懷孕前後今日: 0|主題: 330453

收藏本版

發帖

返回列表

跳至頁

查看: 25109 | 回覆: 64

養和無痛順產分享(超詳) [複製鏈接]

12 3 4

馬尾媽媽

別墅

積分: 711

1^#

發表於 15-1-4 09:18 |只看該作者 |正序瀏覽 |打印

我bb女12/25聖誕節個日出世，比預產期早左3個禮拜，岩岩踏正37week+1足月, 好surprise! 生個日, 個走佬袋先拾左50%, 好狼狽, 不過end up ok.

入院過程: 個日上午去買送, 中午煮完飯開始覺得有陣痛, 由輕微到明顯, 無見紅無穿水, 因為比預產期早好多, 唔係好相信要生, 不過安全起見打左比養和產科, 姑娘建議入院檢查, 即刻同老公打的去. 去到姑娘即刻測宮縮, 話有規律同幾密, 係要生, 一路測宮縮一路開始填各種form, 老公就翻屋企羅我個走佬袋.

生產過程: 我下午3:30入院, 4:30 開二指, 5點半入產房, 6:30見紅. 7：30開三指，痛密左但完全可以忍受，不過係聖誕夜，姑娘suggest我都開始做無痛，麻醉師入左黎，set好野後我左側臥, 摸好脊椎位置, 麻醉師叫我感覺係咪正中位置, 推針入去, 我自己覺得個針唔痛. 之後宮縮有感覺但係唔痛, 隔個幾鐘就補充下藥. 中間破水, 到9點鐘開四指，around 10點幫我落左催產藥，好見效，一個鐘之內開到九指. 幫我接生既係陳煥堂醫生, 距個日休聖誕假, 晚黑先翻到黎香港, 但都岩岩趕得切幫我接生. 開到9指既時候，姑娘開始教我用力，feel到有宮縮既時候，就深呼吸用力push, 每一次要盡量push耐D, 唔好Push少少就又要吸氣, 厘個過程唔可以話痛但好似十級菊大便, 都幾辛苦, 所以我覺得平時練氣會helpful. 姑娘話我識用力, 好快見到bb頭髮, 差不多既時候陳醫生入黎, 好快拾左bb出黎, 姑娘即刻抱比我. 最後厘個過程雖然痛苦, 但只用左10幾分鐘。跟住醫生幫我挽胎盤同埋縫針，抱住bb, 0羊都feel唔到啦, 同埋陳醫生手勢好利落, 我生完第六日已經feel唔到個傷口. 計落, 我從入院到生總共8個鐘.

住院, 餵奶及走佬袋: 生完個晚, 姑娘會不時入黎量體溫血壓同幫妳禁肚仔排惡露. 成個住院期間, 姑娘態度都好好同埋跟進得好緊，會教你點樣護理傷口。醫院會包三餐, 但無湯, 同埋我覺得份量比較少, 可以叫屋企業人補充D帶過黎, 普通床既探視時間係朝8晚10. 我從第二日起, 可能唔小心入左D風, 連續幾日有少少燒, 所以都住多左三日情況穩定曬先出院. 餵奶方面, bb一出世我就即刻request比距試吸. 住院期間, 如果妳揀餵人奶, 姑娘會隔3個鐘左右提醒妳餵奶, 可以推bb埋床位餵, 或者去哺乳室餵. 哺乳室有medela電奶泵, 所以自己唔使帶. 因為頭幾日未上奶, 我除左按時比距吸, 姑娘都會幫我每日餵1-2次葡萄糖水, 妳都可以要求補充奶粉. Overall養和都係鼓勵母乳, 有o羊問題姑娘都會耐心解答, 同埋每日check下妳上奶既然進展. 我從生到宜家第10日, 都係母乳同埋全部埋身餵. 走佬袋方面，我覺得最重要係帶多D衛生巾、網褲，同埋睡衣褲、拖鞋、袜及其他保暖衣物、洗臉毛巾仔、杯、bb衫一套出院個時著就得，生理沖洗瓶同床墊醫院會比唔使帶, 同埋比埋個化妆包妳有牙膏牙刷梳等.

費用: 我係順產加無痛, 住普通床靠窗口位, 但係假期生, 麻醉同醫生費都加收, 同埋我比正常住多左3日, 最後7萬找數。如果唔係節假日生同埋正常3日兩夜出院，我估計係5萬出頭。我覺得個過程真係幫我減輕左好多痛苦，尤其係無痛，如果我自己痛十幾個鐘，最後可能真係無力push. 所以overall我覺得worth the money.