吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 二伯變態架\./

婆媳關係今日: 0|主題: 27782

收藏本版

發帖

返回列表

跳至頁

查看: 5621 | 回覆: 45

二伯變態架\./ [複製鏈接]

12 3

apple410

大宅

積分: 4802

1^#

發表於 08-6-13 12:52 |只看該作者 |正序瀏覽 |打印

唉....本來都唔想講但尋晚又係咁
話說前晚老公唸住開冷氣個陣時,點知部機唔郁喎咁我就話喇唔係呀唔通壞左? 跟住老公個樣即變晒,重衝左出去廚房(電箱係廚房)睇,睇完返黎就係咁小^##%,話比人關晒d冷氣既菲士,嘩~~~~~~~我聽完即刻呆左,咩事呀咁熱都唔比人開冷氣,我重要係一個下個月生得既大肚婆

跟住我好大聲咁講,如果係咁既唔比人開冷氣咁我咪返外家囉,費時比人話啦,你地頂得順我頂唔順呀,我而家唔可以亂食藥架,有咩事邊個負責?跟住老公話都唔關事,就算我返外家老公都會照開,我話係呀但唔會早開麻(因為我地呢一晚係8點幾9點開,但我外家就6點幾開,因為我超怕熱,同埋身體差,所以我爸媽會早開比我,驚我有咩事病左就煩,我一病就病成個幾星期)跟住都唸住算啦,忍~~~~~~~~~

唔出聲,鬼叫兩公婆無能力搬咩

但點知到左尋晚我呢個所謂二伯重過份,尋晚我真係熱到唔著衫都出晒汗,所以7點幾就開冷氣,個陣時我二伯重未返到屋企,點知去到8點幾,部冷氣突然停左,初初我同老公都以為係自動恆溫,但過左好耐都唔郁又無聲,我就同老公講,唔係啵唔對路啵,無晒聲又唔郁,跟住老公又唸住去廚房睇,但今次睇都唔使睇,我二伯原來係廚房,咁個答案出左黎啦,但最過份既係我6299一句聲都無出,我即刻跳制,我係咁係到*(^#%*^*#,又忍住唔喊,完全感覺到佢唔當我大肚婆都唔緊要,但而家重唔當我係人

老實講我未嫁既時候係呢到訓我好小叫老公開冷氣,因為我老公呢邊d人收入唔多(可以話得2個人做野,但要養5個人)我知開冷氣電費會多好多,咁就盡量忍,但大佬呀而家我有左bb 體溫高左好多,點頂?佢自己唔開就唔比人開,咁大家評下理,佢呢d唔係叫變態係叫咩?還是係我既問題,我應該就下大家唔開冷氣訓?
我對住佢地遲早痴線尋晚已經又忍唔住喊喇

0 0 0

私人傳訊

may123

男爵府

積分: 6788

好媽媽勳章

46^#

發表於 08-6-21 18:28 |只看該作者

記得以前未嫁時,呀媽對我開冷氣都多多聲,訓晏些少,都叫你熄冷氣,以前真的不明白,總認為她太節儉,自己結左婚,有一頭家,我就完全明白晒

私人傳訊

fengfeng

大宅

積分: 4650

45^#

發表於 08-6-21 16:45 |只看該作者

我都係咁諗 ...

我同意 amenbean 所講 ... 其實我都覺得樓主講的並非不是事實，而是「不是事實的全部」...

我都知大熱天時冇得開冷氣好辛苦，係我都會熱到發脾氣。可是，樓主都應該分析一下問題所在，兼且體諒二伯的處境。

成間屋，得二伯同樓主老公有收入。二伯的壓力之大，可想而知。樓主口口聲聲有畀家用，可是，到底o的家用有幾多呢？照睇樓主老公應該唔搵得多，所以沒有能力搬出去住。所以我估家用都未必太多。

兩個人在屋企食、在屋企住，其實佔用了不少資源啊。我諗樓主真係未「當過家」...

可能呢件只係好小o既事，樓主不如叫你老公同二伯傾下喇。

後話 ... 其實，唔好怪我多事 ... 樓主o係呢個生活環境和身體健康情況之下，茂然生仔，係咪唔太好o既時機呢？

原文章由 amenbean 於 08-6-18 16:56 發表
照字面睇，妳好似好委屈，但我從妳字裡行間的說話，妳都唔係一個弱者，相信中間妳有好多野唔講O者。

妳猛話無錢唔搬得，又O係人地屋企由未結婚住到而家仔都有埋，寄人籬下妳就要接受現實，睇人面色。間屋係佢地O既，妳仲話：「熱都唔 ...

私人傳訊

flpmichelle

複式洋房

積分: 105

44^#

發表於 08-6-21 00:11 |只看該作者

我都贊成呢排要開冷氣, 但係屋企無風扇咩? 我同C6都係吹完風扇, 沖完涼, 起碼過左十點先開冷氣架. 我同99住架, 屋企開支我C6 負責晒, 我地都吾捨得開啦! 99 自己一個人一間房, 叫佢開冷氣, 佢都吾肯開添! 佢話一個人吾開, 慳 D.

樓主, 你已經嫁左人, 仲就快做人媽媽, 好應該為屋企諗下, 點做可以慳家囉, 而家 D 什費幾貴你知吾知架, 有左 B B 吾係大晒架, 我下個月生啦, 自己仲要返工, 放工仲要照顧99 架!

私人傳訊

肥豬皇

大宅

積分: 3366

43^#

發表於 08-6-19 11:09 |只看該作者

樓主潛左水啦

私人傳訊

montana

子爵府

積分: 13938

醒目開學勳章畀面勳章 BK Milk勳章

42^#

發表於 08-6-18 23:46 |只看該作者

"真係一家唔知一家事",坦白講呢排日日落雨真係唔開冷氣唔得,不過我覺得如果真係環境唔許可搬走,唯有接受現實或大家傾下點解決問題,我覺得你2伯咁做一定有佢既原因,希望你地能座底傾下啦!

私人傳訊

E@V

大宅

積分: 1312

41^#

發表於 08-6-18 22:26 |只看該作者

樓主你咁惡, 我係二伯都同你玩野喇!
你試下好d 聲氣嘛! 佢無端端熄你冷氣係幾無禮貌..不過我估佢都受你唔少氣喎..

如果你唸住遲d 都仲係一家人一齊住, 你地兩個態度都要改喇..唔係遲早大打出手!!

私人傳訊

Vca

男爵府

積分: 5681

40^#

發表於 08-6-18 18:59 |只看該作者

原文章由 piglover 於 18/6/2008 09:17 AM 發表

樓主在其他post話由於身體差, 好耐都無做野!!!
我估她未懷孕前都無咩做過野!! mouth:

樓主冇做野????
但樓上佢話"同老公一齊比錢62"喎!

即係咁~ 妳話妳老公有比錢屋企...但你地比果份夠唔夠cover 哂交租 / 供樓...水電雜費...伙食先? (我講緊你地兩個自己果份~) 二伯若覺得冇需要開冷氣，而妳覺得有需要既話，咪好似其他媽咪咁提議 - 交哂所有電費囉! 妳話62唔肯收，咁咪直接比二伯囉!

而家係妳嫁入去佢屋企，況且妳未嫁時都已經去人地度過夜...二伯原本已經係果度既人，妳走入去無形中令二伯既活動範圍細咗! 要分清楚莊閒........

私人傳訊

nikiwong926

大宅

積分: 4605

畀面勳章

39^#

發表於 08-6-18 18:29 |只看該作者

原文章由 piglover 於 08-6-18 17:17 發表

樓主在其他post話由於身體差, 好耐都無做野!!!
我估她未懷孕前都無咩做過野!! mouth:

甘如果樓主真係未有bb前到宜家都冇做野,甘我覺得佢2伯既行為都唔難理解姐...

私人傳訊

piglover

大宅

積分: 2839

38^#

發表於 08-6-18 17:17 |只看該作者

原文章由 amenbean 於 08-6-18 16:56 發表
照字面睇，妳好似好委屈，但我從妳字裡行間的說話，妳都唔係一個弱者，相信中間妳有好多野唔講O者。

妳猛話無錢唔搬得，又O係人地屋企由未結婚住到而家仔都有埋，寄人籬下妳就要接受現實，睇人面色。間屋係佢地O既，妳仲話：「熱都唔 ...

樓主在其他post話由於身體差, 好耐都無做野!!!

我估她未懷孕前都無咩做過野!!

mouth:

[ 本文章最後由 piglover 於 08-6-18 17:20 編輯 ]

私人傳訊

amenbean

大宅

積分: 2754

37^#

發表於 08-6-18 16:56 |只看該作者

照字面睇，妳好似好委屈，但我從妳字裡行間的說話，妳都唔係一個弱者，相信中間妳有好多野唔講O者。

妳猛話無錢唔搬得，又O係人地屋企由未結婚住到而家仔都有埋，寄人籬下妳就要接受現實，睇人面色。間屋係佢地O既，妳仲話：「熱都唔比人開冷氣呀」….係唔比又點，熄冷氣咪熄冷氣囉，大肚真係唔係大晒!!我都只係聽過人講，開冷氣先會凍到病，未聽過唔開冷氣都會病。大肚婆係要吸多D新鮮空氣，而唔係吸冷氣。

到妳將來生左BB，又話BB體溫高，熱到睡唔到，又大條道理要開冷氣架啦。妳雖然「話」妳老公都有比家用，我相信係佢兩兄弟每人一半負責晒成頭家，佢無端端一份家用要比多一個人駛，不久將來係三個添，比我都唔「老泥」啦!妳知唔知一頭家多一個大人同一個小朋友，開支真係會大好多架，Oh! SORRY!我諗妳唔會知，因為妳從來未試過負責一頭家O既駛費!!
得罪講句，未懷孕前妳有無工作，定係日日坐O係屋企咩都唔做，淨係掛住上網?如果係O既，我更加明白妳二伯O既處境，妳亦都要嘗試企係佢方面想一想。

要活得有尊嚴，今晚就大大聲聲同二伯講，今後電費由妳兩公婆全權負責，佢咪無得「add」囉，妳一曰24小時開足冷氣都得啦，妳仲可以明正言順同佢講「熱都唔比人開冷氣架」…..
當然，妳二伯o既處理同與人溝通o既方法都好有問題，但妳o既態度都唔好得去邊。互相體諒啦，同一屋簷下，有排妳受呀!!

[ 本文章最後由 amenbean 於 08-6-18 16:57 編輯 ]

私人傳訊

ABBC

子爵府

積分: 13533

36^#

發表於 08-6-17 22:12 |只看該作者

原文章由 Vca 於 08-6-16 02:20 發表
間屋係邊個架? 妳嫁咗之後搬埋入去，一屋6個人......如果二伯係屋企出力最多果個，我覺得佢雖然衰格，但又唔係話完全冇厘頭囉! 佢未必係只唔鍾意你地開冷氣，好可能只係借題發揮~ 加上妳又咁大支野 - 人地走去熄妳又粗口又話 ...

咪係囉~人地咁辛苦~!!25歲人都要識下人情世故喇~果時我o係我99度住仲要我個女係熱底..成日都出哂汗~我99唔俾我開,我都無講哂粗口鬧人地喇~仲要係我地係要俾家用之餘~我耐唔耐就俾o的錢我99..放假出街食飯我俾哂添呀!我都唔覺得我有俾到我就可以大聲夾惡講人地唔俾就係佢錯囉!同埋上面有位朋友就話唔俾家用都唔代表話唔俾開冷氣~~唔好搵交嘈~不過真係覺得有o的可笑,唔俾家用,但係可以有權o係人地辛辛苦苦付出既屋企上面開冷氣..仲可以惡到死..仲要唔係自己兄弟姊妹~!!真係未聽過..正所謂有權利就有義務喇~唔付出錢..人家中電都唔俾電你喇,係咪?

私人傳訊

ABBC

子爵府

積分: 13533

35^#

發表於 08-6-17 22:11 |只看該作者

原文章由 Vca 於 08-6-16 02:20 發表
間屋係邊個架? 妳嫁咗之後搬埋入去，一屋6個人......如果二伯係屋企出力最多果個，我覺得佢雖然衰格，但又唔係話完全冇厘頭囉! 佢未必係只唔鍾意你地開冷氣，好可能只係借題發揮~ 加上妳又咁大支野 - 人地走去熄妳又粗口又話 ...

私人傳訊

Vca

男爵府

積分: 5681

34^#

發表於 08-6-16 02:20 |只看該作者

間屋係邊個架? 妳嫁咗之後搬埋入去，一屋6個人......如果二伯係屋企出力最多果個，我覺得佢雖然衰格，但又唔係話完全冇厘頭囉! 佢未必係只唔鍾意你地開冷氣，好可能只係借題發揮~ 加上妳又咁大支野 - 人地走去熄妳又粗口又話要返外家咁嘈哂~ 我係妳二伯都繼續同妳玩落去啦!

總之間屋唔係自己，講野就冇得咁大聲架嘞!

私人傳訊

anitachs

民房

積分: 27

33^#

發表於 08-6-16 01:16 |只看該作者

原文章由 cherry1498 於 08-6-13 14:12 發表

你大伯都係一齊住係同一間屋?佢開你又開，只係CUT你個部?如果係，真係搬番外家先啦… 真係好鬼辛苦架…

返外家好啦......有DADDY MUMMY錫...而且到時生完坐月都係女家啦...........快D走仲好啦

[ 本文章最後由 anitachs 於 08-6-16 01:24 編輯 ]

私人傳訊

onon1022

子爵府

積分: 12600

好媽媽勳章

32^#

發表於 08-6-15 22:48 |只看該作者

其實如果咁樣...你二伯咁慳電...電費佢唔會用得多...唔好話你大肚...遲d你bb出世...仲熱...避免呢d問題...以後電費就由你地自己交...既然係你地交電費...你二伯應該唔會再出聲...

[url=http://lilypie.com][img]

私人傳訊

agneskk

大宅

積分: 3748

hashtag影視迷勳章

31^#

發表於 08-6-15 15:32 |只看該作者

而家人地個家庭係慳錢, 唔開冷氣麻...

總之一句講晒, 一係自己俾, 一係番娘家, 一係搬走...

如果個家係二伯主力撐, 佢仲辛苦啦.. 熱都唔捨得開冷氣... 邊個唔想番屋企涼浸浸, 你估佢真係想同樓主玩野咩...

願BB身體健康

私人傳訊

吹吹水

禁止訪問

積分: 2329

30^#

發表於 08-6-15 14:21 |只看該作者

提示: 作者被禁止或刪除內容自動屏蔽

私人傳訊

vespa

子爵府

積分: 10614

29^#

發表於 08-6-15 13:44 |只看該作者

間屋有幾大? 會唔會係本來已經唔夠住, 仲要加多個女人, 都未夠, 再要之後加多個B...

至於有俾家用, 到底係俾幾多? 會唔會俾得唔夠?

我睇你二伯撐住頭家已經好辛苦, 你諗下, 你都25啦, 佢做得你老公亞哥年紀都唔慌細, 我諗都接近30囉卦, 佢都要為自已著想下... 要自置物業的話, D錢已經要黎養頭家, 要同將來老婆搬入黎住, 你地就已經霸住左間屋...

睇黎佢跟本就唔喜歡你地住係度, 咁又點會CARE你是否大肚...

總之相嗌唔好口, 在人屋簷下, 不能不低頭, 平心靜氣飲多杯水, 就唔會覺得咁熱架嘞....