婆媳關係 今日: 4 | 主題: 27761

積分: 697

1^#

發表於 08-3-3 11:24 |只看該作者 |正序瀏覽 |打印

點解我好似好慘咁嘅？

我想講….我同自己姊姊一同有咗，大家也是在職媽媽，但自己媽媽就說只會幫姊姊湊，我就要自己請工人，而她也不會過來幫吓眼，任由個工人點對我baby都好….:-(
這不但止，平時家用我比最多，但就這樣對我！！
媽媽口口聲聲說最寵的是我，但現在一闊三大，請工人又係$，baby用的又係$，供樓開支又係$，但她依然會一到月頭就準時問我攞$$，雖說這是責任，但為何要這麼明顯，一到月頭就會打電話嚟叫我回家飲湯，之後又係問攞$$，平時我話要回家食飯就罐頭湯侍候…….為這，我好心痛，眼淚在心裡流！

有時，姊姊還針鋒相對…..我難得星期天回家帶盒飯走，諗住可以食多餐住家飯，唔駛叫外賣啫！姊姊也會跟我說千祈唔好拎太多，姊夫要帶很大盒飯才夠！！…..為何這樣對我？我才是這個家的女兒，你這麼大個男人，叫個老婆番外家攞不但止，還這樣對一個懷有身孕的姨仔？於心何忍！

0 0 0

私人傳訊

sbandliz

積分: 2106

好媽媽勳章

35^#

發表於 08-3-5 20:39 |只看該作者

親人無得揀, 朋友可以.
BK有好多媽咪關心你, 幫你打氣.
祝你同bb 都開開心心, 健健康康!!

私人傳訊

積分: 697

34^#

發表於 08-3-5 20:01 |只看該作者

原文章由 wmpl 於 08-3-5 19:00 發表

我百份之一仟祝你母子平安！

唔開心,就唔好死撐,要多d上嚟揾人傾吓,
正所謂三個臭皮匠,勝過一個諸葛亮
我以前都係你咁嘅人,好多事都唔出聲,頂得就頂,
但又有d埋怨身邊嘅人唔關心、唔體諒同唔瞭解我,
嗰d ...

To: wmpl

首先，我好多謝你嘅回覆！！

說實的，我有一點被你講中，我除了不想她老人家擔心外，我真的同時十分害怕其他人的反應，更怕他們無反應，我怕失望！

私人傳訊

wmpl

積分: 3000

33^#

發表於 08-3-5 19:00 |只看該作者

原文章由 Irismammy 於 08-3-5 09:39 發表
我好多謝咁多位媽咪都支持我！！多謝！！！
喺呢一段憂心的日子，我老公都安慰了我很多，他說：『無事嘅，我哋對BB咁好，BB唔會離開我哋嘅！何況，BB一日喺個肚度，我哋都要開開心心對佢好，係咪？』
而另一方面，其實我真係無同過 ...

我百份之一仟祝你母子平安！

唔開心,就唔好死撐,要多d上嚟揾人傾吓,
正所謂三個臭皮匠,勝過一個諸葛亮
我以前都係你咁嘅人,好多事都唔出聲,頂得就頂,
但又有d埋怨身邊嘅人唔關心、唔體諒同唔瞭解我,
嗰d成日呻嘅人就咩都有人幫,自己就頂得好辛苦！
後來掉番轉頭諗,呢d係人性,同自己都有錯,
人性本來就係偏幫弱小,咁做係冇錯的
你成曰唔出聲,根本冇人知你諗乜,
一家人都未必知,知道都唔知點幫,
因為你成曰冇意見,人人都以為你頂得住或冇所謂,
曰子耐咗,自自然然就會忽略你,所以話你自己都有責任,
你有事都唔同你媽咪講,佢會以為你唔需要佢,
人同人之間冇老馮,就算佢係你阿媽都好,唔知就係唔知,冇得怪佢,
如果你老公成日有咩都唔出聲,你無法知道佢諗咩,
到有事發生時,你老公反怪你唔瞭解佢、唔幫佢,
你會唔會都覺得好寃枉?

唔介意就冇所謂,但既然係介意同唔開心的,
你就應該表達立場同意見,
你唔出聲死忍爛忍又有怨言,唔代表你偉大,咁係虛偽,
係對自己欺騙同對你家人唔公平,
Sorry！或者我語氣過重,但關係是雙方面的,
那個是你媽咪,你有事佢都有責任要知,
因為你都係佢個女,係佢親生的,你有事都有責任要俾佢知,
唔好咩都獨力承擔,唔係你就唔當佢係你親人,

或者你唔係最驚你媽咪知道咗會好擔心,
唔係話你唔驚佢擔心,但我覺得你心底裡面最驚嘅係,
佢知道咗之後都唔會有咩反應,
你怕失望、怕傷心,你想保護自己,
我好明白你點解會咁諗,因為我真係過來人,
我媽咪的偏心比你媽更嚴重,所以我明白你所受過的傷害,
但原來人好多時是自己傷害自己,活在想像的悲傷當中,
無論個結果係點,講總好過唔講,
雖然過去的不可追,媽咪偏心亦已成事實,
你已完成做女的責任,你媽會怎樣誰也無法控制,
但至少你可吐出不快,亦讓她知道你都是有困難的,
我相信你媽咪知道你的事後,少至也會對你公平點！

或許我以上所說的不對或令你不快,先在此致歉,
但請你有困難要主動向人求助或傾訴,不要獨力承受,
人是群體動物,是不能一人撑天的！

私人傳訊

E@V

積分: 1312

32^#

發表於 08-3-5 11:08 |只看該作者

咁你諗下有無必要要同媽咪傾下喇

好似我咁, 由細到大, 我係媽咪眼裏都好識照顧自己, 好獨立..但係阿妹就係相反, 我媽咪覺得佢乜都唔識, 好多野要我幫..
但事實其實唔係咁..久而久之, 我媽咪都偏心我阿妹好多...

但係阿妹同我講, 阿媽話我獨立d, 可以照顧自己, 所以都唔駛點理我...
但其實我媽咪成日靜雞雞幫我拜神作福呀咁, 雖然唔係乜野實質的野, 但係我都好開心原來媽咪都係好關心我的..

原文章由 Irismammy 於 08-3-5 09:39 發表
我好多謝咁多位媽咪都支持我！！多謝！！！
喺呢一段憂心的日子，我老公都安慰了我很多，他說：『無事嘅，我哋對BB咁好，BB唔會離開我哋嘅！何況，BB一日喺個肚度，我哋都要開開心心對佢好，係咪？』
而另一方面，其實我真係無同過 ...

私人傳訊

Melody_Che

積分: 4192

31^#

發表於 08-3-5 09:51 |只看該作者

正面d諗, 尢其係你未媽咪傾過, 點知佢點諗呢

你老公好support你同BB, 你應該聽佢講, 要開開心心對佢好...

私人傳訊

積分: 697

30^#

發表於 08-3-5 09:39 |只看該作者

我好多謝咁多位媽咪都支持我！！多謝！！！

喺呢一段憂心的日子，我老公都安慰了我很多，他說：『無事嘅，我哋對BB咁好，BB唔會離開我哋嘅！何況，BB一日喺個肚度，我哋都要開開心心對佢好，係咪？』

而另一方面，其實我真係無同過媽媽講，
一唻，我根本唔開心，好擔心，唔想提。
二唻，我覺得講都對件事沒什幫助，更要佢老人家擔心！所以喺呢一段日子，我都係自己一個人(兩老婆)，靜靜面對！

不過，我有時都會諗，點解我一直不斷為其他人著想，而其他人就往往把我忽略？好唔公平！！

私人傳訊

E@V

積分: 1312

29^#

發表於 08-3-5 04:35 |只看該作者

樓主, 唔好太膽心呀!
應該會無事的!

仲有, 你唔好屈住屈住, 有乜野唔開心, 我覺得你要同媽咪講, 何況你而家咁多野要膽心, 講俾媽咪聽, 等佢同你一齊分擔下喇
你媽咪唔知你真正情況同唸乜, 你每個月都俾足家用, 又無出聲..就算話幫家姐湊bb 都無話幫你, 可能就係佢對你有信心, 但係唔知你個心想點嘛!!

祝你同bb 都健健康康!!

私人傳訊

JFL

伯爵府

積分: 17183

28^#

發表於 08-3-4 23:02 |只看該作者

唔好唔開心,要保持心境開朗,ＢＢ知道架.我陀ＢＢ果時夠話我ＢＢ可能有"唐士綜合症",後來ＢＢ都唔知幾健康,而家己經十幾歲,讀緊Ｆ２啦!

私人傳訊

CONNIE546

複式洋房

積分: 132

27^#

發表於 08-3-4 16:57 |只看該作者

加油!開心d啦,對bb會好d.

私人傳訊

A.C.C.

積分: 3786

26^#

發表於 08-3-4 16:19 |只看該作者

原文章由 Irismammy 於 08-3-4 14:28 發表
我都知懷著好心情是很重要，但…..有時就是控制不了…..

呢D情況，要儘量唔好諗咁多。我自己有咗時，都係一路陀一路心驚驚，每次去睇醫生都腳震震手震震，生個刻緊張到唔識痛，好彩BB最終正常，結果知道無事之後，我係手術房暈咗要急救。

既然依家只可以等，就唔好諗以後會發生D乜。BB佢一日係你身邊，一日都係你嘅心肝寶貝，不妨多D同BB傾下計，同佢打氣。

私人傳訊

積分: 697

25^#

發表於 08-3-4 14:28 |只看該作者

我都知懷著好心情是很重要，但…..有時就是控制不了…..

私人傳訊

Melody_Che

積分: 4192

24^#

發表於 08-3-4 13:29 |只看該作者

祝福你同你個小寶寶平安, 唔好唔開心啦, 我諗你依家要樂觀同肚裏面bb相處, 其他野無謂去想

私人傳訊

vespa

子爵府

積分: 10407

23^#

發表於 08-3-4 12:53 |只看該作者

衷心祝福你生個健康快樂嘅小寶寶.....

私人傳訊

maggiechow

積分: 2616

22^#

發表於 08-3-4 11:56 |只看該作者

唔好太担心，有定無由天決過，放開心情看天吧！

原文章由 Irismammy 於 08-3-4 10:59 發表

醫生話，除非個腦囊胞自己喺呢兩個星期自動消失，如果唔係，佢終會有一日會自動流產，就算有幸比你生得出，都不會活過一星期，而通常，就只得幾分鐘！再者，無得醫，因為係關乎染色體的分離與結合。
而現在可以做的就只有等 ...

仔仔06-12-2003出世

私人傳訊

積分: 697

21^#

發表於 08-3-4 10:59 |只看該作者

原文章由 wmpl 於 08-3-3 17:24 發表

sorry呀！我想問乜嘢係腦囊胞,同埋會點?

你媽咪真係嚴重偏心噃,你一定要出聲呀,
唔係屈埋屈埋,會對你同bb唔好,
如果你bb係有事要錢醫（touch wood）,
咁更如要儲多個錢傍身呀！
你媽咪嗰面,你就唯有用苦肉計試下得唔 ...

醫生話，除非個腦囊胞自己喺呢兩個星期自動消失，如果唔係，佢終會有一日會自動流產，就算有幸比你生得出，都不會活過一星期，而通常，就只得幾分鐘！再者，無得醫，因為係關乎染色體的分離與結合。

而現在可以做的就只有等，好的~就是等那囊胞自動消失，唔好的~便是等我的baby離我而去！
講真，我真係真係好唔開心，日日都摸住個肚，驚佢突然唔郁，好驚好驚！！試問，在坐咁多位媽咪，有無人覺得自己嘅兒女係比世上任何一樣嘢都重要？我就會是其中一個！
牠 ~ 就正我生命的全部！

私人傳訊

Melody_Che

積分: 4192

20^#

發表於 08-3-4 10:23 |只看該作者

唔好唔開心啦!! 我自己媽咪都係偏心我個妹<全世界都知, 佢成27歲女, 我媽咪都比錢佢讀書, 買新出手提電腦, 去旅行有比錢佢, 但佢返緊工搵10幾k, 單身....而我要供樓, 結左婚, 我媽咪去旅行仲問我羅資助, 我無比佢就黑面> 我成日都諗我老公錫我未得羅! 其他野唔到自己控制, 你越諗未越唔開心, 越影響你肚裏面既小寶寶...

私人傳訊

積分: 697

19^#

發表於 08-3-4 10:03 |只看該作者

我好記得，以前我媽媽好錫我架！以前我番shift，媽媽會好著重我回家食嘅日子，以前，我一有時間就會番屋企。雖然屋企好逼好亂，但我就係鍾意回到家之後向著媽媽講東講西，痴住佢！但而家，我就快做媽媽喇！我就因為各樣嘅事，唔再笑住咁番娘家，所有開心嘅嘢都好似距離我好遠咁嘅…….點解？

私人傳訊