依度同出面無分別，已經失晒控。
本來集會嘅意義已經失去，變成互相仇視好多已為人母人夫會員說話惡毒（雙方都一樣）真係好恐怖。支持佔中人士不停攻擊政府警察，反佔中人士又不停攻擊集會人士，甚至有人比人打非禮都有人覺得抵死
大家冷靜落來，放低成見啦。頭先食飯見隔離兩母女為左今日旺角件事鬧到面紅耳赤，為咩呢？
我真係唔支持佔中，但更加唔贊成反佔中人士嘅暴力行為。唔支持佔中原因其一係因為唔合法。如果覺得一定要透過犯法途徑先可以表達訴求，咁同爛仔有咩分別呢？明明個出發點係好，但方法用錯左，就變得令人反感了。唔該望下頭先新聞片段，廣東道d垃圾廢物無人清理過，食環阿嬸要OT清理吖。你地有無可憐下人地幾十歲落緊雨仲要開工？
旺角真係好亂，真係唔明點解要去旺角集會呢？你地邊夠個班黑社會打吖，個個惡型惡相咖～頭先被打被非禮嘅同學一定要報警，讓法律制裁個班人，唔好比佢地以為可以趁火打劫。發起人已經呼籲各位集會人士返過金鐘啦，快d離開啦，留低一d都唔型咖，出左事無人會可憐你，只有自己吃虧。
至於某d人不停鬧政府警察，話黑社會收政府錢搞事，我真係好想知有咩理據。靠估？如果咁，我都可以話係泛民班人見集會人數越來越少，專登比錢搵人搞事，激起民憤等d人再次出來。陰謀一定有，但係邊一面都未知。希望大家唔好再鬧警察，無錯佢地有d處理手法係做得唔好，但人誰無過呢？希望大家比多次機會警務人員。
我唔支持佔中另一個原因係對香港政府，對中央仲有信心。2017普選方案雖然未夠完美，但唔代表咁我地就失去民主自由吖。我地依然可以暢所欲言，做自己想做嘅事。你話以後無機會，who knows？我見到嘅係中國政府不停變，不停進步改善。大家都係同一祖宗，中央唔會比香港死嘅。唔好忘記，香港澳門回歸左，但台灣仲未咖。中國政府一路都想利用香港澳門as a role model 等台灣回歸。香港衰左收返台灣就凍過水。
生為中國人係命運，無得揀。中國係共產國亦係歷史遺留落來，無得改。成日話政府食言，不如參考返中英聯合聲明。究竟係中國政府違反條約，定有人得一想二，得寸進尺？有夢想係非常好，我好敬佩偉大夢想家。但一個不切實際，幾乎無可能實現嘅夢想如果繼續落去，就會比人話不思進取，淨係識係度發白日夢了。
最後，都要強烈譴責沖擊政府總部、霸佔道路及旺角班有背景人士嘅暴力行為。
真心希望件事儘快平息，bk依度都儘快回復正常，理性討論無問題，但唔好再對罵，人生攻擊啦。大家都好攰啦
我都同意你部分講法。有人民先有政府，政府係為人民服務，人民有權選擇自己政府，我明。中國政府亦唔係傻。但你要了解中國國情。中國人根本未成氣候。香港人係睇香港，中央政府係睇全國。比得你地，大陸點？新疆，台灣點？一路以來建立嘅友邦國例如俄羅斯點？而且中國唔係一個得幾千萬人嘅豆腐潤小國吖，係有13億人嘅大國吖。中國宜家都已經內憂外患，at this moment去爭取一定無機會。年輕人不如先努力裝備自己，時機成熟再出擊勝算會大d。
好多已為人母人夫會員說話惡毒（雙方都一樣）真係好恐怖。支持佔中人士不停攻擊政府警察，反佔中人士又不停攻擊集會人士，甚至有人比人打非禮都有人覺得抵死
發表於 
返回列表
