吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 瑪嘉烈順產漫長54小時陣痛超長產程分享~~ ...

懷孕前後今日: 1|主題: 330468

收藏本版

發帖

返回列表

跳至頁

查看: 205151 | 回覆: 896

瑪嘉烈順產漫長54小時陣痛超長產程分享~~

[複製鏈接]

12 3 4 5...45

501

yen1706

大宅

積分: 2222

1^#

發表於 15-1-29 17:03 |只看該作者 |正序瀏覽 |打印

本帖最後由 yen1706 於 15-1-29 17:07 編輯

本來我的預產期係2月6日，
但係早左差唔多兩個星期，即係1月24號，
大約2:30pm，我感覺到有少少水狀分泌從下面流出來，
於是去廁所睇睇，
發覺有少少流啡，大約只有一個5毫子o甘大，
我心o念：可能係「見紅」了~~~~

不過當時未有陣痛，
見紅份量又o甘少，
我覺得自己應該冇o甘快生得住.....
所以都唔想打擾返緊工既老公，同埋o係屋企睇緊電視既老爺.....
免得嚇親佢地.........
後來我仲如常去埋一早book好左樓下既按摩...........

4:30pm左右，我第一次feel到一種我o甘大個女從未feel過既感覺，
係一種好似肚痛，又唔係肚痛既感覺..........
係個子宮位「喇住喇住」既感覺..........
我o念呢o的就係陣痛喇.......
不過講真，o個種痛既程度，係完全承受得到既........
你係會明顯feel到痛，但你可以如常活動、行路、去廁所既........

由o個一下痛開始，我就留意住自己再有冇第二下類似既痛........
因為之前姑娘教過，假陣痛，係得幾下，不規律的，之後會停止的，
但如果真既陣痛，係會有規律，唔會停，仲會愈來愈密集既......

果然大約20分鐘後，我又feel到呢種痛!!!
之後仲愈來愈密，
由20分鐘痛一次，變成15分鐘痛一次，
再由15分鐘，變成10分鐘一次..........

到左10分鐘痛一次既時侯，
我已經好肯定自己開始進入產程了，
而我老公亦放左工，正在返屋企途中，
我亦唔想嚇親佢，冇特別打電話同佢講，
等佢返到屋企先再同佢交待。

正等緊我老公回家既時候，
我開始準備入院既o野........
沖個涼、洗個頭、攞晒o的走佬袋出來...........

由4:30pm開始feel到第一下痛開始，
至到7:30pm，每10分鐘陣痛一下，
我會形容4:30pm o個下既痛楚程度係屬於bb級.........
而每10分鐘陣痛一下既痛楚程度係屬於1級，
我當時仲心o念：原來陣痛係o甘既，都唔算真係好痛jei..........
但係好戲當然在後頭啦...........

7:30pm ，老公返到屋企喇!
我叫左佢入房，同佢講：老公，我應該係生得喇..........
佢話：唔係嘛....講笑咋ma.....你仲有兩個星期先係預產期wor...........
我話：我o念真係早左喇，我feel到自己有規律既陣痛啊，下晝仲流左少少啡......
老公終於接受左佢就來做老豆既事實，
佢叫我快o的拿拿林同佢飛的入院，
但我反而覺得自己仲頂到o個種痛，
反正工人姐姐煮左飯，不如食埋餐飯先入院~~~

o係我執緊o野同埋等開飯既時間，
我又feel 到o的陣痛愈來愈強，痛楚程度已經大約有2級，
甚至有幾下我係痛到訓左o係床上面休息左一陣，
等陣痛過左，我先繼續再執野......

我以前一直無知地以為陣痛係keep住由頭痛到落尾既，
原來陣痛就如其名，
係一陣陣既.......痛一陣大約20-50秒(愈接近生得就痛得愈長)，之後就唔痛，
之後又再痛20-50秒，之後又唔痛.....

在每10分鐘陣痛一次既情況下，
我食埋餐晚飯，
老公call好的士到樓下，
我地就攞住兩個走佬袋，飛的入瑪嘉烈了~~~~~

o係的士上面，個的士佬一路撩我老公吹水，
而我就繼續專心數住自己隔幾耐陣痛一次......
15-20分鐘既車程，我痛左3次，
所以我應該陣痛得又密左，大約5-10分鐘一次，
而當時痛楚程度係2級~~~

(待續........)

0 2 0

私人傳訊

健康蛋蛋

大宅

積分: 1673

897^#

發表於 19-1-27 09:33 |只看該作者

我睇到喊左出來…
好感動，樓主媽媽你好叻。

私人傳訊

Cancam103

複式洋房

積分: 104

896^#

發表於 19-1-27 07:20 |只看該作者

佩服樓主呀！你寫得好長細，睇到我都流眼淚，好似身在其中一樣，但見你甘辛苦，我都好驚呀！好想唔好順產轉開刀呀！56個鐘真係想死囉！睇完你過生仔經歷，呢刻自己都好迷惘，好唔想順產生呀！(emoji)(emoji)‍♀️

私人傳訊

yen1706

大宅

積分: 2222

895^#

發表於 19-1-26 23:09 |只看該作者

回覆樓主:

不知不覺，女女今天已經4歲了。

回望過去，時間總是過得飛快。

私人傳訊

After17

洋房

積分: 96

894^#

發表於 18-4-10 20:56 |只看該作者

回覆樓主

好勁啊樓主！睇到喊啊真係！

私人傳訊

布甸小狗

男爵府

積分: 6274

893^#

發表於 18-4-9 14:36 |只看該作者

私人傳訊

北寄貝

男爵府

積分: 7481

892^#

發表於 18-4-9 11:56 |只看該作者

回覆樓主

我唔打算生，但都追晒樓主個post。好精采，你好叻女，睇到我都痛埋一份。辛苦晒，希望女女日後睇完，記得孝順媽媽。祝福你們一家。

私人傳訊

Ballz

大宅

積分: 1256

891^#

發表於 18-4-9 00:35 |只看該作者

回覆樓主

我同樓主既情況好似呀，第一胎痛左3日先生得出。不過唯一好彩既係我一係唔開，一開就開得好快。仲記得生得前幾個中，大約10pm 姑娘交更，個姑娘好衰咁同接更姑娘講呢個入左黎2晚ga 啦，第一胎，仲未開ga, 應該有排先生得出，唔洗check 咁密。因為我入院時產前房好多full, 我係產房訓左3日仲要無得玩電話。點知我12am 開始大痛，不停忍唔住叫，又問姑娘有無止痛，無痛，同係咁叫佢地check.姑娘都有比面色同說話我。之後我行行企企埃下訓下又大叫，去到3am 個姑娘好好話見我咁辛苦幫我check 下，點知一check 已經開左6度，即刻叫我打比老公同推左生bb 個位set 野。之後好快又有醫生黎，又放尿又要聞氧氣。搞左2個中阿仔就出左世啦。宜家又有左第二胎，黎緊10月出世。睇到你既經歷真係又驚又懷念。希望我第二胎都可以好似你咁順利唔洗又痛3日啦。。。

私人傳訊

Yuki1020

洋房

積分: 61

890^#

發表於 18-4-8 20:01 |只看該作者

回覆樓主:

追……

私人傳訊

kmbb519

珍珠宮

積分: 38016

2024年龍年勳章 HiPP勳章(1) 2018父親節勳章 2018復活節勳章畀面勳章大廚勳章

889^#

發表於 18-4-8 19:18 |只看該作者

超好睇, 睇到我又喊又笑.... 一時哈哈聲笑出來, 一時嗚嗚嗚咁哭....

推推推

大事化小, 小事化毛.........

私人傳訊

Chingyeeyeee

別墅

積分: 682

888^#

發表於 18-4-8 18:21 |只看該作者

yen1706 發表於 15-1-29 17:03
本來我的預產期係2月6日，
但係早左差唔多兩個星期，即係1月24號，
大約2:30pm，我感覺到有少少水狀分泌從 ...

追

私人傳訊

香蕉煎餅

男爵府

積分: 9402

887^#

發表於 18-4-8 15:50 |只看該作者

yen1706 發表於 18-4-8 14:59
不經不覺，已經是三年多前嘅事了。
仲多埋隔離隻孫悟空。

時間真係過得好快，好感慨！！

私人傳訊

yen1706

大宅

積分: 2222

886^#

發表於 18-4-8 14:59 |只看該作者

回覆樓主:

不經不覺，已經是三年多前嘅事了。
仲多埋隔離隻孫悟空。

私人傳訊

littlefunpig

珊瑚宮

積分: 106317

2025中秋節勳章父親節2025勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章減齡達人勳章牛年勳章

885^#

發表於 17-12-26 20:58 |只看該作者

回覆樓主

岩岩執緊野先到呢個post.....即刻停低sort 返個post 只看樓主就一直睇到尾！
形容得好生動，一路睇一路想像到個畫面簡直好似親臨其境一樣！
我黎緊第一胎係囡，都係打算瑪嘉烈生⋯⋯一路睇都好驚又緊張直到睇到你個囡出世終於鬆一口氣。數數下仲有半年咋，希望到時順順利利⋯⋯

私人傳訊

yen1706

大宅

積分: 2222

884^#

發表於 17-12-26 18:06 |只看該作者

dad_mum 發表於 17-4-17 11:54
你同我經歷都好似 2012/11月尾生大仔 19號凌晨見紅入院中午開始痛一直痛一痛就行唔到到21號傍晚7點幾滲 ...

我地女人就係o甘......

明明上一胎誓神劈願話下胎一定唔順產.....
點知下一胎都係自己揀順產........

不過冇下次喇......

2個夠晒數~~~~~~

私人傳訊

yen1706

大宅

積分: 2222

883^#

發表於 17-12-26 18:03 |只看該作者

本帖最後由 yen1706 於 17-12-26 18:03 編輯

chocola 發表於 17-4-15 23:23
恭喜！你寫得好好呀！睇得我好投入！我來近都會生第二胎，希望你快寫生第二胎的經歷！
...

我寫左喇~~~

參考下啦......

http://www.baby-kingdom.com/forum.php?mod=viewthread&tid=19682409

私人傳訊

dad_mum

大宅

積分: 3612

882^#

發表於 17-4-17 11:54 |只看該作者

你同我經歷都好似 2012/11月尾生大仔 19號凌晨見紅入院中午開始痛一直痛一痛就行唔到到21號傍晚7點幾滲水中途一直都冇檢查過開左幾多度醫生俾我選擇催唔催生痛左咁耐死都選擇催生當晚10點種豆直落產房落催生藥落藥唔夠十分鐘開始痛到死去活來呀仔凌晨2:30出世不過比你好彩小小無剪爆左小小唔需要聯針留院前後5日4夜夠去短途trip 同你一樣係產房已經話再生的話會開刀今胎6月中預產期依然選擇順產