今午響樂富中心間日式餐廳食嘢, 見到個blue blood家庭, 好鬼攪笑：
個爸爸一坐低已不停大大聲咁"訓導"個約3年級的女兒: "一陣返屋企記得聽熟隻ballet碟, 要考試喇... 呀, 記得去上環聽音樂會, 嗰個音樂會會令妳感受到唔同國家嘅音樂架, 雖然遠d都值得的... 呀, 仲有呀, 嗰d普通話碟聽熟未呀........ " (下刪100字, 其實坐隨離聽完佢對女兒的吩咐, 都已經冇乜胃口, 好大的壓力)
跟住佢叫嘢食："凍檸茶走冰少甜茶要淡, 什菌炒時蔬少油少鹽少味精..." (心諗, 咁你不如叫熱檸水同白烚時蔬啦), 凍檸茶到咗之後佢都仲係話d茶濃, 攞咗幾杯水溝淡佢...
後來佢碗肥牛烏冬嚟咗, 佢就係咁哦個老婆話肥牛肥喎, 又要求侍應攞幾杯滾水, 將d烏冬拖完水先食。(唉, 叫得肥牛都預咗肥架啦, 唔肥又點叫肥牛喎)
覺得好好笑囉, 日本嘢係咁架啦, 要食得健康就響屋企自己煮啦, 買d肥牛番嚟片晒d肥膏都得架, 響樂富中心扮blue blood就大大聲, 不如去IFC扮啦。
[ 本文章最後由 Giant 於 08-3-30 21:04 編輯 ]
孩子之心有如泥膠，當它還是柔軟可塑時，請好好把握時間，塑造你心中所愛。「忙碌」、「疲倦」永遠不是好借口，孩子大得很快，今日拿不出時間會變成明日的遺憾！
發表於 
mouth:
返回列表
