婆媳關係

收藏本版
發帖
返回列表
跳至頁

首頁
1

尾頁
   0
meow~meow


水晶宮

積分: 58506


1#
發表於 08-5-11 15:01 |只看該作者
最近不知道表妹(十三歲)發生了乜事，突然問我："你覺得是獨生子女好呢，還是有兄弟姐妹好呢? "

我印象中成日有人同佢講“吓! 妳係獨生女呀?!點解妳阿爸阿媽唔再生呀? 無兄弟姐妹唔覺得無聊咩?" 我同佢相差十幾歲, 基本上佢無乜同齡既親戚陪佢玩...

我想問有兄弟姐妹真的一定會好d嗎? 我有個大我七年既阿哥, 基本上可以講自小就係一個人玩, 無人同我爭玩具，亦無人同我嘈 & 打，同獨生無乜區别, 不過我始终有阿哥, 雖然關係係疏離d....

我都唔知點答佢好..我想聽吓妳地既意見和分享, 我都想知 - "兄弟姊妹雖然成日嘈，但彼此既感情係唔會變.”係真既?
私人傳訊

meow~meow


水晶宮

積分: 58506


8#
發表於 08-5-13 13:17 |只看該作者
你都話有表姐表哥陪你玩...佢無呀...所以我驚佢會越黎越諗咗一、邊..


原文章由 我愛Corina 於 08-5-11 20:09 發表
你表妹係咪無野同你傾,所以搵下話題呢??
其實而家都有好多獨生子女ga喎...我諗你表妹會有獨生子女同學掛...

我自己都係獨生女,細個果陣(5歲以下)好想要個妹妹,覺得妹妹會同我玩..最重要係我住果度有個平台花園,每日 ...
私人傳訊

我愛Corina


瑪瑙宮

積分: 138728

2025勳章蛇年勳章 2024年龍年勳章 好媽媽勳章 醒目開學勳章 環保接龍勳章


7#
發表於 08-5-11 20:09 |只看該作者
你表妹係咪無野同你傾,所以搵下話題呢??
其實而家都有好多獨生子女ga喎...我諗你表妹會有獨生子女同學掛...

我自己都係獨生女,細個果陣(5歲以下)好想要個妹妹,覺得妹妹會同我玩..最重要係我住果度有個平台花園,每日做完功課,我媽咪都同我落去玩,見到人地大部份都有兄弟姐妹,就變得自己好想要一個妹妹...
但到大左d,發現獨生女幾好wor,有兄弟姐妹果d朋友仔都冇我咁好,因為住果到係新樓,住客9成都要供樓,仲要養2-3個細路..相對我屋企淨係養我一個,物質上我擁有既野係比朋友仔好好多!!加上我媽咪成日話,如果佢生多個可能冇咁錫我,會錫妹妹多d....咁..仲會想媽咪生多個???由於個個錫晒我,我梗係鍾意做獨生女..

但而家我又想多d兄弟姐妹wor,因為我嫁到去愛爾蘭咁遠,我唔可能成日返hk陪父母,都想有人陪下佢地...

我有兩個表姐同表哥對我好好,當我妹咁錫,佢地大我5-7年,成日同我去街...到而家都成日寄野黎比我,驚我冇得用咁...
私人傳訊

Vca


男爵府

積分: 5681


6#
發表於 08-5-11 18:58 |只看該作者
我自己係獨生女來~~~ 我就覺得兩睇啦 - 有好有唔好!

細個時父母要搵食，所以我喺外婆屋企長大~ 有個大我唔夠10年既阿姨一齊住! (我媽咪早結婚~) 細個時都冇人同我玩，外婆好嚴唔比出街，我都覺得悶架~~~ 不過就令我個人變得好獨立囉! 所以我十幾歲時自己一個過來英國讀書，都冇乜大問題~~~

在我所見 - 人地阿哥多數好鍚細妹; 但家姐就會蝦細佬妹，細妹又要著家姐舊衫; 做阿哥家姐又要讓細佬妹.......我想有阿哥鍚，但唔想比家姐蝦 or 要讓細佬妹 - 所以我細時想要一個阿哥!家姐 + 細佬妹就唔好嘞~~~~~

我自己既唸法就係 - 冇阿哥既話，我就情願好似而家咁做獨女! 起碼爹哋媽咪只鍚哂我一個 (而家都係! )，唔會有爭寵情況出現~ (而家有嘞 - 同我老公爭!!!) 總括來講 - 除咗悶少少之外~ 我都幾enjoy 做獨女!!!

私人傳訊

wmpl


大宅

積分: 3000


5#
發表於 08-5-11 16:45 |只看該作者
原文章由 meow~meow 於 08-5-11 16:08 發表
我驚佢開始步入青春期, 諗野會偏咗一邊......


唔駛驚,因為佢青春期實會諗埋一邊.........
一係太理想,一係太負面,唔係咩叫做青春期??
冇得驚咁多,若然佢係都要諗埋一邊,你點答都係死,
因為佢又步入人生第二個變身為問題兒童嘅階段,
但係同兩、三歲唔同嘅就係,佢未必會打爛沙盤問到篤,
係咁追住你不停問why?why?why?!

而係會極度想知人哋點睇自己,成日想表現自我同獨立,
但又唔識正確表達同點去揾答案?成日亂衝亂撞,愈講愈唔聽,
所以就成日撞板多過食飯兼夾死唔認錯,
就俾大人覺得青春期少年d難教,態度囂張+乞人憎lor!!

你俾中間位意見佢就得la,俾佢自己知道自己都唔輸蝕,
等佢知唔駛樣樣嘢都同人比嘅!!
私人傳訊

meow~meow


水晶宮

積分: 58506


4#
發表於 08-5-11 16:08 |只看該作者
我驚佢開始步入青春期, 諗野會偏咗一邊......


原文章由 wmpl 於 08-5-11 16:04 發表
俾我會咁答佢:「真係只能好籠統咁答你,各有各好lor,
如果我唔係兄弟姊妹眾多,
我又答唔到你有兄弟姊妹有咩好同有咩唔好?
相反我又無可能切身處地咁答你做獨生子/女有咩好壞??
況且人天性都係追求d自己無嘅嘢,俗d講即 ...
私人傳訊

evawong1210


大宅

積分: 1722


3#
發表於 08-5-11 16:07 |只看該作者
我本身係大家姐, 有二個細佬一個細妹, 每隔3年1個, 自細都係一齊玩, 而家雖然各有家庭, 但每月起碼聚會一次, 唻我屋企打下麻雀同食飯, 我覺得即使兄弟姊妹間感情麻麻, 起碼心理上會覺得自己係有好親嘅親人係身邊, 有安全感囉.
我都有三個朋友係獨生女, 不約而同都有同我呻過屋企有事起上嚟都無人商量, 好大壓力同徬徨, 咁我都會同佢地各自講番如果有事就搵我地班朋友傾下, 必要時都可以幫下手, 所以我自己都決定一定要生兩個小朋友, 等佢地第時唔駛咁孤獨.
私人傳訊

wmpl


大宅

積分: 3000


2#
發表於 08-5-11 16:04 |只看該作者
俾我會咁答佢:「真係只能好籠統咁答你,各有各好lor,
如果我唔係兄弟姊妹眾多,
我又答唔到你有兄弟姊妹有咩好同有咩唔好?
相反我又無可能切身處地咁答你做獨生子/女有咩好壞??
況且人天性都係追求d自己無嘅嘢,俗d講即係「隔離飯香」,
咁哩種人性嘅好處係可以推動人類文明進步,
但過份盲目同勉強追求反而會造成禍害,
所以我祇能答你一句,睇你現實處境同心態lor!!

譬如:唔通你屋企窮到冇飯開又或者父母不良,虐待子女,
我都贊成佢生多幾件,俾仔女有個伴咩?
又唔通你屋企好富貴,但又唔想生想收養孩童做善事,
我又可以笑你戇居,有能力自己唔生拎d血汗錢幫人養仔咩?
做人嘅嘢,冇可能每樣嘢同每件事都十全十美,
最重要你開心同心安理得,冇故意傷害到人咪得lor!!」

講番我自己嘅觀點,正常情況下,
我個人認為有兄弟姊妹係比起做獨生子/女好嘅,
以我來舉例,我父母均不在,親戚又疏離,
如果我係冇兄弟姊妹嘅,就可以講係無親無故咁滯,
所以我都好慶幸自己有一班兄弟姊妹,
雖然大家感情唔算好close,但過時過節或任何一個需要幫忙,
我哋彼此之間都會儘力協助,同埋我又冇希望過做獨生女喎,
就算細個嗰陣兄弟姊妹之間常有爭執甚至打交,
都真係完全冇諗過,淨係成日希望細妹變細佬lor!!

有正常家庭,父母愛錫,又有兄弟姊妹嘅人,
通常人格會完整d,表達感情會好d ,
比較識得同人分享同顧人哋感受,
以上嘅嘢當唔係必然啦,
我就覺得有父母愛錫,適當裁培同悉心教導會重要得多,
因為若然父母過份偏心,處事不公,厚此薄彼,
或無足夠精神、愛心及能力,
咁就無謂生或生多個出嚟做伴嘞!!

[ 本文章最後由 wmpl 於 08-5-11 16:06 編輯 ]
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy