吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 以為係最撐我嘅人,原來係好討厭我...

婆媳關係今日: 0|主題: 27782

收藏本版

發帖

返回列表

跳至頁

查看: 4849 | 回覆: 21

以為係最撐我嘅人,原來係好討厭我... [複製鏈接]

KoyeBaby

子爵府

積分: 12904

醒目開學勳章畀面勳章

1^#

發表於 08-4-22 00:21 |只看該作者 |正序瀏覽 |打印

我講緊嘅係我老公...結咗婚1年半,一直都同6299住,我已經好唔鍾意,但係見佢哋話哂係長輩,有咩事我都盡忍,盡量同佢哋保持相敬如賓嘅關係,但係囡囡出世後問題就發生...我完全無辦法認同99嗰套,佢亦無心跟我做法,我開始經常同老公埋怨,要求搬走,佢初初都話明白我,應承我盡快!雖然我係咁講,不過我都知唔係咁易,所以我盡可能自己湊女,唔需要99幫,免不過都唔想同佢發生爭執!但係尋晚我同老公提起好多地方都有婆媳糾紛,佢就即刻扯火話我借題發揮,又話我同佢阿媽無溝通搞到佢做磨心,叫我咁唔鍾意就帶埋囡囡走,仲話當初應承我搬只係安撫我,最令我傷心係佢竟然話"我都唔明你,有嘢咪直接同佢講囉!兩個見到就扮笑面虎,背後就互數,好好玩呀?如果係咁我寧願你哋攤出嚟講,擺到明反面,起碼唔會煩到我!"我聽到真係喊咗出嚟,覺得自己好委屈...我嫁過嚟要同佢成家一齊住已經覺得自己係外人,日子唔開心多過開心,我同99反面有幾難啫?我忍我唔出聲都係唔想佢兩母子關係轉差,我同老公講99湊b方式唔啱都係純粹呻下,無諗過要佢做傳聲筒,但係原來我嘅忍耐令佢覺得咁辛苦...我覺得自己好傻,忍氣吞聲咗咁耐竟然換嚟一頓罵...

0 0 0

私人傳訊

Lazy_Mum

複式洋房

積分: 104

22^#

發表於 08-4-28 09:24 |只看該作者

樓主，好明白你的感受，我c6都曾經講過類似的說話，真係好傷心

，其實我都係想同佢呻吓，無諗過要佢同99開拖幫我，但啲c6就唔會明law！

我而家都學精咗lu，好少講99啲嘢，其實講都無用，c6都幫唔到我兼仲會發脾四添，所以我都係搵朋友傾訴多。

私人傳訊

piyo28

大宅

積分: 3308

21^#

發表於 08-4-26 12:45 |只看該作者

原文章由 bebee0526 於 08-4-22 03:14 發表
我好你少少，我唔洗同我６２９９住，因為當初結婚佢地叫我搬過去，我同我老公好決絕咁講ｎｏｗａｙ，要我搬，我寧願同我ｍａｍｉ住，好彩後來我同老公同個仔一家３口住
不過我同佢老豆老母關係極差的，以前我會係咁係ｃ６面前鬧鬧鬧，將不滿係佢面前盡數，因為以為佢會ｓｕｐｐｏｒｔ ...

你都好呀, 你望一望老公佢就幫你, 我? 個老公望佢, 佢都唔知做咩好, 試過佢話番佢阿媽, 佢阿媽還拖呀, 話佢個仔好咁大聲同佢講野囉. 明明係佢唔o岩, 仲話個仔. 我知呀, 佢唔鍾意個仔幫晒我, 佢呷醋呀嘛, 覺得個仔有老婆就唔要阿媽嘛, 都白痴的, 咁鍾意咪唔好比個仔結婚囉, 成世攬住佢囉. 我都唔明d 99, 自己有老公, 有其他仔女, 點解仲係要理埋己結婚的仔啫, 好得閒呀, 得閒就去玩下, 做下義工啦.

私人傳訊

emilywpy

大宅

積分: 1028

20^#

發表於 08-4-26 12:21 |只看該作者

樓主我好明你感受，尋晚我老公先為左佢丫媽發哂火打開街門同我講離婚

但係老土d講句：我地一定要自強丫！！！

當老公唔幫我地時我地更加要靠自己保護仔女o既福祉！
我老公同你老公一樣，無論講過d幾令人傷心o既說話隔一陣就以為無事，甚至真係以為無事，轉頭就笑"世世"同你講返野

佢地永遠唔會明講響佢地口聽響我地心，真係會好傷的，我只可以勸自己同你一齊努力，盡量唔好唔開心，雖然bb/小朋友好細個，但其實佢地會feel到媽咪爸爸唔開心的

私人傳訊

牛精仔

琥珀宮

積分: 157928

玩具勳章好媽媽勳章醒目開學勳章畀面勳章叻叻勳章 2011精緻種植勳章環保接龍勳章 BK猜猜猜慶中秋 BK Milk勳章

19^#

發表於 08-4-22 23:28 |只看該作者

得罪講句, 真係嫁錯人...唉

私人傳訊

A.C.C.

大宅

積分: 3786

18^#

發表於 08-4-22 17:53 |只看該作者

原文章由 KoyeBaby 於 08-4-22 11:26 發表
其實我試過同99講道理,話佢知點解要咁,叫佢跟我嗰套!但係佢話極都唔聽講極都唔明,講完又講講完又講都唔理我,我無辦法先要"忍"!c6就話我無認真同99講(但係我自問已經try my best),仲叫我"講佢唔明咪鬧囉"!大佬呀! ...

你老公咁講，就真係證明佢唔多識處理阿媽同老婆嘅磨擦.....你諗得啱，如果你發火閙奶奶，最後搞到家嘈屋閉，輸嘅一定係出聲罵人嘅你。

奶奶同你溝通唔到點湊BB，你老公又處理唔到，咁可唔可以搵個中間人講？例如你娘家有無人可以幫手？最好搵個脾氣好同老人家傾到計又識得育嬰知識嘅.....又或者，下次帶BB去健康檢查，拉埋你奶奶去？健康院D醫生姑娘講嘅，你奶奶應該比較易接受。

唔好氣餒，既然都要同奶奶住埋一齊，就儘量想法子克服，你奶奶恨湊囡囡，咁都仲有辦法搞好關係(我地呢度好多媽咪嘅奶奶大人連孫都唔想理

)......另一方面，慢慢同老公傾，睇下可唔可以搬開住。

私人傳訊

WaKy

大宅

積分: 4483

好媽媽勳章畀面勳章

17^#

發表於 08-4-22 13:46 |只看該作者

樓主個老公講d嘢好不負責任呀！
唔好煩佢，
結得婚就預左煩佢一世啦！

有時唔係話同唔同d 99溝通，
而係我地d新抱講完，
又有幾多個99會聽我地意見呀！

私人傳訊

alphabetagamma

珊瑚宮

積分: 108856

環保接龍勳章

16^#

發表於 08-4-22 12:57 |只看該作者

你心平氣和諗一諗. 我覺得你老公講得無錯的. 佢可能覺得你同你99都無錯, 錯在無溝通囉.
你唔開心因為你覺得好委屈.
你老公唔開心因為他覺得好委屈.
你99唔開心因為她也覺得好委屈.

如果個個都用自己做中心, 個個都會覺得自己付出最多. 你試下問下身邊的人, 十個有九個都話自己點好點好, 點忍受點付出. 有幾多個會覺得自己錯.
個個都無錯都無所謂, 但係只要你睇到人地都有付出, 你就會無咁嬲. 你老公都有辛苦, 有難處.
講開BB經, 你講佢唔聽, 你就唔好咁緊張, 將個波俾你老公. 一係問下老公應該要用咩方法同你99講. 因為佢應該最清楚佢阿媽? 如果佢都唔想搞, 覺得你麻煩, 咁你要諗下你執著的一套是否真的很重要, 是否真的非實行不可? 老公都唔認同你果套佢就唔會落力幫你, 那時你就要慢慢導佢都認同你, 係要用計架. 到佢自己都睇到個重要性, 他才會認同你的做法.

我都有教我老公應該點同我老豆講野, 我老豆的性格好搞笑的, 要用特別的方法才溝通到.

私人傳訊

KoyeBaby

子爵府

積分: 12904

醒目開學勳章畀面勳章

15^#

發表於 08-4-22 11:26 |只看該作者

原文章由 A.C.C. 於 08-4-22 10:58 發表
樓主唔好激氣住，男人就係咁，講親佢阿媽D衰野，佢地就馬上IQ倒退EQ無晒，還原番成隻非洲猩猩咁.....

D非洲猩猩好要臉，佢地會覺得你話佢阿媽點唔好，而佢係阿媽生嘅教嘅，咁就等於你話佢唔好，所以佢地會好反感。

一反感，就算你講 ...

其實我試過同99講道理,話佢知點解要咁,叫佢跟我嗰套!但係佢話極都唔聽講極都唔明,講完又講講完又講都唔理我,我無辦法先要"忍"!c6就話我無認真同99講(但係我自問已經try my best),仲叫我"講佢唔明咪鬧囉"!大佬呀!如果我真係鬧99,d關係咪仲僵...

私人傳訊

A.C.C.

大宅

積分: 3786

14^#

發表於 08-4-22 10:58 |只看該作者

樓主唔好激氣住，男人就係咁，講親佢阿媽D衰野，佢地就馬上IQ倒退EQ無晒，還原番成隻非洲猩猩咁.....

D非洲猩猩好要臉，佢地會覺得你話佢阿媽點唔好，而佢係阿媽生嘅教嘅，咁就等於你話佢唔好，所以佢地會好反感。

一反感，就算你講嘅係100%事實，佢地都覺得你無理取罵。

而且佢仲係同緊阿媽住，心理上可能都未戒奶，你話佢阿媽喎，D小猩猩會覺得好大件事。

同猩猩溝通，要有技巧，唔好事無大小乜都數衰佢阿媽，好似上面其他BK媽咪教嘅，小事就搵其他人呻，大事先同佢講；

男人怕煩又怕動腦筋，你樣樣煩佢，佢都唔知處理邊件好，所以要集中火力只同佢討論重要嘢(例如搬開住、BB嘅問題)。

另外，啞忍你奶奶未必係上策，你已經做咗媽咪啦，要企硬媽咪嘅立場，如果奶奶唔合理，就不妨直接講道理.....你已經試過"忍"呢招唔得，不如就試下"爭取"。

私人傳訊

KoyeBaby

子爵府

積分: 12904

醒目開學勳章畀面勳章

13^#

發表於 08-4-22 10:56 |只看該作者

多謝各位嘅意見~佢尋日好似無發生過任何事咁陪我返媽咪度食飯,仲有講有笑!不過老實講,我好耐無同佢大投訴,只會輕輕提過就算!我知出聲佢都幫唔到我,所以我先自己照顧哂囡囡,就係唔想同99有爭拗!99背後點話我我唔知,但係我知佢有話我收埋個女唔俾佢掂!但係囡囡唔鍾意佢,抱親都喊到氣咳我唔通唔理咩!我唔想同6299住就係知同一屋簷下避得幾多呀?我唔會再同老公呻!至於話搬...我諗短期內無可能架啦!只希望自己EQ夠高可以忍到啦!!!

私人傳訊

hippo887

別墅

積分: 567

12^#

發表於 08-4-22 09:46 |只看該作者

但係個老公話，咁唔鐘意就帶埋個女走喎.
尼件已經係好不責負任啦！
如果係我當時已經一巴打埋去了

私人傳訊

Irismammy

別墅

積分: 697

11^#

發表於 08-4-22 09:32 |只看該作者

你呻完就算喇！因為我覺得其實你c6都真係好可憐同辛苦，你而家不如諗吓點做好你同99&c6之間嘅關係好過啦！

私人傳訊

cherry1498

大宅

積分: 3008

10^#

發表於 08-4-22 08:42 |只看該作者

原文章由 KoyeBaby 於 08-4-22 00:21 發表
最令我傷心係佢竟然話"我都唔明你,有嘢咪直接同佢講囉!兩個見到就扮笑面虎,背後就互數,好好玩呀?如果係咁我寧願你哋攤出嚟講,擺到明反面,起碼唔會煩到我!"我聽到真係喊咗出嚟,覺得自己好委屈...我嫁過嚟要同佢成家一齊住已經覺得自己係外人,日子唔開心多過開

咁即係你99都有係你老公面前數你啦...咁你就要學乖啦,雖然我都唔係同99一齊住,不過我亦唔係好媳婦...亦唔會表現專重...佢都同我老公數我...不過唔緊要...我學曉左係BK到呻,仲有無聲抗議....一來你唔駛係你老公面前呻...始終個個係佢阿媽,真係對左十幾廿年...你點呻都唔會改變佢阿媽係佢心目中既形象,如果係咁做乜仲要硬碰呢,由佢阿媽單方面呻,你老公自然頂佢唔順架啦...

私人傳訊

wmpl

大宅

積分: 3000

9^#

發表於 08-4-22 05:03 |只看該作者

雖然你老公對你所講嘅說話係好過份,
但你又唔駛覺得佢係討厭你嘅,
相信你老公都係因為俾你同佢自己阿媽日哦夜哦,
疲勞轟炸得太多,所以先一時講錯d晦氣說話啫!!

唔好諗埋一邊住,你嘗試想想,
成日俾自己老公同阿媽吟吟沉沉,不斷互相投訴,
又唔知講乜好?俾着你都會好唔開心啦,
而且男人好多都怕煩,講說話又冇女人甘叻,
所謂相嗌唔好口,當然係冇好說話聽la,
做女人其實都需要包容同體諒,尤其是已為人妻及人母者!!

唔好諗太多點解自己要甘委屈?
你覺得有個衰阿媽傷心d定有個衰99傷心d呢?
相信你都知道答案!!
若你對99有不滿想向老公提出,就要小心用詞同語氣,
記住大前題,甘做唔係為咗對付99,係為咗你與老公的關係,
男女之間大不同,你若是愛男人的,
他就算有些缺點都要體諒及接受,這樣才會領悟出改善方法,
一味鑽牛角尖都是沒用的,想到頭爆都不會有結論,
無人會必知及必須要知別人心裡想什麼?!
彼此不同就是不同,勉強無幸福,
不如學習怎去相處及應付吧!!

對99有小不滿的就向朋友傾訴,若有大不滿才須向老公報告,
想有行動前多和老公商量,讓他知道你是對事不對人,
平常在老公面前多主動關心和問候99,
當你老公感覺到你和他母親之間的強烈對比,
慢慢就會支持你的做法!!

私人傳訊

bebee0526

大宅

積分: 2817

8^#

發表於 08-4-22 03:14 |只看該作者

我好你少少，我唔洗同我６２９９住，因為當初結婚佢地叫我搬過去，我同我老公好決絕咁講ｎｏｗａｙ，要我搬，我寧願同我ｍａｍｉ住，好彩後來我同老公同個仔一家３口住
不過我同佢老豆老母關係極差的，以前我會係咁係ｃ６面前鬧鬧鬧，將不滿係佢面前盡數，因為以為佢會ｓｕｐｐｏｒｔ我而鬧番佢老母，不過．．．．原來係佢老母唔岩，佢都唔會出聲，仲反而同我嘈，佢亦都有試過叫我唔鐘意自己帶埋個仔走，亦因佢老母我比佢打，又趕我地走．．．
後來傾好，其實佢好唔開心，果個係佢呀媽，佢都冇法子，佢好想我同佢呀媽關係搞番好ｄ，佢做磨心都好辛苦，又唔知幫得邊個．．最後我諗通左，我都明白佢，因為如果佢係我面前咁話我呀媽，我諗我都會同佢大戰．．．而家，我有咩不滿佢呀媽（唔太過份的）我都唔會同佢講，只會同我屋企人同朋友講，係佢面前都唔會提，有時會扮野問候下佢呀媽呀咁，係佢呀媽面前都唔會同佢嘈，最多只係唔出聲
原來呢個方法，係ｗｏｒｋ架，ｎｏｗ我ｃ６對我同個仔不知幾好，佢呀媽呀爸難為我，我望一望佢，ｃ６會幫我擋，我有face時又唔洗同佢2老嘈,so good...
所以,樓主我都覺得,如果你想同你c6關係好d,你唔好再係佢面前提佢2老d野了,同屋企人同朋友呻下,除非係好大件事果d,用較溫和ge語氣同你c6慢慢傾,嗲下佢,比佢覺得你想同佢爸媽關係好d...有時又係佢面前問候佢地,扮下野咁
到時你c6覺得你有所改變時,佢會自然同你出口ge~

<b><font color="orange">我的腥架

私人傳訊

naomicft

大宅

積分: 2538

7^#

發表於 08-4-22 02:50 |只看該作者

聽到自己老公同自己講d咁野一定好唔開心,
但都要諗下係唔係自己係佢面前講得太多?
我都好多不滿架, 但唔會少少野就同佢呻,
濕碎野就同自己屋企人呻, 起碼佢地真係會明我,
由得我講, 講完自己舒服哂, 又唔洗屈住,
講完都廢事重覆再講多次俾老公聽.
係d好過份既完全忍唔到就會同佢講,
但講完就算, 唔再提, 佢自己都心中有數.
同埋睇你老公段對話, 你99應該都對佢數你好多野喎,
咁你唔好講咁多, 等你99數飽佢, 你老公聽得多就會覺得煩,唔想理佢.
之不過, 你地搬既問題, 一定要傾清楚喎,
佢會唔會係一時悔氣講? 你地有冇實際行動儲錢搬先?
搬屋邊有得講下, 係搬就要儲錢, 唔係點搬.
唔好唔開心啦, 等呢件事丟淡左再同佢傾啦,
仲有咁多日子要對, 兩公婆有咩都要開心見誠傾呀.be happy!

私人傳訊

小露比*

珍珠宮

積分: 39132

好媽媽勳章

6^#

發表於 08-4-22 02:20 |只看該作者

但係,,換轉企係老公角度諗,,
果個始終都係老公個阿媽喎,,
係咪真係要係老公面前係咁講呢,,?
做老公個角色其實都好慘,,手掌手背都係肉,,
你叫佢又可以幫得邊1面呢,,,

當然你老公都好唔岩啦,,

大家平心靜氣慢慢傾下啦,,

我有兩隻大小魔怪""

私人傳訊

paklok

侯爵府

積分: 21203

好媽媽勳章醒目開學勳章畀面勳章環保接龍勳章

5^#

發表於 08-4-22 02:04 |只看該作者

樓主, 唔好怪我多嘴,
雖然你老公可能覺得好煩,
但係佢講既野真係好無人性,
有咩理由想個老婆同阿媽自己困獸鬥架,
佢話佢以前話搬走, 其實只係安撫你,
呢個安撫咪等於敷衍,
我感受到你既委屈, 明明想早早解決件事,
但你老公又唔諒解你,
仲要俾氣你受, 希望你可以盡快搵機會同你老公平心靜氣傾傾, 等佢知道你唔係要發爛,
只係想和平解決事件啫~

但求順利