https://hk.news.yahoo.com/%E5%AD%90%E6%8B%92%E7%B4%A2%E9%8C%A2%E8%B3%AD%E9%A6%AC-%E7%B6%9C%E6%8F%B4%E7%88%B6%E6%93%B8%E5%88%80%E8%BF%BD%E6%96%AC-213513503.html
【太陽報專訊】爛賭綜援父向子索錢賭馬不遂，涉揮刀揚言斬仔險釀倫常血案。屯門一對相依為命父子，懂事十五歲兒子課餘做送外賣兼職搵錢幫補家計，卻屢遭綜援嗜賭父親攤大手板索錢，昨日兒子不滿遭苛索金錢賭馬，斷言拒絕所求，豈料有人發爛渣擸刀追斬，兒子避入廁所反鎖，仍遭人狂砍廁門，迫於無奈報警，警員經一番勸喻才繳刀拉人，兒子受輕傷送院，對父親狂莽行為傷心得涕淚漣漣。
涉案男子姓文（四十三歲），與讀中三兒子居於山景邨景美樓一單位。文於兒子四歲大時與妻離異，父子自此一起生活，文因長期失業，靠領綜援金過活。據悉，文子生性乖巧，見家庭經濟拮据，會於課餘到餐廳兼職送外賣，賺取零用錢及幫補家計。
不過文嗜賭成性，尤其喜歡賭馬，惟輸多贏少，反而要向兒子取錢落注，每次數百元，兒子不敢逆其意，通常都會奉上血汗錢。
昨午四時許，文在家又向兒子索錢，其子表示無錢在身，又不想父親賭錢，拒絕其要求，但有人惱羞成怒動手打仔。糾纏間，兒子手及背部受傷，文怒火一發不可收拾，大呼要斬死兒子，其子見父失常，躲入廁所反鎖暫避，此時文取出菜刀砍向廁門，兒子驚惶無助，用手機報警。
刀口餘生 悲淚如雨
警員趕抵時，文不肯開門，經警員游說後，他才自行開門，惟企圖反抗，警員需將他制服及奪去菜刀，並將他拘捕，涉嫌「襲擊致造成實際身體傷害」、「藏有攻擊性武器」及「拒捕」三宗罪。現場可見，廁所門留下被刀劈痕迹，文子傷勢不重，在救護車上包紮時，面露既驚且悲表情，更疑因在父親刀口餘生，不禁淚如雨下，需由警員安慰。
好陰公, 15歲仔咁乖仲要俾老豆斬
好慶幸由細到大, 屋企就算冇錢, 都仲有對好鍚我既父母
發表於 
雖然只看到少年一部份臉頰...都係好乖和純的樣子
返回列表
