嘩~ 我99恨仔恨到出晒面啦!!
自己生左4個仲唔夠, 最好4個仔生既全部都係仔!!
第一個孫, 係仔, 比佢恨到啦, 縱到無法無天, 個死靚仔打我, 居然要我同個死靚仔道歉, 搞到我以後都唔想再理佢呢個孫!
第2個孫, 係女, 今次呀, 一照到係女, 就即刻同個新抱講, "幾時生返個仔?!", 大姐呀, 而家肚裡面果個都未出黎, 咁快就叫人生多個, 仲要指定係仔?! 所以而家b女好唔鐘意99, 99一抱親就喊到拆天!!
以上2個都唔係我仔女, 我仲未有, 但我99由結婚前已經開始講, 結婚後好快d生返個啦, 你老啦(老? 我結婚時得25咋喎!! ), 到而家未生得出, 就次次見面就次次講, 仲話佢比錢我地去做人工受孕, 我地一路都冇同佢講話係邊個問題或者咩問題而冇bb, 即係在佢黎講, 我地係冇問題既, 只係咁耐都未有, 佢只係因為恨仔, 所以就叫我去受苦(打針食藥唔辛苦架!), 同佢講到明做人工好辛苦架(當然有誇大啦, 唔係點嚇佢呀!), 佢都仍然叫我去做, 果然人家的孩子死不完!!
仲有呀, 大孫仔出世既時候, 又派門頭(圍村人習俗), 又大搞盆菜, 又擺幾圍滿月酒, 但到孫女出世, 乜都唔搞, 連b女父母想自己比錢擺幾圍滿月都話唔比!!!
佢仲同我講埋, 話係仔先有得擺滿月, 女就冇!!
而家我好恨你擺滿月啦喎!!!
我媽咪話你唔擺我地自己擺, 睇下你d面擺係邊!!!:;pppp:
♡女人想要奢侈品,其實要的是男人的捨得!
♡女人想要你出差的禮物,其實要的是男人的掛念!
♡女人想要生日禮物,其實要的是男人的心思!
♡女人想要擁抱,其實要的是男人的溫暖!
♡女人想要吵架,其實要的是男人的包容!
♡女人想要的一切,無非是要男人在乎她的感覺!