| (資料圖片)(蘋果日報) |
2013年兩人一齊出席顧紀筠老公壽宴，據知當時男方有黑面要Cally哄。 現年52歲嘅鄺美雲(Cally)，早前同大佢3年嘅恒基兆業地產營業部總經理林達民蜜運三年，拍拖咁耐一直好恩愛(新聞連結：http://bit.ly/1z2UiMK)
，今日有周刊指，上個月疑鄺美雲頂唔順男友太過「大男人」，要女方服從佢，搞到成日嗌交，鄺美雲先決定同男友林達民掟煲，上個月開始，男友林達民就冇再同鄺美雲做「連體嬰」出席朋友聚會，女方亦冇再擺二人合照上WeChat。
據知回復單身嘅鄺美雲上個禮拜更出遊散心，該報道搵過鄺美雲，佢就話佢哋冇見一段時間，認為唔開心就無謂繼續落去，覺得大家好忙，冇咩時間見面，仲覺得單身嘅感覺都唔錯，拒絕答係唔係因為男方脾氣差先分手，暗示兩個人一齊要包容及遷就，又爆目前唔想拍拖住。該報道指，男友林達民祖籍潮州，唔知係唔係份人太過大男人，成日要女友順晒佢意，男方仲一傾唔埋就黑口黑面，先令性格樂觀嘅鄺美雲好唔開心，男友喺嗌交之後，仲會玩「失蹤」一個禮拜，甚至成個月都唔見吓，亦唔多哄鄺美雲，每次都係由女方主動哄林達民。
早前有傳2013年顧紀筠幫老公陳仕偉60歲大壽設宴，好友鄺美雲同男友林達民都有出席，不過有指當時男方不滿女方大聲叫佢上車而黑面，鄺美雲見在場好多記者都即場主動拖男友隻手，同男友講對唔住，不過林達民入場一陣就掉低鄺美雲，自己一個走人；又傳男友林達民一直唔准女方行得前過佢都唔得，要鄺美雲化身「女人仔」。
鄺美雲厭倦同男友再咁落去，反而依家「一支公」嘅鄺美雲過得仲開心，上個禮拜被報道影到佢去買年花，繼續買桃花催旺人緣，閒時又會幫六個月嘅姪女買下衫仔，生活不知幾寫意。
http://hk.apple.nextmedia.com/enews/realtime/20150210/53422233
發表於 
；真正大男人應該識愛錫、尊重女方，唔會少少事黑面囉
返回列表
