婆媳關係今日: 0|主題: 27778

收藏本版

發帖

返回列表

跳至頁

查看: 1753 | 回覆: 32

奶奶，請你明白我！（ 3 ） [複製鏈接]

sunnybaobei

大宅

積分: 2177

1^#

發表於 14-11-1 08:12 |只看該作者 |正序瀏覽 |打印

本帖最後由 sunnybaobei 於 14-11-1 10:00 編輯

大家好！我又嚟喇～

睇到咁多既留言真係好感動，未及時覆大家既得閑會一一回復，多謝大家既建議。
我嚟到香港岩岩好一年，所以對香港好多嘢都唔係好清楚，只從嫁過嚟我都覺得自己好好運，屋企人都幾好，對我都算唔錯，宜家諗返係我一葉障目。
之前我考慮到好多如何同自己99相處，以為當99係自己阿媽咁先好，但係事實唔係，我媽咪同我講唔好當99係自己阿媽，同阿媽嗌交阿媽唔會同你計，99唔同，佢會覺得你唔孝順，要當99係客人，對佢尊敬有加，做事要有分寸，都話伸手唔打笑面人，平日多贊下佢氹下佢，乜嘢都要睇多d學多d，咁99應該唔會點為難你。
一開始嚟到香港對乜都唔熟，對住陌生既6299都會心生畏忌，做嘢都好小心，我盡量做到最好，99都唔會點為難我，所以孕期大家都相安無事。
孕期99知我肚入面係仔好開心，話會好好照顧我，俾我灌咗好多迷魂湯我先咁信佢，最尾都係自己受傷俾佢蝦。

講講孕期發生既事，平日係屋企做完家務都會走去圖書館睇書，去周圍行下，或者同99傾計，老人家話多d，一件事唔停講我都會耐心陪佢，一日無啦啦傾到老公之前d嘢，佢竟同我講出老公之前既衰嘢出嚟，話佢之前果陣時拍拖過幾多女仔，仲有一個係屋企住到幾個月等等，其實尼d都係過咗去既嘢，我無權問佢亦都唔想知道，邊個無過去，但結咗婚佢安分守己就好，之前既嘢我唔會同佢計，但最好唔俾我知，做咩要話我聽，你做阿媽既唔係應為仔講好說話，做咩講佢衰嘢俾我聽。

當然聽完尼d冇可能要我好似無事咁，雖然都係之前既嘢，但聽到都會覺得好難受，我真係同佢傾唔落去，忍唔到走去洗手間偷偷哭出來，大住個肚都會有d情緒唔穩定，仲要同佢傾尼d，真係好崩潰。夜晚老公返到屋企見到我唔開心，問我發生咩事，我未同佢講，因為我好明白老公既脾氣，如果佢知道一定會好嬲佢阿媽，一定會嗌交。一則我唔想因為過咗去既嘢搞到兩公婆唔開心，二係唔想因為我同老公告狀，99會因此被嬲，到時對我記恨在心。

我唔知各位jm點睇尼件事，有可能會覺得我小題大做，但對於一個岩岩結婚既我，聽到尼d個心都會唔舒服，但我都忍住未講出嚟。

我岩岩有咗BB時，99成日係我耳邊講佢鐘意仔，搞到我壓力好大，係仔係囡唔係我一個人可以決定既，但係仔囡都好啊，我都一樣鐘意，但99重男輕女既想法好重。等到四個月時去醫院產檢，99要我照，我好緊張同時又好期待，我知我個肚對我之後會有好大影響。好好彩，醫生照咗之後話我係仔，我松咗啖氣，同時又覺得好悲哀，女人好慘，辛苦陀BB仲要俾我啲唔公平既待遇。