊

oooasis

子爵府

積分: 14840

好媽媽勳章陪月勳章

40^#

發表於 14-10-2 21:10 |只看該作者

回覆：今天，一位20多歲血壓膽固醇高學生來睇報告....

你比砒霜我食，話可以醫我d慢性病，
當我傻架！
我支持民主，但你地同民主無半點關係，唔好侮辱呢個詞！
我絕對唔支持你地班假民主偽公義實，獨裁極權的政棍、邪教！

私人傳訊

jasmine0527

翡翠宮

積分: 92886

2018復活節勳章開心吸收勳章我的育兒心得勳章玩具勳章畀面勳章 BK Milk勳章

39^#

發表於 14-10-2 21:05 |只看該作者

回覆：今天，一位20多歲血壓膽固醇高學生來睇報告....

明白！

私人傳訊

alphabetagamma

珊瑚宮

積分: 108855

環保接龍勳章

38^#

發表於 14-10-2 21:02 |只看該作者

回覆：今天，一位20多歲血壓膽固醇高學生來睇報告....

話人唔明果下，真係先要諗下人地啲道理。邊個條道理大點就天知曉了。我唔相信民主的人會質疑別人的想法，反正沒必要迫人認同。

故事係最後改變生活習慣的是少年自己的選擇，條命係佢嘅。

醫藥當中涉及龐大利益。這是盲點。

人邁向新的一天跨新步放眼遠方迎來朝暉將人照亮

私人傳訊

kokobear

翡翠宮

積分: 90210

2025勳章蛇年勳章 2024年龍年勳章熱血金章畀面勳章叻叻勳章有「營」勳章大廚勳章

37^#

發表於 14-10-2 18:41 |只看該作者

回覆：今天，一位20多歲血壓膽固醇高學生來睇報告....

越來越多

The meeting of two personalities is like the contact of two chemical substances: if there is any reaction, both are transformed.

Carl Jung (1875 - 1961)

私人傳訊

ReadOnly

男爵府

積分: 5392

36^#

發表於 14-10-2 18:36 |只看該作者

引用：今天，一位20多歲學生來睇報告。這名青年有

原帖由 Lewisli226 於 14-10-02 發表
今天，一位20多歲學生來睇報告。這名青年有血壓膽固醇高，一直食緊藥都控制不到，加上常在家吃飯，家人習 ...

呢幾日，好多人打左好多比喻… 好老實，大部份都不倫不類，而且絕大部份都係假設左香港已步向死亡。

我承認香港係變左，但世界上每吋地方都變緊，未來係點無人知，響而家社會未有共識嘅情況下你走出黎攪完犯法佔中，最後個結果唔一定係向好嘅方向，所以大部份人唔願意俾你地去賭。

點評

ungoobee 因為被毒果洗腦發表於 14-10-2 19:00

差~

私人傳訊

KamMui

伯爵府

積分: 15459

35^#

發表於 14-10-2 17:38 |只看該作者

回覆：今天，一位20多歲血壓膽固醇高學生來睇報告....

隻藥係食好左高膽固醇，不過隻藥副作用係食左會腦中風。咁你都要病人食？

點評

ungoobee

發表於 14-10-2 18:02

私人傳訊

dawnhu

珍珠宮

積分: 32350

34^#

發表於 14-10-2 17:35 |只看該作者

引用：當好有心機睇完原來又係比喻佔中

原帖由柔伊於 14-10-02 發表
當好有心機睇完
原來又係比喻佔中

係啦！仲以为係真case添。明明放假，点解会有人去睇報告呢？

睇睇下唔对路，又係比喻，早講丫!

私人傳訊

homommy

禁止發言

積分: 23847

33^#

發表於 14-10-2 17:30 |只看該作者

提示: 作者被禁止或刪除內容自動屏蔽

私人傳訊

mohatman

男爵府

積分: 7671

開心吸收勳章認識瑞士牛牛第一回畀面勳章 hashtag影視迷勳章

32^#

發表於 14-10-2 17:17 |只看該作者

，

私人傳訊

crazy_for_1028

大宅

積分: 4004

31^#

發表於 14-10-2 16:59 |只看該作者

過往嘗試爭取民主的和平談判協商方法完全沒有效果。
=》係咪就要用損人不利港的行為表現不滿？

兒子已明白這問題，願意承擔新藥的副作用。
=》兒子係7百萬的市民，不只是佔中人仕呀，兒子從未同意過承擔新藥，請也不要騎劫我地市民的意願！

反對這年輕人，更義正嚴詞說他們太自私為目的影響其他人。
=》他們不但自私，更破壞香港多年的繁華穩定的image, 不只短期上有經濟上的損失，長期重要7百萬人一齊埋單，你話咩道理？
我呢一代努力左十幾年，貢獻左好多心血，build up 到香港依家咁好的環境，依家俾一群人破壞，我地又點會支持呢

難道成人真的相信用回舊方法（舊藥）真的能令這千瘡百孔的香港（已影響多個器官的高血壓膽固醇）有改善嗎？
=》冇錯，香港回歸後的確出現一點波動（政治上、經濟上），但相信每個well developed 的國家、城市也有類似的問題。但請現實一點看香港，此地沒有天然資源，沒有軍隊，沒有國力，我地有太多要依賴阿爺。直說一點，香港根本沒有baragin power!