吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 生左bb2個月, 好想"離婚"

夫婦情感今日: 2|主題: 42742

收藏本版

發帖

返回列表

跳至頁

查看: 4091 | 回覆: 42

生左bb2個月, 好想"離婚" [複製鏈接]

12 3

小玲太太

子爵府

積分: 10656

1^#

發表於 08-5-6 12:03 |只看該作者 |正序瀏覽 |打印

[ 本文章最後由小玲太太於 08-5-22 22:30 編輯 ]

0 0 0

私人傳訊

p90

伯爵府

積分: 19020

醒目開學勳章畀面勳章 BK Milk勳章

43^#

發表於 08-5-7 18:34 |只看該作者

冷靜d先,我知道你恰恰生完bb個人係會特別多野唸架啦,其實你同佢一齊5年啦佢係咩性格你一早就知道架啦,我恰恰生完個女都係咁架,但係我老公唔係唔幫我相反仲咩都唔洗我做,剩係叫我訓,咩都唔洗理,哥一刻我覺得自己好冇用,生左個b又唔洗理佢,好想好想自己照顧返個b,好唔開心,但係試下同你老公兵下啊,坦白d講,唔好收埋收埋,如果唔係好易有病架,最重要架係自己架身體同bb

追追逐逐  分手再失戀

                              只為尋你伴我一生

私人傳訊

man4good

大宅

積分: 1217

42^#

發表於 08-5-7 15:52 |只看該作者

咁我相信你老公一定有其他好多好野令你滿意既

都係睇人夾唔夾,我見過有d男人真係超大男人,廚房唔會入,飲杯水都要老婆幫手針,但個老婆小鳥依人到服侍佢服侍得好開心,而且覺得好幸福

有時真係吹佢地唔脤

原文章由 麟媽媽 於 08-5-7 15:44 發表
你d 朋友咁好既？！
我兩個叔仔都好肯做家務，
唯獨是我老公唔做喎！
佢唔做唔做都十幾年了，
所以我地唔會為呢d 野嘈，
因為我已經麻目晒囉！！

...

私人傳訊

麟媽媽

王國長老

積分: 88638

好媽媽勳章王國長老

41^#

發表於 08-5-7 15:44 |只看該作者

你d 朋友咁好既？！
我兩個叔仔都好肯做家務，
唯獨是我老公唔做喎！
佢唔做唔做都十幾年了，
所以我地唔會為呢d 野嘈，
因為我已經麻目晒囉！！

原文章由 man4good 於 08-5-7 15:39 發表
我o係度成日見到d阿太話老公唔做家務, 但係我朋友當中好多老公都做家務甚至係全面做哂

私人傳訊

man4good

大宅

積分: 1217

40^#

發表於 08-5-7 15:39 |只看該作者

我o係度成日見到d阿太話老公唔做家務, 但係我朋友當中好多老公都做家務甚至係全面做哂

私人傳訊

ymjoy

大宅

積分: 1395

39^#

發表於 08-5-7 14:10 |只看該作者

其實個個男人都係咁架啦, 我c6咪又係咁, 同埋你係咪有少少baby blue呀.

我C6又係成日掛住打機, 湊下bb (e.g. 第條尿片) 就以為自己做咗好多野, 以前返去我屋企, 佢又比晒面色我睇, 好似要我求佢咁返咁.

其實, 佢地唔係唔愛我地, 只不過佢地懶, 結婚前阿媽做晒, 結婚後咪老婆做囉, 叫佢做好似叫佢死咁. 其實你經濟許何, 不如請個賓賓啦, 咁你又做小啲, 又多啲時間同bb 玩, 同老公又無咁多argue. 其實你老公都唔係唔愛你, 無理由為咗'做家務或湊bb'而同佢離婚.

至於返外家, 有一次我同我老公講, 我都識得黑面同威脅你架, 唔好再係我想返我屋企果陣要脅我, 點知我老公返我屋企果陣真係又黑面喎, 佢以為我講笑.....

果次我返到屋企之後帶埋bb走, 過咗唔夠两個鐘佢就打電話比我啦, 佢其實可能唔知我咁堅架...果次之後佢就唔夠胆再係咁啦, 可能再加上我見到佢屋企人果陣又黑口黑面啦. 佢點對我我咪點對佢囉, 佢都有好多Y理架, 我梗係同佢咬交前諗定晒點講啦.

其實我覺得佢地以為我地唔會真係走佢至夠胆咁做, 如果佢見你真係走比佢睇, 佢地就知衰.

私人傳訊

小紅

子爵府

積分: 14201

醒目開學勳章畀面勳章大廚勳章 BK Milk勳章

38^#

發表於 08-5-7 11:57 |只看該作者

原文章由 小玲太太 於 08-5-6 17:29 發表

揀錯左啦, 早知揀一個愛我既人,我就會有一個愛我既男人, 有自由, 有朋友, 被尊重既生活
而家係唔愛我既男人 , 無自由, 無朋友, 不被尊重既生活

我仲後生...我唔想成世係卑躬屈膝...我讀完大學, 都叫做有學識, 個 ...

小玲太太:
大家的情況一樣,安慰你=安慰我自已.

我們選擇佢做老公時都5知會發生這樣的事,世事的變化不是你我能控制到的.當年的決擇是否是錯誤,我覺得你5應該太早下結論.
我初時都是和你一樣難受D想法都一樣添!

但這樣是解決5到根本的問題的, 而且會引發更多的問題.經過努力現階段我同C6好著少少.

我睇了呢個網上兩個文章,身、心得到了很大的啟發:
右其實他們(D)這樣, 我們也有責任!
一個是:家不是一個人的.
一個是:家不是講道理的地方
你試下找啦!或者對你都是有用呢!!!

難過的日子,不要輕言放棄!

私人傳訊

bpwwp

大宅

積分: 2018

37^#

發表於 08-5-7 11:39 |只看該作者

樓主, 你己经縱壞咗你老公咁耐, 好難一刻要佢改变。
我唔認同佢唔主動做家務和唔湊B係唔愛你嘅表現。(你似乎有点過敏或生完BB有depression) 男人表達愛嘅方法会有唔同，佢覺得賺$$養家,比$$你同養B係一个男人(老公)嘅最大責任。家務係佢嘅low priority！如你有睇另一topic "懶到出汁",我哋所有亞太係到"呻"嗰老公mud家務都唔做,你就知大把女人係同你一樣，但唔需要叫離婚咁嚴重呀！
致於你妹妹附屬咭一事，可能係你而加無收入，有什麼事，你老公就要幫你比$$。我想你哋有咗BB以後,你老公可能睇$$重咗係可理解嘅事。
大家己做咗人父母，試下平心靜氣去傾下啦！麟媽的提議係一個好嘅解決方法。

私人傳訊

ringoivy

翡翠宮

積分: 76971

36^#

發表於 08-5-7 10:34 |只看該作者

你估你將呢番說話同佢講一次, 佢會有咩反應

當然講同做係要一致, 我唔係想你離婚, 而係d男人係好乞人憎生在福中不知福, 你要抵制下佢對佢冷冷淡淡真係好似想無左佢咁, 可能會有好既效果都未定

不過當然, 你首先要了解到佢既為人先啦, 你講完你要講既野後, 唔好再叫佢為你做任何野, 睇下佢會唔會自動自覺做多左

原文章由 小玲太太 於 08-5-6 12:03 發表
我受夠喇, 同你一齊5年, 以為生左bb會好d, 但更加睇清楚你d衰格野.....

一直以黎我自問照顧得你好好, 之前你亞媽照顧你, 結婚後我照顧你....你就做左個廢人

我地搬入黎已經7個月, 坐月時, 你先第一次開洗衣機同用 ...

私人傳訊

麟媽媽

王國長老

積分: 88638

好媽媽勳章王國長老

35^#

發表於 08-5-7 10:33 |只看該作者

係啦！大多數男人都係粗枝大葉架喇，
所以d 人都著重母親節多過父親節！

可能你剛生完BB 情緒係波動d，
我識人坐月時，老公拎張紙巾慢左d 咋，
個老婆已經覺得佢唔夠緊張個BB 啦！！
但過左氣，佢又無事喇喎？！
所以我地女人好明白，但男人唔多明，
到BB 大大吓，佢地先開始發揮父愛架！

私人傳訊

8C9

大宅

積分: 1078

34^#

發表於 08-5-7 10:25 |只看該作者

唉, 同我c6一樣啦. 我咪又係咁, 佢都話鍾意我架, 但初初有bb個幾年, 每個sunday淨係催我出門口, 仲話我做人冇planning. 但bb d野全部都係我預備, 佢又唔知幾多野攪, 執奶樽, 裝奶粉, 整熱水, 煲粥仔, 執尿片, ........佢係唔會理又唔會幫, 攪掂自己就算. 之後發覺漏野, 仲要被佢話. 到家下d女大個, 出門都係咁, 換衫梳頭全部都係我, 佢淨係識話你攪得慢, 又冇planning. 真係想講plan 佢個頭. 你估公司做project咩. 佢十足個d搵把口黎做野既惡頂老細, 最慘佢仲冇出過糧俾我, 我係貼錢, 出埋心同佢打呢份工呀. 不過d佬係咁架啦, 你愛佢愛個家, 咪搵機會呻左就算. 而且如果經濟許可, 有個工人真係會好d架. 仲有如果請工人, 盡量都自己跟番bb d野, 叫佢做哂d家務野.

我c6都係好唔信人架, 連我以前大學時既同屋住打電話黎, 一講到錢, 佢又係多多意見, 我唔理佢架. 我覺得我自己唔係白痴, 我都有能力判斷風險, 佢有佢講, 我有我做, 我都唔同佢嘈架.

佢仲有時借佢同事既說話講野我聽架, 我d女讀書d野, 不嬲都又係我自己攪. 佢有個同事個女同細女一樣大, 忽然被佢同事點醒, 跟住話佢同事話我幫大女揀既學校唔好, 其實係佢都同意佢同事既說話先同我講, 我就同佢講揀學校見人見志, 我唔會因為佢同事一句話, 改變我既睇法, 結果佢同事個女咪又入埋阿女間學校.

sorry, 長氣左, 我想講係d大男人唔好同佢勞氣, 佢地唔幫手唔等於唔愛你, 只係佢地有時覺得你攪得掂, 佢就慳番. 佢有意見, 你咪聽囉, 其實佢對出附屬卡俾你個妹有保留, 都係好正常. 我都唔會咁做. 至於湊仔, 佢地係唔擅長攪bb d野 (餵奶, 餵飯, 換片, 沖涼個d), 等bb大小小, 佢地既參與就會多d, 例如同bb玩飛, 教佢學行之類. 我c6而家間中會check 下d女既功課, 教佢地游水, 同佢地去跑步, 佢而家仲會同佢地講牀邊故事, 佢初初講故事係非常唔好聽, 但日子有功, 家下都ok. 你忍耐多少少啦, 唔開心上黎呻下, 千祈唔好少少事講離婚, 講得多傷感情架.

原文章由 小玲太太 於 08-5-6 17:55 發表

如果佢開竅, 我諗我會比中mark six更開心
佢返左教會都無變, 一樣咁自私, 唔理我感受

佢係錫bb, 但只限於同bb玩, 佢真係放工就打機, 我同bb沖涼,佢幫手拿下毛巾已經叫做"幫左".....

其實間屋要做既野唔係話好多, ...

[ 本文章最後由 8C9 於 08-5-7 10:29 編輯 ]

私人傳訊

熊仔仔媽咪

大宅

積分: 3672

33^#

發表於 08-5-7 00:30 |只看該作者

原文章由 小玲太太 於 08-5-6 17:55 發表

如果佢開竅, 我諗我會比中mark six更開心
佢返左教會都無變, 一樣咁自私, 唔理我感受

佢係錫bb, 但只限於同bb玩, 佢真係放工就打機, 我同bb沖涼,佢幫手拿下毛巾已經叫做"幫左".....

其實間屋要做既野唔係話好多, ...

我諗男人對照顧 bb 係天生有抗拒的. 例如我老公, 佢好錫bb, 但係有時週末我想同佢一齊幫bb 沖涼, 佢會話, 工人就嚟返, 工人搞掂得啦 - 原因係佢唔敢同bb 沖涼, 驚會整親佢. 又例如餵 bb 食嘢, 佢試過餵幾啖 bb 唔願食就會放棄, 唔會繼續. 但係相反大部分媽咪都會鍥而不捨繼續試, 甚至逼bb 食. 我覺得呢d係男女大不同囉. 係男人的typical 表現嚟的. 你老公真的覺得佢已經幫咗你手, 同埋佢覺得 "換片啫, 駛唔駛兩個人呀", 會有呢種心態架. 你為呢d 事激氣, 盞自己激死, 佢都唔會明, 亦唔會覺得自己錯, 只係覺得你吹毛求疵, 冇事搵交嗌.

如果經濟能力許可, 請工人分擔家務係好事. 起碼你自己唔會咁易小小事已經嬲到死. 到你心情好的時候, 就唔會咁多嘢都睇唔順眼, 亦唔會咁嬲老公. 至於老公同你家人相處的問題, 冇得逼的. 必要時你就毋謂同佢講咁多你屋企人的嘢, 免得佢多多嘢講又激親自己. 又係果句, 女人如果自己有經濟能力, 就唔駛咁受氣, 又唔駛咁大壓力. 你為咗個bb 同自己要開懷 d 至得呀, 你都唔想 bb 學咗你咁易激氣的, 係咪? 幾唔開心都好, 諗起bb 的笑臉, 就會開心架啦!

熊仔仔同D豬係爹哋媽咪心肝寶貝豬

私人傳訊

cattylui

大宅

積分: 1171

32^#

發表於 08-5-6 18:30 |只看該作者

我c6都係一條片都無換過，一枝奶都無餵過，沖涼咁艱難佢更加唔會瞅你:;pppp:

不過我sense佢係好鍚個囡，男人懶得就懶，成日都話自己唔識自己唔掂，係度咋死！

我諗你地要諗下請個工人，鍾點都好，無謂為d家頭細務吵鑊。而你妹妹附屬咭一事，如果係我就唔會話俾c6知，因為根本唔關佢事。佢有佢做嘢方法，咁我都有我自己一套。唔使佢教。我意思係如果明知大家做法唔同，無謂講出黎又鬧交

私人傳訊

man4good

大宅

積分: 1217

31^#

發表於 08-5-6 18:10 |只看該作者

女人通病:以為時間和愛就可以改變一個人

明明自己鐘意飲汽水,自己要左杯廿四味,之後好勞氣咁話點解杯野唔係甜

有時真係比d女人吹脹

私人傳訊

麟媽媽

王國長老

積分: 88638

好媽媽勳章王國長老

30^#

發表於 08-5-6 17:56 |只看該作者

其實男人都要適應期架！
我仔BB 時我老公片都未換過條呀！

今年，我個仔10 歲喇，
同個老豆不知幾friend，
雖然係我同佢close d，
但一講到玩，都係痴實個老豆！

私人傳訊

小玲太太

子爵府

積分: 10656

29^#

發表於 08-5-6 17:55 |只看該作者

[ 本文章最後由小玲太太於 08-5-22 22:35 編輯 ]

私人傳訊

cattylui

大宅

積分: 1171

28^#

發表於 08-5-6 17:52 |只看該作者

樓主，其實我懷疑你有產後抑鬱，我自己初初生完bb時都係咁，直頭叫我老公走，話我唔想再見到佢

其實呢個時間大家都好情緒化，你上黎講下心事就啱啦，宜家唔係做決定時機。

我估你c6仲唔接受到佢做左老豆，你又做左人媽媽改變。過多幾個月會好d，宜家我老公都好鍚個囡，成日爭住抱

私人傳訊

MandyLau13

子爵府

積分: 10252

27^#

發表於 08-5-6 17:41 |只看該作者

原文章由 麟媽媽 於 08-5-6 17:32 發表
小玲太太，

其實係我亞仔出世既頭一年，
我都無做野，專心全職揍亞仔，
但唔知係咪一路做開野，
唔做野所有野都focus 落BB 度。
成日無人同我傾計，老公放工返黎，
我就嘮嘮叨叨，但我自己一d 都唔覺架！
係個一年我同亞仔係好親密，好c ...

我都贊成麟媽媽咁講, 係屋企淨係做做做, 無人關心, 自己就會諗埋一邊.