事情係咁既，佢同老公拍拖6年，兩年前我地一班姊妹都plan緊人生大事，佢就為左唔想做最後一個結婚，所以迫婚。最後佢老公都好識做咁係間高級餐廳求婚，亦搞左一個非常華麗既婚禮兼影左4-5輯婚紗相。
婚前幾個月，佢開始學新娘化妝，婚後亦轉左full time化妝。呢份工令佢見識到好多人，眼界廣闊左。婚後半年，佢發現佢老公欠銀行錢，十萬左右，佢幫老公還，而佢老公每月還返比佢。之後佢就開始愈黎愈睇唔起佢老公，佢老公之後發現有嚴重糖尿病，佢竟然完全唔理，照出去外地做野幫人化妝，仲同男攝影師同房。
幾個月後，一次姊妹聚會，佢講起佢老公問題，佢話想分開，原因係:
1. 佢老公之前欠銀行錢冇同佢講
2. 佢老公對佢父母唔夠好
3. 佢老公對佢隻狗唔夠好
4. 佢出去外地做野，佢老公唔幫手執屋
我地當時ban左佢，除左佢老公欠錢冇婚前同佢講係唔岩，但都有還比佢。其他原因，其實婚前已經知佢老公係咁，唔好因為呢D野嗌離婚。但最後佢都係決定分開，咁呢樣係佢自己選擇，我地都會支持佢。
點知佢為左令其他人覺得係佢老公負佢，周圍講佢老公壞話，又恥笑佢老公係咁想追返佢…
最近過年前，佢想帶新男友見姊妹，先知原來佢識左第二個男仔，一齊左半年。個男仔因為本身有個拍左幾年拖既女友，所以初初唔肯承認關係。佢話而家迫到個男仔差唔多肯同女友分手，所以想帶佢出黎見朋友，等個男仔承認佢地既關係。仲要我地夾好，唔可以比個男仔知佢已婚。好在最後約唔成，冇見到佢地。
之後我真係再接受唔到呢個朋友... 雖然我都認為佢老公未必做得好好，但我唔明白點解佢自己鍾意左第2個掉返轉數臭個老公，點解可以隱瞞已婚去拍拖，點解可以迫人地同女友分手….
我另一姊妹覺得我反應太大，佢覺得除非呢個朋友出賣我地，否則無論佢做咩都會繼續當佢係好朋友。但我自問又真係做唔到喎…佢同邊個一齊其實唔關我事，應該唔會影響我地既友誼，但係佢咁樣做，令我唔能夠認同佢既人格。如果因為咁樣唔當佢朋友，我係咪好衰?!
發表於 
返回列表
