婆媳關係 今日: 1 | 主題: 27782

積分: 1028

1^#

發表於 08-4-26 02:13 |只看該作者 |正序瀏覽 |打印

我永遠記得今日，我老公竟然為左佢個衰丫媽同我講離婚

頭先佢放工返黎，打電話俾佢媽報告(我老公次次出街/返工/返到屋企都要立即打電話俾我99報到，但我老公40歲都黎緊啦)我99又問佢我聽日會唔會出街，去邊到，做咩野

我老公照答，我好唔開心，點解個八婆成日要check我，要遙控我？？我已經同我老公講過好多次，我好唔鍾意個八婆依種行為，連我媽都同我老公講過，叫佢丫媽唔好咁樣，我媽我爸都無咁樣check我(以前個八婆check我o既程度係我出門口唔夠10分鐘佢好似知道咁，打去我屋企搵唔到我就打我手樓，問我去邊？

.....買咩？買左幾多錢？去左邊檔買？(佢同我住同一憧大廈)以後唔好去依檔要去佢買開o個檔.....點解落街前唔話俾佢聽？幾時會返屋企？(大佬買親餸都唔會半夜三更啦)返到屋企要打返電話俾佢.......以為佢搵我有咩緊要事，點知咩事都無，只係又再重覆問"買咩？買左幾多錢？去左邊檔買？

"有時響樓下撞到我同我媽都仲要係咁問，我媽好唔開心，話我99做咩咁樣，係唔係當我成日去勾佬？！！唔信我就唔好俾個仔娶啦

大家話咁樣點忍，我覺得仲慘過坐監！

雖然今晚個八婆只係經我老公問左關於我的3個問題"會唔會出街，去邊到，做咩野"但我都好反感，

我就同我老公講：都話左唔好再講我o既事俾佢知，佢知道會好煩，點知我老公話我好怪佢答，話叫我自己同個八婆講唔想俾佢知喎，我就話我完全唔想同個八婆講野，我老公就發哂脾氣好大聲話我搵佢做磨心，我當時餵緊丫b食糊仔，丫b已經想想地喊，我就話你媽成日咁樣，我地遲早俾佢攪到離婚(因為為左佢丫媽我同我老公已經鬧過N次交了)點知我老公竟然超大聲兇神惡煞問我"係咪想離婚？係咪離羅！"我無出聲，因為我覺得佢又開始狂燥，佢以前已經試過發脾氣打爛屋企D野，我以前可以"盤"死同佢嘈，但依家我有個仔，我驚激起佢把火，可能聽日大家會見到我兩仔"也母"上頭條，佢大大聲聲打開埋個街門講左幾次，但我都死忍無出聲，係咁餵個仔食野，唔望佢........之後佢就帶左隻狗落街.......

我唔怕離婚，我只係擔心佢同我爭個仔o既撫養權

，佢落左街之後我係咁諗如果離婚我爭到個仔o既贏面有幾大？佢家姐係做社工的實有好多方法幫佢，教佢點同我爭贏個仔.....但我餵人奶個仔又咁細(未夠7個月)而且由始至今都係我一個人一雙手湊個仔的，個官好大可能會判俾我的.....我好唔好響佢返黎之前打俾我媽我爸求救......我媽我爸屋企加埋我同個仔應該無問題.......我媽可以幫我湊住個仔我去返工....

我完全無諗我捨唔捨得依個男人，甚至諗如果佢打我就仲好，個官一定唔會判個仔俾佢......突然我覺得我好似已經唔再愛依個人了，我一早同我老公講過成日為佢丫媽o既事嘈，一定會傷感情

，我一早已經提意我唔會再理佢丫媽o既事，叫佢丫媽亦唔好理我o既事，我地完全無可能形成任何關係，連普通朋友都做唔到，俾盡做點頭之交.

.........但係三日唔埋兩日我老公就叫我唔好對佢丫媽咁冷淡，次次越講就越有火，終於到左佢話離婚我都唔傷心o既地步，我覺得好悲
不過我覺得有仔萬事足，我只係最緊張個仔

0 0 0

私人傳訊

sbandliz

積分: 2106

好媽媽勳章

76^#

發表於 08-5-6 07:47 |只看該作者

生完bb之後記性差 - 無法la:;pppp:

私人傳訊

積分: 1028

75^#

發表於 08-5-6 03:11 |只看該作者

原文章由 OneOneMa 於 08-5-5 16:47 發表

佢發火問你 "係係係! 係咩先得假" 你就答佢, "99, 我答你係係係, 即係我唔想講囉, 不如唔好問啦, 好唔好?"

件8婆一定會問到你答佢為止，無論件事關唔關佢事佢都要知要管，我見過c6放工好累唔想講/有野做緊唔得閒講個8婆就好惡罵c6

mouth:一定要人答到好detail好detail，畫公仔要畫埋d細胞o個隻....

所以依家我會改用：唔知喎.....唔清楚喎或者你可以問o下xxx......如果d無可能我會唔知的，我就答唔記得，我會連食左飯未都答唔記得，佢鍾意鬧就鬧

私人傳訊

積分: 1028

74^#

發表於 08-5-6 03:02 |只看該作者

原文章由 monsterhunter 於 08-5-4 02:27 發表
睇完你地既故事,我覺應該叫我老公上黎睇一睇,佢成日講一句,我亞媽係有問題,咁可以點,佢點都係我亞媽,佢老母好識做戲架,我bb剛一個月多啦,佢老母未黎過醫院探個孫,滿月都無出聲話同個孫食餐飯,野都無送比bb,我都唔理 ...

我99又係

我坐月時扮q哂野話黎幫手，點知只係黎到問我點開電視/睇報紙/睇我媽煮飯/睇我爬高收衫/搵顯微鏡睇我個仔所耳仔有無摺痕，個頭夠唔夠圓，第二隻腳趾長過第一隻腳趾........(係得一樣無得睇就係我入房餵奶)睇都不得止，仲要出聲話依樣唔好o個樣唔妥

，後來我同c6投訴話佢落黎我地屋企純玩野同攪到我抑鬱，c6就話見過佢丫媽幫我地摺衫！但係c6唔知佢丫媽只係響c6在場時才摺o個一二件衫！！絕多數時間佢係玩野，得我同我媽做到無停手！我叫C6叫佢丫媽唔好黎，再係咁我會抑鬱唔係講笑，好彩c6都聽我講，如果唔係我一定帶埋丫b返我媽度住丫！

後來聽c6講，同佢丫媽講親我好忙，湊b唔夠訓.....辛苦之類(叫左c6唔好講咁多野俾個8婆知但佢點都要講

)，個8婆就會話........我都話去幫佢格......依家落你度都要申請丫......你話佢幾奸

個衰人又想隨時落黎開我度門之嘛！總之我同c6講左，無論如何點都唔可以俾佢落黎，佢唔落黎，我做死都唔會怨，佢落黎，我寧願同丫b返外家住！

私人傳訊

OneOneMa

積分: 1038

73^#

發表於 08-5-5 16:47 |只看該作者

原文章由 emilywpy 於 08-5-2 02:20 發表

Octopusma ，你都好有心得丫！不過我個極品99係非一般99，佢知你耍佢，佢問唔到佢想知o既答案係會發火的，會問返你：係係係！係咩先得假！真係想兜巴車埋去丫！我依家響街萬一撞到佢，都會扮到好趕時間，次次都話約 ...

佢發火問你 "係係係! 係咩先得假" 你就答佢, "99, 我答你係係係, 即係我唔想講囉, 不如唔好問啦, 好唔好?"

私人傳訊

monsterhunter

積分: 2780

畀面勳章大廚勳章

72^#

發表於 08-5-4 02:27 |只看該作者

睇完你地既故事,我覺應該叫我老公上黎睇一睇,佢成日講一句,我亞媽係有問題,咁可以點,佢點都係我亞媽,佢老母好識做戲架,我bb剛一個月多啦,佢老母未黎過醫院探個孫,滿月都無出聲話同個孫食餐飯,野都無送比bb,我都唔理,話之佢死,但佢條八婆賤到呢,因我地係擺明唔妥,但佢同我老公講,唔好話我對佢唔好,坐月佢可以黎我屋企架,我服待佢又點話呢,跟住lee 排我成日同我老公嘈佢老母,話佢老母好pk啦,我老話,你想點丫,我老母都叫你去坐月,佢服待你,係你自己唔去,我咪同我老公講,你亞媽都幾pk架喎,明知我地大家唔妥大家,明知我唔會去佢屋企,仲玩野,我話,係你lee d白痴男人,先信佢講,
跟住有一晚,我老公話,搵一日,點都要返去比佢亞媽睇一睇個孫,我話,個孫出世,佢都未黎過醫院睇佢,話傷風,驚傳染到比個孫,我話,你亞媽真識做戲,傷風可以帶口罩黎,仲有,你唔帶口罩,醫院都唔比你探d bb啦,擺明藉口,我話我一定唔會帶bb比佢睇,我點知佢d傷風好返未,跟住係咁同我老公嘈,我老公係咁話我小家,佢亞媽講既野全係真,唔會做戲,我火都黎埋,一巴打去我老公到,
我仲提出離婚,叫佢同佢亞媽結婚囉,佢亞媽咁巴閉,我唔識做戲,無你亞媽咁假,我都同我老公講,我宜家有囡萬事足,你唔好同我爭個囡,你係男人,你要搵女人同你生,幾多歲都搵到,女人生過,點都好難搵到人再要自己,我都唔多想小朋友跟你姓,因你屋企無一個係好人,個個都假到無輪,
我個囡滿月,我媽咪自己囉錢出黎,請多幾圍親戚,媽咪又買野比個孫,
我話,你亞媽做過d乜,咁都叫緊個孫既,咁叫佢食自己啦八婆,老女人,我話我點都唔夠個老女人鬥,因我唔識做戲,

我自問,我唔知lee段婚姻可以維持幾耐,我同我老公拍左拖八年先結婚,之前一早都覺,遲早都係為左佢亞媽離婚架了,so一直拍拖,都唔會結,因都唔想咁麻煩,攪咁多野,係一齊既,唔駛一張紙,都會一齊,但為左個小朋友,才結婚''
佢亞媽,同我老公講,要我地三年後先買樓,因佢唔想我老公除名,因佢話佢果到或者三年後有得買 (因佢住緊公屋) ,我同我老公係搬左出去住,跟住我話,攪x錯丫,你亞媽咁自私架,我地個囡大了,宜家都唔夠位比佢遲d學行,有冇可能要等三年丫,我話我睬佢都傻,一定要今年內買樓,

唉......我同我老公講,唔該,以後唔好再同我講你亞媽任何野,總知唔好影嚮到我既,我唔會再嘈佢,

私人傳訊

小寶貝兒

珍珠宮

積分: 30295

71^#

發表於 08-5-3 01:18 |只看該作者

emily,
hi, 又係我~

見你講開要比99知道你有外家撐, 真係珍珠都冇咁真!!!

未婚前99成日問我屋企野, 我甚少講佢知, 因為唔想比佢知道太多野!

但佢一路都覺得我嫁比佢個仔係想痴佢d金糠咁, 於是我係婚後就搵機會(其實都唔難搵, 佢成日想起清我家底!!), 同佢講我屋企既野!!

老實, 我屋企唔算有錢, 但叫做安安穩穩, 我公公以前仲係開廠架添! 雖然而家比d仔敗晒..... (呢點我當然唔會同99講啦!

)

加上我同99講左一個小故事, 就係我麻麻以前恰得我媽咪太西利, 於是我媽咪帶埋我地2姊妹返外家(當時我細佬都仲未出世), 第2日我公公就帶埋支票簿去睇樓, 即時買埋(比首期), 我仲加多句, 我公公好鍚女既, 無論係女定孫女, 都超鍚, 冇人可以蝦到我地!!

自此之後, 我99就再冇果種以為我嫁入黎係痴金糠既睇法!!

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

積分: 1028

70^#

發表於 08-5-2 03:00 |只看該作者

原文章由 gutgut22 於 08-4-30 00:50 發表
我都極憎我99~我坐月果陣落街同個朋友食lunch~等我老公返黎就報串...搞到我比我老公用操口話我...我勁嬲...咪唔鬼同佢食飯low~果日我阿媽黎左...佢知做咩...所以佢無嬲我...但我個死人99話...我唔比面我阿媽...佢係 ...

你99O既貪錢法同我99真係有得FIGHT丫！我地買左幾年O既野我99到今時今日都仲話我地"side"錢......又話唔夠錢使......又唔俾多d佢...明示暗示我同丫b分薄佢家用，但c6想我全職揍丫b，佢嬲到震丫！成日話我地屋企多野，又唔諗o下佢自己屋企d野仲多過電視o個個"我咪埋眼都行到出去"個家居防火廣告，因為極度貪心的原故，成日響街執埋好多垃圾返屋企，成800幾呎地方得佢兩個住，但堆到連訓o既地方都要朝行晚拆，你話死唔死丫！

次次我同c6捐野去救世軍，個8婆都會阻止，話d野佢會有用喎，成日問做咩要捐野俾人，無論d野佢用唔用得著佢都要羅，後來我同c6講如果你真係想做善事你就唔好話俾佢聽，佢貪得無厭，堆咁多野盞火燭燒死佢，雖然佢後來知道我地捐過野去救世軍無話佢知，但佢無我地符！好野！

私人傳訊

積分: 1028

69^#

發表於 08-5-2 02:39 |只看該作者

原文章由 piyo28 於 08-4-29 17:31 發表

勁! o岩架啦, 唔好比佢地咁容易想點就點. 之前我都係鎖門架, 你估你係99就大晒咩.
你仲餵人奶添, 啋佢地都傻啦

為左餵奶o既問題，我同c6講左好多次，c6覺得我有point，唔俾個8婆黎我屋企丫！

真係好開心丫！其實問心個個都知唔多唔少係羅餵奶做籍口，但係又點o者，我唔認丫！佢吹我唔脹！哈哈哈！最正係c6之前陪我上左好多產前班所以佢超贊成我餵人奶，仲叫我鍾意o既話餵到幾多歲都無問題！個8婆成日問餵到幾時，我睬佢都傻丫！:;pppp:

個8婆依家成日向c6投訴，話唔俾佢黎，不過我唔會退讓！屈咪屈死佢羅！俾佢黎，到時精神崩潰o個個就係我啦！

況且佢知道我媽成日黎探我，佢好唔鍾意，亦開口同c6講佢唔鍾意我地成日返我媽度食飯，但佢又講明自己唔鍾意煮咁多人飯，終日想我地同佢一樣斷六親，我睬佢有味，我依家會成日俾佢知道我同我媽有幾FRIEND，同我爸D關係有幾好，佢地有幾錫我，等佢嬲到吹眼琼琼！！YEAH！

我媽話我99依D人一定要俾佢知道外家有幾撐你，點係會蝦到上心口的！

所以我決家實行新抱反擊戰！99你接招啦！

私人傳訊

積分: 1028

68^#

發表於 08-5-2 02:20 |只看該作者

原文章由 Octopusma 於 08-4-29 15:21 發表
99呢個人, 真係唔使太上心, 正如大家所講, 要先理解男人特性先有辦法解決問題....

老公其實就=自己生左個大仔, 係要湊要教既, 我99果時都係樣樣問, 我拍拖時去到佢屋企, 有朋友打俾我傾計, 佢都要問係邊個黎, 做咩 ...

Octopusma ，你都好有心得丫！不過我個極品99係非一般99，佢知你耍佢，佢問唔到佢想知o既答案係會發火的

，會問返你：係係係！係咩先得假！真係想兜巴車埋去丫！我依家響街萬一撞到佢，都會扮到好趕時間，次次都話約左媽咪遲左(佢最唔鍾意我同我媽咪咁friend成日見面，因為佢同佢自己d女全部唔o岩，自己亦同自己丫媽火星撞地球，所以佢最唔鍾意其他人母女關係好的)，,一來可以唔同佢講，二來又可以激佢！一箭雙鵰！

不過你話齌：
你會選擇一個唔愛家人只愛豬朋狗友既男人, 定係一個對住阿媽係yes man既男人呢... 點講呢個男人對自己都唔係太過差者, 只係佢重視阿媽多過自己, 畢竟佢地相處幾十年, 都好難怪既

唉，我都唯有要響痛苦之中搵方法對付件極品，我好希望可以好似你一樣，快d等到極品的"那一天"

私人傳訊

tiggertigger

積分: 4608

67^#

發表於 08-4-30 17:28 |只看該作者

係呀! 其實我都係次次提起6299都火起既人，以前都會自己控制到d情緒，但一講起佢兩位就真係火都黎埋呀!

好似失左控咁，明知對方都可能聽到悶，但唔講又唔舒服。

我而家咩都唔理，直頭連佢兩個都唔理呀! 有咩不滿即刻show出黎，點解要我受氣，佢地唔使呀? 受氣我只會受我媽氣，其他人就no way!

有時如果都打定輸數同老公離婚，點解唔直接表達不滿?

至少輸得清清楚楚，俾佢知道原因都好。

不過當然家和萬事興呀!

私人傳訊

小寶貝兒

珍珠宮

積分: 30295

66^#

發表於 08-4-30 13:58 |只看該作者

我呀, 一有咩唔開心就搵我媽子飲茶, 次次得我同佢時就會坐成3,4個鐘~ 試過最誇果次, 由11點幾, 坐到下午4點!! 果排應該係我99發癲發得最勁既時候~

我老公都叫我忍架, 我忍, 不過忍完返黎咪咬佢meet佢揼佢囉!!! 邊個叫你阿媽恰我呀! 我咪恰返佢個仔囉!!

而家我99換左隻新藥, 叫做好d, 但之前扮晒野, 唔聽醫生講, 自己停藥果陣, 我真係就黎陪佢痴線架啦!!
試過一聽到話要過去食飯, 即刻係條街度狂喊!
試過一聽到佢把聲就覺得極度嫌惡!
試過被99發癲鬧我時, 鬧到我以為自己有心臟病!

最慘就係我媽咪都被我嚇親! 我同細妹講左我99發癲鬧我, 我媽咪即刻打電話黎關心我, 我一聲到媽咪把聲就喊到收唔到聲, 嚇到我媽咪話而家即刻黎接我返屋企!!
我老公聽到咁講先知佢阿媽真係好唔得, 事態嚴重, 就冇再好似以前咁要求我對佢阿媽好好, 乜都就晒佢阿媽, 好似佢自己就佢阿媽咁樣!
只係要求我, 被佢見到我時, 就去打招呼, 見唔到就閃上樓, 一星期食一次飯或飲一次茶, 唔洗再做d咩extra既野, 普普通通, 保持距離就好!
咁樣我先好返d咋..... (至少冇再一聽到話要同99食飯就狂喊!)

私人傳訊

sunmoonlaw

積分: 1260

65^#

發表於 08-4-30 11:22 |只看該作者

D男人係咁架啦~~我個個都係叫我就下99，忍下99，唉~~連同阿媽家姐仲下都唔可以~~

不過我學精左架啦~叫我忍，好就忍，跟住成日黑住個面對住佢地！叫我忍係咁架啦

搞到我老公都感覺唔好！不過好過吵架

私人傳訊

gutgut22

積分: 6658

64^#

發表於 08-4-30 00:50 |只看該作者

我都極憎我99~我坐月果陣落街同個朋友食lunch~等我老公返黎就報串...搞到我比我老公用操口話我...我勁嬲...咪唔鬼同佢食飯low~果日我阿媽黎左...佢知做咩...所以佢無嬲我...但我個死人99話...我唔比面我阿媽...佢係度喊...搞到我比62小啦...我老公仲要我打去講對唔住...嘩...大佬...我係唔比面都係唔比自己阿媽啦...關你咩事啊...喊咩野...扮曬野...之後因為個大仔讀書...要搬返出黎同佢地2老一齊住啦...我成日比62小...我好似阿4咁...佢地咩都唔q做...咩都我做曬...好辛苦~出街就問我老公~問我去邊...成日去咁多街做咩...總之我唔係度勁打小報告~成日話唔見左錢~屈係我偷...叫我老公比返佢地...我真係火都黎埋....我根本就無...洗咩貪你d錢啊...佢地2老連我2個仔d利是錢都拿埋...貪到死...講d野比我老公聽...等我地嘈大架...想我地離婚~但一定要拿返2個仔返黎...老實講...我係黑心...好想佢2老死tim啊....d 99同62咁貪錢...又打小報告~我真係好想有一次唔忍佢地....同佢地吵一次大架...我老公只會叫我忍...有d咩又係發我脾氣~男人咁愛佢阿媽...就同阿媽生仔啦...叫阿媽同佢做呢樣果樣..湊埋個仔....咁就最岩...

私人傳訊

piyo28

積分: 3308

63^#

發表於 08-4-29 17:31 |只看該作者

原文章由 emilywpy 於 08-4-26 23:13 發表

我6299之前都係辰時戉時就自己落黎用鎖匙開我道門(佢地只係住我樓上)丫b出世前都忍佢，丫b出世後到依家我都係餵緊人奶嫁嘛，我同老公講，我唔鍾意咁樣，如果我餵餵o下人奶你丫爸突然開門入黎我會好驚，我一驚又會 ...

勁! o岩架啦, 唔好比佢地咁容易想點就點. 之前我都係鎖門架, 你估你係99就大晒咩.
你仲餵人奶添, 啋佢地都傻啦

私人傳訊

Octopusma

積分: 5128

62^#

發表於 08-4-29 17:26 |只看該作者

我一d都唔勁, 我同老公拍拖到結婚十幾年, 都係化景左唔係好耐, 我一有激氣同唔開心, 9秒9同我媽or朋友呻, 起碼呻3~4次先舒服番, 唔呻會屈死我架... 99係咁架喇, 呢一刻知我唔like叫做收歛下, 過一排見我冇乜野又黎料, 如事者同樣事情發生又發生, 我老公都知我玩野, 我話總好過我同你媽嘈喇嘛... 終於咪連我老公都覺得佢煩, 一返到去食飯就閃入房同佢大佬打機囉... 佢就乜都唔聽留低我響廳度聽99不停講野....

最記得有次5知講開乜, 佢話安慰個fd同外父外母關係咪當君子之交淡如水囉, 話不投機半句多架啦, 我即刻笑笑口話係囉, 就好似我同你阿媽既關係一樣囉, 你同我老豆老媽子都係咁既關係架... 佢即時冇聲出....

原文章由 bpwwp 於 08-4-29 16:09 發表

你好勁呀！

自問EQ低，有時都好易發火！
不過你講得好對，男人最怕煩，就算佢知道自己呀媽不對，佢都唔鐘意嗰老婆投訴佢,但有時真係好難忍。
我都試過好似你咁做,99問嘢，求其答佢，咁佢係好無隱。但之後咪同嗰仔投訴話 ...

私人傳訊

bpwwp

積分: 2018

61^#

發表於 08-4-29 16:09 |只看該作者

原文章由 Octopusma 於 08-4-29 14:41 發表
我唔係叻, 係因為我都曾經為左呢d事同老公鬧交鬧到好緊要, 我都為呢d野喊過唔少架, 但咁樣解決唔到仲傷害左我地感情, 既然99係佢阿媽係改變唔到既事, 咪我改少少囉, 咁既做法我又唔委屈又冇令老公難做, 所以到後期我 ...

你好勁呀！

自問EQ低，有時都好易發火！
不過你講得好對，男人最怕煩，就算佢知道自己呀媽不對，佢都唔鐘意嗰老婆投訴佢,但有時真係好難忍。
我都試過好似你咁做,99問嘢，求其答佢，咁佢係好無隱。但之後咪同嗰仔投訴話我對佢態度冷淡！我老公都知我玩嘢架，不過好過大家吵架啦！總叫做99係知難而退，嗰一刻係無再問咁多！但之後又好似失憶咁,又再病發，又問過！好難改架！

私人傳訊

Octopusma

積分: 5128

60^#

發表於 08-4-29 15:41 |只看該作者

我唔係叻, 係因為我都曾經為左呢d事同老公鬧交鬧到好緊要, 我都為呢d野喊過唔少架, 但咁樣解決唔到仲傷害左我地感情, 既然99係佢阿媽係改變唔到既事, 咪我改少少囉, 咁既做法我又唔委屈又冇令老公難做, 所以到後期我雖然同99冇乜幾句(多數有佢講冇我講), 都總算相安無事, 依家99響年頭走左了, 再冇99令我唔開心, 但生活亦變得簡單化左...

再諗深一層, 你會選擇一個唔愛家人只愛豬朋狗友既男人, 定係一個對住阿媽係yes man既男人呢... 點講呢個男人對自己都唔係太過差者, 只係佢重視阿媽多過自己, 畢竟佢地相處幾十年, 都好難怪既...

原文章由 OneOneMa 於 08-4-29 15:30 發表

你好叻呀!!!

[ 本文章最後由 Octopusma 於 08-4-29 15:43 編輯 ]

私人傳訊

OneOneMa

積分: 1038

59^#

發表於 08-4-29 15:30 |只看該作者

原文章由 Octopusma 於 08-4-29 15:21 發表
99呢個人, 真係唔使太上心, 正如大家所講, 要先理解男人特性先有辦法解決問題....

老公其實就=自己生左個大仔, 係要湊要教既, 我99果時都係樣樣問, 我拍拖時去到佢屋企, 有朋友打俾我傾計, 佢都要問係邊個黎, 做咩 ...

你好叻呀!!!

私人傳訊

Octopusma