本帖最後由 ume 於 15-3-6 17:15 編輯
呀囡上年8月出世，佢出世後我既生活180度大轉變，搞到我好唔得閑，終於今日得閑啲打算報告一下我層2011年買既樓仔既投資情況，點知因為太耐無update，所以被close咗！咁我唯有開過個新post啦！
少少前言：
2011年年頭自住樓升咗好多，轉按、加按咗舊錢出來，計過度過，係第一次政府出特別印花稅後再入市買咗間樓仔收租，當時利息係H+0.7%。想睇詳情可以去下面條link啦！
回顧2014
2014，對於我家是開心的一年，年頭，我老媽和老爸比咗啲錢我同佢地投資，有見佢兩老年紀不少，買樓不夠錢之餘又要打理，應該不是一個好選擇，我又見我2013年學大師MRNT買REITs，回報唔錯，一年收兩次息，連埋股價升幅都好好，所以2014年3月尾起，幚老媽老爸分段買入，一年後的年三十晚結算，有接近28%回報！相當唔錯！今年我家投資方向都會係REITs，當然前提係香港經濟無大轉變。
至於樓，我囡係8月尾出世，真的好想換間三房，可惜，政府收緊了按揭，增加了首期的需要，加大了買樓的難度，我自己又唔想把打算用來養老的收租樓放售，所以計來計去都計唔掂數！而我層收租樓又升咗，比起我2011年年頭既買入價升咗40%！如果只計我拎出來既首期連雜費，未計租金收入，都已經賺咗double有多！嗰時買都已經比人話會跌，我就一心覺得因為經濟好，跌就未必會大跌，但升都應該唔會大升啦！點知仲可以升咁多！而家個樓市真係癲咗！
今年個市真係唔知會點！一如以往，我無水晶球無可能知，但我記得我係第二個討論區見過，見過個高人(雲在青天水在瓶)，我覺得佢都睇得幾準，起碼2009年開始都準，大家不防參考一下：
「近日股市講多了，樓市講少了，因為計算下來股市的升幅比樓市的升幅要大得多。現階段，股、樓同樣處於牛三浪（也稱作牛市二期），但從以上計算可知，股市的牛三浪仍在中期，而樓市的牛三浪卻在末期。
股市牛三浪頂按以上計算39300，減去現水平約25000，可有57%的升幅。這只是指數的平均升幅，如果選中了一個跑贏大市的股份，隨時升幅以倍數計。
樓市牛三浪頂如按141計算，減去現水平約126，只有12%的升幅，而樓宇的升幅平均，一定找不到倍升樓。
所以，從投資角度來看，入股市優於入樓市。」....2014-9-6 05:46 PM
「....我只能講現在是牛三浪的尋頂期, 125之後隨時見頂. 至於頂在何處, 實際上我也不能肯定」.....2014-9-15 03:47 AM (for 大家 reference 今天CCI 137.2)
***************************************************************************
想睇返之前幾年既，可以去以下既link！
http://www.baby-kingdom.com/forum.php?mod=viewthread&tid=3661712
為免被delete咗睇唔返，所以我把我既回顧post copy出來：
回顧2011
終於有時間回顧一下1年多前，我買樓收租既決定係啱定錯。
1年前我估股市好過樓市，結果係樓市雖然唔係好，但股市更差，我既股票已經變咗蟹！層收租樓既估價o係同一估價網同我當年買入價比係無升跌，而其他有啲估價網跌咗1.8%，有啲升咗0.5%。
咁就當佢無升跌，層收租樓上年4月中收樓，5月就起租，今日為止收咗10個月租，因為租金收入完全cover所有支出，包括利息(H+0.7%)，交稅部份，管理費、差餉‧‧‧等等。所以層樓為帶來既財富增值只係計租客幚我供咗既本金，大約係我當時買樓既支出(首期、agent佣金、裝修等雜費)既5%左右。
其實有5%，好過放銀行啦，對我這些投資唔叻既c9仔，我好心足架喇！
如果個樓市都係咁唔大上唔大落，我都覺得唔錯，因為可以比我儲多陣錢再入市。
回顧2012
眨下眼，又一年了！這年令我經歷了最大既驚喜，亦遇上最大既失望。這些經歷令我覺得有時真係唔可以計得太盡！生活不應只包含賺錢、蝕錢，生活雖然不一定如意，而最重要係和自己重要的人一起經歷，互相扶持！
講返層樓，2011年，我和老公，作了緊慎的風險平估，然後膽粗粗咁買咗間樓仔收租。一年後，無咩升跌，叫做賺咗租金。兩年後的今日，估佢唔到，層樓升咗28.75%，如果只計當天買樓時所用的首期加雜費，回報率接近9成！感覺相當良好！我相信，我再有錢的話，我會偏向買樓收租！
回顧2013
好快咁，一年又過去了！係時候回顧一下我層樓仔了！
2013年對想買多間收租又或想換間大啲既朋友來講的確好難，大筆既首期加上啲咩d物d，搞到大家﹝包括我﹞都計唔掂數！
我層收租樓仔，隨著2年既租約過去，係2013年我調整咗少少既租金，so far收租情況理想，租客又無咩煩，又準時交租。但樓價就上上落落，最後仲要比1年前個價跌咗少少，不過都係比2011年買入價高26.8%，再加上每月既租金收入，有咁既回報，我都滿足架喇！
不過我相信係啲咩d物d未取消之前，我應該唔會再入市，不過可能會換樓都唔奇，一切都要見步行步喇！
不過2年前，一向都輸股票既我，試買咗啲REITs、房地產投資信託，發現佢穏穏陣陣既回報好啱我這些膽小既C9仔！再向MRNT請教過，今年我想重點投資在這個地方，希望我啲財富不被通帳蠶食之餘，仲可以幚補一下家計！寄望來年可以同大家分享心得！
發表於 
可惜我而家都仲係2房only！
返回列表
