婆媳關係 今日: 0 | 主題: 27778

積分: 7723

1^#

發表於 08-3-29 20:03 |只看該作者 |正序瀏覽 |打印

上星期我大嫂通風報訊，話我阿媽星期六【即今晚】會係佢哋屋企過夜，第二日去拜老豆山。大嫂問我‥‥佢99我阿媽有冇同我講，因為佢99同大嫂講話預咗我哋唔會去噃:;pppp:
今朝一早七點幾起身去厠所，見到佢鬼鬼祟祟咁拖住架手拉車出門，見到我連一句說話都冇交帶就即刻出門口，擺到明就係唔想俾我吔去拜老豆﹗不過我諗我老豆都應該明白，唔係我不孝，係佢老婆我老母攪事唧

更好彩係我大嫂一定話番俾大佬知，唔係我哋唔去，係佢老母攪分化唔想我哋去﹗

0 0 0

私人傳訊

積分: 7723

26^#

發表於 08-4-1 02:26 |只看該作者

原文章由 wmpl 於 08-3-31 19:19 發表

甘真係無乜計過喎?!你都唔會怪自己個仔啦,
你哋兩兄妹同埋身邊d大人都俾你阿媽搞到甘唔開心,
試問一個小朋友又點頂得住呢?
唯有少d見lor,叫個仔去學多d嘢,同你媽子儘量減少接觸,
不過以你阿媽嘅為人,我估佢應該會 ...

sorry﹗清楚d咁講，我大佬又唔會覺得太辛苦，因為佢都係愚孝果種男人，而我大嫂成個世外高人咁款，如果我阿媽佢99閙佢閙到收唔到口，大嫂只會返房或者出街，從來唔會回應，佢話都習慣咗，而家又唔係同埋一齊住，都費時啋佢

私人傳訊

wmpl

積分: 3000

25^#

發表於 08-3-31 19:19 |只看該作者

原文章由 Leomummy 於 08-3-31 17:32 發表

我都成日教個仔，因為婆婆無讀過書，好多嘢都唔識，咁我哋都受過基本教育，說話要識分輕重，唔可以句句都硬倔倔﹗不過我都明白，好多時都係婆婆挑釁到人哋最後都好倔咁對佢
我亦都試過好似你所講直接同個仔講，如果佢用咁差既 ...

甘真係無乜計過喎?!你都唔會怪自己個仔啦,
你哋兩兄妹同埋身邊d大人都俾你阿媽搞到甘唔開心,
試問一個小朋友又點頂得住呢?
唯有少d見lor,叫個仔去學多d嘢,同你媽子儘量減少接觸,
不過以你阿媽嘅為人,我估佢應該會追住你個仔嚟煩,
無可能要個細路仔長期去就一個大人啦,
頂時幾耐得幾耐,傾一次起碼都頂得一段時間,
細路仔會大,再大d就懂性,到時就冇甘煩啦！
加油啊！

私人傳訊

積分: 7723

24^#

發表於 08-3-31 17:32 |只看該作者

原文章由 wmpl 於 08-3-31 02:52 發表
Leomummy

你阿媽甘樣,自己女又唔鍾意,人哋女又唔鍾意,真係好難搞,
仲搞到同d新抱關係甘惡劣,好難返轉頭,
再加上佢都幾十歲人,可以話無得改,
上一代冇咩機會接受教育,佢地當時的社會又未開放,
好多思想唔識轉彎,呢一 ...

我都成日教個仔，因為婆婆無讀過書，好多嘢都唔識，咁我哋都受過基本教育，說話要識分輕重，唔可以句句都硬倔倔﹗不過我都明白，好多時都係婆婆挑釁到人哋最後都好倔咁對佢

我亦都試過好似你所講直接同個仔講，如果佢用咁差既態度對婆婆，只會加深婆婆對媽咪既誤會，認為係媽咪教佢咁做，咁我除咗會俾婆婆閙之外，我亦會更加難過

但係每次維持唔到一段長時間，又故態復萌

私人傳訊

wmpl

積分: 3000

23^#

發表於 08-3-31 02:52 |只看該作者

Leomummy

你阿媽甘樣,自己女又唔鍾意,人哋女又唔鍾意,真係好難搞,
仲搞到同d新抱關係甘惡劣,好難返轉頭,
再加上佢都幾十歲人,可以話無得改,
上一代冇咩機會接受教育,佢地當時的社會又未開放,
好多思想唔識轉彎,呢一點都可以體諒,
但人畢竟係人,容忍係有個限度,夾硬忍祗會谷爆,
到時一爆,個後果真係唔可以想像,
我之前都好驚我唔知可以忍到幾時,
再係甘落去我真係會痴線,因為嗰時我會有好多惡毒甚至自殺念頭,
好彩我而家可以離開嗰個環境,
唔駛再惡化落去！

你冇得走又真係幾慘,但都唔好過份憂心,
有d事做唔到就係做唔到,冇得勉強,
好在你都識開解自己話盡咗仔女本份就得嘞,
你仔仔唔尊重婆婆都應該因為佢錫你啫,
你就同佢講:「媽咪係無得揀,孝順佢亦都係應份,
如果你係錫媽咪嘅,希望你幫我就吓婆婆,
幾唔鍾意都唔好頂撞佢,唔係就會令媽咪好難做同更加辛苦！」

私人傳訊

snoopy8787

禁止訪問

積分: 1420

22^#

發表於 08-3-31 00:47 |只看該作者

提示: 作者被禁止或刪除內容自動屏蔽

私人傳訊

積分: 7723

21^#

發表於 08-3-30 22:15 |只看該作者

wmpl
有時我都覺得做人真係好無奈﹗父母子女無得揀，上天安排得俾你，就只有一句各有前因莫善人。好彩有呢個地方俾我哋發洩吓，如果唔係，遲早精神分裂。
最慘連個醫生竟然話佢有老人抑鬱，而家我準備寫封信俾醫生，叫佢check清楚，到底佢係有抑鬱定係有妄想症？我就反而試過俾佢迫到有產前產後抑鬱，仲曾經有過自殺念頭。
由細到大，我明白阿媽係果d傳統婦女，老來從子，奈何大仔老婆唔得佢歡心，所以佢唔願跟佢哋住，二仔老婆討厭佢，可以當街大罵到佢喊住咁返呢同我住，我亦從來無諗過要得到佢乜嘢歡心，只覺得盡咗做子女本份，問心無愧就算，我只係擔心我個仔愈來愈唔尊重佢，解釋極佢都唔係咁鐘意婆婆，真係無晒辦法，我又唔想佢咁細個就學某d大人咁假。

私人傳訊

HangPig

別墅

積分: 517

20^#

發表於 08-3-30 22:02 |只看該作者

我都覺得老人家是一種很麻煩的東西~我亦感受到你所說的那種"重男輕女"滋味,連
我老公亦感受到不公平

,因我連續2個月都到醫院探我亞媽病,但都比不上我嫂探她一次咁開心,所以我現在只會1-1.5個月才去看她一次(她出院需入住老人院) ,她或許知她本身有問題我才會這樣做,現在見到我和我c6都比前好面口多了

私人傳訊

wmpl

積分: 3000

19^#

發表於 08-3-30 20:31 |只看該作者

原文章由 Leomummy 於 08-3-30 19:40 發表

wmpl
真係俾你講中晒大部份，就好似前年佢跌親條腰，住院同埋療養院前後都有兩個幾月，每晚我兩公婆收工後就去醫院或療養院探佢，之後去補習社接仔放學，飯後要幫仔跟功課，日日如是，不過我都唔覺辛苦，因為我總得呢個係做子女既 ...

傻嘅,有咩廢話唔廢話啫,
生活係由一連串嘅大小事拼湊而成家嘛！

你嘅case我都有發生過,所以我都好瞭解,
上嚟bk呢度,令我知道每個人都有自己的難處與故事,
可以更加學識點同其他人相處同尊重人哋,
亦都知道我雖然經歷過不幸,但其實我已很幸運,
而我可以將親身經驗分享俾大家作為一個借鏡,都算有價值。

有時我都會喺度發吓噏風,平衡一吓自己心理,
因為屈得多又冇得發洩真係會痴線,
我之前有段日子成日都唔開心,仲屈出好多病痛,
好小事我都可以嬲到噴火甘,我本來好要面唔會喺公眾地方嗌交,
但可以當街好大聲鬧c6鬧到成條街d人都望住我都唔理,
仲好似想食人甘嘅樣,連c6都怕咗我,
當平靜番之後,自己諗番都覺得自己得人驚！

好多現實問題都好難話解決就解決,
過程中身邊嘅人都未必會瞭解你的痛苦,
唯有揾多d人傾吓,或者會有新想法或辦法解決都未定。

私人傳訊

積分: 7723

18^#

發表於 08-3-30 19:40 |只看該作者

原文章由 wmpl 於 08-3-30 18:09 發表

嘩！去私家做真係好貴個喎,
你甘孝順佢都唔識珍惜,幾多老人家恨都恨唔到呀?!
真係身在福中不知福呀！

好多老人家都好抗拒睇醫生,尤其是知道要做手術,
自己身體有事又點會唔知吖,可能就係知道嚴重 ...

wmpl
真係俾你講中晒大部份，就好似前年佢跌親條腰，住院同埋療養院前後都有兩個幾月，每晚我兩公婆收工後就去醫院或療養院探佢，之後去補習社接仔放學，飯後要幫仔跟功課，日日如是，不過我都唔覺辛苦，因為我總得呢個係做子女既責任，不過佢從來無同任何人講過，我有幾辛苦為佢，佢只會向人講，我哋既工作一d都辛苦，坐係度就有錢收，有時我都諗佢會唔會當我哋係男盜女娼

見佢留院無乜湯水，咪order送湯服務，點知佢話人哋果d都唔知係乜湯，飲到佢好暈噃﹗

但係我二嫂煲同一款湯俾佢，佢又話好好味

所以我老公都好似你咁講，話我哋太縱佢，令佢有持無恐，先至會得寸進尺，我都叫有時反抗吓，我大佬仲死，佢老婆即我大嫂俾我阿媽閙足廿幾年，從冇駁佢咀，佢都仲係唔滿意，都唔知佢想點，甚至憎到幻想我大佬係大陸包二奶，佢都short short地，成日想人哋家變先開心咁

wmpl多謝你聽我講咁多癈話，而家個心稍為鬆d，無咁拿住﹗

私人傳訊

wmpl

積分: 3000

17^#

發表於 08-3-30 18:09 |只看該作者

原文章由 Leomummy 於 08-3-30 11:31 發表

我都有諗過自己申請一間公屋，一來入息超額，二來如果連我哋都走埋，佢死咗係屋都真係無人知，而家佢d老人病，同d仔住既時候，無人發現，因為佢唔會主動話俾人知，就算知道，叫佢自己睇醫生，佢啋你都傻，係都要人迫，要人閙，甚至要人氹，先會 ...

嘩！去私家做真係好貴個喎,

你甘孝順佢都唔識珍惜,幾多老人家恨都恨唔到呀?!
真係身在福中不知福呀！

好多老人家都好抗拒睇醫生,尤其是知道要做手術,
自己身體有事又點會唔知吖,可能就係知道嚴重先至唔肯去睇,
可能因為佢哋覺得,死就一世,唔死都大半世,
所以當知道自己有重病嗰陣,就寧願死捱爛捱都唔醫,
一來係因為真係唔想嘥錢啦,
二來係因為自己都甘老lor,唔想接受治療受苦,
覺得捱到都唔擺得幾多年,捱唔到就仲要受多d痛苦先死得,
甘諗都係正常嘅,掉轉係我將來老咗都可能係甘諗,

仲有就係若然睇咗醫生原來係小事嘅呢,會肉赤d錢,
係大件事嘅呢,就驚成為子女的負擔,驚俾人嫌棄,
所謂久病床前無孝子,呢d觀念都係好多老人家都有。

不過最搞笑又好乞人憎嘅係,當佢死忍難忍,有事都唔出聲,
問極佢都唔認,連迫佢睇醫生食藥都唔肯嗰陣,
你以為佢唔肯就算啦,由得佢啦,佢就會覺得你唔關心佢,
仲埋怨你冇佢心,唔留意佢,成曰喺度胡思亂想d仔女嫌棄佢,
真係仲難服侍過d細路,好人都會俾佢激死！

d老人家成日開口埋口話唔好,唔駛,唔要嗰陣,
其實就最想你估佢諗咩同自動自覺做埋俾佢,
但又唔知甘樣會令到d後生好辛苦,
真係唔駛做咩?由朝到晚淨係坐喺度估你諗乜?
就算真係唔駛做,都冇可能係佢心入面條蟲啩?
尤其是d老人家咁鐘意口不對心,成日喺度跳草裙舞扭扭捏捏,
都唔知佢幾時真幾時假?係要定真係唔要?煩到嘔！

你呢個情况真係要你同你阿哥商量吓,叫佢企硬d,
表態話吓你阿媽,如果佢真係甘做就唔睬佢得唔得?

因為d老人家真係好盟塞又硬頸,唔係淨係你阿媽係甘,
你唔企硬佢就幾乎可以為求目的不擇手段,
要好似教仔甘話唔得就唔得,唔係佢會不斷挑戰你的底線,
恃住你哋錫佢就同阿媽身份嚟迫你哋就範,

你估佢唔知你錫佢咩?不過死口唔認之嘛！
如果唔係點會同你住,要你照顧佢,都對你甘放肆?！

私人傳訊

積分: 7723

16^#

發表於 08-3-30 11:31 |只看該作者

原文章由 wmpl 於 08-3-30 04:21 發表

唔係吓話,你阿媽甘都得?
佢真係唔理你哋死活噃,其實我覺得而家你阿媽甘對你,
係因為佢對你唔好,所以諗你都唔會對你好lor,
即係以小人之心,度君子之腹,
...

我都有諗過自己申請一間公屋，一來入息超額，二來如果連我哋都走埋，佢死咗係屋都真係無人知，而家佢d老人病，同d仔住既時候，無人發現，因為佢唔會主動話俾人知，就算知道，叫佢自己睇醫生，佢啋你都傻，係都要人迫，要人閙，甚至要人氹，先會去睇

就好似佢對眼有白內障咁，最初叫佢同醫生講，叫醫生同佢檢查，佢又唔講，咁我咪同佢一齊見醫生，直接問醫生，希望醫生寫referral去瑪麗，點知佢仲同醫生講唔駛寫，都咁大年紀，瞎咪由佢瞎囉，橫掂遲早死囉﹗真係俾佢當場激到嘔血

結果拖咗一年時間，最後我叫大佬同我合資俾錢幫佢搵私家醫生造咗其中一隻眼手術，呢次佢知道原來搵私家咁貴，因為佢唔捨得要個仔駛錢，初頭佢都仲閙我點解話俾大佬知，到佢造完一隻之後，先搵醫生寫紙上瑪麗排期做另一眼手術

私人傳訊

angel_cheng

積分: 2000

15^#

發表於 08-3-30 05:23 |只看該作者

原文章由 Leomummy 於 08-3-30 03:18 發表

因為我哋一齊住，我驚我個仔漏口風，俾佢知道我哋自己去，佢又係度冷言冷語，句句說話有骨

其實妳可以自己一個去架...
就算俾妳mami知又點呢,妳一句
"唔通我而家盡孝道都唔得呀?如果真係唔去就係不孝啦"
佢都已經收皮啦,妳大條道理...正大光明唔駛怕佢架!
有時如果怕事而唔做d自己覺得有理嘅事,第時自己會後悔囉...

私人傳訊

wmpl

積分: 3000

14^#

發表於 08-3-30 04:21 |只看該作者

原文章由 Leomummy 於 08-3-30 04:03 發表

仲有呀，我今日先知原來佢去過申請綜緩，不過人哋叫佢問我攞我所有資產証明，仲要我簽名作實，但係佢又無同我講噃
另外，因為我哋現住個戶住名係佢，所以佢同人講想向房署申請唔畏現住間屋搬去沙田住獨居老人屋，可以 ...

唔係吓話,你阿媽甘都得?

佢真係唔理你哋死活噃,其實我覺得而家你阿媽甘對你,
係因為佢對你唔好,所以諗你都唔會對你好lor,
即係以小人之心,度君子之腹,
我喺其他topic都睇到你講你阿媽d事跡,係好重男輕女家嘛,
老人家呢d觀念根深蒂固,真係冇得改啦,
唯有你放開d同上嚟呻下啦！

甘你一家有冇辦法自立呀?唔同佢住有冇得申請過公屋?
而家乜都貴,冇地方落腳真係好難生活！

希望你媽真係唔會做到甘絕啦！

私人傳訊

積分: 7723

13^#

發表於 08-3-30 04:03 |只看該作者

原文章由 wmpl 於 08-3-30 03:38 發表
甘你都好慘啫,點解呀?
唉！見到都戥你心痛,自己阿媽都甘樣,

拜又鬧,唔拜又鬧,真係叫人點放wor?!
都幾十歲人啦,有咩唔啱都做埋正經事先再講啦,鬥埋d甘嘅氣又有乜謂噃?
樓主對唔住,但你媽咪真係唔係好 ...

仲有呀，我今日先知原來佢去過申請綜緩，不過人哋叫佢問我攞我所有資產証明，仲要我簽名作實，但係佢又無同我講噃

另外，因為我哋現住個戶住名係佢，所以佢同人講想向房署申請唔畏現住間屋搬去沙田住獨居老人屋，可以住近d個仔噃，到今時今日佢仲未清醒，佢個仔根本就唔想同住，甚至住得近d都唔願，仲要係度自欺欺人，以為個仔好錫佢

咁我哋一家三口亦會無得住，不過佢係人哋面前就講到好為大，話唔想咁害我哋，暫時未咁做住噃﹗
不過我係唔想信佢會咁為我哋諗囉﹗因為佢有前科，試過真係不理人死活，想做就做，結果俾我大佬閙到佢反艇，話佢做人咁無道義，咁絕情，唔係人既所為

所以我哋一家三口，一直都有心理準備，隨時會無家可歸

私人傳訊

wmpl

積分: 3000

12^#

發表於 08-3-30 03:38 |只看該作者

甘你都好慘啫,點解呀?
唉！見到都戥你心痛,自己阿媽都甘樣,

拜又鬧,唔拜又鬧,真係叫人點放wor?!

都幾十歲人啦,有咩唔啱都做埋正經事先再講啦,鬥埋d甘嘅氣又有乜謂噃?
樓主對唔住,但你媽咪真係唔係好識分輕重lor!

私人傳訊

積分: 7723

11^#

發表於 08-3-30 03:18 |只看該作者

原文章由 angel_cheng 於 08-3-30 02:46 發表

最緊要妳有心姐,如果妳堅持自己搵日去,妳唔同妳mami講,佢鬼知呀,自己老豆都唔拜就真係講唔過去囉

因為我哋一齊住，我驚我個仔漏口風，俾佢知道我哋自己去，佢又係度冷言冷語，句句說話有骨

私人傳訊

angel_cheng

積分: 2000

10^#

發表於 08-3-30 02:46 |只看該作者

原文章由 Leomummy 於 08-3-29 22:16 發表

唔得ga，好耐以前，佢講過女唔可以自己去拜，要拜都要跟住d仔去拜

最緊要妳有心姐,如果妳堅持自己搵日去,妳唔同妳mami講,佢鬼知呀,自己老豆都唔拜就真係講唔過去囉

私人傳訊

樂俊藍媽咪

子爵府

積分: 14265

9^#

發表於 08-3-29 23:11 |只看該作者

我老豆果邊又係一年一次(每個山墳),因為真係要行上山,有d地方都幾難行.清明節同重陽節拜既地方都唔同,每次要分幾星期去拜.
媽咪果邊又係一年一次,又係要行幾個山頭先去到拜我外公.

私人傳訊