婆媳關係

收藏本版
發帖
返回列表
跳至頁

首頁
123

尾頁
   0
mamaSTONE


大宅

積分: 1635


1#
發表於 08-3-12 04:02 |只看該作者
唔好意思俾個位我呻下~

我阿媽........

我阿媽係唔鐘意我老公,佢咁多個女,
淨係話佢個寶貝女老公好,因為係佢只鍚嘅女,屙屎都話香~
自從兩年幾前我媽因為我c家姐頂佢唔順,搬走左,無同佢住~
佢就搬左嚟我度[其實佢想搬去佢個乖女到,但係佢個乖女無理
過佢,所以迫於無耐搬嚟我度~我而家有d後悔...]
老實講,我屋企一切開支,我老公俾,我媽自己萬幾蚊人工自己用,
佢仲要謀住我地,又成日單單打打,大佬我老公搵好多咩?
佢放假無街去,就要你地d人揸車同佢出去街,
唔去咩黑面,發脾氣....
佢自己有街去,就唔會理你d人,去邊返唔返嚟食飯都唔會講,
掉轉頭你係咁樣,就鬧到你反轉,搵我個仔出氣~
有時我地唔係唔返,只係有嘢搞或者買嘢,晏左少少返嚟都唔得...

佢自己去左街,無講低返唔返嚟食飯,咁我地好正常就出街食飯~
佢返到嚟見到你地走左,無等佢...佢又黑面,發脾氣~
仲之佢做咩都啱,你做咩都錯~

有錢俾佢,佢就笑笑口煮飯你食囉!唔鐘意時,咪唔煮你飯~
佢一時煮你飯,你唔知佢煮左,你無食到...就不停咀鬧人[痴線],
佢無煮你飯,你行埋去食飯,又鬧你[痴線],
我心諗大佬,你咁樣煮飯法,鬼知你有無煮咩??
慢慢我老公索性唔食,除非你叫佢食,佢先行埋嚟~
[[有時唔係佢唔想食,而係佢太攰,起唔到身食飯,
我老公日日5:30am返工,放工陪我送個仔返學,
等埋個仔放學先返屋企,搞得嚟都夜晚6點幾7點....我識佢咁耐,
佢都無放過假,日日如是~個仔未返學,佢就喺出面做到5/6點先返,
而家請左人幫手,先話可以陪我送仔返學放學...
就係因為佢有時起唔到身食飯,
咁我阿媽就用佢嘅方法去煮飯,佢心情靚就煮,
心情唔靚就唔煮你飯...]]

仲有,以前我地會買埋餸返屋企,點知.....
買埋餸返去,佢又好話你[買d咁嘅餸,痴線...]
好啦~唔買,又鬧你d人[唔x買餸~]<~~ x係粗口
邊有d咁嘅人~~
你唔可以話佢架,一話佢佢唔鐘意,就搵我個仔出氣~
突登話我個仔,話到佢喊,再鬧佢~

而家我個仔大左,就成日借我個仔過橋,單單打打我老公~
話[邊個養我呀~又無人俾錢我用,我又要成日去旅行,
唔返工點得呀?]
我有叫過佢唔好做,幫我湊個仔,我俾錢佢用,
係佢自己話唔好...講明唔會幫我湊~

另外,好似出去食飯咁~
食親飯都要拉大隊去食,餐餐都接近成千蚊~
我唔係唔想叫我A家姐同佢條仔去~
但係唔駛日日/次次都一齊咁食法呀?我地唔係李嘉誠呀!
因為次次都係我老公俾~無奈!
有時我另一個C家姐話佢俾,我阿媽即刻攞起張單話[你好有錢呀?]
然後放張單喺我地度~

重有好多好多事~
我都想問大家,如果你係我,你會點?
私人傳訊

alphabetagamma


珊瑚宮

積分: 108856

環保接龍勳章


49#
發表於 08-4-7 15:21 |只看該作者
唉~ 我睇到樓主講開a家姐男友借車.... 我都無心機再睇.
唔係串樓主, 但真係只可以用"犯賤"來形容, 有點像明知個男人係去滾/騙財, 都仲係要一次又一次咁"中"個頭去.

係我, 我會好直接同阿媽講我老公同仔同佢住好唔夾, 叫佢去c家姐到. 1)你c家姐無情無義的話你阿媽咪自己感受下囉 2)你c家姐真係接收左你阿媽, 等佢享受下

家中要換鎖, 換左就同a家姐通知佢一聲. 理由係個鎖壞左一定要換.

我唔覺得你地咁樣感情會有好轉的空間. 感覺係會越來越差.

你阿媽果part最難搞, 俾我我會同阿媽講我地無咩所謂, 但係見到佢生活得好辛苦, 成日都唔開心發脾氣(千其唔好講你地唔開心), 見佢同c家姐相處得咁好, 叫佢搬去同佢住. 你阿媽可能會唱你, 你一定好唔想, 不過我想講, 佢現在都成日唱你啦, 你仲怕咩啫.....nothing to lose~...

講開食野, 唔好下下要你請, 你地就要早離場, 唔好食到尾, 有事要走先, 之後會夾返錢. 講真最最最多俾阿媽果份. 所謂你做初一我做十五. 唔好下下當你鷓鴣, 講真你咁樣應對你d家人, 係合乎仁義道德, 絕對稱得上是一個'人' !!!
私人傳訊

wingci


伯爵府

積分: 15150

畀面勳章 環保接龍勳章


48#
發表於 08-4-6 15:33 |只看該作者
原文章由 (!_!) 於 08-4-6 12:07 發表
樓主

你這樣容忍你的所謂"家人", 間接影响埋你老公及子女, 這樣對你的老公和子女公平嗎?

你要愚孝, 是你自己的事. 但請勿委屈你的枕邊人及自己骨肉.

你將來細B對著個咁既婆婆, 姨媽, 閒人 ... 對BB 的成長一 ...


好同意上面呢位網友既說話,比著如果果個人唔係你媽咪係你99同你姑9你又會點呢?你唔保護自己既小朋友同老公,仲有咩人可以保護到佢地?
仲有你而家駝住小b,駝bb要係一個開心既環境對大人同bb先會好,你覺得你自己而家快樂嗎?
執子之手,與子偕老~
私人傳訊

(!_!)


複式洋房

積分: 408


47#
發表於 08-4-6 12:07 |只看該作者
樓主

你這樣容忍你的所謂"家人", 間接影响埋你老公及子女, 這樣對你的老公和子女公平嗎?

你要愚孝, 是你自己的事. 但請勿委屈你的枕邊人及自己骨肉.

你將來細B對著個咁既婆婆, 姨媽, 閒人 ... 對BB 的成長一定不好. 小朋友從小便要在這些是非不分的環境長大, 將來對他們的成長會有嚴重影響. 一則學到你怕事, 退讓的性格. 一不就學到外婆, 姨媽的野蠻, 縮骨的劣性.

至於你老公, 佢忍埋忍埋, 影响到你夫婦的感情, 你賠不上.

你家人的歪旦性格, 一平是你的容忍造做出來的.. 教大人同教細路同一道理是"縱不得"!!!

你以為以倫理道德來做人, 但你對著的是郤是一群生番, 畜生, 你只是對牛彈琴!!! 我地都睇到好忟!!

[ 本文章最後由 (!_!) 於 08-4-6 12:21 編輯 ]

私人傳訊

ml628


大宅

積分: 2654


46#
發表於 08-4-4 13:11 |只看該作者
點解會有D錦0既屋企人,你老公真係好好人,如果係我,理佢有味:;pppp: 屋企人都錦話
私人傳訊

＊AnGeLa＊


大宅

積分: 2036


45#
發表於 08-4-4 07:25 |只看該作者
咁都得呀??自己呀媽都要咁對自己~懷疑自己係咪佢自己生既...
我覺你兩公婆超忍得囉~特別你老公~
叫你媽咪搬去其他女度住啦~你話你屋企實在無地方容納到佢啦~
私人傳訊

evashao


大宅

積分: 2165


44#
發表於 08-4-3 06:33 |只看該作者
如果我屋企人係咁我會覺得好心痛~

但既然已成事實,而我自己又有自立既能力(有個家),我諗我會同佢地疏遠d,因為佢地實在太過咄咄逼人!媽咪脾氣咁臭又凡事奉旨,a家姐又咁自私自利,佢地直接/間接咁影響到我既屋企,生活得咁唔開心為乜 ?

至於點樣疏遠佢地?最好就自己一家搬走~一嚟唔會比人話趕阿媽出街咁難聽,又可以留番個地方比阿媽落腳;二嚟a家姐有屋企鎖匙,既然難問佢攞番,就由得佢!不過如果層樓係大單位,每個月要駛唔少錢供/租,咁就要連媽咪都一齊搬喇~不過係各有各搬!身為子女,有能力的話,供養父母係應該既~如果係咁,我會另外搵一個單位比媽咪自己住,難聽既說話就預左架喇,但要同佢講大家真係相處唔到囉,一齊住大家都唔開心既!每個月比番幾千蚊佢,當係家用又好幫佢租屋又好~咁都算係仁智義盡喇卦:;pppp: !?

至於呢個a家姐,佢有無真係當過我係一家人?有著數既時候咪蒲頭囉~所以搬走左一了百了,見面呢d野真係可免則免 !

樓主~忍得咁辛苦為咩?佢地唔會珍惜你地,只當你地係搖錢樹、阿四,既唔開心又多冤屈,第時你d仔女大個左懂事之後,分分鐘會受到佢地既影響,凡事以利益為先,再唔係就同佢地一樣,唔尊重你地兩公婆,到時你地仲心痛!搬離佢地啦,過番d正常人既生活,對你自己個家絕對有利無害!

[ 本文章最後由 evashao 於 08-4-3 06:38 編輯 ]
私人傳訊

常在坤


大宅

積分: 3217


43#
發表於 08-4-3 02:55 |只看該作者
妳家姐個男朋友一D本事都冇,有駛咩揸人架車ㄚ:;pppp: :;pppp:
私人傳訊

wxxyxn


大宅

積分: 2339


42#
發表於 08-4-2 23:17 |只看該作者
搬去距離妳媽媽公司好遠嘅地方，譬如佢返中環，你地搬去上水，大家分返開住之後，就搬返出市區，搞掂!
私人傳訊

littleflowers


大宅

積分: 2369


41#
發表於 08-4-2 18:13 |只看該作者
真係好同情樓主嘅情形呀，你地應該要搬屋呀，如果再係咁樣落去，你個家姐同佢條仔遲早真係會話 : 你地啲錢都係留返俾兩個小朋友用啫，依家都未用住，攞住嚟用先啦。

痴線架，唔好啋呢啲人啦，一於搬啦，仲要記住唔好再俾鎖匙佢地喇!
私人傳訊

小可愛bb


大宅

積分: 2465


40#
發表於 08-4-2 17:15 |只看該作者
仲有, 衰o既親朋戚友係會對小孩成長有好大影響o架!

分化你d仔, 再離間你同d仔o既關係, 影響你同老公o既關係...佢o地做得出呢d事一d都唔出奇!唔係嚇你...

因為我正係身受其害,佢o地影響左我性格,仲令到我有好唔愉快o既童年回憶...到而家廿幾歲都仲好怕果班人...屋企人關係亦都唔好...

所以樓主一定要好好處理...

[ 本文章最後由 小可愛bb 於 08-4-2 17:19 編輯 ]
私人傳訊

小可愛bb


大宅

積分: 2465


39#
發表於 08-4-2 16:35 |只看該作者
樓主，為左家人(你同老公同bb)o既幸福，考慮下搬屋喇......

有錢留番俾bb第時讀書用，唔好再俾人當提款機！

當佢地食飯要你地埋單，又要你地買野，要你地俾錢佢地o既時候，可以大條道理話自己要揍兩個bb，無咁多錢!!

最睇唔過眼係點解連你家姐個男朋友都可以干涉你o既家事o架?!佢而家已經咁樣，同你家姐結左婚之後仲得掂o既!
私人傳訊

bbautumn


大宅

積分: 1231


38#
發表於 08-4-2 16:31 |只看該作者
其實佢地咁對你們你地都忍
就引發佢地做到更加過份
儘快離開佢地遠d啦
歡迎參觀我的個人網頁
私人傳訊

OneOneMa


大宅

積分: 1038


37#
發表於 08-4-2 15:57 |只看該作者
嘩, 睇到我火都黎埋, 咩亞媽同家姐黎架...
架車唔用擺響度我唔信會生蟲!!
你冇錢我唔借你我唔信我會俾雷劈!!

你亞媽都得架勒, 鍾意煮就煮, 唔煮就算, 咪響度話人"痴線"! a家姐仲得意, 有咩就搵條仔出黎講, 我係你就啋佢都傻, 你同家姐之間的事關佢叉事? 借車就好聲好氣? 你同你老公都已經係絕種架勒, 俾好多人分分鐘已經開拖, 趕你老母走九年... (唔好意思, 因為真係鄧你忟)

你就算換鎖都冇用, 因為我估你亞媽會自己配過俾你 a 家姐...

一係就同你亞媽講 "第日細b出咗世想空返間房出黎, 俾佢同大b用, 不如你搬過去同 a 家姐住啦"如果佢響度勁鬧就話 "算啦, 當我冇講過" 然後自己去睇過第二度搬咗都唔出聲 (你話佢成日去旅行, 夾準佢去旅行時搬走) 將佢的野放去你 a 家姐屋企 (同 a 家姐講你屋企裝修, 放住亞媽的野響佢度先) 當然前一日要換定鎖啦, 煩就煩小小, 不過好過你 pack 緊野佢走黎發現啦, 搬咗之後唔該你地可以消失囉, 除非想繼續煩同俾人丙啦...

雖然咁叫你好似好衰, 但係講心底話, 呢d家人要唔要都罷, 換轉係你 6299 係咁, 你會唔會好似你老公咁忍得? 搬走係為你老公同大細b, 你自己諗清楚啦~

如果我以上講得過份咗, 請見諒!!
私人傳訊

小寶貝兒


珍珠宮

積分: 30295


36#
發表於 08-4-2 15:55 |只看該作者
樓主, 先要比個"服"字你!! 你同你老公係真正既"百忍成甘"

我覺得, 你如果負擔得黎既, 另外買樓住, 而家呢度就讓比你媽住, 要佢比租, 不過如果佢比唔起既, 咪唔再比家用佢, 當佢比左租囉! 唔包水電, 叫佢自己比, 仲有呀, 佢百年之後, 層樓都係你地既, 咪當係盡左孝囉! 自己良心又會好過d, 又唔洗成日比佢鬧, 係咪~

至於出街食飯, 我個妹又係當我老公係提款機, 次次出黎食飯, 帶埋男友黎, 2個人夾埋搵錢仲多過我老公一個(因我冇做野), 但次次都係我老公比錢, 佢地就好似食自助餐咁, 係咁叫野食! 但又食唔晒果下衰丫麻!!! 如果唔係睇在我父母都一齊食既份上, 我會比底一半錢就走左去!!

你都可以架, 反正你阿媽咁衰, 你地下次又拉大隊去食飯果陣, 食完你擺底一半錢就算! 唔好理佢地啦!
♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！
私人傳訊

BEAUTYYENYEN


男爵府

積分: 5826


35#
發表於 08-4-2 15:15 |只看該作者
我睇完你呻既野之後,我真係覺得你屋企人好過分,覺得你好慘, 比我同佢地斷絕關係
私人傳訊

fredacheung


別墅

積分: 618


34#
發表於 08-4-2 11:58 |只看該作者
真係睇到我火都黎埋,難得你兩公婆咁好,仲忍到.....比我就鬼理佢,阿媽都係咁話,咁差既阿媽比我都唔要!
私人傳訊

RAA


珍珠宮

積分: 36741

2025勳章蛇年勳章 2018復活節勳章 好媽媽勳章 醒目開學勳章


33#
發表於 08-4-2 11:35 |只看該作者
原文章由 mamaSTONE 於 08-3-12 04:02 發表
唔好意思俾個位我呻下~

我阿媽........

我阿媽係唔鐘意我老公,佢咁多個女,
淨係話佢個寶貝女老公好,因為係佢只鍚嘅女,屙屎都話香~
自從兩年幾前我媽因為我c家姐頂佢唔順,搬走左,無同佢住~
佢就搬左嚟我度[其實佢想 ...



好簡單, 我會同佢保持距離, 請佢遠離我嘅生活環境, 盡番為人子女嘅基本責任即可.

佢對子女咁唔公平, 唔一定要五十五十, 但都唔可以咁樣, 佢亦應該預咗有咁嘅一日.

佢咁做, 對你老公及仔仔傷害好大, 其實你老公已經好好人 , 記得要錫番佢 . 邊個夠膽搵我個小朋友出氣, 佢要預咗以後無好日子過 .

有一句說話我成日都講: 人同人係要講緣份, 父母子女亦然 .
私人傳訊

KatieMami


別墅

積分: 817


32#
發表於 08-4-2 11:10 |只看該作者
希望你申左會舒服d, 不過再咁落去都無好結果, 你淨係下下比你"屋企人"搵你笨, 比我係你一早已經搵地方疏遠佢地, 少見為妙....
私人傳訊

tiggertigger


大宅

積分: 4608


31#
發表於 08-3-13 15:45 |只看該作者
看到你既POST，十分同情，但有時你也有責任，第一次做錯了，你只忍，人家當然食住上啦。

假如你個囝偷金唔鬧佢，佢愈偷愈多，呢個都係你既問題。

錯就要話，不只是忍，你可以忍到幾多次?

不過也很欣賞你兩夫妻的耐力，十分敬佩。

在這裡呻都無用，索性試下解決啦.. 人無可能令每件事都完美，
但只要做事對得住人，咩都唔怕，快D去跟她們兩個說清楚。
私人傳訊


首頁
123

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy