吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 你估你老公會吾會為左維護岳母而同佢父母撐?? ...

婆媳關係今日: 0|主題: 27782

收藏本版

發帖

返回列表

跳至頁

查看: 3261 | 回覆: 33

你估你老公會吾會為左維護岳母而同佢父母撐?? [複製鏈接]

pino

大宅

積分: 1646

1^#

發表於 08-6-2 20:06 |只看該作者 |正序瀏覽 |打印

我無端端諗到呢樣野,係因為我媽媽果日講開我老公對佢既騎呢父母好愚孝,就提起我過左身好耐既爸爸!!

佢話我爸爸都好孝順我grandma,但都吾似得我老公咁,佢會分是非黑白,而到後期我爸爸對grandma都好心淡(我grandma只係向$看)!試過有次同我grandma嘈起,我grandma就話埋我婆婆,我爸爸即刻維護我婆婆,話:"你吾好話阿X(我婆婆)呀!!你同佢無得比!!!!!" (我婆婆係好為仔女既人,又好錫我爸爸!)

我聽完,我諗緊我老公同樣既情況會點??我諗佢吾會對佢父母咁講,即使佢自己都心知呢個係事實.....

0 0 0

私人傳訊

pino

大宅

積分: 1646

34^#

發表於 08-6-19 12:34 |只看該作者

我諗ｃ６會係理智型，睇下事件係邊個唔啱先出聲

--->>老公係咁就好,至怕佢明知人地吾啱都吾開聲講句公道話咋!!

你婆婆係咪好錫你爸爸??聽我媽媽講我婆婆對我爸爸好好,又好幫仔女手,總之吾似得我阿嫲淨係識同仔女講$$$,所以我爸爸好尊重我婆婆!!我婆婆死果時,我爸爸喊得好傷心,人地反而以為我爸爸係婆婆個仔!!

私人傳訊

karenxie

民房

積分: 40

33^#

發表於 08-6-18 18:39 |只看該作者

原文章由 pino 於 08-6-2 20:06 發表
我無端端諗到呢樣野,係因為我媽媽果日講開我老公對佢既騎呢父母好愚孝,就提起我過左身好耐既爸爸!!

佢話我爸爸都好孝順我grandma,但都吾似得我老公咁,佢會分是非黑白,而到後期我爸爸對grandma都好心淡(我grandma只 ...

最好唔好有呢一日，我都想維持而家呢個太平盛世，但如果真係，我諗ｃ６會係理智型，睇下事件係邊個唔啱先出聲．．．手掌係肉，手背又係肉，我都唔想佢難做．．．

你爸爸同我爸爸都有啲似，我爸爸都係同婆婆ｆｄ啲，佢地會朝朝飲茶，過時過節出街食飯（通常我地會食好野），我爸爸都話要叫埋婆婆，好少叫嫲嫲，不過唔代表佢唔錫嫲嫲，只係同婆婆ｆｄ啲．．．上年嫲嫲過身時，我爸爸都喊得好緊要．．．

私人傳訊

pino

大宅

積分: 1646

32^#

發表於 08-6-12 12:43 |只看該作者

係啦,我老公又係d無所謂既人,所以佢咪更加吾覺得有咩囉,成日話"算啦"!!

你同你媽咪係正常人心態，又點會同你９９哩啲過於正常嘅人溝通得到----->>真係呀!!有時我響度諗,究竟係佢地吾正常定我地吾正常??

唉,靠我同我媽媽都無用啦,佢個底都俾佢阿媽攪到差哂啦,胃都細埋,肥極都肥吾起呀!! : (

咁我老公都試過放工番黎好攰,我又照顧佢呢樣果樣又"dup"骨,佢都有話:"都係老婆最錫我,對我最好!!"

私人傳訊

wmpl

大宅

積分: 3000

31^#

發表於 08-6-11 21:15 |只看該作者

原文章由 pino 於 08-6-10 11:45 發表
我諗佢前面果句係想話係人做野都辛苦架啦,駛乜好似我媽媽咁肉赤!!

我媽媽次次見到我老公胃痛,又瘦,就好鬼死"興"佢阿媽!!!

後面果句就係話我老公食極都係咁瘦,即係吾關佢煮吾煮野食事!!我真係想鬧,我老公食極吾肥又胃痛,都係因為你呢個阿媽懶到c,攪到佢個底差哂咋!!況且,食極都係咁瘦,咁係咪叫佢吾駛食野呀??

哈哈！

其實你都知道晒個事實同個答案，你９９嘅意思咪就係你所講嘅一樣囉＞＞＞個個人出嚟做嘢同埋我個仔係不嬲都係咁架啦，我個仔都冇向我投訢過，我哋兩仔乸都唔覺得有問題噃。你咁肉赤做乜？你咁唔抵得咪你去做囉，做咩同我講，關我咩事？

雖然我好明你忟啲乜，但你９９又死都唔會認錯，因為佢真係認為自己冇錯

，你老公從少都唔知咩先叫做係對佢好，真係冇得比較，到而家知又點呢？都冇乜人會話自己阿媽有問題，況且佢咁多年都麻木晒，男人又覺得，幾廿年前嘅嘢，都已經無法改變仲講嚟做乜？記住你同你媽咪係正常人心態，又點會同你９９哩啲過於正常嘅人溝通得到呢？！

　
咪為有你或你媽咪照顧得你老公再好啲，養到佢肥肥白白等你老公心中有數，咁就算你唔講，可能有朝一日，佢自己反而會同你講，老婆你對我真係好，我親生阿媽都唔及你咁好！

[ 本文章最後由 wmpl 於 08-6-11 21:17 編輯 ]

私人傳訊

pino

大宅

積分: 1646

30^#

發表於 08-6-10 11:54 |只看該作者

回覆 #27 十四媽的文章

呢d咁是非不分既老公真係激c老婆!!

私人傳訊

pino

大宅

積分: 1646

29^#

發表於 08-6-10 11:51 |只看該作者

回覆 #26 冼B媽媽的文章

你老公又幾好喎!!係啦,我覺得吾係"偏幫",如果係照事實講,照道理講,絕對無問題,即使果個係佢阿媽!!

私人傳訊

pino

大宅

積分: 1646

28^#

發表於 08-6-10 11:45 |只看該作者

原文章由 wmpl 於 08-6-8 11:30 發表
回覆 #23 pino 的文章
我老公講番既時候就幫住佢阿媽,話係佢自己鍾意食喎!!
你老公咁都要幫住佢阿媽？
愚孝到咁，冇嘢講，無話可說！

你做人阿媽係關心仔女既,都吾會俾佢咁食啦!!

:thinking ...

佢阿媽就話:"有邊個做野吾辛苦呀?""佢食極都係咁瘦架啦!"真係吹脹!!都吾知佢點做人阿媽!!

佢意思又吾係話"做嘢辛苦等於食極唔肥"!!我諗佢前面果句係想話係人做野都辛苦架啦,駛乜好似我媽媽咁肉赤!!後面果句就係話我老公食極都係咁瘦,即係吾關佢煮吾煮野食事!!我真係想鬧,我老公食極吾肥又胃痛,都係因為你呢個阿媽懶到c,攪到佢個底差哂咋!!況且,食極都係咁瘦,咁係咪叫佢吾駛食野呀??

我媽媽次次見到我老公胃痛,又瘦,就好鬼死"興"佢阿媽!!!

私人傳訊

十四媽

別墅

積分: 521

27^#

發表於 08-6-9 11:31 |只看該作者

絶對冇可能啊.

....我老公係一個超級禺孝的人....只會顧住佢自己的阿爸阿媽....從來都唔理人咯....

加油!加油啊!

私人傳訊

冼B媽媽

大宅

積分: 2680

畀面勳章

26^#

發表於 08-6-9 09:19 |只看該作者

我c6試過
不過學佢話齋只係照事實講
無偏幫我父母
事緣我B囡滿月99講起62要請我父母去
(我地分男女家擺)
99就話一早同62話咁做只會令我難做
仲話當初我岩岩有左
都叫過我父母食飯
但我daddy都唔肯黎
而家孫都生埋
又點會黎
我聽到當然好興
不過我都費時同佢嘈
(我岩岩有左6299一餐飯都唔同我父母食
99仲同姑奶同親戚講
我同屋企人貪$
搞到我到而家婚都無得結
當時仲俾個pk姑奶兜口兜面話我貪

)
點知我忍住無出聲
c6就同99講
當初你地無同人父母食飯
而家先叫又有咩用
我地自己會搞掂
99當然無聲出
全屋係得我忍讓佢
明知我c6講既係事實
佢仲唔即刻收聲

私人傳訊

SASA滾

禁止訪問

積分: 1687

25^#

發表於 08-6-8 14:40 |只看該作者

回覆 #2 tesstess 的文章

提示: 作者被禁止或刪除內容自動屏蔽

私人傳訊

wmpl

大宅

積分: 3000

24^#

發表於 08-6-8 11:30 |只看該作者

回覆 #23 pino 的文章
我老公講番既時候就幫住佢阿媽,話係佢自己鍾意食喎!!
你老公咁都要幫住佢阿媽？

愚孝到咁，冇嘢講，無話可說！

你做人阿媽係關心仔女既,都吾會俾佢咁食啦!!

反而我媽媽仲肉赤我老公,我地未結婚時試過同佢阿媽傾開電話,就講我老公做野咁辛苦,叫佢阿媽煮多d飯煲多d湯等佢身體好d同肥d,
咁你老公應該妳好錫外母大人嘞！

佢阿媽就話:"有邊個做野吾辛苦呀?""佢食極都係咁瘦架啦!"真係吹脹!!都吾知佢點做人阿媽!!

做嘢辛苦等於食極唔肥？咁洪金寶同曾志偉其實咪好嘆？

或者有人知自己衰，又小人之心，又懶到出汁唔想做，
咪死唔認摷死雞撐飯囉！

私人傳訊

pino

大宅

積分: 1646

23^#

發表於 08-6-7 17:45 |只看該作者

原文章由 wmpl 於 08-6-7 07:37 發表

真架，千祈唔好俾阿ｂ單獨同佢哋一齊，
有咩事起上嚟（ｔｏｕｃｈｗｏｏｄ），
就算佢哋有人肯認頭都己經於事無補啦！

你老公日日早餐都淨係食白面包＋滾水？得罪都要講句，
真係仲衰過啲後底乸。
咁佢而家身體咪唔多好？佢食到幾多年班先俾先生發 ...

佢先生係小學時既老師,咁我又吾知老公之前食左幾耐呢d早餐!!我老公講番既時候就幫住佢阿媽,話係佢自己鍾意食喎!!但我覺得就算係真,你做人阿媽係關心仔女既,都吾會俾佢咁食啦!!仲要佢又吾係肥仔!!

我老公而家係好瘦架,成日個胃又吾舒服!!呢d咪多得佢阿媽囉!!好似我上面講,佢阿媽懶到死,成日吾煮飯,反而我媽媽仲肉赤我老公,我地未結婚時試過同佢阿媽傾開電話,就講我老公做野咁辛苦,叫佢阿媽煮多d飯煲多d湯等佢身體好d同肥d,佢阿媽就話:"有邊個做野吾辛苦呀?""佢食極都係咁瘦架啦!"真係吹脹!!都吾知佢點做人阿媽!!

私人傳訊

wmpl

大宅

積分: 3000

22^#

發表於 08-6-7 07:37 |只看該作者

原文章由 pino 於 08-6-4 19:35 發表
係呀,所以我到時真係吾多敢俾佢地掂阿b呀!!一陣有乜野,佢地只會話:"駛吾駛咁緊張呀!!"

佢地d奇野(定係衰野??)真係有好多.....例如:
- 我老公話佢小學時上堂,老師問大家早餐食乜野,我老公大大聲答:"滾水+白面包",結 ...

真架，千祈唔好俾阿ｂ單獨同佢哋一齊，
有咩事起上嚟（ｔｏｕｃｈｗｏｏｄ），
就算佢哋有人肯認頭都己經於事無補啦！

你老公日日早餐都淨係食白面包＋滾水？得罪都要講句，
真係仲衰過啲後底乸。

咁佢而家身體咪唔多好？佢食到幾多年班先俾先生發覺？

私人傳訊

pino

大宅

積分: 1646

21^#

發表於 08-6-4 19:35 |只看該作者

回覆 #20 wmpl 的文章

係呀,所以我到時真係吾多敢俾佢地掂阿b呀!!一陣有乜野,佢地只會話:"駛吾駛咁緊張呀!!"

佢地d奇野(定係衰野??)真係有好多.....例如:
- 我老公話佢小學時上堂,老師問大家早餐食乜野,我老公大大聲答:"滾水+白面包",結果老師即刻見家長,因為無營養!!(佢屋企吾係窮到要咁樣食,只係我99根本懶到死,亦吾似正常媽媽咁會緊張個仔既健康)之後佢阿媽先至買番d鮮奶,其他面包俾佢做早餐!!

- 話我媽媽間屋好企理好舒服,話要得閒上去過下夜!!(吾好誤會,我媽媽間屋吾係雅居樂既渡假屋,只係正常響香港住緊既呢間屋!)

私人傳訊

wmpl

大宅

積分: 3000

20^#

發表於 08-6-4 04:49 |只看該作者

原文章由 pino 於 08-6-3 18:20 發表

wmpl,
經典呢?!我最初聽到都不敢相信!!我呀,咪就係10年黎都無得上6299屋企果個囉!!

記得你ｌａ

，６２９９仲有ｄ咩奇招未出？
不過最得人驚係佢哋諗到就做，

不顧後果果種態度＝＝

私人傳訊

pino

大宅

積分: 1646

19^#

發表於 08-6-3 18:20 |只看該作者

原文章由 wmpl 於 08-6-3 15:12 發表

wa!! 咁都諗得到??又做得出??
你老公仲有命做你老公,你應該年年都去還神!!

wmpl,
經典呢?!我最初聽到都不敢相信!!我呀,咪就係10年黎都無得上6299屋企果個囉!!

私人傳訊

wmpl

大宅

積分: 3000

18^#

發表於 08-6-3 15:12 |只看該作者

原文章由 pino 於 08-6-3 12:27 發表

難得你老公咁清醒!!我果件響佢屋企長大,已經慣哂,完全吾知佢屋企係幾咁騎呢,幾難頂,同人地既係幾咁吾同!!

唯一一次佢講過既就係,佢中學時上d同學屋企,見到同學仔既父母,先知原來父母應該係點既,佢既父母係幾咁特別!!
(e.g.老公仲係bb時,佢阿媽搵個筲箕壓住我老公,等佢轉吾到身,就放低佢自己出街喎!)

wa!!

咁都諗得到??又做得出??

你老公仲有命做你老公,你應該年年都去還神!!

私人傳訊

pino

大宅

積分: 1646

17^#

發表於 08-6-3 12:50 |只看該作者

原文章由 maggiechow 於 08-6-3 12:32 發表
試過！仲要係岳母請食飯，99來踩場，以為我地比$，見好好餸，暗寸我貼$返外家，之後c6咪講句類似說話。

而家吾可以請外家食飯咩??離哂譜!!

我99又係咁黑人憎,自己成日吾煮飯,攪到我老公好好好瘦,我地拍拖時我媽媽曾經同99傾開計,講過話我老公做野咁辛苦,人又瘦,叫佢煮多d飯煲多d湯等佢身體好d,99就話:"有邊個做野吾辛苦呀?""佢食極都係咁瘦架啦!"

到我老公去親我媽媽度食飯,99就會打電話"chok"我媽媽,問:"阿XX(我老公)無同你出街食飯咩??佢請你出去食飯我都吾介意架!"我阿媽幾想窒佢:"你個仔請我食飯幾時到你介意?!" 何況我老公去親我媽媽度,大部份時間都係我媽媽做左佢阿媽果份-----煮好送煲靚湯俾我老公飲,有時仲有湯俾佢拎埋番屋企!!而吾係同我媽媽出街食飯!!我99根本都吾知點做人阿媽!!!