吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 好心請姐姐去海X公園玩，最後反而激親自己！(長篇/.\\) ...

論盡家傭今日: 0|主題: 134041

收藏本版

發帖

返回列表

跳至頁

查看: 1903 | 回覆: 39

好心請姐姐去海X公園玩，最後反而激親自己！(長篇/.\\) [複製鏈接]

babaxmama

大宅

積分: 2833

1^#

發表於 14-11-2 02:11 |只看該作者 |正序瀏覽 |打印

姐姐來了半年，工作不過不失，今日一家人去海X 公園，星期六係佢的working day, 不過見今個月姐姐生日，諗住帶埋姐姐去，等佢一齊去見識下，又可以多個人幫手。

前一晚提佢早上在家盡快做好清潔，食埋晏先出門口，咁改為我們帶仔去學畫畫，平時佢湊開仔去畫畫，今次唔駛佢湊出去，下午我們一齊去海X 公園，姐姐好開心。吩咐佢帶埋個湊仔袋(for 細女)出門口, 同埋約定1:00 直接在畫室對面的巴士站等(由屋企到畫室大約20分鐘，要坐一個火車站) ，然後一齊出去! 同佢講定個巴士站係邊，佢一直都話知，都話識去。我穩陣起見，叫佢用紙筆寫低巴士線同點行。

好啦，到今日去海X 公園啦，我同老公12:40 打番屋企，姐姐話清潔好晒，食左野，宜家換緊衫，我們催佢要快d 出門口啦！1:00 接左阿仔放學唔見佢，我們便快手快脚買個蛋糕同飲品俾阿仔先。到1:25 都係唔見人，我們打俾姐姐，佢話佢剛剛才到火車站，我真係開始忟，同佢講我們在街等左你好耐，你好快d 到！(其實已經有d 想唔等，因為我們約左朋友，但無奈要在佢手攞番個湊仔袋) 之後我影埋個巴士站同附近環境的照片what app 俾佢。到1: 40再打電話問佢係邊，佢話係巴士站！唔見我們！我話我們就正正企在巴士站，問佢係唔係行錯。佢不斷話沒有錯，自己已經在巴士站。我叫佢睇下whatapp 張相，佢先話自己行錯路。我好忟咁問佢你宜家係邊，我黎接你，點知佢cut 我線！！！我即刻再打俾佢，兩次都唔聽我電話！！！我真係火都黎埋！！！

於是我開whatapp, 見佢online, 我再打俾佢，佢都係唔聽！我便whatapp佢話，我們已經等左你好耐，你好快d 聽電話，如果唔係我都唔知點接你！我whatapp完呢個message, 佢就立即打番俾我，我問佢仲咩唔聽我電話，佢同我講對唔住，話佢驚！！！

之後我去接佢，一見佢。。。。。。化晒妝，畫晒眉，包晒靚靚頭巾。。。。。大姐！你遲到九個字，就係因為你要化妝！！！再問呢點解唔聽我電話，今次佢同我講因為電話在背包！？我真係火都黎埋！！！我就同佢講：唔駛你去啦！你返屋企啦！

隔左兩個鐘，我打番屋企無人聽！我打俾佢，姐姐話佢係街，一時又話行錯路，一時又話在屋企附近，一時又鬼拍後尾枕話去左boarding house！我同佢講今日唔係你的假期，你唔好周圍去，叫佢返到屋企用屋企電話打俾我！同清潔埋阿仔d 玩具。之後隔左一陣佢打番我，睇cam 佢亦開始做野了！(我估之前係我叫佢返屋企，之後佢去左boarding house 揾朋友，我打俾佢時佢返到屋企大堂)

返到屋到太夜，姐姐都訓左了！同佢講唔到今日的事！

一路打呢篇野，一路仲㷫緊！呻完！舒服晒！多謝各位jm!
(仲煩緊聽日點樣同姐姐講番呢件事)

0 0 0

私人傳訊

jumug

男爵府

積分: 5743

40^#

發表於 14-11-4 18:40 |只看該作者

回覆：好心請姐姐去海X公園玩，最後反而激親自己！(長篇/.\\\\)

我通常叫姐姐去一個新地方之前會開Google map+講解，如果複雜d會俾埋street view佢睇再print埋地圖比佢。so far幾個姐姐都未試過去唔到。

私人傳訊

joanie731

男爵府

積分: 9539

畀面勳章

39^#

發表於 14-11-4 11:32 |只看該作者

miumiupig 發表於 14-11-4 01:50
我覺得應該係嗰姐姐蠢，唔關化妝事。。
之前我叫個姐姐帶我食開嘢個間茶餐廳揾我，她都揾唔到（當時她已嚟 ...

你有道理&同理心，不過樓主工人都要學習，如佢想繼續喺香港工作，工作時間唔可以因爲唔開心就走咗去boarding house搵人傾下。

私人傳訊

wcpcelia

雲母殿

積分: 1367084

虎到金來勳章 2018父親節勳章 2018母親節勳章 2018復活節勳章開心吸收勳章最關心BB問題熱投勳章認識瑞士牛牛第二回認識瑞士牛牛第一回育兒性格勳章我的育兒心得勳章想生BB熱投 DHA勳章好媽媽勳章醒目開學勳章畀面勳章 wyeth冷知識勳章貢獻勳章環保接龍勳章親子達人勳章 hashtag影視迷勳章 15週年勳章親子王國15週年勳章

38^#

發表於 14-11-4 08:58 |只看該作者

唔會有下次了...

私人傳訊

tchui2013

大宅

積分: 3210

37^#

發表於 14-11-4 05:08 |只看該作者

回覆：babaxmama 的帖子

太蠢

私人傳訊

miumiupig

大宅

積分: 4877

36^#

發表於 14-11-4 01:50 |只看該作者

引用：姐姐來了半年，工作不過不失，今日一家人去

原帖由 babaxmama 於 14-11-02 發表
姐姐來了半年，工作不過不失，今日一家人去海X 公園，星期六係佢的working day, 不過見今個月姐姐生日，諗 ...

我覺得應該係嗰姐姐蠢，唔關化妝事。。
之前我叫個姐姐帶我食開嘢個間茶餐廳揾我，她都揾唔到（當時她已嚟了一年多並且去過呢間茶餐廳）最擔心佢帶了我個仔去邊。。
但。。我覺得若你即時叫個工人返屋企真的令人幾sad, 她充滿期待喎！好似老闆話你做得好，今晚有餐飯請你食，當你好重視好期待的地方，只係蠢揾唔到，最後被叫返屋企。。。所以咪揾個朋友傾訴吓囉！
我唔係幫你工人，我只係處於她位置去想啫。當然我明你好嬲！