吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 大家可能都有一日做奶奶或者叫外母

婆媳關係今日: 1|主題: 27778

收藏本版

發帖

返回列表

跳至頁

查看: 12436 | 回覆: 150

大家可能都有一日做奶奶或者叫外母 [複製鏈接]

12 3 4 5...8

kwongmong

民房

積分: 30

1^#

發表於 08-3-28 16:53 |只看該作者 |正序瀏覽 |打印

我經過呢度，驚見，甚至有小小震撼呢度女人仇恨奶奶的程度，我唔知大家有冇仔女，如果有，有一日你地仔女都會長大。佢地都會結婚生仔。今日你地奶奶所面見的，就係日後大家所面見的。
我唔敢講，個個奶奶都係好相處，但係就算幾難相處，佢都係你老公個阿媽，就等於外母幾難相處，佢都係你老婆個阿媽。o係你未出現之前，你老公同呢個阿媽已經相對左二十幾年，o係呢二十幾年，呢個女人對你老公所付出的愛，一定比你對你老公所付出的愛更多同更偉大。
如果你老公可以夾埋你一齊恰老母的話，我覺得你冇咩值得開心，因為一個對佢全無保留付出愛的人，你老公都會咁對佢，日後你老公一樣會咁對你，因為你老公唔係一個念情的人。
對老人家好，對老人家體諒，唔係做俾咩人睇，係做緊一個榜樣俾仔女睇，你有孝心，你仔女就有孝心，你冇孝心，日後你d仔女一樣不孝。
我阿媽都曾經做過人新抱，我阿嬤係一個極難相處人，我媽媽處處忍讓。佢掉番轉叫我要孝順嬤嬤。我阿嬤過生，佢比任何一個新抱都傷心，但係我阿嬤最唔錫佢，因為我阿嬤亦最唔錫我爸爸。(原因係我爸爸係俾外人湊大)。我媽媽成日都講，無論嬤嬤點樣最唔錫你爸爸，但係佢始終係你爸爸的阿媽。
細細個，我媽媽成日問我，第時佢老左，我會唔會掉低佢，我話唔會。我媽媽笑笑講，聽住先，要等到有一日你結左婚，到媽媽百病纏身，一d用都冇o個時你先講呢句說話。
我唔知大家知唔湊大一個仔需要幾多心血，但係如果個仔大過之後無情無義，你地又何苦生佢出來。
屋企唔係講道理地方，一家人相處，係睇你包容之心有幾大。如果道理可以講得清，天下一早就太平。

我強調一次，奶奶唔一定好相處。但係你點對奶奶日後你個仔可能就係點對你。

0 0 0

私人傳訊

晞玥

珍珠宮

積分: 34110

hashtag影視迷勳章好媽媽勳章畀面勳章 BK Milk勳章

151^#

發表於 08-4-6 12:26 |只看該作者

原文章由 Vca 於 08-4-6 07:43 AM 發表

咪就係~ 男人老狗係做到大事既，邊有咁鬼得閒日日喺度話自己有文采，但9唔答8咁同班C9鬥咀?

佢係做大事,不過係喺廁所做嗰隻丫嘛!

私人傳訊

Vca

男爵府

積分: 5681

150^#

發表於 08-4-6 07:43 |只看該作者

原文章由晞玥於 5/4/2008 05:41 AM 發表
仲好無聊添!

咪就係~ 男人老狗係做到大事既，邊有咁鬼得閒日日喺度話自己有文采，但9唔答8咁同班C9鬥咀?

私人傳訊

nonstop528

複式洋房

積分: 225

149^#

發表於 08-4-5 18:44 |只看該作者

kwongmong, 得罪D講句, 你阿媽一係好完美, 係聖人, 就好似耶穌話, 如果人地打你左邊面, 你要比埋右邊佢打個只; 一係佢就係蠢人, 只係比人蝦唔識反抗, 或者跟本毋能力反抗.

我地中國人成日講話"父慈子孝", 幾多人唸過其中的因果? 所謂"父慈子孝", 先決條件係父要慈, 子才會孝. 並非一味愚孝. 呢樣0野, 我細個時已經同我老豆阿媽講過我的看法, 佢地都唔敢話我錯. 好明顯, 你阿嬤係佢死的時候就得到佢應得的報應啦. 我相信, 就算係你d姨媽姑姐阿嬸同你老豆都望0個日望0左好耐了, 點會喊得出? 呢樣0野我唸你都好明白? 你唔去問吓0個d無喊0既親戚點解咁不孝? 麻鷹唔管管雞仔. 多餘.

我見你文中提及你生長於暴力家庭. 你阿媽咁都認得? 你地咁都大到算命硬! 你阿哥隻手只係爭d被砍落0黎, 有無唸過萬一真係發生件咁0既事, 佢仲會唔會原諒你阿爸? 你地會唔會仲認為你阿媽容忍家庭暴力係0岩0既呢? 再得罪d講句, 呢0個世界有時害死人的係 "無知". 無發生慘劇係你地好彩0者. 之前唔知0個d滅門慘案係點發生0既呢? 在此呼籲所有bk媽咪千祈咪聽呢位"仁兄"點, 遇到家暴要馬上反抗, 決不啞認.

你係呢度講0既大道理大家都好明白. 或者你係好心, 又或者你看不起我地d師奶仔上0黎發洩吓, 但人人都有情緒, 話人之前反省吓自己, 你係聖人咩? 你唔係, 我地都唔係.

唔該你唔好站在道德0既高地話人地呢樣0個樣. 如果你咁醒, 我相信你唔會咁得閒走入0黎一個比師奶仔講0野0既地方發表偉論, 仲得閒到看人家的topic寫乜先挑出0黎話人地. 仲得閒到會回覆一班閣下看不起的師奶.

自已為好醒......... 可笑!

原文章由 kwongmong 於 29/3/2008 02:17 發表
或者，大家都覺得我係冇做過人新抱，我未遇過一d好難相處奶奶。好似，我講緊風涼話，但係正如我一早所講，我媽媽係俾我阿嬤恰到盡的人，我阿嬤有十幾個仔女，我阿爸係唯一一個俾人湊，所以佢唔錫我阿爸，連帶我全家佢都唔中意，過年我地 ...

Nonstop528 :)

私人傳訊

晞玥

珍珠宮

積分: 34110

hashtag影視迷勳章好媽媽勳章畀面勳章 BK Milk勳章

148^#

發表於 08-4-5 13:41 |只看該作者

原文章由 Vca 於 08-4-5 09:06 AM 發表
男人老狗咁鬼得閒.......:tongue:

仲好無聊添!

私人傳訊

Vca

男爵府

積分: 5681

147^#

發表於 08-4-5 09:06 |只看該作者

原文章由 大豬既老婆 於 5/4/2008 12:54 AM 發表

最勁系你拉
對號入座 ﹐ 自己承認自己系 "路過的貓﹐ 同 kobaby516.....
一人分演 3 個角色。。。。

最搞笑系同版主講左系你最後一個 post, 版主先無你甘得閒﹐ 留 ...

我都係咁話! 仲話人地"逼"佢(地)再覆.......?-( 點"逼"呀? 用把刀橫住佢條頸要佢出post 覆咩?

男人老狗咁鬼得閒.......:tongue:

[ 本文章最後由 Vca 於 08-4-5 01:09 編輯 ]

私人傳訊

大豬既老婆

伯爵府

積分: 17545

146^#

發表於 08-4-5 08:54 |只看該作者

原文章由 kwongmong 於 08-4-3 01:39 發表

哈.........至有趣都算係你啦
我根本冇將你問題擺上心
亦冇興趣同妳糾纏落去

我一早同個版主講左我o係對上個post係呢個topic最後一個post啦
做咩係要逼我再覆jee.....亦做咩逼其他人覆jee。

諗一諗，逼人講清問題， ...

最勁系你拉
對號入座 ﹐ 自己承認自己系 "路過的貓﹐ 同 kobaby516.....
一人分演 3 個角色。。。。

最搞笑系同版主講左系你最後一個 post, 版主先無你甘得閒﹐ 留意住你系吾系最後一個 post, 就算吾系最後一個 post, 距都吾會走黎 delete post 拉。。。。
你吾想講咪吾出聲﹐ 人地問路過的貓同 kobaby516, 關你咩事。。。

[ 本文章最後由大豬既老婆於 08-4-5 08:56 編輯 ]

私人傳訊

angel_cheng

大宅

積分: 2000

145^#

發表於 08-4-3 02:16 |只看該作者

原文章由 kwongmong 於 08-4-3 01:39 發表

哈.........至有趣都算係你啦
我根本冇將你問題擺上心
亦冇興趣同妳糾纏落去

我一早同個版主講左我o係對上個post係呢個topic最後一個post啦
做咩係要逼我再覆jee.....亦做咩逼其他人覆jee。

諗一諗，逼人講清問題， ...

哇...你都好趣致啦男人
如果你真係唔想答真係可以唔答架,我已經話左唔答就算啦
不過我自己都打錯左啦,我根本冇問你問題,而只係話你cheap精姐,所以你唔駛覆我,我只係問其餘兩位
而且你都破左n次例啦,我都唔覺你破例喎...

其他兩位我都好客氣問佢地,唔通呢d係都要你理,大男人得你...

唔通另外兩位都係你,所以唔想打咁多字先咁講

另外你個問題...我唸過啦...我唔想答你個大沙豬,ok嗎?
唔好覆呀,又破例架啦

[ 本文章最後由 angel_cheng 於 08-4-3 02:18 編輯 ]

私人傳訊

kwongmong

民房

積分: 30

144^#

發表於 08-4-3 01:39 |只看該作者

原文章由 angel_cheng 於 08-4-3 01:10 發表
咦...樓主,路過的貓,kobaby516你地好似未回覆我d問題喎
你地究竟係唔識答定係唔敢答呀
不過我都好識趣架,如果真係唔答說算囉
你地off,我都off囉 ...

哈.........至有趣都算係你啦
我根本冇將你問題擺上心
亦冇興趣同妳糾纏落去

我一早同個版主講左我o係對上個post係呢個topic最後一個post啦
做咩係要逼我再覆jee.....亦做咩逼其他人覆jee。

諗一諗，逼人講清問題，會唔會係你人際關係中最大問題。
妳唔洗答我，靜心諗諗就得啦。

好啦，我破左例啦
真係唔會再覆啦。

私人傳訊

angel_cheng

大宅

積分: 2000

143^#

發表於 08-4-3 01:10 |只看該作者

咦...樓主,路過的貓,kobaby516你地好似未回覆我d問題喎
你地究竟係唔識答定係唔敢答呀

不過我都好識趣架,如果真係唔答說算囉
你地off,我都off囉

私人傳訊

wmpl

大宅

積分: 3000

142^#

發表於 08-4-1 12:40 |只看該作者

原文章由 angel_cheng 於 08-4-1 02:07 發表

我人品自覺都唔錯,but我唔肯定我老左之後keep唔keep得住
but妳個句 "我將來都會係好奶奶" 有冇唸清楚先打呀
我唔係寸妳啊,我係以事論事,妳千萬唔好唸錯呀
不過都請妳回覆我個問題啦,其他mami都可以答架

你好！

喺我回答你的問題前,請大家看一條舊topic,
相信有一些人還未看過,

http://forum.baby-kingdom.com/redirect.php?tid=1277915&goto=lastpost

我c6弟婦俾99明恰,仲恰得好慘,
有一次佢問我,話我哋老咗嗰陣,會唔會好似99甘難頂?

我就答佢話:「呢d嘢好難講,可能會都唔定,
人老咗係古板同盟塞d啦,好難接受新思維,

呢d係有科學根據,唔係我岐視d老人家呀,
有次睇明珠台,有個講解人腦進化同退化嘅節目,
內容話平均人類,大約到60歲左右,個腦就會明顯退化,
同埋好記得好耐以前嘅事,但新事物就好難入腦,
所以人老咗就會古板同守舊lor。

再加上佢生個仔出嚟,辛辛苦苦養大佢,

一聲唔該都冇就娶咗老婆,仲以為個仔對老婆好過阿媽,
就唔多唔少都會呷醋同唔開心啦,都係人之常情嚟嘅,
冇話啱唔啱,俾着我都會啦,咪就吓佢lor。

雖然我會就佢咋噃,但千祈唔好三分顏色上大紅,:;pppp:
迫人太甚wor,你係老人家又係c6阿媽,我就吓無咩所謂,
若然唔知咩叫適可而止,得寸進尺嘅呢,
就係人都頂唔順個噃,我俾足面你,你都唔好令我太難堪,
你要呷醋唔開心,嚴格嚟講唔關我事,但都會遷就你,
你個仔就點都要娶老婆,唔係我搶走你個仔,

唔該控制吓d情緒唔好太過份,我都有阿媽生嘅,
唔好點得就點,屈得就屈,做阿四都仲無厘頭俾人鬧,
我唔係觀世音菩薩,冇甘好忍耐力！

所以趁後生就應該學多d嘢打底,甘自然老咗都唔會太盟塞,
唔好淨係識得坐喺張麻雀枱度同d八婆講事非,
一無麻雀打就揾嘢嚟鬧人,再唔係就諗埋d陰濕嘢跣人,

我都同c6講若然我老咗好似佢阿媽甘麻肯煩,
唔該大大聲撻落嚟小七我,等我清醒d唔好甘乞人憎！」

[ 本文章最後由 wmpl 於 08-4-1 12:41 編輯 ]

私人傳訊

bigbigsnake

男爵府

積分: 5567

141^#

發表於 08-4-1 11:28 |只看該作者

原文章由 wmpl 於 08-4-1 10:54 發表

to kobaby:

首先說明,我絕對尊重任何導人向善的宗教,
尤其是基督教,因我從幼到大均入讀基督教學校,
雖然我並不是教徒,但也十分明白該教的會義及準則。

希望你唔好隨便用教徒身份發言,
你當然 ...

very good show...and absolutely agree....~!

私人傳訊

wmpl

大宅

積分: 3000

140^#

發表於 08-4-1 10:54 |只看該作者

原文章由 kobaby516 於 08-3-31 20:46 發表
仲有咬過D食物俾小朋友食，係好多老一輩人的做法! 可能以前冇現在咁先進，咁發達! 同埋病菌都冇咁毒!
你問下你阿媽係吾係咁喂過你先罵D奶奶LAR!!
當然時代進步，人要進步!
如果奶奶咁做，要同佢解釋，講清楚，一次吾得講10次! 你 ...

to kobaby:

首先說明,我絕對尊重任何導人向善的宗教,

尤其是基督教,因我從幼到大均入讀基督教學校,
雖然我並不是教徒,但也十分明白該教的會義及準則。

希望你唔好隨便用教徒身份發言,

你當然可以表明自我的宗教意向,
但你真係好唔識分場合同用詞說話,
你甘講會好易掀起新的爭端,

甚至連累其他教徒無辜被人指責所信奉的教義！

我明白你的用意,不過你言語偏激,思想幼稚,

偏激係指你這篇發表的用詞,幼稚係指你妄自尊大、不懂世情,
並非指你的人格有問題,因我相信人性本善。

你要分清楚呢度係討論區,並唔係城市論壇,

冇任何人要坐喺台度等你質問及批判,
所以你有建議應溫和及用詞恰當的表現出來,
而並非指桑罵槐,一竹竿打一船人,
從你所講嘅所謂做法同建議,相信你亦不知詳情,
我們在這裡埋怨的,就是很多99都不聽別人勸言,

講上何止十次也仍她做她的一套,再講佢就會週圍唱你係針對佢,
故意挑剔佢,再唔係就一哭、二鬧、三上吊,
做場大戲俾你睇,你仲敢唔敢講?

同佢好聲好氣就當你耳邊風,講道理就話你恰佢唔識,

話佢兩句（真係兩句！）就話你駁咀駁舌,
忍無可忍想鬧佢?鬧之前諗清楚噃?你想死呀?想離婚咩?
想家嘈屋閉?想以後都冇好日子過?

定想c6鬧你/埋怨你做咩唔忍佢阿媽?
攪到佢阿媽日哦夜哦,你仲夠唔夠膽出聲?

阿女,你一番好意教我哋,我哋心領嘞,

但唔好質問我哋點解唔聽你講做,
你老公唔係我老公,你99唔係我99,
你就係你,我就係我,再加加埋埋各自嘅親朋戚友,
唔係你嘅方法套落我度就一定work 嘅?!

況且好多方法我哋都試過,個問題又唔係淨係喺個新抱度,
你行得通我恭喜你,至斃我行唔通呢?!
世界上有甘多做人處事方式,點解一定要人哋跟你嗰套?

我相信基督徒嘅眼光同胸襟唔係甘淺窄嘅,

但我哋呢班新抱都唔係魔鬼托世吖,
真係忍受唔住長期非人道嘅對待,先至會一時口出惡言發洩吓啫,
你睇到唔啱過火嘅咪好言相勸當氹吓我哋,咪當導人向善lor,
唔好單單打打、人身攻擊甘嚟話人吖,
我哋係真係甘惡毒嘅,就唔駛响度得個呻字啦?
一早就去搞掂個99先啦,駛咩同你講嘢呀?

做乜要迫到我哋走投無路,無處宣洩呢?
大家都係女人,唔通你真係要迫我哋谷到發癲先安樂?
唔通你真係一d都唔明白我哋?

[ 本文章最後由 wmpl 於 08-4-1 11:45 編輯 ]

私人傳訊

hinhofion

大宅

積分: 4120

139^#

發表於 08-4-1 10:06 |只看該作者

講真,將來我係咪一個好99,我自己唔可以下定論,我只會做好本份,我一定唔會要求同呀仔新抱住,大家生活方式根本唔同,就算更好脾氣ga人,間中都會有埋怨,一有埋怨就等如種下"仇恨"種子,日子耐左,個棵"仇恨"樹只會越生越大,想砍斷佢易ma?
再者,自己都係過來人,結左婚當然想自己一家一戶,有邊個人喜歡比人管?有邊個人喜歡冇自由?我做99 ga會選擇做旁觀者,仔女結左婚就應該學識放手,比佢地學習點樣建立一個佢屬於佢地自己ga家庭,唔好下下係旁邊做"指揮官" ,到佢地真係有困難時,先出手幫忙都唔遲,仲有,我一定唔會將自己個一套,要個仔同新抱跟住做lor,人係個體黎,點可能下下只順人意思去做呢?佢地都有自己想法,下下迫佢地去順應自己,遲早一鑊爆煲

[ 本文章最後由 hinhofion 於 08-4-1 10:12 編輯 ]

私人傳訊

wmpl

大宅

積分: 3000

138^#

發表於 08-4-1 09:47 |只看該作者

原文章由 zxzx 於 08-4-1 00:07 發表

Kobaby:
恭起你, 我都係基督徒, 我6299係牧師師母添, 不過神冇俾一个在人眼中的好99我, 我6299出名難相處, 無論係教会及工作的地方, 但我想我將來都会係好99, 因為我一定唔会學我99咁對人 (或者就係神比我既功課) ...

見解中肯,
完全係一個正常人,唔會迫人做聖人！

私人傳訊

kkttssng

侯爵府

積分: 23465

玩具勳章畀面勳章 wyeth冷知識勳章環保接龍勳章大廚勳章 BK Milk勳章

137^#

發表於 08-4-1 08:34 |只看該作者

原文章由 小寶貝兒 於 08-3-31 15:41 發表

齋read唔寫(唔回覆)咪cd-rom囉~

Thx!!我明啦..

私人傳訊

goat

珍珠宮

積分: 38085

136^#

發表於 08-4-1 08:00 |只看該作者

原文章由 樂俊藍媽咪 於 08-4-1 02:40 發表

如果我答你唔知算唔算答左呀,因為張來既野邊個敢擔保.
到時我可能覺得已做足100分,但d新抱or女婿覺得我好衰呢.
我覺得我媽咪已做足100分,但佢細新抱覺得佢唔好,但大新抱就周圍同人講我媽咪好好,所以我唔會話自己 ...

呢個真係事實, 好多野唔好咁快講住先。當然, 有心做好奶奶總好過冇。亦祝願大家千奇唔好"媳婦熬成婆"!!
一個人老左, 好多時性情脾氣都會變(even佢冇乜大病)。有d會變得更溫馴, 有d則相反(唉, 我身邊就有後者o既老人家)。如果冇, 咁就恭喜你。
唔講性情轉變, 每個人對好人(好奶奶)o既睇法都唔同。
個女覺得佢阿爸好好, 易相處, 但佢d阿嫂/女胥就未必咁諗。始終係來自兩個家庭、係唔同環境長大o既人嘛。

至於樓主呢個post, 唉, 冇野好講。

[ 本文章最後由 goat 於 08-4-1 08:02 編輯 ]

私人傳訊

常在坤

大宅

積分: 3217

135^#

發表於 08-4-1 03:30 |只看該作者

原文章由 我愛Corina 於 08-4-1 03:20 發表

我同99傾計..我話比佢知,有人話自己99咬過d食物比小朋友食..我99個反應係--->

唔係話老一輩唔老一輩lor..係人既問題lor...

私人傳訊

我愛Corina

瑪瑙宮

積分: 138768

2025勳章蛇年勳章 2024年龍年勳章好媽媽勳章醒目開學勳章環保接龍勳章

134^#

發表於 08-4-1 03:20 |只看該作者

原文章由 kobaby516 於 08-3-31 12:46 發表
仲有咬過D食物俾小朋友食，係好多老一輩人的做法! 可能以前冇現在咁先進，咁發達! 同埋病菌都冇咁毒!
你問下你阿媽係吾係咁喂過你先罵D奶奶LAR!!
當然時代進步，人要進步!
如果奶奶咁做，要同佢解釋，講清楚，一次吾得講10次! 你 ...

我同99傾計..我話比佢知,有人話自己99咬過d食物比小朋友食..我99個反應係--->

唔係話老一輩唔老一輩lor..係人既問題lor...