論盡家傭 今日: 0 | 主題: 134061

積分: 4458

1^#

發表於 08-5-19 01:01 |只看該作者 |正序瀏覽 |打印

我去年12月請咗個極品,是local完約的衰賓,因agent失職,有所誤會,又話出咗visa,唔要都要補一個月人工比佢,再搵又攪唔掂照顧3歲半阿女問題,唯有勉為其難用住先!誰知衰人見得多,咁極品都算罕有!到今玩嘢用壞整爛物品不計其數,態度懶散,無禮囂張都忍住佢先!3月初,阿女同我講這個PK打佢手板又用手彈佢,好唔開心,叫我搵過第二個姐姐,翌日辭工想即炒佢,上司連放我兩個月大假都肯以作挽留,叫我好好考慮清楚!因連這個PK在內,已有4次不快經歷,不認識的,已無信心再和她們戰鬥!兩日後阿女又氣沖沖話我知個PK又彈佢,唯有忍住度氣叫佢唔好咁對阿女,佢都有收手(到母親節那天問阿女都仲係答話個PK已無打佢彈佢了)!後來知道阿女同學仔個印尼姐姐5 月尾約滿,求她完約後過來幫我們,她考慮了半個月應承了!唯有話比老細知,攞返封辭職信,佢仲肯批我7-8月放大假去美國參加親戚婚禮順便散下心添!本來諗住到月尾31號先炒個PK,點阿女7&14號都放學在公園玩時微傷,上星期二個PK抹窗趺爛個抽濕機,因是放窗台上乾衫的,但窗台對下之處鋪了地墊的!仲要笑日噬噬咁講,sorry都冇句!星期三整爛把風扇,星期五又話唔知點解個燙斗噴出sticky stream喎!(可能走漏風聲,個PK聞到鑊氣就來被炒,玩嘢行動升級啩!啲姐姐界真係不能守秘的!)阿Sir都頂唔順話早啲21號下午阿女返咗學補錢炒佢!點知阿女星期六又話個死PK又打佢彈佢啦!今早同阿女拍咗video,諗住到時唔會補一個月糧炒佢,最多咪報警!不過阿Sir話怕我有麻煩,息事寜人算了!吓,樣樣都忍得,咁對阿女就萬萬不能!唔係錢嘅問題,咁嘅PK,仲要賠錢比佢,咪縱容佢,又要比佢笑死蠢,當我哋啲香港人係豬呀!

各位,你哋係我會點做?

阿女嘅遭遇,匿名問過警察,佢哋話阿女可以講得咁清楚,都可以報警的了!但到最後個PK是否真的會受法律制裁?

好煩!請賜教,thanks!

[ 本文章最後由 funnycat 於 08-5-19 01:51 編輯 ]

0 0 0

私人傳訊

積分: 4458

54^#

發表於 08-8-9 17:06 |只看該作者

原文章由 feclagnes 於 08-8-9 12:14 發表
實情你有無諗過搵第二間agent嫁，4次不快經歷播，你個極品賓賓係咪真係完約嫁，抑話係提前解約嫁。總之請人好睇彩數。

既然佢always整爛你d嘢又彈你個女無數次(呢樣最緊要)，理應告佢，告唔告得入都係其次，錢就一定唔會補，一日 ...

說來話長了!呢間衰agent已經係第3間啦!仲要係佢啲熟客介紹ga!但就係激得我最火一間,我剷過佢哋,問佢哋係咪專門用D咁嘅態度來招呼的熟客嘅朋友?真係剷到佢哋聲都唔敢聲!

第一間agent係幫我請第一個overseas賓實,因做做吓,到第5 個月還晒來香港要洗果HK$14,000後就開始差,跟住做到第15個月時,因早幾日阿女撼親個額頭,佢都無主動通知,要我回家見到阿女瘀了問才講,已閙咗佢及對佢黑緊臉面,佢都仲可以厚面皮話個妹夫要去中東打工,要交D咩嘢＄比菲律賓政府,想問我哋借HK$5,000,仲話要過多3個月先開始每個月扣HK$1,000糧還比我哋直至完約,問agent話最好唔借,無$咪叫佢妹夫唔好出去打工囉!Agent仲話兩年內免費包換兩次,叫我哋搵過個印印,會聽話D喎!因為阿女當時得兩歲幾,又剛剛發生阿女撼親額頭不報事件,為了阿女安全計,就同個賓賓講數,祗借HK$3,000及即月開始扣HK$1,000糧,佢都肯,但我哋已暗中部署換人,到約滿前3個月炒佢!第二個工人來到,廣東話未掂,英文又唔掂,嘔心瀝血教咗幾個月,都算OK,但已經補$唔放佢假,佢每日只係去街市半小時就已經學壞,有些閒$就暗中買咗個電話,之後就更變本加厲了!做咗5 個月,可能無放假,來香港用果HK$21,000已經回本,有次偷懶比我問佢係咪想返印尼?佢就刻執嘢,去到個agent度仲話係我出聲叫佢返印尼的,所以要我補一個月比佢!唔通我叫佢死,佢真係去跳樓,就係我謀殺佢咩,痴根的!根本天下烏鴉一樣黑,D agent真係無幾多間好的!補$之餘,佢即走仲幾乎比佢撟起,好彩我份工返shift,辭工老細挽留又比我返兩個月fixed duty解決.

搵第二間agent,請個自稱有10幾年湊小孩經驗的overseas賓賓,好似來我家作客的!講英文好似好掂,但比份英文instruction佢,完全唔識睇!有嘢佢食先,做嘢無條理,同佢一齊帶阿女去返興趣班,就掛住同其他家傭傾計,阿女出汗出到濕頭雞仔咁都唔理,話佢仲唔覺自己有錯,同agent講,都好有誠意咁搵個職員來打算再培訓佢,點知人哋自己發難話要返agent度,個職員問佢有無一個月人工賠比太太?佢就想縮沙,唯有叫佢簽嘢唔駛佢賠,D咁嘅人對多一日都會吐血身亡!個職員帶佢走時,都有同我道歉話幫我揾咗個咁嘅人返來,都算有D誠意!所以我現在的第5任大姐,都係搵呢間幫我攪手續的!

而呢間第3間衰agent,就係响第3個大姐走咗之後,由一位在我任職機構中幾有江湖地位嘅同事所介紹,話佢個friend成個家族都是經由呢間衰agent請工人的!不過人哋係請印印!

所以有D媽咪講得啱,搵工人都係要講彩數的!不過,我認為仲要加D命水,自問我就唔係幾好命啦!現在的第5任大姐,雖然係自己搵返來,但依家我真係明白咩嘢叫你睇人好,人睇你好了!不過阿女下個月返全日班,呀大姐又無玩嘢之心,唔滿意,最多兩年貨仔就算,唔駛勞氣!

自問我真係不是一個挑剔的人!不過,唉!

另外,唔係我唔想告個PK,係我哋正義嘅警察叔叔話無表面傷痕,個會又話唔係身體虐待,無邢事成份,佢哋就撟埋雙手唔做嘢!個算係幾完滿嘅結果,都係佢哋怕我煩,吐露了些口風,而我自己又企硬向多方面爭取返來的!否則,我依家可能比個PK屈返轉頭了!

私人傳訊

feclagnes

伯爵府

積分: 15685

2018復活節勳章開心吸收勳章好媽媽勳章醒目開學勳章畀面勳章

53^#

發表於 08-8-9 12:14 |只看該作者

實情你有無諗過搵第二間agent嫁，4次不快經歷播，你個極品賓賓係咪真係完約嫁，抑話係提前解約嫁。總之請人好睇彩數。

既然佢always整爛你d嘢又彈你個女無數次(呢樣最緊要)，理應告佢，告唔告得入都係其次，錢就一定唔會補，一日未上庭佢一日不能離境亦都不能在港搵工等上庭，到時睇下你傷d定佢傷d囉。如果唔比d教訓佢，只會遺害人間

私人傳訊

FionTan

複式洋房

積分: 223

52^#

發表於 08-8-9 10:40 |只看該作者

郁我家人就勢係假。一於玩番佢。支持你啊！

私人傳訊

qqqqqq

積分: 2815

51^#

發表於 08-8-9 10:39 |只看該作者

原文章由 funnycat 於 08-8-8 16:36 發表
各位媽咪：

我阿女遭ＰＫ體罰個案，雖經果個所謂虐待兒童專業個案會議決定因沒有表面傷痕而身體虐待個案不成立，但負責個案社工非常專業，盡力和熱心地向本人及小女作出協助，發信証明會議當日，醫生和各社工均譴責ＰＫ的所為，建議我如對 ...

I am sure that your family did the right things , your daughter and you are so brave. GOOD LUCK!!

私人傳訊

HIN2003

積分: 4214

好媽媽勳章

50^#

發表於 08-8-9 10:29 |只看該作者

加油!!!

私人傳訊

積分: 4458

49^#

發表於 08-8-9 09:39 |只看該作者

Thank you!

I am also dreaming of a better maid in the future!

But the fact is always different with our dream!

原文章由 wng7666 於 08-8-8 17:03 發表
So nice to hear your happy ending. Wish you have a better maid in the future.

私人傳訊

wng7666

積分: 848

48^#

發表於 08-8-8 17:03 |只看該作者

So nice to hear your happy ending. Wish you have a better maid in the future.

原文章由 funnycat 於 08-8-8 16:36 發表
各位媽咪：

我阿女遭ＰＫ體罰個案，雖經果個所謂虐待兒童專業個案會議決定因沒有表面傷痕而身體虐待個案不成立，但負責個案社工非常專業，盡力和熱心地向本人及小女作出協助，發信証明會議當日，醫生和各社工均譴責ＰＫ的所為，建議我如對 ...

私人傳訊

積分: 4458

47^#

發表於 08-8-8 16:36 |只看該作者

各位媽咪：

我阿女遭ＰＫ體罰個案，雖經果個所謂虐待兒童專業個案會議決定因沒有表面傷痕而身體虐待個案不成立，但負責個案社工非常專業，盡力和熱心地向本人及小女作出協助，發信証明會議當日，醫生和各社工均譴責ＰＫ的所為，建議我如對事件不放棄，可尋求心理專家的協助，從精神虐待方面追究；而個ＰＫ向警方落口供時也說並不是蓄意打阿女的，即間接承認啦！有見及此，我亦放棄追究下去，因若精神虐待方面成立，ＰＫ用甚麼補償給我？點知個衰agent仲好意思問我補唔補返一個月salary比ＰＫ？因為身體虐待個案不成立！我疾佢話我仍然可以循精神虐待方面追究的，而且ＰＫ都有間接承認啦！想賠就去勞工署傾啦！個衰agent先死死話循例問吓啫！

個ＰＫ响臨走前兩天來電哭著say sorry，話想我給她recommend letter，我說憑她的態度我沒可能出recommend letter，最多祗出一份在職証明給她，內容不會對她的工作表現有評價，但她要寫一封道歉信給阿女以作交換，好讓我對阿女有一個交代，最後她亦肯，並表示沒有叫agent向我追討一個月salary比佢的，又肯和我簽mutual agreement！我告誡她以後要想清楚才接受一份工作，不要勉強；接受了亦要好好地做下去，不要和傭主玩對抗，更不要傷害小孩！我問她亦身為人母，換轉她是我又會怎樣？她無言以對！最後她在７月３日離開香港了！

而我們一家三口去了美加玩了三個星期剛回來不久,仍未回魂!

在此事我算是好彩遇著個仍有小小良知的ＰＫ，下次唔知有無咁好彩啦！好多謝個社工，我已經給社會福利署署長email表揚她了！不過我哋嘅正義朋友‘警察叔叔’就唔多helpful & friendly啦！剩係識話會好煩，想我放棄！亦要多謝我的上司，放我兩個月假，不經不覺已過了一大半，下個月頭回去上班，到時真的要比心機做嘢，好好報答她們啦！

最後亦要多謝各位嘅支持同鼓勵！

[ 本文章最後由 funnycat 於 08-8-8 16:43 編輯 ]

私人傳訊

積分: 4458

46^#

發表於 08-6-6 13:35 |只看該作者

個會開完啦!不過冇我份開的!去到時話佢哋已經開完個會,個醫生有急症走咗,剩下3個社工,叫我去只係話比我知結果係虐待兒童個案不成立喎!因為阿女冇表面傷痕,表面証據不足,最多係話個工人管教小朋友方法唔正確啫!又問我阿女行為情緒有冇問題?我話當然有,咁佢哋話會轉介地區家庭服務處社工跟進!我問佢哋,咁個工人嘅所為作所為是否由得佢就算?佢哋答話咁又未必,等警方跟進,警方會做好多調查,然後會交比律政司決定的!咁又等我睇吓我哋嘅特區政府,有幾幫到我哋先!叫人生3個,有咩嘢back-up?係咪學啲新移民咁,生多啲唔好做,自己湊返,然後去攞綜援,咁先至可以唔駛受啲大姐氣,又享受到政府福利?

講真,之前我心情好沉重,去報警後放下了的心頭大石,今日又被那些所謂專業人士壓回在心上!咁等我係呢度祝願佢哋,他日都會有我同樣嘅遭遇,因為針唔係拮到肉係唔知痛的!佢哋令我這個每年每個仙收入都要報足稅嘅納稅人很心痛啊!

私人傳訊

qqqqqq

積分: 2815

45^#

發表於 08-6-5 21:44 |只看該作者

原文章由 funnycat 於 08-6-5 21:35 發表
今早社工來電話明日中午開會,但唔駛阿女出席,我去就得!

個PK知道水浸眼眉,今早搵我個親戚,想叫佢做和事佬,哭得好淒涼咁話驚明日開完會後,會比警方落charge告佢,有criminal record 就永不返身,不能再來香港打工(相信 ...

私人傳訊

積分: 4458

44^#

發表於 08-6-5 21:35 |只看該作者

今早社工來電話明日中午開會,但唔駛阿女出席,我去就得!

個PK知道水浸眼眉,今早搵我個親戚,想叫佢做和事佬,哭得好淒涼咁話驚明日開完會後,會比警方落charge告佢,有criminal record 就永不返身,不能再來香港打工(相信世界上不會有僱主要一個因衰虐兒而有案底的helper吧!),又要養個仔,冇工做就連個仔的學費都冇得交喎!而家留响香港食呀住呀都要自己比!我親戚來電問我有冇興趣同佢講喎?(吓,咩人哋唔係好口响話Did I do that?嘅咩?冇做又駛咩驚呀?)我同我親戚講,事發到今PK從冇表示悔意,喊都應該自己來搵我喊,要咁轉接,連求饒嘅誠意都冇!(也許從沒有放我在眼內的她,不屑向我求饒吧!)早知今日又何必當初!事到如今,一切都等埋明日開完會再打算!我親戚唯有話比隻PK知,太太好busy,唔得閒同佢講!

今晚再同個親戚通電話,相信係佢個賓賓將佢嘅行蹤洩露比PK知,等佢攔途伸冤及求救的,我親戚話PK同佢認有打阿女,但唔係好大力的!(咁即係有啦!)因我親戚都只係知隻PK打阿女,唔知佢用手指彈阿女身體的,而且隻PK呢半年來,吞泡玩嘢攪破壞,阿女唔聽佢話就要比佢打比佢彈,咁我咪日日返來都可以dup隻死PK囉?我為咗阿女對佢忍讓,佢仲膽敢打阿女,這還了得?我親戚聽我講完話原來佢咁衰,以後都唔會幫佢,等佢今朝仲做好心,拍隻PK膊頭安慰佢,叫佢唔好喊添!

[ 本文章最後由 funnycat 於 08-6-5 21:48 編輯 ]

私人傳訊

vancouver

積分: 1171

43^#

發表於 08-5-25 13:25 |只看該作者

支持funnycat!!!!!!!!!!!!!

私人傳訊

歌姬

積分: 775

42^#

發表於 08-5-25 12:44 |只看該作者

原文章由 qqqqqq 於 08-5-23 15:50 發表

我的確佩服你的勇敢,唔係人人好似你咁醒.我支持你!無論5人board点裁決,個工人点claim你,良心上你已勝了.我估工人一定會claim你,但佢claim還佢claim,法律是公平的.請繼續堅持. ...

係呀, 我都覺得佢好勇敢, 最重要係佢唔怕麻煩嘛
我睇報紙見過有單case
個工人俾人炒左, 跟住帶個賓佬偷上舊顧主屋企
意圖強姦(定真係強姦左)個六歲小妹妹
所以為安全起見, 可能有需要換埋鎖
因為佢一早收到風知你要炒佢
可能偷偷copy左條匙都唔定
財物損失事少, 嚇親寶寶事大呀

私人傳訊

Melody6

積分: 536

41^#

發表於 08-5-25 01:32 |只看該作者

回覆 #1 DaisyDaisy 的文章

我想問係唔係定要証明呢? 我個仔話姐姐打佢. 我可以點?!!!!!!!

私人傳訊

DaisyDaisy