婆媳關係 今日: 1 | 主題: 27778

積分: 11426

睛靈勳章畀面勳章 BK Milk勳章

1^#

發表於 08-2-25 01:02 |只看該作者 |正序瀏覽 |打印

話說我宜家已經有咗6個月.咁之前我已經同我媽咪講話我會留喺外家坐月,呢件事我同我老公商量好.但一直冇同我99講.
點知禽日我99問我...
99:『你坐月都應該留喺呢度架啦!』(佢係要返工,坐月時屋企只會得我同bb)
我:『唔係!我應該會過我亞媽度!』99即時打過突
99:『你亞媽唔煮飯喎!』(我之前講過我亞媽唔煮飯,但坐月就緊會煮)
我:『我媽咪話會煮!』
99:『咁你鐘意啦!!但係我一早已經叫定個朋友喺你坐月時會煮飯比你食過咯喎!』
我:『99,都係一個月之嘛!你朋友拎飯比我食,但我無理由叫你個朋友坐喺屋企睇住我,幚我手,我喺媽咪度我行開埋佢可以幚我睇住bb,我又可以休養吓!我又唔可以掂生水!有個人喺身邊陪我會好好多』
99:『咁你鐘意啦!.....但其實我哋每朝留定一盤熟水等你用咁得唔得呢??』(我聽到呢度已經覺得佢好冇人性,佢自己又唔係請假陪我坐月,家吓唔洗佢煩!)
我:『咁我喺媽咪度,媽咪可以幚bb沖涼!都係一個月之嘛!99』
99:『咁你鐘意啦!!...但其實你可以叫你媽咪上嚟呢度幚亞b沖!』(冇搞撚錯呀佢!當我亞媽係工人跑腿定係咩??係咪人嚟架!咁我直接過亞媽度未得咯!)
我:『唔好喇!我屋企環境好過呢度!(我係好忟架喇!)』
99:『咁你鐘意啦!!....但係咁D薑醋點呀..』
我:『埋去我亞媽度!』
99:『咁你鐘意啦!!不過你叫D老人家(即係話我亞媽!)唔好成日抱BB,會縱壞佢架!』
我:『我知架喇!!話時話99你煲成37斤薑醋都係志在派啫!你知我兩斤都未必食倒架啦!!』
99:『咁又係..』

~完~
我禽早同佢傾嘅!佢除咗人渣之外我諗唔倒可以講咩!!佢葬顧我死活健康,又剝削我嘅利益,用盡說話挑難我,話之我將來風濕又好咩都好!擺底盤熟水就諗住算!到最後獨霸唔倒亞b.就好警告叫我亞媽唔好縱壞bb(等佢縱).我唔係佢個女佢可以咁樣樣!佢有冇搞錯!洗唔洗做到咁.我宜家諗住同我亞媽講!叫我亞媽同佢講!
我同佢誓不兩立.

[ 本文章最後由蜜棗於 08-2-25 01:11 編輯 ]

0 0 0

爆愛車縫作

私人傳訊

E@V

積分: 1312

27^#

發表於 08-2-27 00:08 |只看該作者

超! 我阿媽煮唔煮飯關你x 事呀!:;pppp:

原文章由蜜棗於 08-2-26 23:12 發表
我好記得我上年年中小產,得我亞媽整補品比我食,佢就係咁頼有見解咁:你知唔知你唔可以洗頭?你落樓下睇中醫調理吓身體!
就係咁多,所以佢話我亞媽唔煮飯基本上佢係想踩我亞媽,佢每見一個親戚都會好得戚咁話:『佢亞媽唔 ...

私人傳訊

Onlok

翡翠宮

積分: 76140

熱血勳章好媽媽勳章 hashtag影視迷勳章

26^#

發表於 08-2-26 23:50 |只看該作者

原文章由 E@V 於 08-2-25 11:19 發表
其實你99 又唔係太差啫..佢自己唔得閒幫你, 都唸好叫朋友幫你喇

really agree

私人傳訊

積分: 11426

睛靈勳章畀面勳章 BK Milk勳章

25^#

發表於 08-2-26 23:12 |只看該作者

回覆 #1 E@V 的文章

我好記得我上年年中小產,得我亞媽整補品比我食,佢就係咁頼有見解咁:你知唔知你唔可以洗頭?你落樓下睇中醫調理吓身體!
就係咁多,所以佢話我亞媽唔煮飯基本上佢係想踩我亞媽,佢每見一個親戚都會好得戚咁話:『佢亞媽唔煮飯!』聽到我都發哂火.講真佢洗唔洗見人就講.

爆愛車縫作

私人傳訊

E@V

積分: 1312

24^#

發表於 08-2-26 23:03 |只看該作者

我都明白樓主咁唸唔係因為單單呢件事!
你個99 一定係成日做埋d 衰野, 先會知佢真正唸乜!

不過好彩你媽咪肯照顧你, 唔駛你粗勞!
所以你都唔好理你99講乜, 專心養胎, 之後返屋企做個寶貝女!

99? 到時睇下你坐月, 佢會唔會煲下野俾你之類, 你未知佢係未老作囉! 如果佢唔理你, 你仲大條道理唔駛show佢！　正！

原文章由蜜棗於 08-2-26 21:20 發表
呢幾日心情好返D.亦都冇再考究99嘅說話咩用意.縱使佢出發點唔係想害我,但我都會覺得佢咁諗唔好.
首先我好明白,有好多媽咪都好堅強,佢哋真係生完BB之後一腳踢,自己搞掂.我亦好尊重呢D媽咪.不過的確事面有D人做陪月員, ...

私人傳訊

積分: 11426

睛靈勳章畀面勳章 BK Milk勳章

23^#

發表於 08-2-26 21:20 |只看該作者

呢幾日心情好返D.亦都冇再考究99嘅說話咩用意.縱使佢出發點唔係想害我,但我都會覺得佢咁諗唔好.
首先我好明白,有好多媽咪都好堅強,佢哋真係生完BB之後一腳踢,自己搞掂.我亦好尊重呢D媽咪.不過的確事面有D人做陪月員,咁其實無可否認,坐月如果真係有個人陪住會好D.如果自己自身復元得快.不論對BB和對自己都係好事,咁樣會更加有精力去對BB.你哋就咁睇,可能會覺得『你99都唔錯!』一直其實我同99都好多問題(如果你哋有時間可以睇吓我嘅之前寫過嘅嘢!)就會知一直以嚟我同我99係點,我99點樣話我亞媽.我99係一直只係當我係人哋個女,你可能話佢煲薑醋比我食.真心講如果你做我,就真心會明白佢出發點係志在派,我有咗三個月時比佢知道咗我有咗,佢話:『你咁樣會加重我個仔負擔,點解你唔避孕!』OK!我唔避孕,因為佢話避孕係女人嘅責任,(佢個仔冇做錯)但其實我只係想同佢分享我哋兩個(我同佢個仔)嘅喜悅.我由始至終冇要求佢幚我一樣嘢包括埋煲薑醋.因為我冇諗過派.我亦未食過,我媽咪講明會補品比我食.
所以我今次寫呢番話係因為日積月累,所以先出嚟呻一下.
問心講如果佢只係擔心我冇飯食,基本上講到第三句你鐘意啦已經可以唔洗再講落去,佢只係想個霸住個孫.BB多人錫冇所謂,但我先係BB嘅媽咪.所以我只能聯想倒佢自私.我下個星期就會同佢講我陀女,又睇吓佢有咩反應.
呢幾日好返好多.多謝大家.同埋我覺得有D人唔太清楚就唔好話人有問題囉!或許真係有好多人好膚淺.其實啱啱上呢個網嘅人,可以睇倒其他人一直以嚟發表過嘅事.有D新抱陀女嘅個99要求佢落咗佢架!咁唔通呢D 99都好咩!

爆愛車縫作

私人傳訊

beckytamhk

別墅

積分: 870

22^#

發表於 08-2-26 16:40 |只看該作者

梗係去自己亞媽度坐月好喇, 自己亞媽, 有咩事都真係真心幫你丫嘛
我就唔係同奶奶一齊住既, 但係個時就黎生既時候, 99 就想我係佢度坐月呀!! 我心諗, 唔係嘛, 有自己亞媽唔一齊,做咩要去你度?? 你係我邊個呀??
最後知道我既決定係岩哂!!! 因為呀, 係生完亞 b 出院既第一日黎我屋企探我, 佢就淨係識係我屋企講呢樣講個樣, 我個時個傷口仲痛架喇, 同埋一生完初頭個幾日好緊要, 唔 touch 得生水, 佢呀, 仲叫我去洗奶樽比 bb, 頂, 我心諗, 你有冇病呀?? 叫我做 d 咁既野?? 我岩岩生完乍!!! 叫我去 touch 生水?? 之後我咪叫 c6 做囉, 佢呀, 見到我點佢個仔做野, 就話: 唉... 有咩所謂丫, 我個時生完都係咁洗衫呀, 整野架喇, 而家 d 人先咁巴閉, 又話生完唔做得呢樣個樣之嘛, 亞 xx(講佢自己個女, 即係 c6 個家姐) 生完又唔係自己做.
我聽完, 個心就 chur! 第一, 我 mummy 錫我呀, 咩都唔駛我做, 又整保野比我食, 咩水都唔駛我 touch, only 煲薑水比我架乍用架喇, 你?? 就要我去 touch 生水去洗奶樽, 你都有病既!! 第二, 你唔幫你個女做呢 d野啫，唔代表我 mummy 都係咁, 我 mummy 當我係佢個寶貝女黎既, 唔同你啫!! chur!!
所以呀, 樓主, 我就覺得你唔駛聽你 99 講野, 梗係要去你自己亞媽度坐月喇!

原文章由蜜棗於 08-2-25 01:02 發表
話說我宜家已經有咗6個月.咁之前我已經同我媽咪講話我會留喺外家坐月,呢件事我同我老公商量好.但一直冇同我99講.
點知禽日我99問我...
99:『你坐月都應該留喺呢度架啦!』(佢係要返工,坐月時屋企只會得我同bb)
我:『 ...

私人傳訊

Siuchoi

珍珠宮

積分: 32052

21^#

發表於 08-2-26 14:03 |只看該作者

樓主~ 你99好得意~ 成日講:[咁你鐘意啦!], 既然講得出[你鐘意啦], 點解又咁多意見既~~ 佢要返工, 又陪唔到你坐月, 返呀媽度坐月有咩出奇?! 最緊要係自己身体健康~ 理得其它閒人點講!

私人傳訊

A.C.C.

積分: 3786

20^#

發表於 08-2-26 13:09 |只看該作者

樓主放鬆心情啦，唔想聽你奶奶講野，就"哦哦哦....."求其應咗佢得啦，有事推你老公身上，叫佢同奶奶傾(老公就係咁用嘅，因為佢又唔識大肚:;pppp: )。

私人傳訊

karlyung

民房

積分: 8

19^#

發表於 08-2-26 12:20 |只看該作者

樓主唸多左啦... .咁就同人地"誓不兩立"，好有問題......

私人傳訊

JFL

伯爵府

積分: 17189

18^#

發表於 08-2-26 08:43 |只看該作者

唔好喊,可能你而家大緊肚,心理同身理都有Ｄ唔平行,所以唔鐘意既人講乜都唔啱聽,唔好理佢講乜,最緊要心境開朗,等做個開開心心的媽咪!

私人傳訊

E@V

積分: 1312

17^#

發表於 08-2-26 02:18 |只看該作者

exactly!
我個99 又係咁! 問都無問..驚死我地會要佢出錢出力!
好憎佢!

原文章由 吱仔與lo仔 於 08-2-25 17:40 發表

係呀樓主, 你個件9都叫做主動幫你咁吖, 我個件9呀, 要佢幫吓手好似要佢去死咁!!仲要成日慌死我哋屈佢出錢或要佢免費用工人咁!! :;pppp: 同我哋計得清清楚楚驚死蝕底比我哋!!!!!!!! 我同我老公都唔做唔出要佢哋蝕啦 ...

私人傳訊

吱仔與lo仔

珍珠宮

積分: 42723

好媽媽勳章

16^#

發表於 08-2-25 17:40 |只看該作者

原文章由 E@V 於 08-2-25 11:19 發表
其實你99 又唔係太差啫..佢自己唔得閒幫你, 都唸好叫朋友幫你喇

你見到我99, 就知點樣先係賤..

係呀樓主, 你個件9都叫做主動幫你咁吖, 我個件9呀, 講明唔會幫手, 要佢幫吓手好似要佢去死咁!!仲要成日慌死我哋屈佢出錢或要佢做免費工人咁!! :;pppp: 同我哋計得清清楚楚驚死蝕底比我哋!!!!!!!! 我同我老公都做唔出要佢哋蝕底或辛苦嘅事啦!!!相反佢個細仔做咗咁多年菠蘿雞, 佢又唔出聲!!!:;pppp:

[ 本文章最後由吱仔與lo仔於 08-2-26 10:22 編輯 ]

私人傳訊

晞玥

珍珠宮

積分: 34110

hashtag影視迷勳章好媽媽勳章畀面勳章 BK Milk勳章

15^#

發表於 08-2-25 15:52 |只看該作者

蜜棗,

真係唔好太care 99既說話,特別係你而家陀緊bb,盞自己蝕抵!
你而家可以做既就只有盡量<算數> & <忍>!
你俾佢激到自己咁嬲咁忟,佢都唔會少忽肉!
而家忍下佢先啦~遲d bb出左世之後你仲有排同佢玩呀~

私人傳訊

積分: 11426

睛靈勳章畀面勳章 BK Milk勳章

14^#

發表於 08-2-25 14:48 |只看該作者

多謝大家回應
其實宜家講咩都冇用.因為我老公都係叫我算數.我唯有算數,況且都冇咩法子.昨晚同老公講到我喊.但我都知大家冇咩可以做,之後我自己同自己講要硬淨D做人媽咪後唔可以成日喊.但今朝醒咗我都係忍住想喊.
所以我諗自己太在意99嘅說話.所以決定唔再考究佢嘅說話.

爆愛車縫作

私人傳訊

fengfeng

積分: 4650

13^#

發表於 08-2-25 14:44 |只看該作者

唔 ... 其實純粹睇你打出來呢段對話，我又覺得冇咩野 ... 你 99 都提出左唔同o既方法 (可能佢唔知道唔 work) 都唔算係特登留難你o既

始終兩個唔同年代o既人，可能言語上真係有o的問題，不過我相信佢應該係為你著想的。唔好諗太多啦 ~ 祝你和 bb 健康愉快！

私人傳訊

Irismammy

別墅

積分: 697

12^#

發表於 08-2-25 14:41 |只看該作者

算啦！樓主，放開心情吧！
其實有好多人比你更唔開心！

私人傳訊

maggiechow

積分: 2616

11^#

發表於 08-2-25 14:35 |只看該作者

agree!!!

我隻9直頭當無事發生，生咗先焗壺紅棗水去醫院，但我敏感唔飲得，佢仲話：我有煲嘢你飲架！你個唔知咩人，咩都話唔食。

原文章由 yucopooh 於 08-2-25 14:20 發表
你99都唔算差咖啦~
好過我果個,佢好似唔覺我大肚就黎生甘.
薑醋都要我媽咪煲,我99話等我生左先~
仲一早講定我生完佢唔得閒幫我揍bb咖啦,話要返工,但佢一路都無做野~
所以樓主,唔好唔開心~
忍~~~~~~~~~~~~ ...

唔

仔仔06-12-2003出世

私人傳訊

SK77

積分: 3119

10^#

發表於 08-2-25 14:32 |只看該作者

我99都係啦, 佢好好比我返外家住, 仲住3個月tim, 其實o米因為佢唔想陪我坐月, 你估要照顧個大又要幫手湊個細唔累咩, 佢都唔想"那"屎上身啦.

果幾個月都係我阿媽煮比我食同請人湊bb, 一路都冇打下電話o黎問候下又或者問下有咩要幫手, 6299知我外家請人湊bb佢都冇話佢o地負責比果份錢or 買補品比我食.

所以你99都有搵人幫你手都算係咁, 好過咩都唔問唔理, 不過我明白當大住個肚時都會咩都唔順眼, 由其係對住個99 o既時候.

私人傳訊

bpwwp