吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 國家地區媽媽會› 想請教移民左去澳州既媽咪~~THX~~

國家地區媽媽會今日: 0|主題: 20263

收藏本版

發帖

返回列表

跳至頁

查看: 4852 | 回覆: 25

[澳洲] 想請教移民左去澳州既媽咪~~THX~~ [複製鏈接]

寶寶儀

大宅

積分: 4234

好媽媽勳章

1^#

發表於 08-4-19 22:55 |只看該作者 |正序瀏覽 |打印

我姑奶係澳州公民~佢話澳州搵食冇香港咁辛苦~~
希望我老公過去~
我姑奶佢係澳州有車有樓有鋪頭~
只要我老公過去,我姑奶,同埋佢老公都會幫我老公做生意~
咁樣搵食冇咁辛苦~~時間又唔長~
但我老公成3十幾歲人,英文又唔識多個~~
佢驚去到果樹生活唔到~~

其實我想知澳州生活係咪好好多??
學英文難唔難架??

我自己都驚自己習慣唔到~~英文又唔識.果邊又冇親人,得姑奶~~一陣同我老公有咩問題又唔知點算~~

我英文唔叻,希望各媽咪可以用中文回覆我~THX~~

0 0 0

無論世界點變都好~媽媽永遠都愛熹熹同楓楓
熹熹豬2006年4月10日出世.楓楓豬2008年2月4日.
健康才是財富~希望2隻豬身體健康^-^

私人傳訊

samanthavikki

複式洋房

積分: 404

26^#

發表於 08-7-8 20:52 |只看該作者

幼兒教育
家長可決定子女是否接受幼兒教育。有些兒童會於3歲開始學前班。大部份兒童也於5歲時開始入讀幼稚園。

中小學教育
根據澳洲的法律，兒童必須於6歲前接受教育。小學由第1年級至第6年級。一般學生於12歲完成小學。

中學由第 7 級開始至第 10 級。學生必須完成 10 年強迫性教育，將獲頒發畢業證書。而大部份學生畢業後都會繼續升讀高中 – 亦即第 11 和第 12 級。除昆士蘭省外，所有 12 級的學生均應考所屬省份的高考，高考成績作為選讀大學和學科的標準。

澳洲的中小學分為公立和私立學校。公立學校為政府開辦，提供免費教育給所屬區份的適齡學童（公民）。部份公立中學列為精英中學，以成績為收生標準，沒有區域的界限。私立學校大部份由教會開辦，政府亦撥款資助。一般而言，私立學校的資源較多，自由度亦較大。大部份的私立學校設有宿舍，本土生和海外生均可入住。部份公立學校亦招收海外生，由所屬省份的教育部統一安排。

由於沒有澳洲政府的資助，海外生無論就讀公立或私立學校，都需要繳付全費。海外生選讀私立學校較多。

原文章由 小木馬 於 08-7-7 22:30 發表
大家好,其實我都想過澳洲讀書,但只係帶我個仔(16個月),老公係香港做嘢,我想問下澳洲的幼稚園要幾多歲入學?其實我無朋友係澳洲,只係膽粗粗想試下,我英文都唔係太好,唔知攪唔攪得掂 ...

私人傳訊

小木馬

別墅

積分: 1619

25^#

發表於 08-7-7 22:30 |只看該作者

大家好,其實我都想過澳洲讀書,但只係帶我個仔(16個月),老公係香港做嘢,我想問下澳洲的幼稚園要幾多歲入學?其實我無朋友係澳洲,只係膽粗粗想試下,我英文都唔係太好,唔知攪唔攪得掂

大量嬰兒童裝

私人傳訊

samanthavikki

複式洋房

積分: 404

24^#

發表於 08-7-3 17:02 |只看該作者

我地屋企最近亦都討論緊我地應否移民(其實兩年之前都講過)~
老公就好想移民, 主要為左兩個仔, 同埋將來退休~
而我都好認同老公o既想法, 而且墨爾本都有幾個朋友, 但我就好多野唔捨得..............父母兄弟姐妹係晒hk, 最重要係老公係大陸o既生意放唔低~ 佢只可以久唔久過墨爾本得一得~ 如果無老公係身邊我可能會好sad~

睇見你地移民o既目的都係為左子女為左一家人多啲時間一齊~

我而家好難選擇~(或者無得選擇

) (因為老公可能要去江西做野到時可能都係久唔久至返hk得一得~

, 如果係真咁佢應該要我地三仔"也母"移民)
應該呢一兩個月會知老公要唔要去江西............
希望結果唔會太難接受啦~

私人傳訊

hima

男爵府

積分: 6185

23^#

發表於 08-5-20 09:44 |只看該作者

我住係墨爾本的BK媽咪嚟,路過呢度,
我本身英文都係好死,不過呢度的人真係好好的,佢地唔會介意,仲會就住你慢慢講添。
聽多咗,講多咗,就會好Ｄ啦

你地打算幾時過嚟呀？會住邊區？有時間過嚟我地個club都傾吓計啦！

私人傳訊

愛麗斯傳說

大宅

積分: 4164

畀面勳章

22^#

發表於 08-5-19 09:18 |只看該作者

原文章由 寶寶儀 於 08-4-27 16:13 發表
唔該哂咁多位媽咪~~

前日同老公傾過澳州既問題~~佢決左真係去~係移民去~~唔去探路啦~~
因為同姑奶傾左話,我老公一走,果3個月要養架車,濟擺係樹3個月成萬幾2萬銀~~又要俾錢我做家用,佢去一去 ...

我同老公而家都係sydney...我自己比較鍾意靜.....即係可以唔出街....日日係屋企都得的人....所以係sydney生活我都ok架....

我同老公都覺得係澳洲生活會好過hk.....將來我地有小朋友.....我唔想佢地係hk讀書...太辛苦啦......唔單止小朋友辛苦.......大人一樣辛苦...而且....係hk打工.....往往都要ot....工作時間太長.....根本好難有family day.....所以我地都希望留係澳洲生活

我自己本身英文都唔叻......普通應對ok....但係要去移民局問野/打電話去問題呢d....我都聽唔明.....多數都係我老公負責....其實而家好多唐人係澳洲......如果你住唐人區....e.g chatswood.....用英文的機會唔多.....不過我自己都覺得英文好重要.....唔通有咩事都要麻煩人地咩......就好似小朋友返學......你都要睇得明學校的
通告...所以基本的英文係一定要識....

我都好好彩.......有個姑奶係呢邊.....好多時.....佢都幫我地手....我地有咩唔知.....佢又會幫我地....不過我地係分開住架.....始終自己住會開心d....同埋相見好同住難嘛.....

私人傳訊

pigpig

琥珀宮

積分: 152003

秋日勳章炎夏勳章遊學勳章春季勳章趣教勳章冬日勳章畀面勳章環保接龍勳章大廚勳章親子達人勳章 wyeth冷知識勳章叻叻勳章有「營」勳章

21^#

發表於 08-4-27 22:01 |只看該作者

寶寶儀，
有左決定咪好囉

唔係諗甘多野！已經決定左的話，就向前看

為前面既路作好準備

希望你一切順利！加油呀！
有時間就多D上黎

私人傳訊

寶寶儀

大宅

積分: 4234

好媽媽勳章

20^#

發表於 08-4-27 16:13 |只看該作者

唔該哂咁多位媽咪~~

前日同老公傾過澳州既問題~~佢決左真係去~係移民去~~唔去探路啦~~
因為同姑奶傾左話,我老公一走,果3個月要養架車,濟擺係樹3個月成萬幾2萬銀~~又要俾錢我做家用,佢去一去澳州要擺低成4萬銀俾我先去到~~太金啦!!
尋晚佢同姑奶傾長途...話一次過攪移民去~~
攪移民果樹最快9個月就ok~~
而家等姑奶覆要咩証件~~一次過攪埋佢~~
即係話我冇得選擇去定唔去~~
講真我真係好驚~~
起碼係香港我識得自己搭車周圍去,想食串魚蛋都識得去買€~但過到去又住係人地度~~好多野真係唔方便~~~~~~~
有時候真係相處好同住難囉~~
老公就話去到邊都係咁住,有咩話適唔適應~~~
為左2個囝將來條路好行d~~唔走唔得~~
再加上港幣冇得升~~而家又俾人仔食住哂~~就算回升返都唔多~~所以有得走好走~~~

pigpig:

我呢排攪緊搬屋既野~~好小時間上網睇野,有時間我會睇下你個blog,真係唔該哂你~~
我真係好鐘意藍天白雲既地方~~做人冇咁大壓力~~開心好多!!

bigbigmother ,

加油^^
我相信人勤力冇話搵唔到食既~~只要努力d,就冇問題!

我移民都冇咁快,最快都要一年後~~
係啦~~你點申請移民過去架???

無論世界點變都好~媽媽永遠都愛熹熹同楓楓
熹熹豬2006年4月10日出世.楓楓豬2008年2月4日.
健康才是財富~希望2隻豬身體健康^-^

私人傳訊

bigbigmother

民房

積分: 55

19^#

發表於 08-4-25 13:45 |只看該作者

回覆 #5 littlemouse2008 的文章

Hi Littlemouse 2008,

你好!
你住在Sydney邊到? 我會住在Epping 因我想我的兒子9歲入讀Beecroft公立小學. 住Epping駕車近些!

私人傳訊

bigbigmother

民房

積分: 55

18^#

發表於 08-4-25 13:34 |只看該作者

回覆 #17 寶寶儀的文章

HI 寶寶儀:

好開心知道你就快移民去澳洲, 我將會在7月移民去悉尼. 其實我現在都十分擔心未來的生活. 因為在澳洲真是很難找工作, 我老公去了一個月都未找到. 今星期一才剛剛找到屋住.

我到時會住在Epping,希望可以多些和各位移民去澳洲的媽咪們傾訴下心事. 舒緩下緊張的情緒.

私人傳訊

pigpig

琥珀宮

積分: 152003

秋日勳章炎夏勳章遊學勳章春季勳章趣教勳章冬日勳章畀面勳章環保接龍勳章大廚勳章親子達人勳章 wyeth冷知識勳章叻叻勳章有「營」勳章

17^#

發表於 08-4-23 19:52 |只看該作者

寶寶儀，
我住係Brisbane

mel果邊有好多bk既媽咪，你多D同佢地傾下，過到去，佢地一定會盡力照應你ga

你真係唔需要太擔心

以前我未住Brisbane都係悉尼住過一段時間，因為我老公係果邊做野，自從住過之後，我就念念不忘，好想去澳洲生活，所以咪決定移民囉

我呢邊天氣好好，日日都籃天白雲，生活好悠閒

有時間可以去我個blog度睇下

私人傳訊

littlemouse2008

洋房

積分: 95

16^#

發表於 08-4-23 18:21 |只看該作者

我有個朋友佢都係唔識英文 , 結左婚就同老公一家移民去墨爾本, 而家都有7,8年了, 佢話嗰邊有好多中國人, 好多人識講普通話, 所以真係唔駛太擔心, 你咪等你老公去完之後睇下點先決定囉.

私人傳訊

寶寶儀

大宅

積分: 4234

好媽媽勳章

15^#

發表於 08-4-22 23:21 |只看該作者

原文章由 littlemouse2008 於 08-4-22 06:20 PM 發表
hi , 寶寶儀
唔駛咁擔心喎, 我同老公都打算年尾過去澳洲生活, 因為要等bb出左世先 , 其實我哋都考慮左好耐先決定, 我都好擔心過到去會咩都唔識, 我英文都唔好架, 咪慢慢學囉, 我之前係澳洲住過2個月, 我覺得嗰邊真系 ...

我地會去墨爾本~~
俾你講到果度咁好~~難怪我姑奶佢叫我地一家人申請移民過去啦,佢好想我地成家人過去,唔想我老公去探路,而家申請9個月就批好快~~
我好多朋友都話澳州好好~~
起碼比香港真係好好多~~
我最慘係只係識24個英文字母咋~~陰公

無論世界點變都好~媽媽永遠都愛熹熹同楓楓
熹熹豬2006年4月10日出世.楓楓豬2008年2月4日.
健康才是財富~希望2隻豬身體健康^-^

私人傳訊

littlemouse2008

洋房

積分: 95

14^#

發表於 08-4-22 18:20 |只看該作者

hi , 寶寶儀
唔駛咁擔心喎, 我同老公都打算年尾過去澳洲生活, 因為要等bb出左世先 , 其實我哋都考慮左好耐先決定, 我都好擔心過到去會咩都唔識, 我英文都唔好架, 咪慢慢學囉, 我之前係澳洲住過2個月, 我覺得嗰邊真系好舒服, 而且為左下一代我覺得嗰邊點都比香港好, 你真係要同老公好好計劃下, 你哋會住係澳洲邊度呢?我同老公同bb會去悉尼住, 老公之前係嗰邊讀書, 會熟D嗰度, 唔好想太多了, 可能遲D我哋有機會見面呢?努力呀!

私人傳訊

寶寶儀

大宅

積分: 4234

好媽媽勳章

13^#

發表於 08-4-22 17:44 |只看該作者

pigpig.

唔該哂你呀~~
始終成家過去,都係老公去睇下環境先~~穩陣d~~

我而家唔可以同屋企人傾澳州既問題,同老公講又好似俾壓力佢,所以都冇人傾到計~~唯有上網搵各媽媽幫手啦!!

我老公大約9月就會過去~~
希望一切順利啦~~~
pig你住澳州邊度架????????

人大左結左婚真係好想一家既一齊既時間長d~~
有時候見到老公一日忙到黑,返到屋企就訓~~好灰~~
到時候希望到左澳州真係有改善啦

無論世界點變都好~媽媽永遠都愛熹熹同楓楓
熹熹豬2006年4月10日出世.楓楓豬2008年2月4日.
健康才是財富~希望2隻豬身體健康^-^

私人傳訊

pigpig

琥珀宮

積分: 152003

秋日勳章炎夏勳章遊學勳章春季勳章趣教勳章冬日勳章畀面勳章環保接龍勳章大廚勳章親子達人勳章 wyeth冷知識勳章叻叻勳章有「營」勳章

12^#

發表於 08-4-21 20:07 |只看該作者

寶寶儀，
如果你姑奶話無問題的話，叫你老公過去住下，睇下環境先，都係好事

起碼知道岩唔岩果邊既生活，跟住你先再帶埋小朋友過去，甘情況就會好好多......
hk工作真係忙得要命，我老公以前一個人要做十個人既野...忙到CC下呀....後來佢公司調佢過澳洲做野，一做就做左差不多1年有多，做過之後，覺得呢邊好適合一家人生活，所以我地就決定移民啦！
我地係呢邊咩親威都無，有時我都會覺得悶，不過，好好彩，我係網上識左幾個hk過澳洲既朋友，大家時時都會約出黎見下面，傾下計，所以都好開心！
我都好開心，你同我講完野之後，個人舒服左，因為我都明白，呢個時候，你好需要有人支持你...
希望你一切順利！

私人傳訊

寶寶儀

大宅

積分: 4234

好媽媽勳章

11^#

發表於 08-4-21 19:43 |只看該作者

原文章由 pigpig 於 08-4-21 01:47 PM 發表
寶寶儀，
呢度D外國人都好好人，我有時聽唔明，都會叫佢地講慢D，同講多次，一般佢地都好願意！當然有時候佢地會講D好地度既澳洲英文，果D我自己就真係聽唔明啦只有陪笑而且英文聽得多，用得多，就會有進步，我相信基本溝 ...

唔該哂你打咁多字..睇完你地~~講野,我真係舒服左好多~~

其實我地而家問題真係果邊岩唔岩生活~
去到果邊住同食都唔係問題~~我姑奶佢地包埋我地,我都好明白長遠唔可以靠人~~但短暫黎講冇問題~~

姑奶佢地係果邊好似做電子生意~~
姑奶話好好搵,同埋果邊有間連鋪係度冇租出去,想自己鄺大d間鋪頭~~咁樣搵錢都多d~~

同埋我真係好想一家人一齊既時間多d~而家老公真係忙到想死,我想佢陪我都幾難,係香港又難搵食~~

同左姑奶傾,佢話9月度老公去左果邊先~~去幾個月冇問題先返黎香港攪移民~~

無論世界點變都好~媽媽永遠都愛熹熹同楓楓
熹熹豬2006年4月10日出世.楓楓豬2008年2月4日.
健康才是財富~希望2隻豬身體健康^-^

私人傳訊

Devlin媽媽

男爵府

積分: 9527

10^#

發表於 08-4-21 18:34 |只看該作者

Hi vanessamom,

你地有無同囡囡去參觀過哩到o既學校?

原文章由 vanessamom 於 08-4-21 18:00 發表
Hi, Devlin

我honeymoon時都去過布里斯本,好靜....重靜過Sydney,其實澳洲對我來說,一點也不陌生,只是之前去過的無數次,都是去旅行的心態,而今次過去就是去住,所以才會擔心起來！

我的囡囡今年7歲,對於要過去澳洲讀書 ...

私人傳訊

vanessamom

伯爵府

積分: 17129

9^#

發表於 08-4-21 18:00 |只看該作者

Hi, Devlin

我honeymoon時都去過布里斯本,好靜....重靜過Sydney,其實澳洲對我來說,一點也不陌生,只是之前去過的無數次,都是去旅行的心態,而今次過去就是去住,所以才會擔心起來！

我的囡囡今年7歲,對於要過去澳洲讀書,她是十分不喜歡,因為她說她所有的好朋友都在香港,加上她很喜歡現時就讀的學校,所以她向婆婆說：「Daddy, Mummy 都唔理我的感受,我一早同佢地講,話我唔鍾意過澳洲讀書。」

希望她過到澳洲,會適應那邊的學校生活。

原文章由 Devlin媽媽 於 08-4-21 10:46 發表
Hi vanessamom,

我黎左5年喇而仔仔都有28月大。

一定會有擔心o既情況出現不過我地中國人適應力咁強，比多少少時間自己喇。好似我同寶寶儀講，凡事樂觀D，向好o個方面諗，用正面o既態度面對問題就得架喇。

Cheers,

...