吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 經典賤人(最後一次機會!)

婆媳關係今日: 1|主題: 27782

收藏本版

發帖

返回列表

跳至頁

查看: 15836 | 回覆: 103

經典賤人(最後一次機會!) [複製鏈接]

12 3 4 5...6

paklok

侯爵府

積分: 21203

好媽媽勳章醒目開學勳章畀面勳章環保接龍勳章

1^#

發表於 08-4-10 21:37 |只看該作者 |正序瀏覽 |打印

每日見到你地講99, 我都好想鬧爆! 但係日日返工, 好唔容易先抽到時間將佢既大部份罪狀打出黎, 請大家借個位我, 剷爆我老公阿媽, 以下稱呼為八婆, 我依家同佢一齊住就死啦, 生完已經迫到我產後抑鬱, 到依家就算我要返工都就嚟迫到我崩潰啦!!!

罪狀1
我未生前個八婆負責湊侄仔(我老公二哥個仔), 侄仔啱啱識行, 已經日日帶佢落街, 仲成日放佢自己喺商場, 自己搭車去第二度, 我知道後話佢, 佢堅持話唔怕,結果有次唔見左, 搵唔到局住搵我同老公, 當時仲要死撐話無事無事, 好彩最後喺酒樓裡面搵得番!

罪狀二
經常同侄仔玩刀刀叉叉,係真果D,話佢永世都話唔怕!

罪狀三
侄仔發脾氣唔肯返屋企,佢將侄仔放上商場內圓筒形高身垃圾桶, 侄仔大喊, 俾保安干涉叫人唔好理佢, 一味答人:「佢發脾氣咋唔使理佢」大佬人地依家係話你有問題, 唔係話個細既發脾氣呀! 搞到警察黎,我當時大住個肚, 無眼睇太激氣又瘀, 喊住衝返屋企!

罪狀三
教侄仔如果野食掉左落地要執番黎食, 結果侄仔就算食雞翼得番骨頭, 掉左落地照執番黎食, 未夠兩歲就要"蹈"蟲!

罪狀三
經常喺侄仔訓覺時, 煲住野自己落街!仲抵死到屋企明明有人都唔講聲! 試過煲乾水, 我地喺房聞到陣燶味先知, 差d一鑊熟!

罪狀四
教侄仔喺十七樓開window嗌落街!

罪狀五
個八婆以前個清潔, 識晒商場D清潔姨姨, 竟然帶埋侄仔去推垃圾車!

罪狀六
侄仔出街自己識行,但叫佢唔使著鞋, 衰D講句成個野仔咁!

罪狀七
到我07年四月生左女, 八婆即刻趕侄仔返歸準備湊我個女, 因為我老公係佢最錫的細仔, 我個女訓箱仔第八日返歸, 我捱足一個月自已湊, 死都唔肯放手佢湊, 直至一個月後真係好辛苦, 放手俾佢湊一陣即出事, 佢幫阿女换屎片時, 用濕紙巾清潔pat pat, 咁啱我個女嘔奶, 個八婆用將抹過屎既濕紙巾抹我個女既嘴! 我老公即刻搶番個女返黎, 我無出過聲, 佢發爛渣話我個女巴閉, 嘭門入房! 之後返佢大女屋企, 話我地屈佢, 話根本無抹過屎!!

罪狀八
唔俾我個女換片, 工人話阿女條片濕要換, 佢就話唔使成日換, 就算隔左六個鐘都唔俾換, 我睬佢都有味!

罪狀九
成日鬧我俾D貴奶粉阿女食, 成百幾蚊罐, 我個女只係食普通的安嬰兒A+1, 一D都唔過份, 佢話以前佢湊侄仔, 幾廿蚊罐奶粉, 又話可以用煉奶溝水飲, 妖咩年代呀!

罪狀十
日日都話要帶我個女落街, 我永遠都唔俾, 帶左落街之後就無得返轉頭架啦, 前排天氣最凍果陣, 囡囡傷風, 佢擅自抱我個女落街, 我即刻叫老公帶番個女返黎, 知我唔俾就不停同我個女講,話BB你好慘呀, 你阿媽唔俾你落街呀, 你永遠都唔出得街架啦, 我就博佢話"我剩係唔俾你帶落街"!!

罪狀十一
我阿媽知佢D仆街野,專登過黎睇BB兼煲粥仔佢食, 果陣阿女七個月, 我阿媽煲粥, 個八婆話七個月BB唔使食粥,又話食爛飯都得, 我阿媽一担心機煲粥, 佢問都唔問無啦啦熄火溝D水落去,激死我阿媽呀!

罪狀十二
有次個八婆返到屋企,見阿女訓緊覺,鬧工人:「BB訓覺你就去沖涼啦」工人話無人喺屋企,阿女訓緊覺唔敢沖驚佢醒, 個八婆話:「你連自己都顧唔掂, 點湊BB呀!」嬲到爆!

罪狀十三
明明有餸喺屋企都唔俾工人食, 抄兩條葱當一餐!

罪狀十四
有次叫工人去沖涼, 我個女訓緊覺, 佢話佢睇住, 點知工人沖完涼, BB醒左差D跌落床佢仲坐喺度睇電視!

罪狀十五
我個女訓午睡, 佢竟然監生整醒佢,話唔好俾佢訓咁多, 費時夜晚夜訓!

罪狀十六
我個女七個月果陣, 冬天放佢落佢扶住個茶几, 話佢識企, 仲要放手,我個女一甩手成個向後跌落地, 好彩無事咋!!!

罪狀十七
成日想整走我個工人, 候我唔喺屋企, 同工人講話平時我大伯返屋企要服侍佢, 我大伯日日無兩三點都唔返, 唔通唔訓咩!

罪狀十八
我個女滿月無耐, 屋企裝修, 我搬去媽咪度住半年, 當時有男家親戚話想探我地, 個八婆同人講話我唔想佢地去我屋企, 搞到人地嬲左我!

罪狀十九
我大肚時要去飲我老闆餐喜酒, 佢唔俾話相沖, 我無去, 點知過左幾個月, 佢有個遠房親戚過身, 係遠到講完我老公都唔知邊個果D, 佢D仔女叫佢唔好去話唔好, 佢話唔怕就去左, 勁仆街!

罪狀二十
我大肚佢見我媽專登煲湯我飲, 個八婆唔抵得又煲, 拎埋D陳年舊料, 煲湯成個面都係一隻隻蟲仔, 佢話唔怕叫我照飲, 我大伯即刻剷爆佢先肯倒!

罪狀廿一
向來我唔鍾意佢大聲, 佢把聲非常擾人! 有晚我放工返屋企, 個八婆沖緊涼, 我專登躲在房度睇下我唔喺度佢點對我工人同囡囡, 不出我所料, 一沖完涼出黎即刻勁大聲同我個女講:「麻麻抱抱」我個女唔俾佢抱, 佢就不停大聲鬧, 終於鬧到佢喊, 我忍唔住衝出去, 即刻抱番個女, 本來諗住忍佢唔出聲, 但佢先撩者賤
八婆: 你使乜咁小氣呀!
我: 你使乜咁大氣啫!
然後不停喪鬧我小氣
八婆: 我同佢玩啫嘛
我: 玩... 玩都唔使咁大聲架! 你當我個女聾架?!
然後繼續鬧我小氣, 我就費事睬佢返房~

翌日, 我媽咪黎探阿囡, 個八婆一返到屋企, 我媽咪就話:「 BB, 麻麻返黎啦, 叫麻麻啦」個八婆話:「我唔係佢麻麻, 佢無麻麻架, 我以後唔掂佢唔抱佢架啦!」
我阿媽問佢咩事, 佢就話: 「親家奶奶, 你個女琴晚鬧我呀! 我知架, 佢一直對我有怨恨, 自從BB出世我用屎紙巾抹佢嘴之後嘛, 果次係佢地屈我! 佢不嬲都唔睬我架啦, 我依家就睇下佢想點! 我頭先先撞到個仔以前女朋友, 佢叫我去飲茶都唔去啦, 我戴住呢隻鐲都係佢送架咋。」老實講, 我同你之間既野, 無必要辣埋我老公前女友啫, 係人都知我最忌提佢架啦, 根本有心分化我同老公感情!

之後已經嬲爆, 一直同佢零溝通, 黑面, 佢嘭門我試過成對筷子掉過佢房門, 但因為我老公算數!

事隔數星期, 我同老公既侄女(20歲)msn傾計, 佢問我同個八婆點, 我話無溝通, 佢就話個八婆好嬲, 我就奇怪, 佢嬲咩啫, 係都我嬲啦, 原來個八婆將我鬧佢既版本改晒黎講, 佢話我叉住條腰好惡咁鬧佢「我忍左你好耐架啦, 你做咩害我個囡, 你因為我生唔到個仔而唔鍾意樂樂啫嘛」我發誓完全無講過, 我嬲到即刻打電話俾姑奶, 爆晒粗澄清, 好彩佢明白事理, 之後我一直無睬個八婆, 連飯都唔同佢食, 直至依家!

仲有數唔盡既野... 我真係就黎谷爆啦! 可惜無錢搬...唯有忍忍忍!!!!!!!!!!!!!!

[ 本文章最後由 paklok 於 08-4-21 15:30 編輯 ]

0 0 0

但求順利

私人傳訊

angel510

大宅

積分: 2885

104^#

發表於 08-5-9 20:21 |只看該作者

原文章由 kanas526 於 08-5-9 12:16 發表

angel510我覺得妳講得好啱呀!

簡直係超級極品添呀!
好彩我唔係同我個八婆99住，如果唔
係見倒佢哋就想

樓主＆kanas526
現時已經係8點幾,我99六點幾已經食飯（即６點已經唔可以用廚房）食到而家先至洗緊碗,我要等佢用完先有得用,明知我要煮飯同個仔食,晚晚慢慢食（佢好大食）兼覇住個廚房都唔洗理人,有時重pk到下午兩點就已經放滿晒啲餸放滿晒啲煲,搞到我連煮個麵都煮唔到

私人傳訊

misskwokwok

子爵府

積分: 14598

103^#

發表於 08-5-9 15:06 |只看該作者

超~勁!睇到 O 晒咀

mouth:
即搬喇，個女學壞左，有錢都買唔返呀!

私人傳訊

kanas526

大宅

積分: 1639

102^#

發表於 08-5-9 12:16 |只看該作者

原文章由 angel510 於 08-5-9 00:44 發表
我以為我家6299係極品,原來天外有天,人外有人,我家6299睇怕都要

angel510我覺得妳講得好啱呀!

簡直係超級極品添呀!
好彩我唔係同我個八婆99住，如果唔
係見倒佢哋就想

私人傳訊

angelymama

男爵府

積分: 5908

101^#

發表於 08-5-9 09:51 |只看該作者

精彩

私人傳訊

yuki-yan

複式洋房

積分: 237

100^#

發表於 08-5-9 02:12 |只看該作者

極品!!極品!!
人間極品

私人傳訊

angel510

大宅

積分: 2885

99^#

發表於 08-5-9 00:44 |只看該作者

我以為我家6299係極品,原來天外有天,人外有人,我家6299睇怕都要

私人傳訊

純綷路人

男爵府

積分: 6685

98^#

發表於 08-5-8 10:18 |只看該作者

極品99呀

私人傳訊

littleangelyy

侯爵府

積分: 23787

2025勳章蛇年勳章 2024年龍年勳章 2023年兔年勳章虎到金來勳章減齡達人勳章牛年勳章 2018復活節勳章 15週年勳章親子王國15週年勳章畀面勳章 BK猜猜猜慶中秋 hashtag影視迷勳章

97^#

發表於 08-5-7 16:08 |只看該作者

原文章由 HangPig 於 08-4-11 01:44 發表
如比我選擇~會搬離個極品先,租屋住都要,因我怕如等到夠錢買樓時,不是我痴線就是個女已經比佢教壞囉

Agreed. 為左個女, 點辛苦都要搬走, 脫離魔掌.

私人傳訊

wmpl

大宅

積分: 3000

96^#

發表於 08-4-29 03:52 |只看該作者

原文章由 paklok 於 08-4-29 02:03 發表
各位, 我依家姑且住多排, 如果八婆仲無改善, 我就走架啦, 呢論無大問題, 但唔知係咪我已經太憎佢, 聽到佢開門返屋企, 我已經好唔開心, 即刻九秒九衝入房, 聽到佢喝我個女(叫佢唔好食手果D, 唔係九唔搭八既), 雖然係 ...

睇到你話一聽到你99開門返屋企已經好唔開心,
仲九秒九衝返入房,真係同我情況差唔多,
仲令我諗番起以前同嗰件物體一齊住嗰陣嘅怪事,
就係嗰件物體經常會返鄉下幾日或更長日子不定,
但佢好少會講自己幾時會返香港,有我都唔會知,
因為知道嘅仔女嗰d已經唔同住亦唔會話俾我同c6知,
有好多時就算佢講咗邊曰會返都唔會係嗰日,
所以我同c6都唔會追問,我心諗最好你永遠都唔返嚟!!

但奇怪嘅係,雖然我真係完全唔知佢會幾時返,
不過每次佢返嚟之前嗰晚,我都會夢見佢返咗嚟,
而次次喺夢境中我都必定同佢嗌交,
更奇怪嘅係,有時佢會帶埋個孫或新抱返嚟,
我都一樣可以夢見,翌日亦會變成事實,
實在令我相當困擾和不快!!

我祇感覺到,我係俾佢影響得我幾o甘緊要,
令我精神完全無法放鬆,就連夢境都俾佢侵佔,
夢境成真不但止,仲連發夢都要同佢嗌交,
連覺都冇覺好訓,當其時真係令我好唔開心同好沮喪。

所以你都係快d搬啦,唔係情況只會惡化落去,
搞到好似我o甘有情緒病兼內分泌失調就唔好la!!

[ 本文章最後由 wmpl 於 08-4-29 03:55 編輯 ]

私人傳訊

paklok

侯爵府

積分: 21203

好媽媽勳章醒目開學勳章畀面勳章環保接龍勳章

95^#

發表於 08-4-29 02:03 |只看該作者

各位, 我依家姑且住多排, 如果八婆仲無改善, 我就走架啦, 呢論無大問題, 但唔知係咪我已經太憎佢, 聽到佢開門返屋企, 我已經好唔開心, 即刻九秒九衝入房, 聽到佢喝我個女(叫佢唔好食手果D, 唔係九唔搭八既), 雖然係有理由, 但我都好想打佢! 我諗我真係憎得佢好緊要...

我同老公既關係本來已經因為呢個八婆差左, 但依家每逢有少少野, 我都忍唔住喺佢面前鬧八婆, 佢開始聽到厭, 好似撞聾咁, 我都知我係好煩, 但係真係忍唔住, 我都唔想... 依家我覺得好似等緊離婚咁, 只係未到最差既地步, 唉...

但求順利

私人傳訊

yuentanni

複式洋房

積分: 210

94^#

發表於 08-4-29 00:25 |只看該作者

你99真係極品中之極品.相見好,同住難,相見唔好,同住更難,為你的女兒著想快搬!!!!

私人傳訊

Onlok

翡翠宮

積分: 76520

熱血勳章好媽媽勳章 hashtag影視迷勳章

93^#

發表於 08-4-29 00:03 |只看該作者

不如靜雞雞錄低啲罪証俾老公睇／聽？

私人傳訊

stevepoon

大宅

積分: 3537

92^#

發表於 08-4-28 23:34 |只看該作者

罪狀十三
明明有餸喺屋企都唔俾工人食, 抄兩條葱當一餐!

咩話???唔通真係食蔥聰明d????

私人傳訊

小寶貝兒

珍珠宮

積分: 30295

91^#

發表於 08-4-26 03:25 |只看該作者

原文章由 applesimon 於 08-4-23 00:15 發表

嘩~~~你99仲衰過我99,佢成日都話我呢樣唔好果樣唔好,我老公鬧佢,佢又特登比返說話我聽,,好似上個月返去食飯,我唔舒服,我又有左,佢又話我咁唔小心,一輪咀係咁鬧,又話我唔教個大仔,一邊係酒樓食嘢一邊鬧,,谷鬼氣,我 ...

嘩, 如果我有左, 我99又鬧我, 當時老公又不在場的話, 我真係暈比佢睇架!!

仲call埋白車, 等佢鬧得咁過引丫拿!!!

如果我99係我老公面前鬧我, 我老公就話唔會鬧返佢, 不過會即時拉我走!

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

小小太陽

大宅

積分: 2301

90^#

發表於 08-4-26 01:04 |只看該作者

樓主你ＥＱ　真係高。。。。我諗如果係我爆左佢樽十世勒。。。

好彩仲有其他男家人撑你

私人傳訊

janicelamsy

民房

積分: 46

89^#

發表於 08-4-25 19:23 |只看該作者

樓主你99真係好pk,但你唔可以搬住,為有忍耐啦...

勁慘...如果係我我一定顛左

私人傳訊

joey.yeung

別墅

積分: 556

88^#

發表於 08-4-25 19:06 |只看該作者

回覆 #1 paklok 的文章

極品99個腦一定有問題又扮勁，比我冇錢搬而我mama冇揍第2個，我會比佢揍唔理佢(99)感受一係我唔做嘢唔請工人自己睇住個女

私人傳訊

kidkidmum

別墅

積分: 505

87^#

發表於 08-4-25 17:50 |只看該作者

私人傳訊

babylily

等待驗證會員

積分: 831

86^#

發表於 08-4-23 13:41 |只看該作者

我都係一口氣睇晒。
我都建議你俾個囡你媽咪湊，日頭叫工人帯埋過去，一黎可以幫手湊你個囡，二黎幫輕下你媽咪做嘢，你返工時間唔穩定的，如果收得夜咪等囡囡係你媽到過夜，雖然會掛住，但總好過俾你奶奶湊。另外你話俾錢你媽咪，咁呢個一定要的啦，係多與少的問題，你可以同你老公傾傾，你奶奶到俾少ｄ家用，因為放阿囡係你媽到湊，點都要俾的，因為呢個提議係你老公講的。
咁同老公的關係都要好ｄ，唔好再為佢阿媽噪，因為男人得把口講，實際係無行動的，我老公都一樣，話講，講到宜家都無去做。
其實係咪有必要買樓呢？或者唔好諗住，ｐｌａｎ過第二樣嘢好ｄ呢？因為儲錢買樓都唔係話儲幾年就得，儲得俾首期，咁裝修，置家私？我都知個個都好想有個自己的家，但係實際ｄ好。
如以上方法都做唔到的，租屋住啦。