自由講場 今日: 2451|主題: 1346753

>>我想問下，我一有卵巢多囊用藥物黎令m come之後我個人隔一陣就發燒
>>一個月發幾次燒
>>個人又好驚凍，點解會咁
>>成日都發燒好辛苦

發燒係因為經絡不通, D氣被堵塞在那里, 如果氣在經絡順暢的話, 是不熱不冷的.
西藥打亂左身體的機能, 令到經絡堵塞, 所以才會發燒.

根源在你那個藥物.
氣血不好, 養不到卵子, 你怎樣去刺激, 質量也不會好. 不如調理好氣血, 讓身體自已養育質量優良的卵子.

>>我女都係， 佢宜家2 個月大有無得做d 乜野去寒？

平時做好保暖工作, 喂到母乳的話, 全母乳最好.
發燒的話, 俾佢自已打仗, 發燒係排寒最快的方法. 高溫下最容易打通經絡, 將寒氣排走.

夏天, 不要開冷氣, 等佢出汗.

整一個米袋, 至緊要護住佢個肚, 個肚保暖, 也會少D病. 我個女的米袋用到成七個月, 一直訓覺搭住係個肚度, 即使佢轉來轉去都唔會甩.

>>我有子宮肌瘤，想生 b ，吾敢亂調理……請問有咩食療幚助排卵靚？
巳介雞少食牛，坊間講的滴雞精，添寶方都吾敢亂食。
謝.......thx

想排卵靚一定係補氣血的食物.
但係子宮肌瘤, 係一個問題.
如果子宮持續溫暖, 根本不會有氣血淤塞, 淤塞之處聚集成瘤的問題.
對於子宮肌瘤, 中醫其實有辦法, 桂枝伏芩丸, 當歸芍藥散之類, 能夠幫忙打散. 可以試下搵一個好的中醫調理左先 .

>不如講下點樣暖宮呀？
>有冇助孕法？

戒寒涼, 補氣血, 固本培元, 身體氣血好, 自然會有能量趕走體內寒氣. 補氣血, 可以睇中醫, 食中藥, 或者自已買個藥煲, 煲下八珍湯之類的中藥俾自已飲.

助孕法, 其實我不太識. 有人講過, 過多傷賢, 貴精不貴多.
最好係夏天懷孕, 春天生B.
夏天氣血最旺盛, 我諗應該機會大D.
呢個冬天, 早睡早起, 做好保暖防寒工作, 調理好身體, 夏天就有充足的能量去發去長.

買個保溫壼, 每日焗一壼黨參紅棗桂圓杞子茶, 身體也會暖笠笠.

>>我已經生完三年，當年唔信坐月。今年已經有風濕同怕冷。請問可以點補救？食雞酒可以嗎？

因為D風同寒氣已困左係身體入邊, 好難出返去. 坐月時, 因為身體仲係好虛, 全身都開放, 補咩都係自已的, 但係一旦關節閉合, 濕寒已困在里面, 很難趕. 雞酒可以暖身, 令血氣好D, 有一D幫肋.
我也有朋友食返豬腳薑.

氣功, 陳式太極, 可以打通經絡, 艾炙, 可以暖身驅寒, 甩手功, 八段錦, 任何一門都對身體有幫助, 你可以搵一樣適合自已的去練.