Baby Kingdom - 親子王國 香港 討論區 › 首頁 › 婆媳關係› 我6299唔俾我上佢地屋企

婆媳關係

收藏本版
發帖
返回列表
跳至頁

首頁
12

尾頁
   0
office_lady


洋房

積分: 49


1#
發表於 08-6-3 23:41 |只看該作者

我6299住係我地隔籬街，我和老公都要返工，結婚初期一星期有三四晚上6299屋企食飯。 後來99同老公講，叫我唔好返去佢度，費時62發嬲駡人。 跟住62又同老公講，叫我唔好返去，費時99唔開心喎，我覺得6299扯貓尾，佢地連邊個唔鐘意見我都唔肯認。 我覺得話晒一家人，自問對佢地幾好，只係一把年紀仲未生到仔姐，使唔使咁絕。 攪到我個心成日屈住屈住，尤其係老公每星期一次, 自己一個返去食飯果晚，我就最唔開心。


依家只有過時過節，經佢地通知老公，得到恩准先至可以上去佢地屋企，佢地梗係想我返去做節啦，因為每次我會自動自覺俾錢佢地做節，每次$500至$2000 ! 視乎節日大小，D錢係我自已出既，唔係老公出既，我俾錢果陣我仲會笑晒口咁，我62梗係又笑晒口咁收錢囉，佢真係好意思既 ? 我越唸越唔抵，點解自已可以以德報怨咁x居。

其實我老公每月已經俾5位數字家用，又孝順，佢地竟然咁樣對待佢老婆，我真係好唔開心。 唔通無生仔既女人就唔係人？可以呼之則來，揮之則去？


我係唔係好X居?




我仲有以下係補充：

自己無做錯，俾人孤立排擠既感覺真係唔好受，最過份係 …….

事緣最近有一晚，C6忍唔住向我訴苦，話我知原來6299對住C6勁鬧我，令佢好唔開心，6299仲講埋d超難聽既說話，例如話俾C6聽，係我未結婚前同其他男人墮過胎，先至會搞到依家無仔生等等，簡直老屈當秘笈，太過份 ! 佢地想離間我同C 6 ??

我終於明白，佢地唔俾我返去既最大原因，係方便佢地隨時對住C6鬧我，又可以隨時對C6落藥。我問過C6， 6299會唔會為左抱孫，遲D會要求佢離婚再娶，C6竟然答我可能會，所以佢都覺得好煩。

以前我會惗，佢地係嬲我唔生仔，或者唔like煮飯俾新抱食，但我仲想keep住對佢地好d，所以每次做節依然會隨傳隨到，仲會俾錢孝敬佢地。 我6299窮到燶，仲要靠我地養，我對佢地好完全係出心，無惗過回報，但自從知道佢地對住C6講佐好多惡毒兼老屈既說話後，我根本唔想再見佢地兩個。

下個禮拜又做節，唔知點好，C6雖然都覺得佢地太過份，不過佢仍然想我做番以前一樣，我都唔知點做好。 唉，C6成日縱容佢阿爸阿媽，佢阿媽又成日扮可憐，C6仲話可能佢阿媽“每個月有幾日”心情特別燥先至亂up嘢。
吓？佢阿媽今年60歲喇，更年期都過左好耐啦，仲有“每個月有幾日”心情特別燥嘅問題 ???

[ 本文章最後由 office_lady 於 08-6-4 18:18 編輯 ]
私人傳訊

飛車小流氓


複式洋房

積分: 146


38#
發表於 08-6-5 19:02 |只看該作者
原文章由 office_lady 於 08-6-5 18:39 發表
飛車小流氓 :

你睇錯晒啦!!! "墮胎" 係99老屈, 亂up, 自己作出黎o家 !!!!!!!!!! 我根本無! 所以我o甘嬲 law



咁就真係離譜 D 喎~
私人傳訊

office_lady


洋房

積分: 49


37#
發表於 08-6-5 18:39 |只看該作者
飛車小流氓 :

你睇錯晒啦!!! "墮胎" 係99老屈, 亂up, 自己作出黎o家 !!!!!!!!!! 我根本無! 所以我o甘嬲 law

原文章由 飛車小流氓 於 08-6-5 11:55 發表
嘩~ 我做人老公都覺得好過份, 不過你&你老公真係誠實, 咩都話哂你知, 你墮過胎你又比6299知,有時有D野唔駛下下咁坦白既...不過樓主6299唔比過去食飯, 又實在太過份, 咁樣對你
比著我會兩頭瞞, 一方面勸自已老豆老媽 ...

[ 本文章最後由 office_lady 於 08-6-5 18:41 編輯 ]
私人傳訊

tiggertigger


大宅

積分: 4608


36#
發表於 08-6-5 15:29 |只看該作者
浪費時間去氹佢兩老，不如搵時間搵下你媽媽/親人更好呢

私人傳訊

moondream3003


男爵府

積分: 7101


35#
發表於 08-6-5 15:20 |只看該作者
我覺得都要上去, 以免你老公難做, 如果真係要比錢, 就0吾好比2000啦, 最低消費$500做樣算啦.

你要比你老公知道你係為左佢先上去, 你係唔想上, 上去因為你愛佢. 要令佢覺得你真係好好老婆, 唔似D人只係掛住煩住佢.
私人傳訊

飛車小流氓


複式洋房

積分: 146


34#
發表於 08-6-5 11:55 |只看該作者
嘩~ 我做人老公都覺得好過份, 不過你&你老公真係誠實, 咩都話哂你知, 你墮過胎你又比6299知,有時有D野唔駛下下咁坦白既...不過樓主6299唔比過去食飯, 又實在太過份, 咁樣對你
比著我會兩頭瞞, 一方面勸自已老豆老媽對個新抱好d, 以樓主既行為, 是值得的. 另一方面解釋比老婆聽, 老人家思想保守, 孝敬又好尊重又好, 有D 位避得就避, 忍得就忍。
私人傳訊

∼星子∼


男爵府

積分: 6817


33#
發表於 08-6-5 01:13 |只看該作者
你不如搵日扮傻係個殘62,99面前問下佢做咩唔比你返去食飯啦~仲要當住老公面前,睇下佢地點答~!!!
鬼唔知有仔生好咩,有時生仔既野唔一定係女方問題~唔好比佢地有個籍口離間你2公婆呀~!!!
私人傳訊

carmenyip


大宅

積分: 1128


32#
發表於 08-6-5 00:28 |只看該作者
未生已經咁多拗撬，咪生囉！生完仲多野嘈呀！

唔上去仲好，恨不得唔上去佢哋屋企，真係唔恨上呀！
私人傳訊

premum2006


侯爵府

積分: 20752

好媽媽勳章 醒目開學勳章


31#
發表於 08-6-4 23:01 |只看該作者
有時世事真係未必相對架
我諗你放棄佢2老對你嘅感覺喇
如果真係相處唔到
咪由佢囉
但唔駛干涉老公同佢哋嘅關係
以後最緊要
係你同老公關係
要認真咁傾傾
到底生BB係咪你2人嘅共同意向
同埋假如真係生唔到又如何
咁多重關係當中
夫妻關係先最重要
私人傳訊

FennieMan


珍珠宮

積分: 38528

減齡達人勳章


30#
發表於 08-6-4 22:34 |只看該作者
我會俾面c6照去食飯, 但就一亳子都唔比, 會買2隻糉上去(話比佢地聽應節訝), 佢地食唔食唔關你事.
如6299有嘢講/暗示你冇錢比, 咪話"因我冇仔生, 驚你地唔中意, 萬一c6要離婚, 都有個錢傍身, 所以冇咁多多餘錢比人, 有都留返比自己." 仲要笑笑口講.
原文章由 office_lady 於 08-6-4 21:41 發表


我62超級貪$$，我以前買野比佢地，62一定話我買d野唔好，後來佢指定要折現，我試過比62俾話我買比佢地d即食燕窩無益，食吃壞人喎，我幾氣頂。
私人傳訊

office_lady


洋房

積分: 49


29#
發表於 08-6-4 21:41 |只看該作者
原文章由 onon1022 於 08-6-4 13:36 發表
其實你條氣可能會唔順...但係係另一角度黎睇...你老公佢父母咁對你...而你仍然對佢父母咁好...你老公就會覺得有你一個咁好既老婆...佢會好開心...其實如果你唔比錢...可以買野上去...其實唔上去老爺奶奶到...你同佢 ...


我62超級貪$$，我以前買野比佢地，62一定話我買d野唔好，後來佢指定要折現，我試過比62俾話我買比佢地d即食燕窩無益，食吃壞人喎，我幾氣頂。
私人傳訊

karenxie


民房

積分: 40


28#
發表於 08-6-4 16:17 |只看該作者
我都贊成保持以前咁，條氣係會唔順，但諗得深入啲，唔好令老公難做，如果父母令老公唔開心，做老婆既就更加唔好比壓力佢．．．
私人傳訊

ballchi


洋房

積分: 415


27#
發表於 08-6-4 16:14 |只看該作者
男人鐘意做强者喜歡照顧弱小.食完飯返去表現出有幾吾開心.加両錢肉緊留小小眼淚做番場好戲比佢嘆下 ..
我99都係甘既人.我落左吾少心机.而家佢一講我.c6就話佢.佢同c6炒左幾次而家無セ出聲.轉左做左黑面神lu
私人傳訊

sasa0208


象牙宮

積分: 248090

馬年勳章 2026勳章 母親節2025勳章 2025勳章蛇年勳章 2024年龍年勳章 2023年兔年勳章 虎到金來勳章 牛年勳章 15週年勳章 親子王國15週年勳章 親子王國15週年勳章 2018復活節勳章 2018母親節勳章 2018父親節勳章 FUN享自然‧郊遊一夏 親子探索遊 玩具勳章 畀面勳章 叻叻勳章 有「營」勳章 趣教勳章 好媽媽勳章 醒目開學勳章 環保接龍勳章 遊學勳章 BK猜猜猜慶中秋 冬日勳章 春季勳章 炎夏勳章 秋日勳章 BK Milk勳章 hashtag旅遊勳章 hashtag影視迷勳章 育兒性格勳章 認識瑞士牛牛第一回 認識瑞士牛牛第二回 認識瑞士牛牛第三回 最關心BB問題熱投勳章 美好大世界2017勳章 開心吸收勳章 食得好勳章 瞓得好勳章 HiPP勳章(1) HiPP勳章(2)


26#
發表於 08-6-4 15:56 |只看該作者
過時過節咁大班人一齊上去食飯唔緊要啦，同埋老公叫到唔通唔一齊上咩？！
之前d媽咪講得岩架，佢地咁對你你都仲對佢地好，老公一定鍚晒你！
私人傳訊

alphabetagamma


珊瑚宮

積分: 108856

環保接龍勳章


25#
發表於 08-6-4 14:54 |只看該作者
其實未必係扯貓尾的. 應該有一個人搵你做靶. 都會搞成咁.

我都未有小朋友, 但我相信7年內會plan下. 我99都有講過生小朋友. 我都知佢個仔係九世單傳. 但係我老公自己開口講生唔生無所謂, 係我迫佢話我想有小朋友, 我老公諗諗下越諗跟我越一致. 但係如果99咁對我, 我估我老公反枱都有之. 我老公好少發惡, 每次發惡都係有人惡意踩到我條尾.
私人傳訊

tkokitty


複式洋房

積分: 170


24#
發表於 08-6-4 14:49 |只看該作者
你都好順得人哦.. 我唔明點解你甘想上去99屋企食飯.. 佢地甘對你. 仲比錢佢. 不過自己儲下d錢仲好啦.
私人傳訊

@Ting@


男爵府

積分: 8148


23#
發表於 08-6-4 13:59 |只看該作者
原文章由 office_lady 於 08-6-3 23:41 發表

我6299住係我地隔籬街，我和老公都要返工，結婚初期一星期有三四晚上6299屋企食飯。 後來99同老公講，叫我唔好返去佢度，費時62發嬲駡人。 跟住62又同老公講，叫我唔好返去，費時99唔開心喎，我覺得6299扯貓尾，佢地連邊個唔鐘意 ...
唔洗去咪仲好,我都不知幾想咁呀,第日如果有bb嘅時候仲唔大條道理唔見佢地...
私人傳訊

060905


男爵府

積分: 6052


22#
發表於 08-6-4 13:51 |只看該作者
唔可以話你x居, 不過你太好人, 我係你我就唔會上去, 既然都唔鐘我, 我做咁多野都係咁對我, 咪算羅, 你已經對得住自己, 對得住你老公同埋6299, 你老公會知道自己娶左個好老婆, 佢會珍惜你, 只於你6299你都無得控制, 總好過我, 成日見住面又唔係鍚我, 咪仲心傷！


原文章由 office_lady 於 08-6-3 23:41 發表

我6299住係我地隔籬街，我和老公都要返工，結婚初期一星期有三四晚上6299屋企食飯。 後來99同老公講，叫我唔好返去佢度，費時62發嬲駡人。 跟住62又同老公講，叫我唔好返去，費時99唔開心喎，我覺得6299扯貓尾，佢地連邊個唔鐘意 ...
私人傳訊

onon1022


子爵府

積分: 12600

好媽媽勳章


21#
發表於 08-6-4 13:36 |只看該作者
其實你條氣可能會唔順...但係係另一角度黎睇...你老公佢父母咁對你...而你仍然對佢父母咁好...你老公就會覺得有你一個咁好既老婆...佢會好開心...其實如果你唔比錢...可以買野上去...其實唔上去老爺奶奶到...你同佢地少d見面...就少d磨擦...



[url=http://lilypie.com][img]
私人傳訊

agnescheng


大宅

積分: 1451


20#
發表於 08-6-4 13:35 |只看該作者
樓主,好明白你既心情, 當初我同99一齊住, 佢對我好好, 但係一年, 兩年,見我未生BB, 就冷言冷語. 最過份係話[你地d 香港女人唔生, D 男人咪包二奶LAW , 我唔反對] [ 做女人一定要生仔, 老左無仔, 好淒涼 !]
我自問對佢唔錯, 頭一兩年, 一齊住, 佢成日訴苦, 話個女對佢唔好, 話自己好辛苦湊大D 仔女, 又話當我係女一樣咁照顧. 我100%信任99.

後來,佢背著我, 不停中傷. 老屈. 誣陷我. 我寧願離婚,都要搬走. 過時過節, 先會返去見佢.
所以,你99唔俾你過去. [掉轉來睇,佢當你外人都不如, 你根本不用上心, 不用傷心, ] 起碼,99唔會成日走去你屋企,騷擾你 !!.
至於生小朋友問題, 你和老公好好相量下, 就算生左, 千萬不要給99湊, 你99根本係要孫,都唔要新抱既人 !!
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy