吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 偏心...

婆媳關係今日: 0|主題: 27782

收藏本版

發帖

返回列表

跳至頁

查看: 4501 | 回覆: 31

偏心... [複製鏈接]

Rachel_lee

民房

積分: 13

1^#

發表於 08-5-15 14:38 |只看該作者 |正序瀏覽 |打印

我生長係一個重男輕女既家庭. 有一個細我4年的細佬,
由細到大, 我都知媽咪偏心個細佬,
直到我嫁左, 媽咪叫我唔好成日番外家, 話我係外嫁女.
會比人話我痴外家. 自問, 我一路都無要外家既一分一毫,
平時都有打電話比媽咪傾下計, 噓寒問暖, 部佢食飯.
每月都比家用媽咪, 大時大節都有買野送比媽咪, 而我老公亦都對佢好好.
只從細佬搬左出去同女友同居, 細佬好少理屋企,
平時媽咪間唔中都會上去幫細佬執屋, 連水電煤管理費都交埋.
過時過節生日都係無乜點理媽咪, 禮物就更加唔洗諗.
上星期母親節, 係酒樓陪媽咪飲茶. 細佬帶埋女友.
我見佢淨係幫媽咪(針)茶, 媽咪已經笑到見牙唔見眼,
甜到入心咁. 那一刻, 我好不是味兒, 我等左兩個鐘先拎到位,
洗埋杯先打電話叫佢地落黎.
點解媽咪可以少少反應都無? 難道我仍然做得唔夠好?
跟著, 我又聽到佢地原來之前好開心咁去澳門玩,
但係完全無叫我一齊去. 我好唔開心,
成餐茶都唔多出聲,強裝微笑.

我老公有一個家姐, 老公都好鍚家姐. 姑奶亦都對我地好好.
但係我6299就非常偏心姑奶, 姑奶已經嫁左,
而姑奶同佢老公都搵到好多錢, 住豪宅讀名校.
但係6299為左住近姑奶, 係屋企附近買層樓比姑奶佢地一家.
而我同老公供唔掂層樓, 都只係可以寄人蘺下.
我一方面好羨慕我姑奶, 父母完全無重男輕女的觀念.
但係另一方面, 我唔開心6299重女輕男.
而家我成日覺得好似兩邊都唔討好,
平時麻煩事就專搵我同老公做..但係去到呢o的位,
我同老公永遠都係排最後.

0 0 0

私人傳訊

laimanw

複式洋房

積分: 399

32^#

發表於 08-6-9 22:52 |只看該作者

其實我好相信緣份, 特別是父母對子女的緣。偏心是一定會有的, 無論你做得如何公道, 偏心始終會存在, 因為這個世界上根本就沒有絶對的公平。但有時父母做得好過份, 太過偏心就成了問題。我自己一直以來對這些事的看法是: 你要偏心, 隨便! 但當我知道你對我會只去到那個程度, 我也只會孝順你或對你好到那一個程度, 如果那一刻我想對你好d, 便對你做多d, 如不想對你好d, 就不去表達什麼關心慰問。但付出了的, 我絶不會去計較。我這種方法不知是否對或錯, 只是我個人的做法, 不論對我的家人或那個賤人八婆99。

樓主, 其實你都是成年人, 不要再因為誰偏心誰而不開心了, 及你已有自己家庭, 99或媽偏心也好, 最重要都是自己的家庭, 老公鍚你, 仔女孝順你, 其他的都不重要了。祝福你!

私人傳訊

cheriegie

大宅

積分: 1158

31^#

發表於 08-6-9 22:28 |只看該作者

所以要時時提醒自,將來無論有幾多個仔女都一樣要咁愛鍚....因為心靈上的創傷是一生一世的~

私人傳訊

shanbbmami

複式洋房

積分: 474

30^#

發表於 08-6-1 12:39 |只看該作者

唔好唔开心啦,有时我地做好多也都唔应该求回报系埋?况且果个系我地妈妈,既然好细个时已经知道你妈妈系甘样，就无必要唔开心,做好自己本分既也就好啦,你6299掉返转既,都唔紧要架,你仲有你个老公啊嘛系埋?如果全世界既人都唔锡你，最紧要你自己锡自己啊嘛.

私人傳訊

cherry1498

大宅

積分: 3008

29^#

發表於 08-5-28 11:22 |只看該作者

原文章由 Rachel_lee 於 08-5-15 14:38 發表
平時麻煩事就專搵我同老公做..但係去到呢o的位,
我同老公永遠都係排最後.

其實，呢個可能係上天俾你既令一樣野呢，你試諗下，如果你6299偏心你老公，咁好可能你老公亦都係一個愚孝仔，到時可能仲激心啦…可能就係你同你老公都算叫做"同是天涯淪落人呢"咁唔係會更加珍惜對方咩？凡事有得就有失架啦，轉一個角度睇咪仲開心！

私人傳訊

a776170

大宅

積分: 1600

28^#

發表於 08-5-28 08:38 |只看該作者

民初片定古裝片???你係咪當事人呀?知道得咁detail的?

如果個老豆賣個女去做雞...個女仲養老豆?????咁個女的思想真係好有問題woh...死馫兼"魚"孝:;pppp:

原文章由 tongyimtong 於 08-5-27 21:33 發表
我親戚老公生意有問題，想問99借小小錢週轉，99叫佢食自己。重話如果佢二人走佬去非洲會借水腳。從此當生小一個仔。

她父母不會拳打腳踢，是用掍朴。

佢老爸借貴利賭輸無得還，想把女兒賣給妓寨。是她媽媽不想賣斷個女比人 ...

私人傳訊

tongyimtong

複式洋房

積分: 183

27^#

發表於 08-5-27 21:33 |只看該作者

我親戚老公生意有問題，想問99借小小錢週轉，99叫佢食自己。重話如果佢二人走佬去非洲會借水腳。從此當生小一個仔。

她父母不會拳打腳踢，是用掍朴。

佢老爸借貴利賭輸無得還，想把女兒賣給妓寨。是她媽媽不想賣斷個女比人，自己借錢贖回。但我親戚要自己做工幫老豆還債。佢大佬就繼續有書讀。媽媽還給他錢買名牌充有錢仔。

私人傳訊

a776170

大宅

積分: 1600

26^#

發表於 08-5-27 08:42 |只看該作者

哇.....你個親戚同佢c6味前世欠左佢的老豆老母6299....自問我就做唔到了...但中間要配合好多野的...個4老有無惡言相向?有無拒人千里?有無侮罵+自小拳打腳踢???

原文章由 tongyimtong 於 08-5-26 22:57 發表

我有一個親戚，母親重男輕女到不得了，她年青時做工膁錢比大哥讀書。媽媽不準她讀書。嫁了老公，夫家有些錢，但6299只愛最大和最小。她丈夫是中間仔，62死後毛到無條分到。兩夫婦仍孝順老人家。99臨死前，我親戚日日煮燕窩比佢 ...

私人傳訊

tongyimtong

複式洋房

積分: 183

25^#

發表於 08-5-26 22:57 |只看該作者

施比受更有福

原文章由 Rachel_lee 於 08-5-15 14:38 發表
我生長係一個重男輕女既家庭. 有一個細我4年的細佬,
由細到大, 我都知媽咪偏心個細佬,
直到我嫁左, 媽咪叫我唔好成日番外家, 話我係外嫁女.
會比人話我痴外家. 自問, 我一路都無要外家既一分一毫,
平時都有打電話 ...

我有一個親戚，母親重男輕女到不得了，她年青時做工膁錢比大哥讀書。媽媽不準她讀書。嫁了老公，夫家有些錢，但6299只愛最大和最小。她丈夫是中間仔，62死後毛到無條分到。兩夫婦仍孝順老人家。99臨死前，我親戚日日煮燕窩比佢食。她媽媽過身，所有後事佢辦。點解？

好心有好報。佢大哥讀書多，只是打工仔。佢老公有身家分的兄弟，早已坐食山崩。
我親戚，二十多年來，夫婦二人打拚。現在單是東莞其中一間廠，已請過千伙計。他們可以避開97年金融風暴，03年沙士識買豪宅。不是好心有好報是什麼？

子女和父母，就如夫妻，相識是緣，不識也是緣。想想四川一次地震，多少妻離子散？夫婦二人同行，身體健康，出入平安。已是上天對你的最大偏心。

私人傳訊

Garfield

大宅

積分: 2603

24^#

發表於 08-5-26 17:47 |只看該作者

家陣年代唔同, 仔女都一樣咁錫架啦, 因為自己生架嘛...

私人傳訊

三順

水晶宮

積分: 55562

好媽媽勳章醒目開學勳章畀面勳章

23^#

發表於 08-5-24 00:44 |只看該作者

以前人總係生好多子女，顧得頭尾，顧唔到中間，被忽略的滋味很不好受，看到以上咁多迴，就知道受到心靈傷害是一世都難以忘懷的！

私人傳訊

joeydesu

複式洋房

積分: 419

22^#

發表於 08-5-23 23:55 |只看該作者

我發覺原來我地做女嘅, 好多個都好唔開心, 原本我好想我駝嘅BB係囝囝, 但照到係囡囡, 我諗我會加倍愛O錫佢!

好多謝大家聽我呻同開解我!

私人傳訊

a776170

大宅

積分: 1600

21^#

發表於 08-5-23 16:19 |只看該作者

嘩....粵語長片咁的?

原文章由 jj7723 於 08-5-23 15:53 發表
我都係生長係一個重男輕女既家庭. 4個哥, 2個家姐, 1個細佬.
諗番以前既童年, 真係一殼眼淚.

我同家姐讀小學時, 買文具, 買白鞋, 亞爸亞媽都話無錢, 對白鞋穿晒底都要頂硬上著返學, 落雨天對襪會濕, 唯有墊d廁紙係 ...

私人傳訊

jj7723

子爵府

積分: 11408

20^#

發表於 08-5-23 15:53 |只看該作者

我都係生長係一個重男輕女既家庭. 4個哥, 2個家姐, 1個細佬.
諗番以前既童年, 真係一殼眼淚.

我同家姐讀小學時, 買文具, 買白鞋, 亞爸亞媽都話無錢, 對白鞋穿晒底都要頂硬上著返學, 落雨天對襪會濕, 唯有墊d廁紙係鞋入面. 實情係我屋企係有間廠既, 比上不足, 比下有餘. 亞哥細佬就日日有零用錢, 有新文具, 有新鞋著.

同學叫我去街, 我會推, 因為我無出街衫, 只有幾件爛衫係屋企著, 及校服. 冬天返學重死, 唯有著多件底衫係入面, 外面就只有件爛冷衫.

我好記得有次亞爸亞媽去完台灣旅行, 買俾亞哥細佬每人一件運動t-shirt, 一對新波鞋. 我同家姐任何都無. 所以我同家姐好細, 3年級, 已經開始自己推架車仔, 去d山寨廠問人攞外發返屋企做, 每個月賺個十零, 二十元, 應付俾學校既雜項.

到小學六年級既暑假就偷雞去做暑期工. 我記得中二開始, 有時會早一份, 晚一份, 一直做到開學前一日 . 因為我亞爸開始間歇性唔俾錢我同家姐交學費啦.
但我亞爸亞媽好市僧, 平時過年利市錢, 佢地會收晒我同家姐所得, 亞哥細佬除外. 暑期工又會揾本簿仔mark低晒我同家姐既工時, 時薪, 加班費咁, 每個月出糧都要俾佢check, 然後俾佢地取走一半. 相反, 亞哥佢地, 可以掉轉頭有零用錢tim.

.....

到我亞爸有cancer, 原來最關心佢, 陪佢去覆診既, 竟然係我. 佢死後, 我見亞媽以淚洗面, 我都好唔開心. 我向公司申請2個月返半日, 出半份糧, 每日下午陪佢, 買送煮飯俾成家人食, 減少佢既辛勞. 但係直至現在, 亞媽既遺囑, 都只係有5個仔既名, 無我地3個女既名. 唉, 我唔係計較要佢d錢, 只係原來由始至終, 我地3姐妹係佢心中都係無任何地位既.

但我大家姐就好慶, 話誓要爭番一份, 因為亞媽唔俾佢讀書, 要佢小學出社會做野, 每月都要將份糧俾晒屋企, 好慘 (但其實果時屋企係有間士多, 有廠, 算係小康之家).

唔好意思, 長篇大論. 呻完啦.

[ 本文章最後由 jj7723 於 08-5-23 15:56 編輯 ]

私人傳訊

juicypig

珍珠宮

積分: 30278

環保接龍勳章 hashtag影視迷勳章

19^#

發表於 08-5-23 14:32 |只看該作者

有老公錫就夠啦, 唔好唔開心

一個人之所以快樂,不是因為她擁有得多, 而是因為她計較得少

私人傳訊

Irismammy

別墅

積分: 697

18^#

發表於 08-5-23 09:12 |只看該作者

原文章由 joeydesu 於 08-5-22 16:59 發表
其實切肉不離皮, 我都唔想唔俾家用, 但係我諗到, 我俾佢=俾我D阿哥同咪D唔知O係邊度走出嚟嘅孫(1男1女), 我就好激氣!

我D阿哥洗腳唔抹腳, 結婚之後我同老公佢去澳門玩咗兩日, 仲要俾我O係最大果間賭場見到我大哥同 ...

我都明白你嘅唔甘心，因為我個個月比晒啲$$媽媽，佢就拎晒去用，呀哥嗰啲就用嚟儲，之後買層樓比佢...

而我在未來嘅日子亦會仲慘同唔甘心，因為我BB快出世，要用很多$$，而媽媽就只顧幫姐姐湊，(也未出世的)，叫我自己請人，仲介紹埋比我添，

....(8千一個月的本地呀姐，每日只做8 小時的)，不過我無要，因為真的請唔起，唯有自己做！但我姐姐就只比一二千我媽，我就要比五千，(即我比嗰啲都係用嚟貼其他人) 但媽也同我講佢要用好多$$，

好慘，話我當年應承養佢而家又扣佢$$$(我以前比7千)，話我唔應數，不過我無理佢，只問佢係咪唔想要，仲同佢講我已做足自己嗰份，佢窮，係因為其他人對佢唔好，刻薄佢，唔係我！

所以，我覺得樓主有做自己嗰份就得喇！問心無愧！
其他的，一於好少理！

私人傳訊

美子媽

大宅

積分: 3336

17^#

發表於 08-5-22 23:38 |只看該作者

看到這度, 我也是出生在重男輕女的家庭, 我的情況沒以上两位咁慘,老豆但都是偏心的啦，算啦，　我宜家好幸福，有個愛護自已的老公，同有一個可愛的囡囡，他都唔知幾怒我咁幸福

http://albums.vitapixel.com.hk/200706/vangie/portrait.htm

私人傳訊

Siuchoi

珍珠宮

積分: 32052

16^#

發表於 08-5-22 17:16 |只看該作者

原文章由 joeydesu 於 08-5-22 00:21 發表
我覺得我比你更慘, 我真係可以好大聲咁講!

我都係生長O係一個重男輕女嘅家庭, 我有兩個阿哥, 大哥42歲, 二哥40, 兩個男人身邊嘅女人不停轉, 生咗D孫, 但係BB D阿媽就唔知去晒邊, 我阿媽就義務幫佢地湊, 佢地從來都 ...

你好乖女啊~ 有左BB唔好咁唔開心~ 你外家唔揾你只係暫時, 到你呀媽山窮水盡時就會再揾你, 你係咁以比1,2千佢買野食好了~ 生BB要用好多$架~ 你冇$你外家唔會理你架~ 自己小心&保重啦~~

私人傳訊

joeydesu

複式洋房

積分: 419

15^#

發表於 08-5-22 16:59 |只看該作者

其實切肉不離皮, 我都唔想唔俾家用, 但係我諗到, 我俾佢=俾我D阿哥同咪D唔知O係邊度走出嚟嘅孫(1男1女), 我就好激氣!

我D阿哥洗腳唔抹腳, 結婚之後我同老公佢去澳門玩咗兩日, 仲要俾我O係最大果間賭場見到我大哥同一個妹妹仔.....真係天網灰灰!

我無即時話俾我阿媽聽, 不過影咗D相, 有咩事先拎出嚟, 點知我阿媽主動同我講, 話我大哥前幾日去咗澳門做野....... (可能我地影佢果陣俾佢發現, 所以先發制人......)

原文章由 Irismammy 於 08-5-22 10:19 發表

我都覺得你好克苦！
但係，我覺得做女嘅都要比吓家用，做自己本份，

私人傳訊

Irismammy

別墅

積分: 697

14^#

發表於 08-5-22 10:19 |只看該作者

原文章由 joeydesu 於 08-5-22 00:21 發表
我覺得我比你更慘, 我真係可以好大聲咁講!

我都係生長O係一個重男輕女嘅家庭, 我有兩個阿哥, 大哥42歲, 二哥40, 兩個男人身邊嘅女人不停轉, 生咗D孫, 但係BB D阿媽就唔知去晒邊, 我阿媽就義務幫佢地湊, 佢地從來都 ...

我都覺得你好克苦！
但係，我覺得做女嘅都要比吓家用，做自己本份，