吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 各位..教下我點做...理智上叫我去, 感情上叫我唔好想.. ...

夫婦情感今日: 3|主題: 42742

收藏本版

發帖

返回列表

跳至頁

查看: 4985 | 回覆: 62

各位..教下我點做...理智上叫我去, 感情上叫我唔好想.. [複製鏈接]

12 3 4

carly.c

子爵府

積分: 14633

1^#

發表於 08-4-11 10:09 |只看該作者 |正序瀏覽 |打印

主角係我爸..
我爸細個時因為大陸有個女人走左, 唔要我媽‧我‧妹‧弟..
當時我妹先小三,我弟先K1..佢唔要我地.走左, 留返我媽睇
佢連同我媽一齊買既樓都要返, 唔俾我地住, 我媽帶住我地3個一路走一路搬, 而佢只會打官師..第一句我唔要D仔女, 要樓..!!
佢連一個月1蚊善養費到唔俾到我媽, 我媽都冇同佢乞! 媽媽係靠賣街邊, 俾人睇唔起咁養大我地3個..而佢 (我爸) 深圳有2層樓過千尺一住一租俾人... 有個大6老婆, 一個唔係自己親生既女, 一路冇理過我地.. 我恨‧我憎佢!!

今日早上佢打來, 我一聽電話佢喊得好勁, 係咁叫我出來見佢, 係咁喊..我問乜事, 佢本身唔講, 我問多幾次, 佢話自己好冇面, 我就話"你係唔係俾個女人攞曬D錢啦~" 佢喊得仲勁, 佢話係, D樓都賣曬左.. 佢係咁叫我出去見佢, 又話有少少錢留俾我地3個.. 我話"唔要". 我地恨, 以前我妹出去見佢, 佢俾100蚊我妹, 仲叫我妹唔好話我地知, 後尾我妹問我, "家姐..我似唔似乞兒呀..之後就冇見啦." 我地唔係乞兒, 以前唔係, 而家都唔會係!!!

我因為係公司, 同連一聽到佢把聲我好嬲, 所以我後尾CUT左佢線.. 我個心情好亂.. 因為有開心,心涼, 因為佢抵死,活該, 冇唔開心, 因為怕佢有事, 因為我身上有一半佢血, 我唔知點..

我同媽講..我問佢你開唔開心, 心唔心涼, 老媽話有半開心一半唔開心, 叫我出去見吓佢, 我!? 但我知自己如果見到佢, 一定半句安慰說話都唔會有, 但我心不想人佢有事..

我個心好似有兩把聲要叫!!!

0 0 0

私人傳訊

carly.c

子爵府

積分: 14633

63^#

發表於 08-4-14 14:13 |只看該作者

係亞媽同c6落街買野時, 我同細佬妹"開會", 雖然佢地仲細, 但我唸佢地有權知, 我冇講老豆喊曬口..
個妹先出聲, 佢一定唔會去, 有咩事叫"個人" 搵佢"自己"d親人.....
細佬(佢而家都中4啦~) .. "關我地乜事, 點解要去見佢?
我問佢地有冇唔開事, 係呢件事上, 2個一齊答我"冇"!..睇來佢地EQ仲勁過我呢個家姐

mouth:
後尾我妹補句, 如何你決定見佢, 話我知, 我會陪你去, 但一定唔會同佢講一句野, 細佬都話會陪我佢..
俾我感覺, 佢地真係當呢個老豆係默生人..

私人傳訊

carly.c

子爵府

積分: 14633

62^#

發表於 08-4-14 14:00 |只看該作者

到左而家, 我仲未打電話俾佢..
星期六, 我媽來我屋企探我, 本身唸住呀媽會提同問老豆d事, 點知.. 亞媽提都冇提過呢個人..只係開開心心都我傾其他野, 當然我媽冇0開心係一件好事, 亞媽比我憎/恨呢個人多多聲, 但佢比我看似平靜得多~

私人傳訊

Melody_Che

大宅

積分: 4192

61^#

發表於 08-4-14 11:18 |只看該作者

多謝你呀, Corina~

無論樓主點決定都好, 過得自己, 開心舒服未得羅!! 祝福你地一家開開心心, 你媽咪可以放低晒d唔愉快經曆呀

私人傳訊

canies

翡翠宮

積分: 97059

60^#

發表於 08-4-13 13:25 |只看該作者

俾我唔會見..太憎佢唔知講乜好.

考慮下派老公去做代表,睇下佢有乜肺話?
有機心有要求就叫你老公鏟佢....

私人傳訊

木土土

琥珀宮

積分: 166069

59^#

發表於 08-4-13 12:42 |只看該作者

出去見佢仲要做戲, 咁辛苦委屈自己做mug, 俾我當佢死咗算, 唔會聽佢電話, 費時影響自己心情, 佢真係有事你姑姐一定會通知你們!

原文章由 chan803 於 08-4-11 17:31 發表

如果真係要見, 最好收埋 d 恨意, 以莫不關心的態度見佢, 對所有有關你/你屋企的問題都聽而不答, 亦不要收下他任何金錢/禮物, 等佢講完就走.

以行動/態度表明他只是路人一個, 與你完全無關, 而你亦不再關心他. ...

私人傳訊

我愛Corina

瑪瑙宮

積分: 137877

2025勳章 2025勳章蛇年勳章 2024年龍年勳章好媽媽勳章醒目開學勳章環保接龍勳章

58^#

發表於 08-4-12 23:16 |只看該作者

我有d懷疑香港既法律,唔係話公平公正架咩?

我係愛爾蘭,呢度既法律好保障小孩同婦女,如果離婚,資產同子女係會判比女方...

私人傳訊

我愛Corina

瑪瑙宮

積分: 137877

2025勳章 2025勳章蛇年勳章 2024年龍年勳章好媽媽勳章醒目開學勳章環保接龍勳章

57^#

發表於 08-4-12 23:07 |只看該作者

回覆 #28 Melody_Che 的文章

完全認同你...我覺得見下佢,自己唔會有咩蝕!唔見可能會有遺憾..
我舅父同舅母係廿幾年前離左婚,佢地當時有對女(好細個,1yr同3yr),我果個舅母一走了之,直至約3-4年前,我舅母打電話比佢對女,叫佢地見面,廿幾年來都冇見過面,我對表姐好憎佢亞媽,覺得佢好不負責任,因為佢亞媽走左,佢daddy同第2個大6人一齊左,佢地係英國,個大6人趕佢地3婆孫走,唔比佢地住係我舅父間屋,我外婆咁老,又唔係係hk,佢地當時好慘..佢地兩個覺得,如果唔係自己親生亞媽咁衰(其實離婚仲有個原因,就係為左d婆媳問題,我外婆唔係一個好99),走左去,咁佢地就唔會咁慘(當然冇亞媽既小朋友仲有好多好慘既事啦,直到而家佢地成30歲,都唔信婚姻呢樣野)....
佢地當時好15,16..問我媽咪應唔應該去見佢地個亞媽,我亞媽叫佢地去,因為佢地好想知自己亞媽咩樣..佢地最後去左睇佢亞媽,佢亞媽同佢地講左好多野(但係我表姐心中,全部都係癈話),之後佢地個亞媽話想見多佢地幾次,但我表姐s唔去,無幾耐...佢亞媽因為生cancer死左.....
我表姐s有遺憾,覺得佢地亞媽可能死得唔瞑目,得唔到自己對女既原諒,畢竟果個都係自己既亞媽,有幾憎佢都好,都係血濃於水....

私人傳訊

ilmom

別墅

積分: 632

56^#

發表於 08-4-12 21:45 |只看該作者

看完樓主的經歷, 覺得你媽媽很偉大, 而你幾姐弟都好生性, 現在你幾個咁團結, 你地的親情, 相信好多有父親的家庭都不及你們.
希望你們以後都生活幸福.

至於你如何再面對你老豆, 我會覺得你有這些掙扎, 可能你還放不低. 宽恕他吧, 不是為了他, 而是為了你自己. 我相信你還很年輕, 難道你想背著這仇恨過這一生?

當你一日心中還有仇恨, 同時也是在惩罸自己, 雖然你說已當他C左, 難道這不是自欺欺人? 因為他是一個真實的存在.

他已得到應有的報應, 他很沒人性, 但不要因為他, 而令自己善良的本性蒙污.

恨人也是很痛苦的. 原諒他吧, 為了你自己.

私人傳訊

fishyvette

大宅

積分: 4409

55^#

發表於 08-4-12 15:09 |只看該作者

樓主, 萛啦
你聽完佢地咁多年的生活多富足
有樓有鋪; 有頭有面...
唔駛理佢喎
如果唔係同個女人鬧離婚; 佢又點會來搵你丫
咪又係繼續擴張鋪頭呀; 住好食好~
叫佢留返D錢好好做返個孤獨老人就萛啦~~

私人傳訊

babypiglet

民房

積分: 11

54^#

發表於 08-4-12 14:55 |只看該作者

樓主，聽完都覺得好唔公平，

我都好佩服你咁堅強！你對爸爸的矛盾都明白…亦反映你係一個好善良的人！接下來你要好好生活，以前的就當欠落佢還清晒，唔好比以前的事牽著走，過自己快樂人生

私人傳訊

~仔仔媽咪~

水晶宮

積分: 51912

53^#

發表於 08-4-12 14:48 |只看該作者

如果係我,我係唔會見囉!喊都無用,佢依家既眼淚都唔及當初你媽咪既痛苦既十分一,佢真係好人一個唔會立壞心腸既話,咁當初就唔會背叛唔要你亞媽不特只,仲要唔俾你地住,由得你地做乞衣啦!呢d咁既人,唔值得為佢心軟,由得佢啦!既然你姑姐話佢未死得咪得囉!大家至擔心都係呢條友死唔死得啫,依家都有答案,我覺得唔需要見佢,免得過就免,費時自找麻煩.

私人傳訊

celery

男爵府

積分: 7257

醒目開學勳章

52^#

發表於 08-4-12 12:51 |只看該作者

其實每個人都是愛自己父母的.
但係因為好多時有d父母傷害過仔女,
所以仔女會好矛盾....

樓主要開開心心同媽媽好好生活~:)

私人傳訊

ChuChu0808

子爵府

積分: 14017

51^#

發表於 08-4-12 12:09 |只看該作者

自作孽, 不可活.
以前造落嘅孽, 今日要自己面對報應. 呢種人唔值得享子女褔的.
樓主唔好花咁多時間去諗呢個人, 佢已一早響你生命中消失, 由佢繼續消失落去... 好好孝順媽媽吧!

私人傳訊

KATRINE

子爵府

積分: 11902

50^#

發表於 08-4-12 11:26 |只看該作者

ｓｏ，我只覺得你老豆好幼稚，真唸個個女人會周佢做人細咩？
供便宜女讀書而唔理自己親生子女，呢喲男人就算係你屋企面前喊我都會報警唔應呢喲老豆，佢真好意思打電話俾你．
如是我，我唔會再見呢個人，因所有的事都係自己攞來賤！

私人傳訊

boey

男爵府

積分: 8888

49^#

發表於 08-4-12 10:43 |只看該作者

你哋一家4口好叻呀

私人傳訊

carly.c

子爵府

積分: 14633

48^#

發表於 08-4-12 10:25 |只看該作者

琴晚我回想左好好以前既回憶, 我細個時同老豆既回憶,再想想唔知佢而家係唔係一個孤獨老人咁坐係度獨自唔開心呢..佢而家係咩樣唸~~唸左好多日, 不過自問, 我唔會原諒佢, 因為佢太錯啦, 再唸我細佬好細個既每每..覺得佢地比我少太多野啦~ 特別係父愛, 佢地比我少好多同老豆去公園玩, 去飲茶, 去游水, 去慶祝父親節, 佢地細個大部分時間都係賣街邊, 以前應該係走左後1-2年啦,, 我地開始收入穩定少少時, 我媽係元朗租左個跳蚤市場, 以前係元朗錦繡花園果邊..唔知而家仲有冇呢~~ 我每星期六日都會同細佬妹去開檔,,,唔知大家有冇行過呢, 個時有個小朋友k2~3左右, 細細個, 但好大聲係咁叫"10蚊一個散子包~~10蚊一個散子包~~" 果個應該係我細佬啦~ 哈哈, 我妹就次次自己計~ 賣到200蚊, 就問我令錢去買雪條食, 一到中午我就用d紙皮放係地下俾細佬訓~到5點幾我媽先返來同我收野走.. 佢自己就去第度賣街邊, 雖然生過得唔係話好好, 但我地起碼係靠自己, 同過得開心, !! 咁因為係咁唸下以前d野, 我個心情冇啦啦平助左好多~

私人傳訊

carly.c

子爵府

積分: 14633

47^#

發表於 08-4-12 09:53 |只看該作者

傾完我打算唔同我媽講, 因為呢d對佢太太太太過唔公平啦!!!

呢個男人窮既時候我媽對佢不離不氣, 有錢時就唔要我媽! 令到我媽到差唔到50啦要自己一個人背起一頭家, 令到佢個人好自碑!

私人傳訊

carly.c

子爵府

積分: 14633

46^#

發表於 08-4-12 09:38 |只看該作者

我聽完真係係個心冷笑左聲..
唔係抵佢完心態..係無奈!!
佢同個女人結婚我唔理啦~供人地個女讀國際學校...果個女唔係佢親生嫁!!我地3個先係呀!!佢咩腦!!對同佢一齊"吃苦"個老婆, 自己親生的仔女就絕! 而對個大陸女人, 人地個女咁好!!
我知後好嬲.. 我媽我細佬妹好辛苦咁過日子時, 佢地過多咁開心..佢仲要絕到地方都唔俾我地住!! 個女人個女讀國際學校..我細佬妹呢~ 興趣班都唔多個!!! 仲要出去同我同媽賣街邊,!
我好嬲

私人傳訊

carly.c

子爵府

積分: 14633

45^#

發表於 08-4-12 09:23 |只看該作者

各位, 我今日心情平服左好多啦~

琴日放工, 返到屋企一直唸打唔打俾..後尾都係冇打俾佢, 因為我唸唔到同佢講乜事同埋..點叫佢.. 我叫唔出佢做"爸or老豆"又唔可以叫佢全名.. 之後我再打去姑姐度睇下佢有冇老豆多d消息...姑姐都同我講返

原來係之前佢 (老豆), 係深圳係有三層樓, 一層自住,2層租俾人..都算係富有,.. 呢後其實佢就成日同個大6女人去玩, 又返鄉下曬命, 又供人地個女係深圳乜國際學校讀書, 呢d野睇到我姑姐好嬲, 最來到我婆 (老豆個媽)過身, 佢景然冇返到去上一支香, 佢係大仔來嫁!! 所以我地姑姐亞叔都1男呢個大佬, 佢都唔再理佢同搵佢, 直到我琴日打去叫姑姐搵佢睇乜事時, 姑姐先再搵返佢, 佢喊得好勁, 原來d樓佢賣曬啦..同個女人係深圳開公司同店..但因為個女人佢話個女要出外國讀書, 要佢賣埋個店幫個女~ 老豆唔肯, 個女人就叫離婚 (我而家先知佢地結左婚), 要同佢分身家... 佢好嬲又好驚, 佢話佢而家乜都冇啦~ 話個女人有預謀