婆媳關係

收藏本版
發帖
返回列表
跳至頁

首頁
12

尾頁
   0
bbiloveyou


大宅

積分: 2720


1#
發表於 08-4-19 12:10 |只看該作者
我阿媽絕頂偏心，從來只顧我倆個阿哥。湊孫淨係湊阿哥果D，煲湯淨係比阿哥飲，利是我要比阿哥，阿哥吾駛比我， 錯既永遠係我，就算阿哥包二奶，爭我錢無還.......總總種種，我都算啦，我都認左命啦！尋晚，佢收到一封寄左去佢度既英文信，走黎問我係咩信，我話左比佢聽後。點知我個仔（3歲）走埋黎，成杯水倒左落我度，我條褲濕，腳濕拖鞋又濕。我阿媽問仔仔點解0甘曳，跟住就當睇吾倒，攞起個電話叫我同阿哥講果封係咩信。我話抹腳先，吾打住。點知我係厠所出來，佢就比說話我聽。就係0甘，我地嘈起上黎。佢居然話我以後都無外家駕啦，又話望我D仔第日都係0甘衰，仲話佢無女送終添.........
真係好過份，我話我抹完腳先打比大佬，都要比你鬧成0甘，你攬住D仔過世啦........
好傷心.........
私人傳訊

pony媽媽


洋房

積分: 137


35#
發表於 08-5-2 16:14 |只看該作者
Irismammy,

同意, 你說得一點也沒錯~ 對人對事用甚麼態度, 我認為"性格" 是好重要的因素......

性格樂觀的人 , 跟性格悲觀的人, 即使遇上相同的際遇也會有不同的態度, 做出兩極迥異的行為.......我的母親以消極, 埋怨的態度面對她的過去, 而我的大家姐就以積極進取, 不怨天尤人, 用知識改變命運的態度來面對人生........幸好有她在, 在我的成長過程中, 總算有點倚靠, 才不至於沉淪.......






原文章由 Irismammy 於 08-5-2 12:32 發表



pony媽媽，你嘅story真的令人很感動！睇完之後，我想到嘅就係用我自己一世人嘅時間警惕自己唔好做一個偏心的人，對所有人，每一個子女都要同樣愛錫！
再者，我覺得除了唔好偏心外，自己都要對世上所有人出於真心同善心，咁樣到自己 ...

[ 本文章最後由 pony媽媽 於 08-5-2 16:16 編輯 ]
私人傳訊

Irismammy


別墅

積分: 697


34#
發表於 08-5-2 12:32 |只看該作者
原文章由 pony媽媽 於 08-4-30 14:53 發表
見到呢個TOPIC我好驚訝, 原來唔係得我媽咪係咁既人...在其他討論區看見好多人生仔、坐月、同老公嘔氣、同99嘔氣時都有媽咪支持, 真係好妒忌, 好妒忌...我就沒有這福氣了...

我的外公生了我姨媽和我媽後就另娶妾氏, ...



pony媽媽，你嘅story真的令人很感動！睇完之後，我想到嘅就係用我自己一世人嘅時間警惕自己唔好做一個偏心的人，對所有人，每一個子女都要同樣愛錫！
再者，我覺得除了唔好偏心外，自己都要對世上所有人出於真心同善心，咁樣到自己死時才無憾！
私人傳訊

wmpl


大宅

積分: 3000


33#
發表於 08-5-1 20:15 |只看該作者
原文章由 Leomummy 於 08-5-1 18:27 發表
為何我們的母親總令我們難受，難道真的是前世債，今世還？曾幾何時，老公都會擔心我是否能承受得起母親的離去，因為佢知道我心底會唔捨得佢既離開，但如今連我自己都唔肯定，若是事實我會否仍然痛心，還是冷淡面對？現在真係唔知個答案會如何？

雖然佢係我親母，但我覺得佢真的不太了解我，在外‥我給人的印象總是很硬朗，並不易欺侮，但面對佢，我總是軟弱，罵不還口，打不還手，但我仍有我的底線，只是我給與她的底線會是極低，但無論怎樣極低仍有盡頭﹗

wmpl 希望你母親的離世，亦把令你不快的記憶一併帶走罷﹗就讓時間洗滌心靈罷﹗


嗯!!謝謝你的祝福!!!
我quote你以上寫的幾段,
是因為實在令我有無限感觸和同感,但也不會過於傷心,
曾經有一次,我跟一位好朋友到她契爺家中作客,
他是一位道家師傅,在閒談間他突然叫我拿出雙手給他觸看,
在此之後便長長的嘆了一口氣及祇跟我說了一句話,
他說:「你不用為往事而太傷心,
以前很多的不快事將來便會日漸淡忘,
不用記掛着舊時,你將會越來越好!!」
還叮囑我不要太硬性子,做人太口硬心軟沒好處,
更在用餐時夾了一舊鵝頸給我吃來取笑我份人生性硬頸!!

當時聽後我也沒多大感覺,但之後數年所發生的種種事情,
差點兒令我招架不住,也令一直自以為硬淨的我跌了下來,
更重新用另一種較柔軟態度去做人處事內心則更堅強。

今天我知自己不過是平常人,再不會有對自己有過高要求,
我會有愛也有恨,不用強忍也未必報復,
但總有自尊和底線,不會打不還手,罵不還口,
別人敬我一尺我會敬他一丈,不過切勿妄想我是好欺負的!!

私人傳訊

Leomummy


男爵府

積分: 7723


32#
發表於 08-5-1 18:27 |只看該作者
原文章由 wmpl 於 08-4-30 18:34 發表
睇到pony媽媽你寫的事真的令我感同身受,
我媽咪也是很愛拿我和我家姐來利用和出氣,
但她並不是重男輕女,我有兩個哥哥她也不是很愛錫,
雖然也比起我好很多,但是她最疼的祇有我最少的妹妹!!

我媽也過身了很久,在她剛 ...


為何我們的母親總令我們難受，難道真的是前世債，今世還？曾幾何時，老公都會擔心我是否能承受得起母親的離去，因為佢知道我心底會唔捨得佢既離開，但如今連我自己都唔肯定，若是事實我會否仍然痛心，還是冷淡面對？現在真係唔知個答案會如何？
母親養育我咁多年，未曾試過同佢正面衝突，因為每次有甚麼委屈，我只會選擇敝口，跳離現埸，或是靜靜地痛哭一埸，又可以當無事發生﹗但上星期，我終於按捺不住，有如火山爆發，把這兩、三年間所忍受的，完全盡數，事發至今，我們雖然仍同一屋簷下生活，但就有如住客，互不理睬，沒有片言隻語溝通，甚至眼神接觸也欠奉﹗
我知道母親佢到現在仍很恨我﹗佢恨我為何可以幫老公而不幫佢？佢恨我為何可以那麼激動罵佢？佢恨我為何今次為甚麼不是只嬲三天？佢恨我為甚麼還未氹番佢？
雖然佢係我親母，但我覺得佢真的不太了解我，在外‥我給人的印象總是很硬朗，並不易欺侮，但面對佢，我總是軟弱，罵不還口，打不還手，但我仍有我的底線，只是我給與她的底線會是極低，但無論怎樣極低仍有盡頭﹗

wmpl 希望你母親的離世，亦把令你不快的記憶一併帶走罷﹗就讓時間洗滌心靈罷﹗
私人傳訊

wmpl


大宅

積分: 3000


31#
發表於 08-4-30 18:34 |只看該作者
睇到pony媽媽你寫的事真的令我感同身受,
我媽咪也是很愛拿我和我家姐來利用和出氣,
但她並不是重男輕女,我有兩個哥哥她也不是很愛錫,
雖然也比起我好很多,但是她最疼的祇有我最少的妹妹!!

我媽也過身了很久,在她剛去世時我也會常夢見她仍在生,
雖然她並不疼我,但在夢境之中,我也會開心得掉下淚來,
然而在夢中她依對我冷淡如昔和只會抱着妹妹疼錫,
從來沒有跟我說過半句話!!

我時常對自己說:「算吧!原諒她吧!或許她自己也不想呢?
既然人都死了,就由它過去吧!!」
但我總是一想起她我就不快樂,
起初還怪責自己為何如此小器?!
為何仍惱恨着一個已去世的至親?

但後來發現不是我放不下,是現實不能令我放下,
因為她的而且確是我的母親,這是鐵一般的事實,
誰也不能否決,我的童年和性格也是如此被她深深的影響,
而且到後來,我已再沒機會去解開這個心結!!

到我開始有些釋懷和不再自責,
又發生了一件令我很傷心的事,
就是我再也忍受不了那個被縱壞和自以為是的妹妹,
有一次跟她大吵了一頓,更和她翻了臉直到如今,
但在那次和我妹吵架決裂不久之後,竟然又夢見我媽咪,
那個以往連在夢境中也未有跟我說過半句的母親大人,
竟然一開口就跟我說要我原諒妹妹之後便離開,
真的多一個字也沒有,連我的名字也沒叫喚。

夢醒後我祇覺心更戚然及為自己可悲,
她到底也是不會顧我的感受,
我也再無需要跟她的意思去做。

[ 本文章最後由 wmpl 於 08-4-30 18:36 編輯 ]
私人傳訊

Johnnylaisma


大宅

積分: 1192


30#
發表於 08-4-30 16:58 |只看該作者
pony媽媽,

這是否中國傳統婦女的悲哀,,,,!? 伯母身受其苦, 仍像是認同重男輕女的是合理的事情?



原文章由 pony媽媽 於 08-4-30 14:53 發表
見到呢個TOPIC我好驚訝, 原來唔係得我媽咪係咁既人...在其他討論區看見好多人生仔、坐月、同老公嘔氣、同99嘔氣時都有媽咪支持, 真係好妒忌, 好妒忌...我就沒有這福氣了...

我的外公生了我姨媽和我媽後就另娶妾氏, ...

[ 本文章最後由 Johnnylaisma 於 08-4-30 17:05 編輯 ]
私人傳訊

See


伯爵府

積分: 18800

好媽媽勳章


29#
發表於 08-4-30 16:29 |只看該作者
pony媽媽,
睇完你的經歷我好感動

原文章由 pony媽媽 於 08-4-30 14:53 發表
見到呢個TOPIC我好驚訝, 原來唔係得我媽咪係咁既人...在其他討論區看見好多人生仔、坐月、同老公嘔氣、同99嘔氣時都有媽咪支持, 真係好妒忌, 好妒忌...我就沒有這福氣了...

我的外公生了我姨媽和我媽後就另娶妾氏, ...
全世界都在看你家的笑話，騙不過天地，沒不了良心。即管繼續下去，總有一天自己受！
私人傳訊

pony媽媽


洋房

積分: 137


28#
發表於 08-4-30 14:53 |只看該作者
見到呢個TOPIC我好驚訝, 原來唔係得我媽咪係咁既人...在其他討論區看見好多人生仔、坐月、同老公嘔氣、同99嘔氣時都有媽咪支持, 真係好妒忌, 好妒忌...我就沒有這福氣了...

我的外公生了我姨媽和我媽後就另娶妾氏, 外婆為討飯吃, 賣了我媽做下人, 媽的童年很苦, 解放後跟大隊逃難落香港, 投靠姨媽, 姨丈輕簿孤苦的媽, 姨媽誤會我媽勾佢老公, 媽只好自食其力, 在工廠識了同時逃難來港的爸, 外公重男輕女, 媽也重男輕女, 媽生了3男3女, 我排第4, 次序是女, 男, 女, 女, 男, 男.......

媽把仔當係寶, 女就是雜草, 尤其對大家姐和我最是討厭, 是有原因的, 因媽認為大家姐累死個細佬, 而我就是因為, 沒了之前的兒子, 生到我還是女, 要生到第5個才見返有仔......

聽大家姐說, 兒時她有一個細佬(我未出世), 大家姐讀緊小一, 佢細佬當時約2,3歲, 那年冬至, 爸媽說要去大伯家吃飯, 媽叫大家姐別返學, 早D過去, 大家姐不肯, 媽只好待她放學帶她過去, 爸就先行帶她細佬過去, 怎知這細佬半路中頑皮甩掉我爸手, 自己沖出馬路, 用身擋巴士, 當然立時變成肉醬...我媽把這不幸歸咎於大家姐不合作, 硬要返學, 讓她不能一家人同去才釀成此慘劇...自此, 媽凡遇不稱心事就狂抽大家姐, 大家姐的童年過得很慘, 連鄰居也問她, "你媽是否你後母, 你的生母在哪?" 這事到我成年之後才知道, 真難為大家姐一直啞忍多年, 還一直表現得很孝順...大家姐自小讀書好叻, 但小學畢業,媽便要她借人身分證去工廠打工, 工廠大火, 爸當時手頭鬆D, 讓大家姐讀多3年中學, 她年年考第一, 所以不用交學費(當時未有9年免費), 中3之後就一定要她幫補家計了, 大家姐20歲就嫁人了, 姐夫只有小學程度, 媽很不喜歡他, 因搵錢不多, 又罵家姐不顧班細既, 晨早搵佬嫁, 大家姐為脫離不愉快的家, 任由媽的辱罵, 後來她告訴我, 看見姐夫是老實人就算了, 沒考慮夾唔夾, 其實當時我姐英文好叻, 有很多西方國家的筆友, 姐夫在政府小販隊工作, 我姐生左仔女還讀夜校完成中學會考, 後來考到政府工, 在地政處工作多年, 搵錢多過姐夫, 她同仔女冇代溝, 姐夫就差D, 因識野太小, 同仔女冇野好傾..........

2家姐都心得媽的寵愛, 因她中二就不想讀書, 在製衣廠做野, 又醉心於拍拖, 當時賺唔少錢, 媽特準她不用做家務, 我由中一開始就要主力幫手做家務(之前同2姐一齊做), 媽放part-time後買送回家就入房睡, 我見有咩就煮咩, 從哪時起就冇時間俾我追看電視劇, 一邊洗碗, 一邊聽見媽, 2姐和弟弟們在客廳看電視, 哈哈大笑, 真係好妒忌....最難頂是十幾年後, 媽說我從未煮過餐飯佢食...... 後來2家姐在夜校識了男友好快就話要結婚, 2姐夫在房屋署當主任, 讀夜校只是為找女友...(咁都得)..媽同姐夫說屋企咁多細既, 咁快結婚點得, 姐夫答應每月俾家用女家(冇計, 佢整大2姐個肚), 媽勁中意2姐夫.... 每逢過年過節, 媽都煮好多好送叫大, 2家姐同姐夫他們回來吃飯, 這媽真有心, 原來她說:當然, 過年過節回來吃飯有錢收....

至於我, 自從她的出氣袋大家姐嫁了之後, 我是她的繼承人, 藤條炆豬肉是我的家常便飯, 打到皮開肉爛 幫我查d白花油, 再繼續打, 2姐都有嘗過, 細佬們與生俱來有免死金牌, 罵自己個女用語可以有咁毒得咁毒, "你唔好去死", "你唔死都冇用", "點解咁多人死都唔見你死", "你唔好去做舞女", .....中三那年, 媽說不要回校看結果, 反正出來做野就是了, 我當時白天返工, 晚上返夜校, 把糧9成上繳, 好歹中學畢業了, 我選擇了旅行社的工作, 好讓我間中可離開一下這個家....到我2個細佬大學畢業出身了, 我又儲錢出國讀了2年書, 回來她就勸我結婚, 說幫我湊仔, 到我結左婚(女最遲婚係我-31)有左, 佢叫我搵育嬰院湊....當我懷孕8周時, 同老公去台灣玩, 大出瘀血, 回港即入急症, 爸打電話來問候, 媽搶過電話大罵, 怎不通知她, 是否沒了外家, 我say sorry, 問她可否來幫我煮飯, 煲d湯我飲, 她說不會坐車來我家, 我叫佢坐taxi, 俾返錢佢, 佢叫我自己煮d簡單野食下囉...(咁我第一時間通知你都冇咩用啫~)

在家休息了幾天, 冇再出血, 怕返工太長車程(屯門~港島), 太勞累影響個胎, 外家車程短d, 便請求媽讓我回外家小住, 老公送我回外家, 甫轉身離開, 媽大罵:衣家你唔洗理個老公嫁啦~ 我無回她咀, 只覺得個心好酸, 扮聽唔到, 入房躲起來.....

媽打電話同d家姐講:佢來左我度攤抖, 都唔知做咩既, 我陀咁多個都未試過咁~

一個月後, 個胎穩定返晒, (在外家期間, 返工放工,吃飯, 洗碗, 打電話同老公傾偈, 睡覺), 媽終日黑口黑面, 吃完晚飯同細佬睇電視....間中細佬有同我閒聊一下, 媽只像個同屋主......那天家姐地回來吃飯, 我說是時侯返屋企了, BB都穩定了, 我媽說:走啦~ 走都走唔切喇~

之後的年初二, 約好所有人到外家吃飯, 媽說頭暈, 新年冇醫生睇, 只好叫白車...翌日, 與爸到醫院探媽, 爸帶了媽吩咐的保心安油, 在醫院, 我當時懷孕5個幾月, 同媽查油, 問她揸了油是否好了一些, 媽好勞氣地:梗係好啦~ 唔好查黎做咩呀~ ................那天晚上她一直昏迷了8天就走了, 是中風......老公說, "不是對大家都好嗎? 她活著都不開心, 有兒有女有孫都成日黑口黑面, 好像活得好辛苦"..............我只是覺得好不甘心, 說不定我的BB出世後 她會對我好d, 可惜上天連這個機會都不給我........

有時夢中會見到媽...在夢中她對我仍是黑口黑面, 打罵如常, 反而令我沒有甚麼感覺...

有一晚, 我在夢中見到媽, 在一個開著好多漂亮花朵的花園, 媽拔了一支花給我, 對我報以一個極其陌生, 卻又極其溫暖的微笑.....我醒來時不斷回味這個夢, 淚水不知何時偷偷流出來了......像個經常被罵的孩子, 終於得到媽媽的痛錫, 高興得淚流滿面.....

後來同家姐們去掃墓, 2姐說有次夢中見媽手拖著一個2,3歲的小孩,一臉仁慈地微笑著往山上走了......如果我那個在我出生前, 就過身的哥哥對媽造成如此多年的打擊, 那麼她的離去可能是她的一種解脫..........正所謂生不如死, 她的痛苦我可能無法理解, 想到這裡, 我唯有不斷警剔自己, 不要把自己的痛苦留給下一代, 把痛苦交給下一代也不能免除事實的發生, 所謂冤冤相報何時了, 要下一代承受上一代的痛苦是最無辜的, 因此我在教仔激氣得想動粗時, 就要話俾自己聽, 要做個新時代媽媽, 我兒時不愉快已不能返轉頭, 不要做製造阿仔唔開心童年的罪魁禍首......



[ 本文章最後由 pony媽媽 於 08-4-30 18:57 編輯 ]
私人傳訊

irisang2007


男爵府

積分: 7737


27#
發表於 08-4-29 23:30 |只看該作者
原文章由 bbiloveyou 於 08-4-19 12:10 發表
我阿媽絕頂偏心，從來只顧我倆個阿哥。湊孫淨係湊阿哥果D，煲湯淨係比阿哥飲，利是我要比阿哥，阿哥吾駛比我， 錯既永遠係我，就算阿哥包二奶，爭我錢無還.......總總種種，我都算啦，我都認左命啦！尋晚，佢收到一封寄左去佢度既英文信，走 ...


睇到呢個topic, 我都想講o下, 我呀媽又係勁偏心, 細個既時候, 我同細佬鬧交, 佢永遠都係話唔岩, 永遠都只會鬧我而唔會鬧我細佬, 佢成日都因為小小野而打我&用粗口鬧我, 就算我老豆見到都唔敢出聲, 因為一出聲, 我媽就連佢都鬧埋, 好記得有次佢因為我細佬派中學派得唔好, 而趕我出門口, 佢話我冇用心幫個細佬揀學校, 因為咁我就駁佢咀, (實當時我爸媽叫我幫我細佬揀d band 1既學校, 我話以細佬既成績, 揀band 2-3會穩陣d, 但佢地唔信, 最終就派間唔到好既學校.)我當時讀緊F.3, 比我媽打, 趕左出門口, D街坊都出黎問乜野事, 仲叫我媽比我返入屋(我媽硬係冇講真二既原因佢地知, 只係話我駁咀), 咁但佢地又唔知頭唔知路, 係咁話我點都唔應該駁我媽咀, 當時我真係好無奈.........有時我都懷疑我係唔係佢親生.........

到大個左, 佢對我都係咁, 一有小小不滿就鬧, 發好大脾氣, 鬧到好難聽, 連我老公都覺得佢太過份(不過冇事冇幹我媽對我又好正常), 不過我冇因為咁而同我細佬既關係差, 反而仲好好, 我都有同佢講過我媽呢樣野. 其實係我嫁左之後, 我媽連我老豆都鬧走埋(我媽話我老豆一直都有係出面玩女人, 我爸當然死口唔認啦) 最後屋企得返我細佬同佢, 佢就連我細佬都鬧埋, 我地都覺得我媽係有病, 但佢點都唔肯去睇e生, 我老豆就只係識搵社工, 其他就乜都唔理, 其實社工都幫唔到我地, 佢只係識叫我地勸我媽去睇e生, 但我媽又點會聽我地講呢(最慘既係我媽既家人只係識講錢, 平時都唔多肯理佢, 聽佢講D唔開心既野, 我媽自己朋友又唔多, 因為我老豆反對佢識人, 可能佢有太多唔開心既野掘住, 所以搞成而家咁)....社工話如果再係咁, 我老豆可以簽紙送我媽入精神病院, 我而家真係有d驚我呀媽, 因為唔知佢幾時又發作......
私人傳訊

Danny08


子爵府

積分: 10261

虎到金來勳章 牛年勳章 親子王國15週年勳章 畀面勳章 環保接龍勳章 育兒性格勳章 認識瑞士牛牛第三回


26#
發表於 08-4-29 16:04 |只看該作者
我從小到大很多事情都是靠自己，有時好多嘢都很唔開心，可能因為出生於潮洲人家庭，重男輕女；自小爸爸便常話：女仔唔使讀書，最終都係嫁人。媽媽就常計住養大我用了他們幾多錢，衣食住行，讀書都計！中三便做暑期工，自己搵錢自己用，還要比家用父母，中五便出來工作，所有開支自己付，自己搵錢讀part-time，所以我好羨慕我的朋友，佢地亞媽很關心和照顧她們…亦無憂錢銀問題。

1. 結婚時，我媽媽只給了1千元嫁妝與我，朋友知道我媽媽將會拿走我的酒席人情錢，有部份朋友私底下將人情錢給我。擺酒後第二天早上7時，媽call我 (她未試過咁早call我)，問我：為何少了酒席人情錢？她緊張的是「錢」，我很傷心！一邊渡蜜月一邊哭。

2. 我懷孕5個月，胎兒缺乏紅血球急需要輸血，媽媽為了大哥婚宴和面子關係，叫我遲點才進行輸血手術，我問道：BB生命尤關？如何延遲？手術後，仍保不住胎兒，進行人工流產，當天正剛是大哥結婚擺酒，爸call我老公：參加他們的婚宴。當我知道：天呀！為何我有這樣的父母？傷心的我失去BB，最需要別人的支持、關心和照顧，他們既不能給我、理我，還搶奪我的最愛？我老公當然沒有出席他們的婚宴啦！我父母還將我失去BB的事在婚宴中四周傳開 (白事在喜事中宣揚？)，事後，我問他們：為何如此做，媽話我：是你將懷孕消息告訴他人先！

3. 第二次懷孕，媽沒有替我煲豬腳薑，她卻煲了給自己，還收了女家BB利是錢，本來沒有問題，但是媽媽除了收利是錢，一而再，再而三，要求我們擺滿月酒要請埋阿叔們，我心裡有數：他們收了阿叔很多BB利是錢吧！想我們請他們吃一餐，兼且她有面子麻！我堅持不請，我問他們：為何要請埋阿叔們？一定要請阿叔們嗎？爸爸答不出口。 (男家父母不是住在香港，亦很少親人在香港，因此我早已說了不請阿叔們)

4. BB出來，一時話外孫，一時又話我係魏家的人，卻又要我婚後給家用，我話：多了BB，多了錢要用，不能給家用了。媽話我：你有多少錢就要比幾多，船到橋頭自然直，到時先算。又話我D錢貼曬比男家的人。多麼難聽的說話！
私人傳訊

大眼肥妹


禁止訪問

積分: 8013


25#
發表於 08-4-22 11:48 |只看該作者
提示: 作者被禁止或刪除 內容自動屏蔽
私人傳訊

Irismammy


別墅

積分: 697


24#
發表於 08-4-22 11:35 |只看該作者
唉！借個位講句嘢吖！
剛才我媽又喺度借啲二問攞$$，又話我唔應該因為請工人同有BB比少一千大元！！
事實係佢只幫姐姐湊BB，我就要請工人，用多好多，佢只講姐姐要供樓，我唔駛咩？仲要貴雙倍有多！姐姐比佢又比得少，佢又唔肯幫我睇吓！
好唔公平呀！
私人傳訊

sbandliz


大宅

積分: 2106

好媽媽勳章


23#
發表於 08-4-22 10:19 |只看該作者
係"十隻手指有長短", 但護到過哂火
因為係七個仔女ge獨子:;pppp:
佢搬開住之後重要半夜三更返來嘈, 發爛渣.

係, 屋係父母ge. 但我地四姊妹重係讀緊書或just開始做野.
同父母講 - 佢地只知叫我地讓佢
私人傳訊

babychicken


大宅

積分: 3275


22#
發表於 08-4-21 12:13 |只看該作者
其實每個父母都會偏心, 俗語說"十隻手指都有長短"更何況人心呢?
中國人十個有九個都係重男輕女, 好似我父母都係錫仔多過錫女. 但好在我哥哥係一個愛錫細佬妹的人, 所以託賴我哋幾兄弟姊妹感情好好. 否則, 日日同屋企開火呀.......
私人傳訊

kaiyee


大宅

積分: 4953


21#
發表於 08-4-21 11:54 |只看該作者
你問下你亞媽, 係咪佢亞媽(即你亞婆)都係噤對你架? 你話比佢知你的感受...之後唔搵唔理佢一排, 噤可能佢會對你好d...細個時亞媽都唔鍚我的...e+最錫係我! 我話佢偏心, 數比佢知佢點對我.
私人傳訊

ac321


侯爵府

積分: 24705

好媽媽勳章


20#
發表於 08-4-21 11:26 |只看該作者
我阿媽絕頂偏心 too，從來只顧我, not 我阿哥。湊孫淨係湊my 2 kids，煲湯淨係比我and my husband 飲，利是比my 2 kids, not 比阿哥's daughter，錯既永遠係我阿哥..............
Hope my brother (and his wife) will not angry with us!

原文章由 bbiloveyou 於 08-4-19 12:10 發表
我阿媽絕頂偏心，從來只顧我倆個阿哥。湊孫淨係湊阿哥果D，煲湯淨係比阿哥飲，利是我要比阿哥，阿哥吾駛比我， 錯既永遠係我，就算阿哥包二奶，爭我錢無還.......總總種種，我都算啦，我都認左命啦！尋晚，佢收到一封寄左去佢度既英文信，走 ...
私人傳訊

KATRINE


子爵府

積分: 11902


19#
發表於 08-4-21 10:58 |只看該作者
我媽對我好好，有時係煩
反而我覺得對佢有時態度好差，有咗小朋友後又無俾錢佢
我自己係不孝女呀
私人傳訊

Irismammy


別墅

積分: 697


18#
發表於 08-4-21 10:47 |只看該作者
原文章由 bbiloveyou 於 08-4-19 12:10 發表
我阿媽絕頂偏心，從來只顧我倆個阿哥。湊孫淨係湊阿哥果D，煲湯淨係比阿哥飲，利是我要比阿哥，阿哥吾駛比我， 錯既永遠係我，就算阿哥包二奶，爭我錢無還.......總總種種，我都算啦，我都認左命啦！尋晚，佢收到一封寄左去佢度既英文信，走 ...



會唔會同$$有關呀？
你啲呀哥比幾多家用？你又比幾多？
私人傳訊

~QQ~


大宅

積分: 1322


17#
發表於 08-4-21 00:42 |只看該作者
我阿媽都係甘　我就係最細　我重有阿哥家姐
家姐嫁左出去　我同我老公，仔係係我媽到住
我阿哥都係到住ｇａ
阿媽有咩事　正係叫我做　我覺得好煩
佢覺得屋企關錢的野　我都有份　
我交左屋企ｄ咩費咩費　佢總係話個個月都係佢交
到我將ｄ單拎出去　佢又無野講　因為我有證據係我交
就連呀打電話比阿哥家姐　都要我打　我都費事彩佢
前幾日同佢嘈　　我直頭話叫佢收聲又唔收　
分明搵交嘈　唔好咩都叫我　我好唔得閒　
生我出黎係要出氣　就不如唔好生我

都唔知佢咩心態　到第２日可能佢知衰呀　
我到今日都無理佢　佢叫我　都唔彩　叫我幾次
我都好惡甘應佢　佢叫我咪又係叫我做野　
又係有事求我　我今次打死　都有排唔理佢

以前第２日我可以當無事發生
今次唔可以　因為佢嘈交都有吹水　

不過　老實果句　係自己阿媽　點都會理佢ｇａ
除非係９９啦　因為９９做點點錯事都頂唔順
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy