懷孕前後今日: 3|主題: 330629

收藏本版

發帖

返回列表

跳至頁

查看: 620 | 回覆: 3

晚上訓覺前BB都喊到拆天 [複製鏈接]

sfyoung

大宅

積分: 1521

1^#

發表於 15-1-12 14:22 |只看該作者 |正序瀏覽 |打印

而家囝囝五十二日大，大約對上兩星期已覺得B仔訓覺前好多時都喊，同老婆討論過都唔知B仔搞乜鬼。

B仔係全人奶B，但嘔奶比較嚴重，可以飲完奶成粒鐘都重要嘔，好多風，就算掃到風都會嘔，我地晚上最後果餐大約十點半左右餵佢，之後果餐大約凌晨一點，之後會訓至大約七點鐘再餵（戒夜奶我諗完成左一半，自己戒的無話故意唔餵，試過兩三日老婆半夜無醒，B仔半夜又無喊餓就無餵，最後果餐咁夜係之後想再晚D餵佢更確保一覺訓天光）。

BB晚上喊，通常在尾二，十點半果餐之後，飲完奶，我地夫妻就先後去沖涼，輪住同B仔掃下風，同佢傾下計咁，好多時掃完風UR到好似UR氣水咁，睇佢個樣都係好似頂住咁，掃到佢個人放鬆晒，訓著埋就放佢落床，但佢一醒好多時都會喊到拆天，昨晚果次重要喊到好似俾人用刀插左刀咁，喊左超級耐。

真係唔知點解，佢喊得犀利，在日頭係唔會的，同埋在凌晨飲果餐都係唔會的，只係在十點半尾二果餐係咁樣，用盡平時可安撫佢的方法都好，在尾二果餐奶後都係事倍功半。。。

B仔成日嘔奶所以次次飲完奶後就算無論掃唔掃到風，我地都會抱住佢一排先，等到佢順晒氣先放落床，好多時都已訓著左，好難話等佢落床自行訓著。

有無朋友可以分享下同埋教下路呀？