自由講場今日: 2029|主題: 1355197

收藏本版

發帖

返回列表

跳至頁

查看: 3055 | 回覆: 51

原本嘅四個女仔三個bar大結局 [複製鏈接]

12 3

micmic37

大宅

積分: 3711

1^#

發表於 15-2-28 17:02 |只看該作者 |正序瀏覽 |打印

本帖最後由 micmic37 於 15-2-28 21:31 編輯

無綫自閹《四個女仔》結局刪法律界遊行護港司法獨立情節

一個劇集點解要拍兩個結局？係因為投觀眾所好？定係因為有啲現實太赤裸，大台要河蟹、唔播得出街？

噚晚無綫劇集《四個女仔三個BAR》大結局，最尾嗰幕，原來有古怪。香港播出版本，同網站播出嘅同屬粵語、但簡體字幕嘅版本，完全唔同。

喺無綫同MYTV播出版本，最後Mr Fan范大狀(黃智賢飾)坐喺終審法院外，翻閱李丹留俾佢嘅日記。跟住電話響起，Giselle打俾佢，問佢喺邊，Mr Fan就話:「我到咗0架喇，依家喺CFA等緊你哋。」

鏡頭一轉，就見到Giselle同阿花佢哋上到嚟會合Mr Fan，畫面係見到佢哋明明有對話，但此時卻播出畫外音:「今日係一年一度法律年嘅開始，喺開始儀式上，終審法院首席法官馬道立，致辭嘅時候表示，香港過去一年經歷唔少挑戰，佢提醒香港人，今年面對逆境嘅時候，唔好忘記過去造福香港嘅基本因素。」去到最尾一句時，聲線已低不可聞，開始播《We Shall Overcome》，Giselle仲回頭，饒有深意咁望住終審法院大門，然後出字幕，全劇完。

但就有讀者駱先生報料指，喺網站搵到嘅《四個女仔》大結局版本(被刪影片連結: http://bit.ly/1BLP0vG)，都係粵語對白，但卻不是那回事。畫面開頭都係Giselle致電問范大狀喺邊，范大狀都係話喺CFA等緊佢哋，但原來范大狀喺電話問Giselle:「你哋冇跟大隊一齊去遊行咩？」

跟住畫面接番Giselle同阿花佢哋上到去會合黃智賢，頭先咪講過呢幕係見到佢哋明明把口有郁有對白，但mute咗變成畫外音嘅，原來呢part被滅聲嘅對白，係:「仲以為你哋會同大隊一齊操上嚟添!」跟住四女就話驚趕不及，於是上嚟終審法院先。然後Giselle再話:「Quinton話龍頭已經去到皇后大道中同雪廠街交界。」阿花講咗句:「咁應該就嚟到喇!」

然後鏡頭慢慢zoom in Giselle大頭，接下來畫面，就係佢哋五人齊齊望向通法終院條斜路，畫外音係:「法律界今日發起黑衣大遊行，由高等法院遊行到終審法院，抵達之後，眾人低頭靜默三分鐘，今次遊行嘅目的，就係要重新宣示，維護香港司法獨立嘅重要性。」鏡頭就見到黃智賢、張繼聰等人身穿黑衣，在終審法院外默哀。

呢一節香港觀眾無緣欣賞嘅遊行情節，現實中真有其事，就係發生於去年6月27日，香港1,800名法律界人士發起黑衣靜默遊行，反對一國兩制白皮書破壞香港司法制度同司法獨立，以行動表明法律界捍衞司法獨立之決心，並於終審法院外靜默3分鐘。

一個劇有兩個結局，一個係香港觀眾睇唔到嘅靜默遊行堅守香港司法獨立，另一個係溫和得多嘅引述馬道立言論，仲要係最尾最重要嗰句調校細聲咗。究竟靜默遊行呢個版本有何問題，令劇組要拍多個「滅聲版」？習總曾提出三權合作論，當中，可有玄機？

P.S. 補上被刪影片連結