吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 應該係邊個俾錢？

婆媳關係今日: 0|主題: 27782

收藏本版

發帖

返回列表

跳至頁

查看: 5249 | 回覆: 44

應該係邊個俾錢？ [複製鏈接]

12 3

為食熊

大宅

積分: 2289

1^#

發表於 08-4-2 15:00 |只看該作者 |正序瀏覽 |打印

我就快結婚喇，姑仔同佢老公遠道而黎（從外國，第三世界國家）我地婚禮，佢地想去大陸同埋澳門旅行，原本佢地話去北京或者華東，後來覺得三千蚊太貴，甘ｃ６就叫我去搵廣東省三日果ｄ團啦（補充：ｃ６外國發達國家過黎），我就經常都為左搵唔同既旅行團好頻樸，跟住去澳門喇，我想住威尼斯人，我同ｃ６都覺得好抵，二千蚊兩個人，點知姑仔話太貴，佢只想去最平果ｄ，ｃ６就話為左我開心，佢會貼埋錢俾姑仔同佢老公去旅行，我就覺得幫個妹係無問題，但個妹都嫁左人，貼錢呢ｄ野係咪應該係佢老公既責任呢？

其實我好明白姑仔有心，成萬幾蚊機票都飛過黎我地個婚禮，對佢地黎講係好大數目，因為佢地只係每人搵五千蚊港幣左右，我都預左ｃ６同佢地出去食飯都會俾晒錢，我已經俾左佢地黎香港影結婚相既錢（佢地想去羅浮宮），又俾埋佢地兩個租衫錢，我覺得長貧難顧呀，ｃ６阿媽都會黎香港，甘我ｃ６都預左完全負責佢媽既所有支出（我唔介意），我宜家只係覺得點解佢妹既洗費唔係佢老公出囉？結左婚都一家一主啦！

我已經好將就佢地，我可以唔去貴既地方，但係我地同佢地個價值觀相差太遠，甘點去旅行呀？

0 0 0

私人傳訊

十月變形記

大宅

積分: 2703

45^#

發表於 08-4-8 02:34 |只看該作者

問題已經攪清楚就好啦, 咁你個心裡面就唔會有條刺, 應該舒服晒啦!
不過又講番轉頭, 你老公係手足情深, 而且照你咁形容, 你老公一家人都各散東西, 應該都好耐冇咁齊人, 所以你都要睇開d, 唔單止係錢, 其他方面都係.
祝你新婚愉快!

十月變形記: http://hk.myblog.yahoo.com/bibu-fish

私人傳訊

evashao

大宅

積分: 2165

44^#

發表於 08-4-7 08:13 |只看該作者

原文章由 為食熊 於 08-4-4 10:41 發表
多謝大家tum我，我無咩唔開心喇！ｃ６話等佢地走左之後補償返俾我，同埋姑仔突然昨日同佢講，佢地諗過都係唔想太慳，因為今次去完旅行後，可能有成十幾年唔會再出國，佢同佢老公都想盡地一煲玩盡，同埋唔再去廣東三日，改去北京喎...

你地 ...

咁咪好囉~~

一家人多d溝通真係可以化解唔少問題~其實你好幸福,老公識做時姑仔又唔難相處!既然大家唔係成日見到,就更加要好好珍惜大家既關係喇

私人傳訊

zxzx

伯爵府

積分: 17363

43^#

發表於 08-4-4 11:45 |只看該作者

原文章由 kwongmong 於 08-4-2 23:42 發表
如果你問應該邊個俾錢，答案就一定係佢地自己俾錢。

但係如果我係你老公，我一定幫個妹俾晒錢
(原因人地真係搵得唔多嗎，而你又係有限錢嗎)
做大佬(如果家庭正常) 通常都係唔會俾細路妹委屈同出問題
呢個係一個正常大佬天 ...

嘩, 你大佬好好喎! 不過我諗佢都揾到d, 如果唔係, 佢都冇可能咁招呼你, 另外你大嫂超級好, 我覺得出錢既野最重要有能力, 而且我諗係你地咁耐冇見又唔係一齊係hk. 你令我想起一件事, 就係三年前我係外國, C6 (當時个boyfriend)回來探我, 咁佢細佬同girlfriend (我而家个叔仔老婆, 當時佢地我地都未結婚, 又唔熟)又來外國玩, 我一盡地主之誼請佢地去吃飯, 个時我剛出來工作, $唔多, 不過我都願意請佢地吃d貴野, 因為人地咁遠來玩, 雖然亞girlfriend當時叫我返hk請我去soho區食野, 半年之後我返hk長住(我二十年第一次返hk, because I went to overseas while I was very young), 亞girlfriend同細佬一直無請, 直至有一次特意有99在的時候, 亞girlfriend同細佬話請我吃飯, 係去茶餐廳(唔係出名好食又唔係近99屋企个D)吃碟頭飯 (share tim !

), 仲有唔夠食又唔叫, 亞girlfriend同99講話因為報答我在外國請佢, 之後仲比99意為我好cheap請佢地食cheap野! 唉,叔仔一个都有幾萬一个月收入, 比我C6多兩倍, 我唔係要人請我食番貴野 (因我本身都慳慳地), 但自此我知道原來有d人你對佢好, 佢未必會對你好. 之後結左婚, 好多時同叔仔佢地出街食飯, 都係我C6比$, 我冇出声, 因為唔係我$, 不過我唔鐘意叔仔老婆 (99都冇咁trouble), 次次唔出$又要争住簡酒樓点菜.

所以你有好brother & brother-in-law, 真羨慕!

私人傳訊

為食熊

大宅

積分: 2289

42^#

發表於 08-4-4 10:41 |只看該作者

多謝大家tum我，我無咩唔開心喇！ｃ６話等佢地走左之後補償返俾我，同埋姑仔突然昨日同佢講，佢地諗過都係唔想太慳，因為今次去完旅行後，可能有成十幾年唔會再出國，佢同佢老公都想盡地一煲玩盡，同埋唔再去廣東三日，改去北京喎...

你地講得岩，姑仔唔係果ｄ一心想痴既人，ｃ６原來一早同佢講會幫佢俾錢，佢都話唔駛，我真係唔係睇錢睇得甘重既人，可能都係因為結婚好多野諗，我都係要學做一個好新抱同大嫂！

私人傳訊

evashao

大宅

積分: 2165

41^#

發表於 08-4-4 09:21 |只看該作者

我都明白樓主一心想有一個夢想既婚禮模式,而且香港、澳門...始終都唔係你地原住既地方,你地都只係嚟旅行,所以充滿期待

~然而,因為姑仔夫婦佢地遠道而嚟,二人世界變成團體旅行,夢想達成唔到既你一定好失望~

希望你明白,團體旅行都已成事實,既然大家都係一家人,何不放開懷抱改變諗法,當呢個係一家人既聯誼活動,從中增進下大家既感情呢?試下向好果方面諗下,唔會令老公唔開心之餘,自己又唔駛鑽牛角尖!

如果你地同姑仔住o係唔同國家,一家團聚去旅行既機會唔係成日有架,體諒下果個始終係你老公既妹同媽咪啦!反正二人世界幾時都可以,如果真係想同老公去旅行,再搵個機會補渡蜜月都得加嘛,唔好唔開心啦~~

私人傳訊

JFL

伯爵府

積分: 17193

40^#

發表於 08-4-4 07:27 |只看該作者

我就認為如果出得到,又開心嘅話就何樂不為呢.雖然我同我姑仔感情唔好,如果佢亞哥肯請埋佢去旅行,我都唔介意.不過大多數我老公系介意果個,因為佢人好估寒!

私人傳訊

wmpl

大宅

積分: 3000

39^#

發表於 08-4-4 07:08 |只看該作者

原文章由 為食熊 於 08-4-3 08:38 發表
如果只係洗幾千蚊，我都唔介意！其實可能係因為剛結婚要洗好多錢，所以我先特別著緊，如果佢地係平時去ｃ６果邊玩，我都唔介意ｃ６全部俾晒！

我本來諗住新婚會開開心心同ｃ６拍下拖，去下旅行，宜家變左家庭聚會，又要我安排行程，又唔可以去自己想 ...

我明嘅,新婚梗係想二人世界,兩夫妻鍾意去邊就去邊啦,
我都相信你唔係甘小氣嘅人嚟,

只不過係同一時間發生好多冇諗過嘅問題,
將原本你對新婚生活嘅憧憬打碎咗,

自己又要週圍講價又要慳住駛,所以你先一時諗唔通啫,
唔係你都唔會俾老公幫個妹俾結婚相錢同其他雜費啦,
你都結婚lor,開心d啦,其實好小事啫,

慢慢學點做人老婆,大嫂同新抱啦,
冇人會一出世就識嘅,人生係日日都有新嘢要學,
祝你新婚愉快！

私人傳訊

8C9

大宅

積分: 1078

38^#

發表於 08-4-3 16:48 |只看該作者

你真係講得好岩, 我c6都係咁, 明明個妹搵錢多佢好多, 又未結婚同99住, 正一鑽石姑婆黎, 次次同佢出去食飯, 我c6都係俾埋佢個份, 仲要99一有節目唔開飯, 佢就會覺得佢自己有責任去照顧哂所有平日係99屋企食飯既人個餐. 但我地多數唔會煮, 一定出去食, 一定佢俾哂. 當中既人有姑仔又有姑9, 仲有佢地d仔添. 我就覺得冇所謂, 我自己有時都會自發請哂c6成家人出去食. 好多人架, 不過年中一兩次, 駛下錢, 佢地開心, 我地都開心. 禮尚往來, 有得俾既咪俾囉, 俾唔到都唔需要計較, 有得施予, 真係一種福氣黎.

原文章由 kwongmong 於 08-4-2 23:42 發表
做大佬(如果家庭正常) 通常都係唔會俾細路妹委屈同出問題
呢個係一個正常大佬天 ...

私人傳訊

sweetieboy

大宅

積分: 4329

好媽媽勳章

37^#

發表於 08-4-3 14:17 |只看該作者

係lor！佢地咁慳儉都駛成萬黎飲你地個餐,你真係小家左D lor！抵鬧!而且D錢又唔係你嘅，俾得起何必斤斤計較!!做阿哥梗係耍照顧D妹ga la!
成世人溜溜長，遲D你2個想點都得la!
如有得罪多多見諒~

私人傳訊

小天子

別墅

積分: 612

36^#

發表於 08-4-3 13:08 |只看該作者

Yes, I agreed to kiki.

原文章由 kiki.kiki 於 08-4-2 15:52 發表
俾都冇所謂啦, 人地咁有心飛過嚟....你姑仔開心時, 你老公又開心, 況且都唔係好大好大筆錢..何樂而不為?

私人傳訊

lemontree

男爵府

積分: 5587

35^#

發表於 08-4-3 13:03 |只看該作者

wxxyxn,

我地d屋企人真係無咩所謂, 我地又唔係咩上等人, 飲茶食飯行街買野都係能力範圍可以比既.
不過, 好多時會大家都爭住比, 我會炸第去toilet, 先埋左單, 咁就好d啦.
有時大家爭住比, 好肉酸架.
一家人都係一年見十次八次, 就算次次比, 我都希望比最好自己人啦.

私人傳訊

vickym

男爵府

積分: 8096

34^#

發表於 08-4-3 12:51 |只看該作者

回覆 #11 kwongmong 的文章

agree,

你姑仔跟本唔係想搵你地著數而你又好似唔想駛$番俾佢地, 講真,佢地咁慳儉都駛$遠道黎飲你地個餐,佢地都係STAY 3 WEEKS JE, 日日同佢地行下街食下野, 我唸都係應該LOR~

好老實講,我覺得你又小家左D LOR, 雖則你想去玩得豪D.但又因佢地唔想咁豪而否決左你意思, 老實講,証明佢地都係好人一個,唔會恃熟賣熟咁搵你笨啦, 即使你老公寧願請佢地,我又覺得你又唔好令你老公難做LOR, 平平地咪去LOR. 大家開心, 何必因著你一個唔鍾意令到你夫家冇得去OR 你老公2面為難呀?! 要豪D去玩咪遲D你2個自己再去LOR,咁咪唔駛再就其他人LOR,

初歸新抱, 似乎你個思想仲停留係做野蠻公主要所有人遷就個種.你要學識下大體先得架...."DIU橋扭擰"既野..留番你同你老公先做啦....

大把人因著男女家有咩拗撬/錢銀之類種種問題而唔開心,你就為著D咁雞毛既野而去斤斤計較, 又何必呢...

如有得罪請諒~

私人傳訊

ac321

侯爵府

積分: 24705

好媽媽勳章

33^#

發表於 08-4-3 12:42 |只看該作者

That's real families............and a brother / man should do that!

原文章由 wxxyxn 於 08-4-3 12:39 發表
不過我想補充一樣野: 就係我老公唔係唔比錢，係真係我哥會話等佢黎

咁如果我哥唔係度，得一班婦孺，就會係我老公比囉

私人傳訊

wxxyxn

大宅

積分: 2339

32^#

發表於 08-4-3 12:39 |只看該作者

不過我想補充一樣野: 就係我老公唔係唔比錢，係真係我哥會話等佢黎

咁如果我哥唔係度，得一班婦孺，就會係我老公比囉

私人傳訊

502

男爵府

積分: 5544

31^#

發表於 08-4-3 12:12 |只看該作者

回覆 #30 ac321 的文章

My brother-in-law is very nice to us and uses to pay for the dinner bill when we have dinner gatherings (62/99 + 姑9一家 + 我们一家四口).

能成为一家人是缘分，能够维持良好关系更是难得。可能我自己是独生女，更加珍惜兄弟姊妹间的亲情。

楼主你自己都话如果是自己个妹就没问题，老公个妹为什么又不一样呢？爱屋及乌，做个大方的大嫂，老公一定更锡你！

:-D :-D :-D :-D

私人傳訊

ac321

侯爵府

積分: 24705

好媽媽勳章

30^#

發表於 08-4-3 11:35 |只看該作者

your brother is so luck as he can find a 'nice' wife!
So, treat your 呀嫂 nice!

原文章由 wxxyxn 於 08-4-3 11:16 發表
諗起上黎，次次有呀哥的聚會都係佢爭住比錢，感謝呀嫂!

私人傳訊

lemontree

男爵府

積分: 5587

29^#

發表於 08-4-3 11:35 |只看該作者

wxxyxn,
比你提一提, 我又係人地亞嫂, 又有亞嫂,我地一家三口+99, 去泰國探亞嫂一家,大部份食又人地, 住埋人地屋企,佢地都無咩, 大家都好開心, 重無計話佢比我比. 以前佢地係香港住, 都會星期六幫下我接亞仔放學, (因為我未放工, 而平日就99湊, 星期六都比99放假, 大家都無咩所謂既), 而家佢地移左民.
我地一年都有幾次見面,佢返來一定搵我地飲飲食食, 行街買野, 每次都無話今次邊個比, 下次又邊個比, 真係無計過wow.
咁我都要感謝返亞嫂當日招呼我地.

私人傳訊

wxxyxn

大宅

積分: 2339

28^#

發表於 08-4-3 11:16 |只看該作者

諗起上黎，次次有呀哥的聚會都係佢爭住比錢，感謝呀嫂!

原文章由 ac321 於 08-4-3 10:35 發表
kwongmong :
My brother's ex-wife is like 為食熊. She control all my brother's money and don't let him to use even 1 cents to us (me, my parents......).........and finally, they separate.
Now, my brot ...

私人傳訊

ac321

侯爵府

積分: 24705

好媽媽勳章

27^#

發表於 08-4-3 10:35 |只看該作者

kwongmong :
My brother's ex-wife is like 為食熊. She control all my brother's money and don't let him to use even 1 cents to us (me, my parents......).........and finally, they separate.
Now, my brother's new wife won't control my borther's money. She says the money is earn by him, he can use his saving for anyone he like (but not the second wife)