吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 發現原來細公司少同事都照有人際問題...==||| ...

自由講場今日: 1096|主題: 1355510

收藏本版

發帖

返回列表

跳至頁

查看: 3308 | 回覆: 91

發現原來細公司少同事都照有人際問題...==||| [複製鏈接]

12 3 4 5

~仔仔媽咪~

水晶宮

積分: 51912

1^#

發表於 15-1-13 23:36 |只看該作者 |正序瀏覽 |打印

純呻...(我都覺得成件事都好白痴...但真係白痴到一個點我係唔多頂得順...今日忍唔住訓話個同事...)

話說我離開臨時演員呢個行列,出咗嚟揾咗份正職,

原以為細公司人少少會更加好做,唔會有咩辦公室政治野或人際問題...

我公司加埋我得四丁友,兩個老細,加埋我同另一個後生仔同事係伙記...

原本我專登降GRADE,唔再做番私人秘書,降下呢做番個普通文員店員仔會輕鬆好多,

誰知咁都俾我遇着個同事係有問題的.

其實佢平時真係對我好客氣又似乎冇乜野,

但佢個人工作能力,尤其文職能力真係好麻麻,做野好慢好唔識得變通...簡單直接坦白一句係:"笨"

成日做錯野,做埋好多好stupid既方法,又成日理解唔到人地講咩或工序,簡單工序複雜化...

笨唔係一個問題,但佢成日出錯出事,可能就係成日因為咁而俾老闆們鬧,鬧到佢自己都驚,

依家多咗我响樹,佢竟然走嚟A字卸膊,將佢做漏冇做或做錯既野講成係我做漏冇做或做錯!

呢下我係極介意囉!佢又要做又要心虛,上星期佢又是係咁,結果佢跣完我後嗰日成個下晝都自動唔敢行近我或講野!係差唔多收工時,我開聲先,佢至好似小朋友得到大人原諒咁好開心咁一輪咀繼續同我談天說地..

今日又係咁,又要扮大佬點我做野(講真佢都只係早我番呢份工三個月左右咋),但又係唔用腦,我即時彈佢拒絕佢要求,要佢自己做番!一日幾鑊,仲要今日明明係我提出意見叫佢唔好剪爛包貨張雞皮紙,我叫佢又話唔聽,死都話張紙留嚟冇用,仲聲氣大話就算老闆响度,佢都係咁話,唔會用番張雞皮紙包番件貨,我話留嚟包其他貨都好啦,佢至話唔剪碎佢,但堅持話唔會包番今日要送既貨,呢頭佢牙擦大支野完,嗰頭老闆打嚟,佢竟然走嚟食我口水尾,將我先前呢個建議,變成係佢自己諗出嚟,領功咁款同老闆娘講話佢就係諗住張紙咁大張,所以冇剪爛,一早留低嚟包貨!...真係得喇佢...

最頂癮就係呢期我幫老闆整理緊網頁同翻譯產品名,唔知係咪大工程得滯,佢地日日見我都顧住集中整呢壇野,以為我好似呢條粉皮咁扮勤力扮忙唔幫手做野,今早老闆ORDER佢去整野,佢叻到竟然大反應反問番老闆:"...我做呀???" 個老闆呆咗一呆,都似乎好錯愕佢會咁問,我老闆即時回敬佢一句:"梗係您做啦!"佢呢下真係聰明到呢...

咁佢咁樣,老闆擔心我真係扮忙,結果臨放工前突然要我交功課~!XDD 結果,我求其講少少我呢幾日做既野啲細節俾老闆聽,已經交代到我真係每日番嚟咁多個鐘真係堅係埋頭苦幹搞好壇野...聽日交功課我仲有一份超有份量既EXCEL FILE加我無限口頭報告,簡單嚟講我真係"大把貨"!XDD 自己做野做得慢想借啲2暗示同老闆講我HEA?傻啦,我做三日既野,絕對多過呢位小朋友做一個月既野,佢自己都識講,佢做野堅慢,仲要咁樣靠呃靠HEA...我好難慢得過佢囉.

其實真係唔多理佢,但有時佢咁樣A字膊,我真係怕終有一日我會當住老闆們面前鏟爆佢...明明我真係想收歛下自己啲燥底...我都想忍,但比着您地會唔會當場踢爆佢或者鬧爆佢? 定係姑念佢冇野時真係對我客氣兼冇野,而由佢?

我都知自己燥底一名,但又怕唔出聲,會變成縱容佢再進一步做埋啲無賴野...=.="

0 0 0

私人傳訊

~仔仔媽咪~

水晶宮

積分: 51912

92^#

發表於 15-1-16 20:26 |只看該作者

引用：Quote:~仔仔媽咪~ 發表於 15-1-16 13:51 您

原帖由 ricohui 於 15-01-16 發表
幸好佢系PT形式存在, 我系唯一擺响香港公司既長工所以暫時都無咩影响...但我都厭倦呢啲沉悶環境咯, ...

我今早都差啲噴火，老闆娘又是好干涉我點做野，連我安排時間打俾個客，佢都要同我拗，又唔係咩十萬火急既野，我安排咩時段打俾個客都係唔想唔通氣煩到個客，都係保全公司名聲啫，講真如果我係客，嗰段時間多數係啲公司玩開會時間，已經忙緊煩緊，仲要有個咁唔等駛既電話打嚟追還野，我真係會鬧人架，但個老闆娘就係未明打電話俾人都好講技巧，走嚟同我拗，嗰下真係暈…下次再係咁，我唔理，照打，個客發脾氣詐型，我就坦白話俾個客知係老闆娘要我咁唔通氣揀呢啲時候揾您咋。佢係要做到間公司咁核突，我都勉強唔到佢。

我暫時都係做住先，佢地咁樣我都無謂留咁耐迫佢地硬食我做事嗰套同脾氣，佢當初見我時話想我長做，原本我都真係咁樣諗，但佢一日仲係咁樣煩到我，我都好難留咁耐，又唔係咩有前途既工。要揾工嗌埋我呀～

大家齊齊揾(￣∇￣)！

私人傳訊

ricohui

翡翠宮

積分: 84197

+3金熱血好媽媽勳章醒目開學勳章畀面勳章

91^#

發表於 15-1-16 14:44 |只看該作者

~仔仔媽咪~ 發表於 15-1-16 13:51
您仲慘，隻狗係老闆拍擋添，仲要係功臣，真係吹佢唔漲。

幸好佢系PT形式存在, 我系唯一擺响香港公司既長工

所以暫時都無咩影响...但我都厭倦呢啲沉悶環境咯, 希望今年可以轉到份多人熱鬧啲既工

重新起步，為未來努力

私人傳訊

~仔仔媽咪~

水晶宮

積分: 51912

90^#

發表於 15-1-16 14:05 |只看該作者

引用：真係人夾人...唉.....我樓下個assistant都

原帖由 littlelittlepra 於 15-01-16 發表
真係人夾人...
唉.....我樓下個assistant都令我好煩....

係啦！想純粹簡單去完成工作，但偏偏要煩埋呢啲無謂人際問題，真係好玩野。唉…

私人傳訊

~仔仔媽咪~

水晶宮

積分: 51912

89^#

發表於 15-1-16 13:51 |只看該作者

引用：細公司先煩，我公司多數兩丁友留港其餘5個

原帖由 ricohui 於 15-01-16 發表
細公司先煩，我公司多數兩丁友留港其餘5個响大6廠，而嗰位同事系同老細由初中已經識仲一齊北上共事過後黎老 ...

您仲慘，隻狗係老闆拍擋添，仲要係功臣，真係吹佢唔漲。

私人傳訊

~仔仔媽咪~

水晶宮

積分: 51912

88^#

發表於 15-1-16 13:48 |只看該作者

引用：Quote:原帖由 MMQ 於 15-01-13 發表我公司

原帖由 ladykacha 於 15-01-16 發表
我之前都有一個
比佢成功左
不過好彩我轉左老闆

講真笨唔係問題，我唔太介意，但千祈唔好狗同認屎認屁老點人做野。

果時做老臨拍電視我都遇唔少笨人，真係蠢但唔會搞到人嗰啲我會好照顧佢地，因為佢地真係成日俾人恰; 但有啲又笨又狗又走嚟恰人當人傻仔嗰啲，我真係見一鑊鏟到佢地上天花！

= =||| 無奈我老闆娘又係咁，好feel到佢做呢個位絕對係被迫的，叫佢做文職野又唔精，點對客點同客講野佢又唔掂，好似驚講野大聲啲firm啲，個客真係會食咗佢咁，但同情一件事，我極唔鐘意佢啲態度同冇禮貌係事實。

私人傳訊

tyldolphin

大宅

積分: 1233

87^#

發表於 15-1-16 11:46 |只看該作者

回覆 MMQ 的帖子

我上司都係咁，如果下屬做ge野做得好，佢會加埋自己個名上去，話主力做ge係自己，下屬只係幫下手

私人傳訊

岚月亮

侯爵府

積分: 20164

86^#

發表於 15-1-16 09:41 |只看該作者

引用：純呻...(我都覺得成件事都好白痴...但真係

原帖由 ~仔仔媽咪~ 於 15-01-13 發表
純呻...(我都覺得成件事都好白痴...但真係白痴到一個點我係唔多頂得順...今日忍唔住訓話個同事...)

話說我 ...

所有既人事問題都系由人搞出黎既，同機構無關喔

私人傳訊

littlelittlepra

侯爵府

積分: 23395

85^#

發表於 15-1-16 08:44 |只看該作者

真係人夾人...
唉.....我樓下個assistant都令我好煩....

私人傳訊

小貓1124

伯爵府

積分: 17280

84^#

發表於 15-1-16 08:27 |只看該作者

回覆：發現原來細公司少同事都照有人際問題...==|||

細公司先麻煩！

私人傳訊

ricohui

翡翠宮

積分: 84197

+3金熱血好媽媽勳章醒目開學勳章畀面勳章

83^#

發表於 15-1-16 08:26 |只看該作者

回覆：發現原來細公司少同事都照有人際問題...==|||

細公司先煩，我公司多數兩丁友留港其餘5個响大6廠，而嗰位同事系同老細由初中已經識仲一齊北上共事過後黎老細開公司邀請佢過檔，所以非一般員工，表面對我好鬼好，所以我完全信任，但試過被佢跣過同响我上司面放我暗箭後，我就明白到細公司都會有呢啲問題，最慘公司細，無人可以呻

真系困獸鬥

重新起步，為未來努力

私人傳訊

ladykacha

男爵府

積分: 8797

82^#

發表於 15-1-16 07:57 |只看該作者

引用：我公司有個人同你同事好似好似，又係做嘢慢

原帖由 MMQ 於 15-01-13 發表
我公司有個人同你同事好似好似，又係做嘢慢、唔識變通、簡單複雜化、抄橋當自己原創

仲有一點係佢 ...

我之前都有一個

比佢成功左
不過好彩我轉左老闆
唔洗再對住哩個笨人
但其他同事宜家就咸晒口同我呻
我以前同個笨人同team
所以唔會講笨人嘅不是
宜家我啲同事直接對住笨人
終於感受到笨人嘅笨同🐶

私人傳訊

~仔仔媽咪~

水晶宮

積分: 51912

81^#

發表於 15-1-16 07:14 |只看該作者

引用：Quote:原帖由 ~仔仔媽咪~ 於 15-01-14 發表

原帖由藍藍於 15-01-16 發表
工種唔同都唔同feel,舊時開工同你地一大班人一齊我都好happy..依家食lunch我都係自閉

...

可能我真係未適應到至會有咁多怨言啦！
我隻佬嗌我份工唔好咁上心，叫我直頭當份工係拎嚟hea算。
但我同佢講，專登hea住做係好辛苦架，
如果真係咁想hea，我都繼續拍野唔揾工啦！
今日佢地又唔知俾咩款我睇，
噚晚我都盡量諗好佢地，可能佢地無心既啫…= =|||
咁樣諗會唔會冇咁炆呢…

私人傳訊

藍藍

伯爵府

積分: 15377

80^#

發表於 15-1-16 04:50 |只看該作者

引用：Quote:原帖由 good_pig 於 15-01-14 發表人

原帖由 ~仔仔媽咪~ 於 15-01-14 發表
係啦！以前幾時都大班同事老友鬼鬼齊齊食早餐、去廁所、放lunch，放工搞活動齊齊玩嘛！依家我真係有啲自閉f ...

工種唔同都唔同feel,舊時開工同你地一大班人一齊我都好happy..依家食lunch我都係自閉

大b駿逸

細b駿晞

私人傳訊

~仔仔媽咪~

水晶宮

積分: 51912

79^#

發表於 15-1-15 21:23 |只看該作者

引用：Quote:原帖由 ~仔仔媽咪~ 於 15-01-15 發表

原帖由 sarah_leung 於 15-01-15 發表
咁似我對上果間公司啲人做野既==+
你公司係未係灣仔果邊（八卦問）

唔係，响旺角。= =|||
我好唔鐘意咁囉！講真佢地又唔係好pay，只係近我唔駛坐車，計番條數還可以嗰隻。佢地出錢去買我勞力同技能，我點會留力玩hea唔用腦做野呢？講真我真係蠢，我諗我一早好似個男同事咁日日俾佢鬧，而唔係等到呢兩日至要佢夾硬bit啲野啲話我發我爛渣啦！如果我真係蠢同做事求其，佢都唔會一見我標咗啲火舌同煙出嚟，佢就即刻同我客氣番啦！再者，我真係咁蠢既話，大概早於以前我真係做人地私人秘書時，早已俾我堆前老細K.O.咗我，又何需要佢依家嚟話我知？俾個真係醒同叻既老細彈，我真係冇野講，但係依家嗰位老闆娘就真係…

其實今日我已經堅有盡力收埋我啲火，已經真心想就哂佢，但無奈佢呢兩日無聊白痴冇禮貌冇道理冇腦到嗰個點，我都真係好難去温柔囉！根本佢投訴詐型嗰堆野，真係唔係路到我只係爆一句，佢即時清醒番佢自己錯咗响邊，咁個道理都唔响佢自己度，又做咩唔對人客氣啲態度正常合理啲？話哂我真係嚟幫佢手做事，唔係上嚟同佢玩嘈交同【找錯處】。

私人傳訊

sarah_leung

大宅

積分: 1868

78^#

發表於 15-1-15 21:02 |只看該作者

引用：Quote:原帖由 sarah_leung 於 15-01-15 發

原帖由 ~仔仔媽咪~ 於 15-01-15 發表
都係架，我對自己同對人都有要求，其實某程度上都唔太好，

好似呢幾日咁，其實都留意到老闆夫婦有古怪，有 ...

咁似我對上果間公司啲人做野既==+
你公司係未係灣仔果邊（八卦問）

私人傳訊

~仔仔媽咪~

水晶宮

積分: 51912

77^#

發表於 15-1-15 20:54 |只看該作者

引用：平時客氣又點，得閒線你幾鑊都夠死了，下次

原帖由 walinglingwa 於 15-01-15 發表
平時客氣又點，得閒線你幾鑊都夠死了，下次再線實爆佢啦

搞笑喎，呢幾日突然係個小朋友正常番，輪到老闆們發作，真係懷疑公司啲人有上bk。唉…好冇啲人番工正常啲呢？難道真係細公司係會咁樣子？？？點解初嘗試番細公司，就俾我遇着間騎呢成咁？

今日又再次諗，好冇真係辛苦啲，揾番啲大些小既公司做番秘書…= =|||但又要煩揾工，仲咁快，唔好啦…

私人傳訊

~仔仔媽咪~

水晶宮

積分: 51912

76^#

發表於 15-1-15 20:49 |只看該作者

引用：Quote:原帖由 ~仔仔媽咪~ 於 15-01-14 發表

原帖由 sarah_leung 於 15-01-15 發表
你同我一樣諗法，但我依份工係離屋企遠，但將來想重心放係家庭所以都係選擇5天工作…大家能夠堅持下去，我 ...

都係架，我對自己同對人都有要求，其實某程度上都唔太好，

好似呢幾日咁，其實都留意到老闆夫婦有古怪，有時我都慨嘆想揾個正常唔玩野既老闆點解咁難，講真我咁搏命咁出力幫佢地整野，佢地依然俾個【慌死我hea求其做或者蠢】既態度我，我真係會好慶，尤其平時佢地做事仲蠢過我，您對我態度客氣正常，我唔會介意您做clerical野唔掂，講真唔掂至請人代勞既啫，但真係唔好請個人番嚟，但又唔信任個伙記，仲要搞咁多白痴野嚟搞着個伙記，係真係怕請着個hea同蠢既，就唔該响interview見人時就認真去驗去揀，唔好請咗我番嚟就俾個咁唔信任既格我囉！話哂依家我未過試用期，大家仲有得揀，信唔過就快趣講，唔好阻住大家揾食。忍到今日，仲要今日一日幾次都係咁，要我忍唔住噴火舌，佢至即刻淆哂底對我客氣友善番，係咪真係要人咁樣呢？今日有刻想將我呢幾日所做既data delete哂，講真佢都唔覺我係真心幫佢，我真係唔想留我堆心血俾呢啲咁既人。

今日真係着咗火，又上嚟發洩陣先。