婆媳關係 今日: 0 | 主題: 27766

積分: 63

1^#

發表於 08-2-28 17:41 |只看該作者 |正序瀏覽 |打印

個故事好長篇, 我只係想發洩下, 因為我真係頂佢地唔順喇….

講d背景先啦, 話說06年尾我地有咗先結婚嘅, 咁當時結婚d支出全部都係老公自己開口問62借. 之後99都有叫老公還錢, 但還嘅錢無比番62而係99 keep住, 因為99懷疑62有外遇, 所以經常出盡辦法想柞乾62 d錢…而 62知我地要養BB未有能力還住, 一直都無要求我地還錢, 仲經常問我地夠唔夠錢用, 提我地慳D洗, 我地睇/聽得出係出自內心, 係關心我地兩公婆.

結婚之後我地好好彩, 有朋友友情價咁租個單位比我地, 仲同6299只係隔離幢樓, 但個朋友一早講過隨時都會收番個單位, 所以我地一直都有睇樓, 大緊肚時都keep住有睇, 所有近99 or外母嘅地區都睇過, 不過一直都睇唔啱. BB出世後, 係婆婆幫我地揍的, 我地每日都會去探BB, 婆婆住大埔99住青衣, 我地兩公婆仲要响中環/灣仔返工, 每日咁一來一回, 時間長&車費貴, 所以我地決定買近外母嘅樓, 樓價平d 兼可以慳d車費. 其實當時我地已經有幾個目標架喇, 全部under 130萬, 有五六百呎, 樓齡係舊d 十幾年啦, 但勝在乎合曬我地要求.

上年12月, 個朋友媽咪通知我地, 9月會返hk 長住要收番間屋. 但就係咁邪, 個市竟然開始升, 我地真係怕升到年中(奧運效應嘛), 到時我地買又唔夠首期, 租就要捱貴租, 所以我地加緊睇樓, 希望可以在有限之budget內買到.

待續~~~~~~

0 0 0

私人傳訊

vespa

積分: 10412

34^#

發表於 08-3-4 12:11 |只看該作者

真係越睇越慶....

一屋後生都剩係識喉住兩隻老野D錢, 真係前世欠落咩? 無錢買樓咪租囉, 幾多香港人租緊樓, 鬼唔知租樓等如同人供樓, 邊個叫自己無本事攞唔出首期, 比D心機挨下挨下儲返個錢, 到時用自己錢買樓, 講出黎都韾香D啦.

父母D錢留返比佢地養老, 後生有賺錢能力, 老野係無架, 做人唔可以咁自私至得....仲可以寫到咁長篇出黎....真係唔識講.....

私人傳訊

積分: 63

33^#

發表於 08-3-4 09:43 |只看該作者

小姐...其實係有無睇清楚來龍去脈呢...

1. 係我地係有問62借錢結婚, 我地亦有還錢, 已經還咗1/3, 不過D錢比99 扣押唔係直接到62 個袋...

2. BB係婆婆揍的, 99 一知我有咗已經表明唔會幫我地揍, 因佢兩個仔唔係自己揍大(老公婆婆揍的), 而且佢鍾意返工去街, 揍BB 好困身唔啱佢...我話99嘅係佢星期日見親阿B都係咁要BB食酒樓D點心, 甚至餵酒樓D水比BB...

3. 買樓方面, 我地自己有儲到5%首期&律師雜費, 我地一向打算做95%按揭, 但大訂要10%, 所以先要屋企人幫手週轉, 按揭一出就會比番佢地...

4. 我怪嘅係大伯&未來大嫂明知62 D 錢比股票壓死咗都唔理...自己有錢淨但都唔用...係要62借比佢...仲要提都唔提下D錢點還, 仲要唔該/多謝都無句...

仲有, 買樓對我同老公係畢生投資, 雖然我地仲好後生, 但始終有個BB要顧慮, 早兩三個月個樓市都未升得咁犀利, 我地又負擔得起當然首選買樓架啦…好似而家出第三期重售居屋, 我地又過咗限額…咩叫馬死落地行姐…我地而家係被迫捱貴租呀…同樣嘅支出但係係幫人供樓喎…我地一心以為尊重老人家比佢地過下目啫…結果就比人攪亂當…比係你都唔甘心啦, 屋企人一味淨係諗自己, 又話我地有居屋都唔抽, 樣樣嘢表面就好似為我地著想, 實則係唔想人發達…咁係咩兄弟呢…

原文章由 momama 於 08-3-4 09:20 發表

樓主剩係怪其它人, 唔諗點样計劃, 問人借錢結婚生仔買樓但冇計劃還錢, 生咗要人湊又怪人唔識凑, 我都唔想再睇落去囉:;pppp:

私人傳訊

momama

積分: 1720

32^#

發表於 08-3-4 09:20 |只看該作者

原文章由 gucci_ha 於 08-2-29 18:47 發表
睇晒之後都唔係太明白樓主想講d咩,,

做父母既正常黎計養大成人就ok架la
又要借錢俾你地結婚又要借錢俾你地買樓借俾你地係人情唔借俾你地係道理

冇錢既話大不了咪唔擺酒 only註冊
就算如果係借人錢既話熔埋金 ...

樓主剩係怪其它人, 唔諗點样計劃, 問人借錢結婚生仔買樓但冇計劃還錢, 生咗要人湊又怪人唔識凑, 我都唔想再睇落去囉:;pppp:

私人傳訊

積分: 63

31^#

發表於 08-3-3 11:07 |只看該作者

係6299借係人情唔借係道理, 但唔該呢句留番同大伯&未來大嫂講啦…計住計住嘅係佢地兩個…當日結婚要搞大要擺酒係老人家嘅意思…ok 無問題…我地無未問62借住先囉…我地有借有還架喎…雖然未還曬但我地都有同62講過點還吖…禮金個d 99一早收曬啦…但係無扣番我地借咗62嘅…是但啦…我地而家會問邊個借就還番比邊個囉…我地無諗住走62數…再者,我地自己有5%首期&律師費etc., 但大訂要10%,我地今次借錢買樓都係週轉下啫, 等按揭出咗就會還番架啦…

買唔買樓的確係唔再重要…最重要係我同老公都睇清楚未來大嫂嘅為人…我地係唔抵得佢地…佢地可以係咁同我地講而家買樓唔抵…話我地個度唔值錢…好喇轉個頭就自己買樓…仲响阿婆阿姨6299面前係咁講佢地買樓買得幾合時…未收樓都已經賺緊…你話呢d係咩道理…我同老公買樓係自用架…半點投資炒買心態都無…但佢地呢…呢d係未’只准州官放火, 不准百姓點燈’呢…佢地兩個而家樓都收埋喇, 都無同62講句唔該, 亦無提過d錢會點還(直接還比阿叔定還比62)…係佢地兩個認為62借錢係天經地義, 仲要係62當日借幾多比我地結婚就要借番幾多比佢地…咁你話呢d係咩心態…

原文章由 KATRINE 於 08-3-1 11:49 發表

根本樓主只不過恨你99唔借錢俾你哋.你同你C6及C6哥都唔低幫, 一個問老豆借, 一個問媽借
2個人咁大, 結婚生囝之無唸過後果一切係自己要承擔家咩? ?
你唔好以為有錢爸媽係應份借俾你哋, 唔借又係佢哋不念親情:censur ...

私人傳訊

gucci_ha

積分: 10098

好媽媽勳章醒目開學勳章

30^#

發表於 08-3-2 18:23 |只看該作者

原文章由 KATRINE 於 08-3-1 11:49 發表

根本樓主只不過恨你99唔借錢俾你哋.你同你C6及C6哥都唔低幫, 一個問老豆借, 一個問媽借
2個人咁大, 結婚生囝之無唸過後果一切係自己要承擔家咩? ?
你唔好以為有錢爸媽係應份借俾你哋, 唔借又係佢哋不念親情:censur ...

私人傳訊

KATRINE

積分: 11902

29^#

發表於 08-3-1 11:49 |只看該作者

原文章由 gucci_ha 於 08-2-29 18:47 發表
睇晒之後都唔係太明白樓主想講d咩,,

做父母既正常黎計養大成人就ok架la
又要借錢俾你地結婚又要借錢俾你地買樓借俾你地係人情唔借俾你地係道理

冇錢既話大不了咪唔擺酒 only註冊
就算如果係借人錢既話熔埋金 ...

根本樓主只不過恨你99唔借錢俾你哋.你同你C6及C6哥都唔低幫, 一個問老豆借, 一個問媽借
2個人咁大, 結婚生囝之無唸過後果一切係自己要承擔家咩? ?
你唔好以為有錢爸媽係應份借俾你哋, 唔借又係佢哋不念親情

你係度盤算你99有幾多幾多,呢喲係佢的錢,你62走咗呢喲就係佢的棺材本, 你62有女人都係佢自己攞來衰,俾着你,你都會唸點控制老公的錢唔好再貼出面女人, 咁唔係正常咩 ?

私人傳訊

wawamama

積分: 2807

28^#

發表於 08-2-29 20:12 |只看該作者

我估樓主係唔抵得...都係人之常情...因為我既大伯又係果種...重要得了便宜還賣乖...唉...唔講嘞。

laughin' to keep from cryin'

私人傳訊

gucci_ha

積分: 10098

好媽媽勳章醒目開學勳章

27^#

發表於 08-2-29 18:47 |只看該作者

睇晒之後都唔係太明白樓主想講d咩,,

做父母既正常黎計養大成人就ok架la
又要借錢俾你地結婚又要借錢俾你地買樓借俾你地係人情唔借俾你地係道理

冇錢既話大不了咪唔擺酒 only註冊
就算如果係借人錢既話熔埋金收埋禮 1定唔會蝕架個時你地應該全數俾番你62 咪唔洗咁煩囉,,

至於買樓,,買唔起咪租租唔起咪同6299住囉
佢地冇地方俾你住就算300尺都要住架la,,

馬屎落地行ma,,bb係你地自己決定要生
點解為左個bb 要人地幫你地咁多呢,,

私人傳訊

均均媽

積分: 2249

好媽媽勳章

26^#

發表於 08-2-29 18:36 |只看該作者

你個大伯係咪聽晒佢未來老婆支笛架:;pppp:
佢未嫁入黎就同你大伯晌度搞風搞雨

嫁左入黎仲得了既...!你6299又咁易聽人唆擺,你62太心軟喇

而你地既情況...梗係住返大埔啦...好好地同佢地再分析下,如果佢地體諒你地兩公婆都唔會逼你地,咁頻林唔只你地辛苦,細路都辛苦啦

私人傳訊

積分: 63

25^#

發表於 08-2-29 17:26 |只看該作者

99 篇~~~

99...你同62 d恩怨點解要拉埋d子孫落水呢…如果你只係想唔比62抱而爭嚟抱, 咁又何必呢! 你知唔知點解你同BB玩親都唔笑呀, BB係靠感觀去了解他人嘅喜怒架, BB知道邊個係真心鍚佢同佢玩, BB感覺都你鍾唔鍾意佢架.

我個女係BB 嚟架咋, 牙都未出, 你唔好講到我同老公淨係比奶佢飲至得架, BB仲有食糊仔, 粥仔, 生果蓉, 面包&餅仔架. 飲茶就緊係無佢分啦, 又油又味精又唔知乾唔乾淨, 食完阿B 唔舒服肚痾咁點, BB已經成日比你話 un架啦, 如果痾一痾仲 un呀. 咁又係BB又唔係你揍, 你淨係星期六日同佢玩下之麻, 病咗唔舒服又唔會影響到你嘅, 辛苦個個都係 BB同婆婆之麻…

仲有, 拜托…唔該…你唔好成日一路抱住BB就一路大大聲咁講嘢吖…BB d感觀細胞好敏感架, 比我地大人敏感好多倍架…你咁樣會傷害到BB架…

私人傳訊

積分: 63

24^#

發表於 08-2-29 17:22 |只看該作者

延續篇…

大伯筆律師雜費, 最後係62要厚住面皮問自己細佬借足錢比佢地…本身我地都唔知, 但因為62有外遇單嘢一早比 99揚開曬, 無論係 99外家定 62 d親戚全部都知, 阿叔驚62唔知借錢係未真係借比大伯, 所以打比99問咁就比我地知道咗喇...

唉…你地攪到個老人家四圍幫你地撲錢…你地安樂啦…你地就好啦...屋就你地名...錢債就老豆揹上身...你地都過意得去嘅...你地明知d 錢係62借返嚟嘅, 點解可以收得落...

私人傳訊

Melody_Che

積分: 4192

23^#

發表於 08-2-29 16:53 |只看該作者

我都係2006年結婚, 但6299都算好人, 有比錢我地!! 但老公d兄弟, 我諗同你屋企既差唔多, 又係向錢看!!

既然你作左決定, 甘唔需要再理其他人講咩!! 你講得好岩, 有左bb, 想放假自己湊, 都唔可以無地方比佢玩啦!! 而且bb逐漸長大, 佢d野慢慢多啦!! 希望你地快d搵到安樂窩啦!!

私人傳訊

積分: 63

22^#

發表於 08-2-29 16:33 |只看該作者

99份人...無計...佢响一個母系家族長大...1兄6姊妹...你話啦...成屋都係女人...再加上佢地幾姊妹都係生女多...我老公有十幾位表姊妹, 表兄弟得四五個. 次次做節食飯, 少極都有3圍, 如果阿婆生日齊人的話, 而家5圍都"忟"呀...總之同親佢地食完飯, 都以為自己睇完演唱會咁, 會耳鳴......而且, 99個邊食飯, 我見d姨丈們極少說話, 有時佢地直情會唔出席添, 可想而知佢地有幾大威力...

62個邊老公會識做架喇, 比99or個女人知都唔得掟, 大伯佢地知嘅話未叫佢地供埋一份囉...哈哈...借錢唔使還咩...

我見62呢排個樣都好唔安樂...衰d講句...佢而家真係"人又老, 錢又無"...我同老公唔可以明刀明槍咁幫/安慰62, 得罪99等同攞嘢插自己大脾...佢嘅"朗麗"唔係人咁品...上星期老公問99攞番d 錢之後, 未到星期三99外家已經知道曬, 早幾日同佢地食飯, 阿婆仲係咁單打老公, 話受唔起佢d 錢, 話d 人多個錢就巴巴閉閉 etc. ....

而家做到嘅係幫62儲番d架咋...佢退咗休, 我地都無可能比多好多佢(除非中咗六合彩啦)...

原文章由 Melody_Che 於 08-2-29 15:14 發表
你地都好錫你62, 其實你62有第2個, 又唔係單方面既!! 聽你甘講, 你99為人都好自私....

甘你住屋點呀?? 仲可唔可以買樓呀?? 如果你地開戶口比62, 最好唔比其他人知, 唔係渣都無呀 ...

私人傳訊

積分: 63

21^#

發表於 08-2-29 16:06 |只看該作者

我地就係想自己可以跟番bb d 嘢, 我地都怕婆婆跟唔到咁多嘢, 因為我細佬讀緊小學咋, 而且呢d 本身就應該係我地為人父母自己做嘅, 婆婆已經幫手睇咗成日, 夜晚跟番係應該嘅...我地都想比多d時間女女, 所以無論點都好, 我地都會簡大埔, 就算到時都係訓得少都無所謂, 只要d時間係用响女女身上就得喇...

至於住方面, 我地暫時唔會買樓, 會租住先. 如果得我地兩公婆, 走去住套房都得啦, 但始終放假都要帶bb返屋企, 所以點都要搵個地方企理至得...而家仲頭痛緊, 因為真係好貴租, 三百幾呎都要成4k, 唉...真係細到...女女想爬多兩嘢都唔得...

原文章由 A.C.C. 於 08-2-29 15:13 發表
先將錢銀問題放低，淨係睇樓主同老公依家嘅生活作息，其實搬去大埔係最好；因為你囡囡一日都只得3個鐘頭只到爹地媽咪，對小朋友唔係咁健康，就算婆婆好錫，有D野始終要媽咪跟番，例如平時教佢，夜晚同佢講古仔，日後帶佢去幼稚園.....
...

私人傳訊

積分: 63

20^#

發表於 08-2-29 15:28 |只看該作者

其實, 我同老公都幾肯定大伯佢地仲有唔少剩...
1. 佢地打算租層樓出去, 但係會自己住兩三個月先...層樓月供7-8k, 比係我要一收樓就租比人啦, 仲等咩, 又要供又要還比阿姨喎...我諗如果無番3,40k都唔會咁勇啦...
2. 佢地打算連傢電出租, 佢同99講話, 上手業主留咗唔少傢電比佢地, 唔使買好多喎...咁又一筆$$$啦...

原文章由 Melody_Che 於 08-2-29 13:16 發表

講清楚, 我無叫樓主唔好還錢, 係唔還住!! 照樓主講法, 還左d錢都係"力"去大哥層樓度!! 既然大哥甘自私禁住細佬唔好買樓, 而自己可以羅著數既!! 點解唔可以hold住先呢?? 睇樓主講法, 佢大哥佢地唔係急住要住, 但樓主係好急架wor!! 如果租樓住先, 坦白講甘貴租, 仲有無機會儲到錢買樓呢?? 錢一定要還, 但既然依家比會去左阿哥度既!! 我寧願唔還住, 或者還少d先, 等佢收左樓再按正常番!!

私人傳訊

Melody_Che

積分: 4192

19^#

發表於 08-2-29 15:14 |只看該作者

你地都好錫你62, 其實你62有第2個, 又唔係單方面既!! 聽你甘講, 你99為人都好自私....

甘你住屋點呀?? 仲可唔可以買樓呀?? 如果你地開戶口比62, 最好唔比其他人知, 唔係渣都無呀

私人傳訊

A.C.C.

積分: 3786

18^#

發表於 08-2-29 15:13 |只看該作者

先將錢銀問題放低，淨係睇樓主同老公依家嘅生活作息，其實搬去大埔係最好；因為你囡囡一日都只得3個鐘頭只到爹地媽咪，對小朋友唔係咁健康，就算婆婆好錫，有D野始終要媽咪跟番，例如平時教佢，夜晚同佢講古仔，日後帶佢去幼稚園.....
況且你兩公婆日日要趕番工放工，唔通你地想以後晚晚都瞓得5個鐘？

可以諗下先租後買，依家樓市升到咁，未必係買樓嘅好時機.....總之就係以囡囡為重

私人傳訊

積分: 63

17^#

發表於 08-2-29 15:03 |只看該作者

上星期, 老公就係迫99攞番之前還咗嘅錢出嚟, 99死都話無, 話如果我地還咗 d錢比62, 之後買樓唔使指意62會再借番出嚟, 老公同佢講 "我地而家唔買喇, 就算買, 都唔會再問6299 or 任何人借, 總之你就比番曬d錢我處理啦"...之後99話佢而家無咁多, 得我地還咗嘅一半, 老公話之佢有幾多攞番幾多.
其實, 我老公知99 買股票舖癮好大, 身邊有多個錢就走去入貨, 所以老公寧願d錢自己keep 番, 放銀行都唔比99 keep...
因為我同老公今年都加咗少少人工, 所以老公同62傾過, 叫62開個戶口, 我地下個月起每個月入番1k比佢, 雖然係少d, 但過多兩三年62退休時, 都叫有d渣拿吖...

原文章由 Melody_Che 於 08-2-29 11:11 發表
如果可以出句聲, 未幫62講句公道說話, 佢依家唔放d股票住, d錢都係澤住, 比唔同咩人架!! 點解唔可以等埋先!! 就正如你唔想薛錢比ortage insurance一樣

私人傳訊