Baby Kingdom - 親子王國 香港 討論區 › 首頁 › 親子旅遊› 以後不再去香港迪士尼

親子旅遊

收藏本版
發帖
返回列表
跳至頁

首頁
12

尾頁
   0
chuiiris


大宅

積分: 1507


1#
發表於 08-3-19 21:59 |只看該作者
剛開張幾個月時, 同家人去過一次香港迪士尼.
當時好混亂, 好多人因打尖而四處有人吵架, 想找職員幫忙難過登天, 好似去了野蠻地方, 之後驚左2年吾敢再去.

今日呀仔叫我同佢去, 以為過了2年有多, 應該有所改善, 所以中午2:00 入場.

吾算好多人, 但衛生很差, 通地紙巾, 垃圾, 包括入摥看 show, 好似未清理的戲院, 好多紙巾在地上.

玩遊戲一樣很多人打尖, 起初都做醜人叫人排隊, 吾好打尖, 叫得多我都口累, 算啦, 吾理了, (因已比打尖的人眼啤啤, 好吾順咁, 諗住一心來玩, 吾好多事).

企我前面的人, 排左 1/2 hr, 差不多入閘時, 舉一舉手又插一班人, 幾班就咁插我前面, 佢地自已走埋來打尖, 我都算吾出聲, 因實在太多人打尖, 出吾到咁多聲.

點知有個職員開埋側边閘門比2班人就咁插左, 我前面,
個2班人都是有一個大人排隊, 差不多到時就 call 朋友來插隊.

個職員開完一次側門, 又一次側門比吾同既人插入來.
我就問個職員在什麼情況下, 可以開側門比人插入來.
個職員話吾想個班人由隊尾插到上隊頭, 所以開側門比佢地.

咁我問是否我一個人排緊隊, 我舉一舉手叫我的朋友, 你就會開門比人插隊. 個職員話吾鼓勵我咁做, 我問個職員點解做完一次又一次, 個職員話人地是一家人, 都只是坐一架車, 对我無影嚮.

我問個職員我是否一家人, 一架車他就要開門比人插隊.
個職員又話吾得, 跟住話有野做, 行左去吾理我.

呢個時候, 打尖個班就圍攻罵我多事, 幾個人插隊都吾抵得.
我地開始对罵, 呢個時個個職員又出番來, 話我同人嘈, 要叫咪求助, 好快有一個自稱主管走出來截住我, 吾比我行, 笑笑口咁同我講, 想幫我, 我話有人打尖, 但個個主管無理, 只是截住我, 由得打尖既人行入去玩.

我問個主管點解我投訴, 有人打尖你吾理, 但就截住我.
主管話因為我想幫你, 我問你點幫, 打尖既人都入左去玩.

主管話安排比我玩先, 我話不是要求玩先, 是你地處理手法有問題.

因太長, 待續.
私人傳訊

hch


別墅

積分: 843


30#
發表於 08-4-1 23:35 |只看該作者
兩地文化背景唔同,對身體語言睇法係有出入。

可能日本人懂得靈巧處理這些困難場面;而香港人硬要做得死板,唔會理人的動機,有時係誇張。

原文章由 丫頭 於 08-3-24 19:50 發表
恕我得罪講句香港迪士尼員工同日本迪士尼員工係訓練同質數上根本無得比，以下係我親身的一個事例：

仔仔3.5歲時帶他遊日本迪士尼，係卡通town度突然唔知仔仔走左去邊，當周圍望時已見到隻人扮既狼狼追緊仔仔，當時仔仔既表情 ...
私人傳訊

lovelyTabo


大宅

積分: 1100


29#
發表於 08-3-26 20:03 |只看該作者
無錯. 睇你好唔好彩咋. 試過去op一樣排餐死, 一樣有打尖, 排到差唔多又話大風, 停開吊車, 又走去排搭bus上山, 上到去又超多團員爭住搵位睇海豚show....總言之得個"排"字. 最慘的是夏天去, 熱到你暈倒, 反而迪士尼無咁悶熱, 工作人員有禮貌得多, 你toilet污穢, op咪一樣

原文章由 winghw 於 08-3-20 10:47 發表
我都有annual pass，最近也去過幾次。次次人都唔多，基本排一陣就入得去玩。所以都冇乜遇到"打尖”既情況。我上次去玩“士迪仔”，我老公抱住個女入佐去，我走去“泊”BB車，跟住已經好幾個人排佐係我老公後面，D職員都唔俾我入 ...
私人傳訊

birdbird


水晶宮

積分: 61503


28#
發表於 08-3-25 21:43 |只看該作者
我今日去迪士尼,
好多人, 亦有好多大6遊客,
但係出奇地今天我地冇遇過打尖的人客.....

哈..... 今日very lucky.

私人傳訊

heilok


公爵府

積分: 28727


27#
發表於 08-3-24 20:13 |只看該作者
我想不是受訓問題.記得disney初開時我睇過報導,說那些公仔在園中被打,被抽水,所以搞到他們對這些行為的反應較大.當然,小朋友大力有限.
私人傳訊

丫頭


子爵府

積分: 14775


26#
發表於 08-3-24 19:50 |只看該作者
恕我得罪講句香港迪士尼員工同日本迪士尼員工係訓練同質數上根本無得比，以下係我親身的一個事例：

仔仔3.5歲時帶他遊日本迪士尼，係卡通town度突然唔知仔仔走左去邊，當周圍望時已見到隻人扮既狼狼追緊仔仔，當時仔仔既表情又緊張又開心當隻狼追到仔仔時重抱起佢放佢係架跑車度同佢一齊影相添! 當時有好多日本人包括埋個日本工作人員見到隻狼追住仔仔佢地重好開心一齊跑，個日本職員重同我地成家人影相.......事後我問仔仔點解隻狼會追佢原來仔仔話佢只係拍隻狼個pat pat 2下隻狼就追住佢.....

同一件事幾個月候發生係香港迪士尼但結果同對待係完全兩回事，話說我地剛剛係畫室出邊share緊剛畫完的米奇畫，突然聽到好重既跑步聲原來係布圖追緊仔仔，當仔仔跑到黎我地面前大家都重係笑緊直至布圖走到埋黎叉起條腰定左咁企係我地面前郁都唔郁，跟住個職員拍下佢叫佢返埋位隻布圖先好唔忿氣咁行返去影相區，個職員同我地講你地個小朋友好曳，佢走去拍左布圖個pat pat2下，知唔知咁做係唔啱，當時仔仔個樣已經好驚，以佢一個3歲幾既小朋友黎講佢真係唔知自己錯左d乜，個職員係咁要我個仔答佢"知道"。果一刻我面色都已經黑晒，唔係我老公拉住我我實問清楚那位職員+隻布圖其實對一個3歲多既小遊客會有甚麼要求？

香港迪士尼.....唉
私人傳訊

heilok


公爵府

積分: 28727


25#
發表於 08-3-24 17:22 |只看該作者
對,日本也不是好好.
上年去,我hb去toilet,見到好污糟.吃完lunch,仍未清潔.而且公仔出來拍照,是無得排的,通常d細佬都唔會讓.大人都唔駛荒有得影.
私人傳訊

hch


別墅

積分: 843


24#
發表於 08-3-24 11:12 |只看該作者
咁又唔好妄自菲薄,我唔否認日本人係公民教育方面比中國同香港好。

剛玩完日本disney回來,面對排隊玩遊戲,日本人也是會攝下攝下咁不知不覺插到前面，當時我孭住阿仔排隊，我都

不過,排隊嘅設計係日本好好多,基本上後來者係好難去join番排緊隊的朋友或家人。

原文章由 KaHeiBaBa 於 08-3-24 00:27 發表

點解 東京迪士尼 會咁成功 ?? 除o左佢o地o既負責人，有聰明o既腦袋與敏銳o既觀察力之外，最重要都係日本人o既公民教育，全世界o既人都會"服" .....

香港人經歷 SARS 一役後，已經學識戴口罩o既必要性，不過o係 ...
私人傳訊

catcatchong


男爵府

積分: 5896


23#
發表於 08-3-24 10:12 |只看該作者
非常同意...上次同呀仔去日本迪士尼..雖然超多人..但個個都好守秩序..地方又乾淨..D人又有禮貌..最深刻係睇巡遊..有位日本姐姐見我個仔睇唔到,重讓個靚位兼抱住佢睇,攪到我幾唔好意恩.

原文章由 KaHeiBaBa 於 08-3-24 00:27 發表


點解 東京迪士尼 會咁成功 ?? 除o左佢o地o既負責人，有聰明o既腦袋與敏銳o既觀察力之外，最重要都係日本人o既公民教育，全世界o既人都會"服" .....

香港人經歷 SARS 一役後，已經學識戴口罩o既必要性，不過o係 ...
生命有價...入黎聽下~~恩典太美麗~~靜思語錄一頁子莊 ~蒐集坊間流傳的箴言和佛偈、佛經Anson blog
私人傳訊

KaHeiBaBa


子爵府

積分: 10373

貢獻勳章 環保接龍勳章


22#
發表於 08-3-24 00:27 |只看該作者
原文章由 loy211 於 08-3-23 22:16 發表
的確在人打尖,兩個主題公園都有,我有pass,全年去左n次,每次都只是重點玩一些遊戲而已.
說真,我去過日本迪士尼,日本人真係好守秩序,呢方面真係要多多學習.
今年續期,明年都唔玩啦!地方咁細,都玩夠啦!
...


點解 東京迪士尼 會咁成功 ?? 除o左佢o地o既負責人，有聰明o既腦袋與敏銳o既觀察力之外，最重要都係日本人o既公民教育，全世界o既人都會"服" .....

香港人經歷 SARS 一役後，已經學識戴口罩o既必要性，不過o係公眾場所、交通公具上傾電話，要幾時先可以學得識(唔會騷擾、影響別人)呢 ?? 排隊、讓座 .... 等等o既公民意識，究竟幾時先可以學得識呢 ?? 唉 !!

私人傳訊

loy211


別墅

積分: 825


21#
發表於 08-3-23 22:16 |只看該作者
的確在人打尖,兩個主題公園都有,我有pass,全年去左n次,每次都只是重點玩一些遊戲而已.
說真,我去過日本迪士尼,日本人真係好守秩序,呢方面真係要多多學習.
今年續期,明年都唔玩啦!地方咁細,都玩夠啦!
私人傳訊

mmmmm


大宅

積分: 1275


20#
發表於 08-3-22 00:19 |只看該作者
原文章由 Melissa_Tam 於 08-3-20 10:25 發表
I also have annual pass, but just been there 4 times, not so many people, the queue up time was shorter than Ocean Park. Would it be possible the “Da Tsim” people got an express ticket, then they mi ...


Yes, I think I'm really unlucky.
I went there 23/12 evening ticket. The staff said they never see so many people before. All the games need to quene up for >1.5 hr and the ticket for the show were all gone. So, finally, we quene up for the night ice-skating show. We were the last group of people, the staffs were stand behind. But all the people (HK people) just jump in under the ropes and the staff shouted and shouted, no one pay attention. The people were push and push. I had a stroller and need to put it next to entrance, but all the people were just pushing me and even jump in front of me and push me out of the line, all of them were look crazy, just like 'Chinese new year China tram station' I was really scared and want to cry when I finally find a seat.
私人傳訊

thunder_bunny


水晶宮

積分: 52755


19#
發表於 08-3-21 22:24 |只看該作者
D 人攝位時仲好興講一句 : 我朋友係前面
而逐個 逐個位攝上去 (除左真果d)
我朋友會話 : 我比你行上去, 你咪係果個朋友 囉


有次有2個大陸少女, 屎都話 pooh 前面 排 2行 上車
明明一行之嘛, 講 佢又唔聽 be lee ba ra 咁
都冇佢符

呢d 都小事, last sun. 有大陸小朋友係 main street 疴尿 呀
chip n dale 都見到添呀
核突到屎~~
鬼唔望上海快d 起, 到時佢地鍾意行緊又疴, 玩緊又疴
幾時鍾意疴就疴飽佢 ~ 咪鬼黎添呀
私人傳訊

heilok


公爵府

積分: 28727


18#
發表於 08-3-21 18:43 |只看該作者
原文章由 chuiiris 於 08-3-20 14:43 發表
迪士尼主管親口同我講, 話只有一人排隊, 中途有人插入, 那些人視為打尖, 就算排緊隊中途, 想去洗手間也要同守門口的職員講声才行.

就是有很多人, 只有一人排隊, 跟住插人入隊, 視為理所當然, 吾覺得自己有錯, 所以 ...

我也認同代人排隊是不對的.
十年前,我試過鬧一果化行妝,絕對是地道的hk女人.當時是排小巴,她先叫菲傭代排,我已覺得不應該,但我也不出聲,後來她見到人個friend,叫她插隊,我立刻出聲,誰知竟然反俾她鬧.最可惜是無其他人出聲,大佬,講緊16個位,多了一個隨時出不到車.我也不明別人為何不出聲.因為無人出聲,兩個女人也施施然上車.我也很"慶",唯一安慰是排我後面的剛好上不到,正好懲罰她不出聲的代價.

我會堅持出聲的(當然如過對方是孔武有力而我又只有一個人就例外).內地的文化不同,真要等他們慢慢改善.講真,我們也只是比他們好少少,有不少hk人也是鑽來鑽去,一個排又招來一大班人.我見海洋公園會寫明打尖的定義的,可能會比較好.
私人傳訊

Charlotte_mom


王國長老

積分: 225012

畀面勳章 好媽媽勳章 醒目開學勳章 2011精緻種植勳章 環保接龍勳章 大廚勳章 王國長老 BK猜猜猜慶中秋 BK Milk勳章


17#
發表於 08-3-21 16:44 |只看該作者
我都係有annual pass的, 去過n咁多次
迪迪仔成日都有大陸人'打尖'架啦, 點會少! 點會無! 有一個人排隊已經叫守規矩(公平d!! 好多香港人都係咁!) what's more!係大陸人好多時真係側側膊+面皮厚, 細路唔識大人仲要一齊衰, 咁你至興嘛! 試過排左一個hour同mickey影相, 突然隔離企多左d人(咪就係側側膊lor!), 我出聲架: 排隊o係果~~~~度wor! 有時佢地排排下, 會一路攝攝攝上去, 你出聲咩, 佢扮聽唔明, 算啦, 無謂自己嬲! 我老公試過一野扯左個死肥仔去返後面, 嚇到佢唔敢行! 抵佢!
同迪迪仔staff講, 更加side氣, 你估佢地唔知咩?! 唔敢得失d"客"嘛! 你上bk睇下幾多人俾人偷bb車, 直接去補領得架喇, staff都唔會問多句, 偷balloon咪補領balloon lor! 偷popcorn咪補領popcorn lor! 我都試過好幾次啦!
放鬆d! 唔好嬲! 為d咁既人生氣, 唔值得!
原文章由 birdbird 於 08-3-21 08:25 AM 發表
我在迪迪仔見到的 '打尖' 情況,
係呢類多. 呢個時候, 我係會出聲叫番個打尖人排番後.
佢見我帶住個細路都出聲叫佢唔好打我尖,
條友仔就會自然在我後面排.

其實而家迪迪仔的打尖情況,
已經比以前少. ...
私人傳訊

birdbird


水晶宮

積分: 61503


16#
發表於 08-3-21 08:25 |只看該作者
原文章由 HungG 於 08-3-20 16:34 發表
我上次 around Christmas 去仲離譜! 唔係一個人代排隊咁簡單，而係一個人由隊尾攝到上隊頭，然後就狂call D 自己友上黎，我地排左45mins先到果個位，但就俾人冷手執個熱煎堆，條氣真係幾............頂吓 但又唔想係公眾地 ...


我在迪迪仔見到的 '打尖' 情況,
係呢類多. 呢個時候, 我係會出聲叫番個打尖人排番後.
佢見我帶住個細路都出聲叫佢唔好打我尖,
條友仔就會自然在我後面排.

其實而家迪迪仔的打尖情況,
已經比以前少.

[ 本文章最後由 birdbird 於 08-3-21 08:42 編輯 ]
私人傳訊

winghw


大宅

積分: 1704


15#
發表於 08-3-20 18:27 |只看該作者
我認同你。只有一人排隊，其他親朋插入，也可視為打尖。我覺得搵人代排隊的文化，是中國人的習慣。我去澳洲旅行時，就遇到過尷尬的情況。我本來和朋友一齊排隊，但突然想起忘記東西未拿，當我離隊拿完東西，想返回原來的位置時，已經有幾個外國人排在我朋友的後面，我打算跟他們解釋，我是有排隊的，但他們用很決絕的語氣跟我說：“NO”！我當時很不開心。但我後來明白到，這就是西方人的公平文化。
我相信迪士尼的管理層也認同你。所以才作出補償。相信那位讓人打尖的職員將會受到處分，因為他令公司蒙受損失。所以，不要為一名處理不當的職員而以後也不去迪士尼啊。

原文章由 chuiiris 於 08-3-20 14:43 發表
迪士尼主管親口同我講, 話只有一人排隊, 中途有人插入, 那些人視為打尖, 就算排緊隊中途, 想去洗手間也要同守門口的職員講声才行.

就是有很多人, 只有一人排隊, 跟住插人入隊, 視為理所當然, 吾覺得自己有錯, 所以 ...
私人傳訊

HungG


複式洋房

積分: 312


14#
發表於 08-3-20 16:34 |只看該作者
我上次 around Christmas 去仲離譜! 唔係一個人代排隊咁簡單，而係一個人由隊尾攝到上隊頭，然後就狂call D 自己友上黎，我地排左45mins先到果個位，但就俾人冷手執個熱煎堆，條氣真係幾............頂吓 但又唔想係公眾地方嘈！難免會影響倒小朋友既心情！唯有大聲d同個女講d人咁樣係唔啱既，千祈唔好學
私人傳訊

thunder_bunny


水晶宮

積分: 52755


13#
發表於 08-3-20 16:17 |只看該作者
其實好多時都有呢個情況架
如果 "揸"正黎做, 代排隊係唔岩的
peak season 時 (x'mas / cny) 佢地d attractions 會有
廣播, 大概意思係要自己排隊, 唔可搵人代排
不過可能近日又唔係咩 holiday
d staff 手鬆左啦

有時排隊影相都係咁啦,
有d 人叫 賓姐幫手排添,
咁都冇符啦

睇下遲d 佢地查完單野比咩答案你
其實佢地都肯 refund 比你, 算係咁喇
私人傳訊

babyhowie


水晶宮

積分: 65678

HiPP勳章(2) HiPP勳章(1) 2018復活節勳章 育兒性格勳章 好媽媽勳章 畀面勳章 BK Milk勳章


12#
發表於 08-3-20 16:12 |只看該作者
原文章由 chuiiris 於 08-3-20 14:43 發表
迪士尼主管親口同我講, 話只有一人排隊, 中途有人插入, 那些人視為打尖, 就算排緊隊中途, 想去洗手間也要同守門口的職員講声才行.

就是有很多人, 只有一人排隊, 跟住插人入隊, 視為理所當然, 吾覺得自己有錯, 所以 ...


唔緊要啦！
自己知道是非黑白米得囉！
所以我地從來都係一齊排，費事引起誤會！
身教比言教重要！只要自己做好榜樣就ok啦！
其他人就懶理佢咯！
我成日同我老公講架，洗嘜同人教仔女！
人地其身不正，佢地只會遺禍下一代！
我就唔會為左呢人而激親自己喇！
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy