婆媳關係 今日: 0 | 主題: 27782

積分: 620

1^#

發表於 08-6-18 14:17 |只看該作者 |正序瀏覽 |打印

各位媽咪請幫幫手

其實我打算呢兩年就同我男朋友結婚，但係，佢亞媽而家竟然對我有咁嘅要求，我唔知同唔同我媽傾好，所以問咁多位媽咪，我應該點做???

話說我已經有一排冇同佢屋企人見面啦，因為佢媽咪好煩，我好多時都話工作忙，避得就避，我男朋友亦明白。佢媽咪成日同我講，‘快啲生仔啦，生咗至結婚都唔緊要啦’; ‘你同屋企人講，我哋無咁多錢，禮金比幾千元咋’

我男朋友都知佢爸媽係好煩，至從男朋友講過佢媽後，佢哋都收臉咗一排。起碼冇‘生咗至結婚’嘅偉論。

昨晚佢爸生日，去佢嫂度食。我‘不’完湯行出來之際，佢竟然要我幫男朋友‘不’湯！！！我見順便咪行入廚房‘不’埋啦，點知行出來，佢一付說教的樣子，話第日都係咁樣服侍佢個仔嘎，又話佢自己咁多年都係咁樣服侍佢老公，從未要佢老公走入廠房。

我粗口都想講#@@#$#%$@#%$#%!!!我嫁比你個仔做妹仔嘎？我未係你心抱啊住！後尾，我連碗蝶都唔收，就坐係度。

其實我開波都同男朋友講明，我唔做家務，要做大家share來做。佢0係屋企係比人服侍慣嘅，我都係。

各位媽咪，我應該點算？？日後有咁嘅事，我應該如何應對？？

仲有，佢哥揾得唔多，但係2年內，已經3，4次問男朋友借錢。借錢維修外牆，借錢做生意。有次更係佢嫂嘅弟弟問佢借錢返回鄉下起樓。我男朋友話佢哋提過一次，無要求第二次，所以都未借過給佢哋，但係哥哥環境唔好，心知遲早都要幫佢一次。

其實我男朋友工作幾年，收入算唔錯，佢都係好慳咁儲緊錢買樓結婚。
佢亞哥住緊嘅係佢媽咪供好嘅屋，收入只養老婆同個仔。

我男朋友未結婚就係因為未儲夠錢買樓，佢唔借佢媽咪嘅錢就係因為佢怕萬一有事無個錢。
點解佢哥哥仲可以咁樣開口的？？

所以我好怕見佢家人，見完都要唔開心。係咪我太過計算？？

0 0 0

私人傳訊

cindyming

積分: 2205

61^#

發表於 08-6-22 01:32 |只看該作者

明白

原文章由 豬豬狹83 於 08-6-18 14:17 發表
各位媽咪請幫幫手
其實我打算呢兩年就同我男朋友結婚，但係，佢亞媽而家竟然對我有咁嘅要求，我唔知同唔同我媽傾好，所以問咁多位媽咪，我應該點做??? 話說我已經有一排冇同佢屋企人見面啦，因為佢媽咪好煩， ...

我觉得你还是重新找个，他妈说的那种生活我过了５年多，搞到自己有病，因爱自己的老公，也不想我的小孩跟我一样没爸爸，我忍了５年多，在他家做妹子，服侍自己Ｃ６和ＢＢ，还服侍他妈和他３个姐姐和哥，还每天问候你祖宗十八代，我又不敢跟姐姐和妈妈说，因我以很惨了，不想她担心，Ｃ６头两年以为我因该做，因他是潮州人，到我出现问提时以第３年，他才知道原来现在没有人这样了，他说过他妈，他妈还是一样，我还是一样要煮十几样菜和汤服侍他家，风雨不改，我临生小孩那个星期还要煮，拿十斤重的菜走到五楼，不过也让我可以生下９磅多的小孩，不用开刀，因我是个很娇小的人，医院的姑娘和医生问我你家种田的，我怎么说，难道跟他说我田都没踩过也，不还好在我很灰时认识了个好朋友，是她让我学会为自己想一下，也让我跟我Ｃ６提出离婚，Ｃ６跪下，也哭了，看了我的小孩我也不可以让他过没爸爸，那种滋味我明白，不过还好我们终于可以自己买楼出去了，虽然要工作又要带小孩，但我不想过那种非人生活，也可以随时去妈妈和姐姐家，不用看人家面色，问她可不可以去，想想妈妈和姐姐只同我隔几条街都不能去几惨，所以你好好想清楚，别到时回头难．

私人傳訊

積分: 620

60^#

發表於 08-6-21 18:03 |只看該作者

原文章由 wmpl 於 08-6-20 16:00 發表

係呀～～連我Ｃ６都話佢阿媽係古代人嚟嘅，成日都以為係自己屋企大宅門，新抱就老馮要服侍晒男家啲人嘅，女婿又好似入＂罪＂咗咁先至係好嘅，但係礙於形勢，佢恰唔到個女婿，因為人哋比佢有錢好多，就集中火藥恰新抱嘞～～

所以我成日都同Ｃ６講話好 ...

wmpl 多謝你嘅建議啊！！！！！！！！

其實未來99屋企都唔係有米啦，但係佢都係鍾意控制。佢大新抱話佢好似‘無則天’。
佢大新抱同佢關係都唔好，住得好近但係都係好耐至見一次。
總之現階段，我唔好鬆懈，堅持三個字：唔識做！！！！唔可以給她認為我會‘做’、我肯‘做’。同埋扮傻啦，嗯！！
不過經過今次，我有排先會上去嘎啦！
下次上去之前，都要上返嚟睇睇，再溫習溫習以上嘅招式！
Many thx!!

私人傳訊

積分: 620

59^#

發表於 08-6-21 17:55 |只看該作者

原文章由 ahblow 於 08-6-20 16:48 發表
我都好明白你感受.
我同你一樣都唔明點解d老人家會咁.
可能舊事佢地係男主外, 女主內, 所以會覺得女人要服待男人.
但佢地唔清楚, 以家女人都要出黎做嘢揾錢, 唔再係舊事咁, 男人養女人, 係大家一齊分擔.

可以的話, ...

如果佢哋舊陣事係男主外, 女主內都原諒佢哋唔明啦。但係佢兩個都係出來做嘢，大家都養家嘎。
BF話，佢媽就算放工返到嚟幾攰，都一定會煮飯仔女食，老豆唔會幫手

私人傳訊

積分: 620

58^#

發表於 08-6-21 17:51 |只看該作者

原文章由 catdog123 於 08-6-21 11:29 發表
我c6果邊d人都係咁, 食飯要人"不" 湯 "不"飯,
62,大伯,姑9全部唔會自己"不"飯, 遞起隻碗就算, "不"得d湯黎, 有d人已經飲完湯, 要"不"飯, 到"不"晒飯比佢地先可以飲湯, 仲要係企位, 因為太多人唔夠坐,好彩我堅持自己 ...

企位咁搞笑，雞尾酒啊
我明白了，堅持就是勝利！

私人傳訊

catdog123

積分: 2659

57^#

發表於 08-6-21 11:29 |只看該作者

我c6果邊d人都係咁, 食飯要人"不" 湯 "不"飯,
62,大伯,姑9全部唔會自己"不"飯, 遞起隻碗就算, "不"得d湯黎, 有d人已經飲完湯, 要"不"飯, 到"不"晒飯比佢地先可以飲湯, 仲要係企位, 因為太多人唔夠坐,好彩我堅持自己唔識煮, 唔肯煮, 唔係就死得

私人傳訊

ahblow

洋房

積分: 78

56^#

發表於 08-6-20 16:48 |只看該作者

我都好明白你感受.
我同你一樣都唔明點解d老人家會咁.
可能舊事佢地係男主外, 女主內, 所以會覺得女人要服待男人.
但佢地唔清楚, 以家女人都要出黎做嘢揾錢, 唔再係舊事咁, 男人養女人, 係大家一齊分擔.

可以的話, 都唔好見咁多, 只會令自己唔開心.

私人傳訊

wmpl

積分: 3000

55^#

發表於 08-6-20 16:00 |只看該作者

原文章由 豬豬狹83 於 08-6-20 14:18 發表

嘩，咁變態？！要你服侍埋完屋企人添啊？！？！

雖然，我就未知日後，我嗰位未來99會唔會發展到咁嘅地步，但都足以令人恐慌兼反感非常了。但我想像到你當年嘅情況實比我難忍好多倍嘎啦。
服侍老公，或者6299都算啦，服侍埋全屋人，真 ...

係呀～～連我Ｃ６都話佢阿媽係古代人嚟嘅，成日都以為係自己屋企大宅門，新抱就老馮要服侍晒男家啲人嘅，女婿又好似入＂罪＂咗咁先至係好嘅，但係礙於形勢，佢恰唔到個女婿，因為人哋比佢有錢好多，就集中火藥恰新抱嘞～～

所以我成日都同Ｃ６講話好彩佢屋企唔係好有錢嗰啲，如果唔係佢阿媽就一定會更加囂張同沙塵，駛人唔駛本，Ｃ６就話好彩我唔係嗰啲乜都唔識嘅女人，所以佢阿媽都唔敢恰得我咁過份（但係我已經覺得好Ｘ過份），因為佢阿媽有好多事都要求我幫忙～～

所以而家做女人一定唔可以不學無術，要周身刀，又要有幾張利，間唔中又要喺佢面前露兩招，個９９先至唔敢睇少你，雖然冇可能叫佢收聲，但至少佢都唔敢太俾說話你聽，唔會對你指口篤鼻嚟鬧～～

我一直都冇話特別就佢，我鍾意或認為有需要就做唔鍾意就唔做，我又永遠唔會同佢講多餘嘢，尤其係是非，有時我心情好就做多啲，佢都會以為下次我都會做，但係我下次就算佢明示暗示都唔做，所以佢都冇我符，因為我冇講錯任何說話俾佢有位入我（佢屈我嗰啲另計），如果你９９係小人就係小人，好難改變啲咩架啦，同埋你都唔好喺佢身上花咁多心思，有時間有腦汁都為自己同老公打算好過，你唔駛靠佢，佢就唔敢對你太放肆～

我諗佢而家都係想試吓你個底線嘅啫，所以哩段你唔可以放鬆，唔可以佢話點就點，無所謂嗰陣就做啲啲，唔想做嗰陣就詐傻扮懵，扮聽唔到，扮唔明，如果佢迫到埋身一定要你做，你可以話你從來都唔駛做哩啲嘢，叫佢示範一次俾你睇，但下次依然可以話唔記得或都唔係好明，激到佢紮紮跳，有時又失驚無神做俾佢睇，等佢以為你係神經刀，佢就冇你符～～

我隻佬點ｔｒａｉｎ？無架，初時我都唔識架，後來就知要軟硬兼施，一啖沙糖一啖Ｃ囉，唔好俾佢以為你冇咗佢唔得，咁佢咪自然會對你嘅說話上心啲，佢做家務做得衰你都要佢做，最多你執返正啲手尾嘅啫，千祈唔好俾佢有得閃，啲男人好精架，如果佢試過做得衰或唔識就可以唔做，咁佢以後都唔會有嘢係做得好，好似對細路仔咁，佢做完你就點都要讚吓，唔好句句都話佢做得唔夠好，至多同佢講話你其實有啲地方可以做得再好啲，男人嘅脾性都係鍾意俾女人崇拜，你讚多佢幾句佢飄飄然就乜都肯制！！

私人傳訊

積分: 620

54^#

發表於 08-6-20 14:18 |只看該作者

原文章由 wmpl 於 08-6-20 05:52 發表
樓主，我Ｃ６阿媽都係啲咁嘅人嚟架，不過佢唔係話女人就一定要服侍男人嗰隻，而係非常小家咁要人哋嘅仔女老馮服侍佢啲仔女咁咋噃，所以我都好明白你條氣點解咁唔順，我Ｃ６阿媽仲過份好多好多倍潻，佢直情黐到每日要人哋好似佢成個工人咁 ...

嘩，咁變態？！要你服侍埋完屋企人添啊？！？！

雖然，我就未知日後，我嗰位未來99會唔會發展到咁嘅地步，但都足以令人恐慌兼反感非常了。但我想像到你當年嘅情況實比我難忍好多倍嘎啦。
服侍老公，或者6299都算啦，服侍埋全屋人，真係當正你係‘銀流金粉’度出嚟嘅一樣！！
真係好想知你係點樣行過嚟嘎咁多年？！
仲有你C6，係點樣train出嚟啊？！
你c6同我BF 都係好似!!
真係嘎，我講得多，他會覺得我煩啊，我覺得自己變得好囉嗦，要跟住尾，同他講‘食完啲嘢就收入去啦’‘用完啲嘢放返原位啦’……
其實我都驚講得多傷感情……..
一切都要多謝他母親大人！！！！

私人傳訊

YUKIYAN

子爵府

積分: 13209

好媽媽勳章

53^#

發表於 08-6-20 08:12 |只看該作者

原文章由 smartlulu 於 08-6-19 21:57 發表
嘩....佢咁變態ga,咁都講得出口??我諗佢個人都幾小家,邊有人會留意d豬排有幾舊係骨,幾舊係肉.夾到邊舊就食邊舊ga la~!!

咪就係囉!!

佢洗唔洗做到甘呀!!新抱就唔係人咩!!你估係以前D妹仔呀!要食"送"尾!!

你講得好岩,,佢真係好小家..咩都計到盡嫁!!

總之食親D咩都話要留番D比佢個仔!佢當個仔仲係BB甘!成日都話驚佢食唔飽,大佬呀!肚餓自然識找野食嫁啦!又話佢食埋D冇益野,,(我心LUM,,你整D野仲冇益喎!)唉,,,佢過分縱個仔,,真係攞我黎搞!!

私人傳訊

wmpl

積分: 3000

52^#

發表於 08-6-20 05:52 |只看該作者

樓主，我Ｃ６阿媽都係啲咁嘅人嚟架，不過佢唔係話女人就一定要服侍男人嗰隻，而係非常小家咁要人哋嘅仔女老馮服侍佢啲仔女咁咋噃，所以我都好明白你條氣點解咁唔順，我Ｃ６阿媽仲過份好多好多倍潻，佢直情黐到每日要人哋好似佢成個工人咁服佢啲仔女，係佢啲仔女，唔係淨係想我服侍我Ｃ６一個咁簡單，係要服侍埋佢全家上上下下咁先至叫係好女人，佢縱到啲仔好似低能兒童咁，連每日要換嘅臭襪都唔會自己執出嚟換，佢阿媽就每日都等佢啲仔女放工就喺佢哋對鞋度攞走啲舊嘅襪，再擺對新嘅落去，我初初睇到眼都突埋，心諗唔係下化？仲有好多好多好白痴嘅嘢我都費事講，三日三夜都講唔完。

不過佢鍾意點做真係唔關我事，我亦無權過問，但係佢意然想我一樣咁照顧佢啲仔女，我就睬佢都有味，我Ｃ６雖然唔會咁樣要求我，不過佢都已經好習慣咁樣做人，最初佢真係完全冇手尾到爆，同佢講佢初頭會照做，但係話多佢兩次就實嫌你煩，不過佢又唔係唔認同我噃，連佢自己都話佢阿媽成日都做埋啲多餘嘢，成日都當佢仲係細路仔，只不過Ｃ６把口雖然係咁講，但佢始絡都係好冇手尾，所以我先俾佢激死，不過到今時今日都已經好好多，但係我同佢都一齊已經十年呢～～

你ｂｆ都已經習慣俾人服侍，佢係唔會覺得有啲咩問題？就算佢係覺得有問題，但係人好多都係有惰性嘅，習慣咗一個模式就好難要佢改，所以你要對於日後嘅生活有心理準備，當然亦有啲男人係好錫老婆，好會自動自覺亦好有毅力去改，我亦衷心希望同祝福你ｂｆ係咁好嘅男人！！

私人傳訊

smartlulu

積分: 1181

51^#

發表於 08-6-19 21:57 |只看該作者

嘩....佢咁變態ga,咁都講得出口??我諗佢個人都幾小家,邊有人會留意d豬排有幾舊係骨,幾舊係肉.夾到邊舊就食邊舊ga la~!!

原文章由 YUKIYAN 於 08-6-19 20:03 發表
我老公都係因為佢老母服侍慣佢,要我同佢老母甘做...甘又唔見我同你老母甘唔洗番工!!(我而家讀緊書,,遲d都要番工的)
你估娶老婆番黎係做妹仔嫁...甘不如娶個賓賓番黎~~:;pppp:
我個賤人99仲白痴呀,,,有次佢買豬扒番 ...

私人傳訊

YUKIYAN

子爵府

積分: 13209

好媽媽勳章

50^#

發表於 08-6-19 20:03 |只看該作者

我老公都係因為佢老母服侍慣佢,要我同佢老母甘做...甘又唔見我同你老母甘唔洗番工!!(我而家讀緊書,,遲d都要番工的)
你估娶老婆番黎係做妹仔嫁...甘不如娶個賓賓番黎~~:;pppp:
我個賤人99仲白痴呀,,,有次佢買豬扒番黎..佢叫我淨係食有骨果d,多d肉果d留番比佢個仔囉!!!

慌死我食曬佢甘!!!痴線!!
佢都叫我日日整生果比我老公食~我睬佢都傻!要食佢自己整囉!我食燕窩佢又成日"提"我比d佢個仔食.....

白痴!!

私人傳訊

積分: 620

49^#

發表於 08-6-19 17:49 |只看該作者

原文章由 joey.yeung 於 08-6-19 00:49 發表
樓主!妳真的要想清楚
我同c6拍拖至生咗對女已超過10年
前排同個c6 因賤99已嘈離婚
所以結婚前妳要同妳男友講得清楚
如生咗baby後寧願請工人都唔好比99湊
我差啲進入產後抑鬱呢個世界 ...

joey.yeung好多謝你嘅建議啊，其實我喺BK度到都成日見好多share經驗。
我係絕對贊成婚後大家平等，唔會邊個服侍邊個咯！但係他屋企啲男人已經被她種到用完啲嘢係隨手放，無手尾。自己啲嘢亂曬都唔會執拾，所以我真係要用好多時間去train他。為咗唔想婚後‘處理’他的冇手尾我有同BF講明，除非我無做嘢啦，否則婚後家務一定係share嘅，都講明要遠離他媽咪買樓。
所以問題在於，返他媽咪家食飯時，即使係喺他家人面前做戲都我自己都難頂。

私人傳訊

Kinexma

男爵府

積分: 6606

48^#

發表於 08-6-19 04:55 |只看該作者

原文章由 豬豬狹83 於 08-6-18 14:17 發表
各位媽咪請幫幫手
其實我打算呢兩年就同我男朋友結婚，但係，佢亞媽而家竟然對我有咁嘅要求，我唔知同唔同我媽傾好，所以問咁多位媽咪，我應該點做??? 話說我已經有一排冇同佢屋企人見面啦，因為佢媽咪好煩， ...

唔洗激氣! 教佢請個工人咪得囉,
幾千蚊就攪掂晒, 大家都唔洗嘈,
如果請唔起 ge, 家務一定係大家分担,
同佢講鬼叫你窮咩.........

私人傳訊

wmpl

積分: 3000

47^#

發表於 08-6-19 02:04 |只看該作者

原文章由 mother904 於 08-6-18 19:14 發表

傻啦，有乜好驚呢？呢d野就預左架啦，邊個人背後冇人話？總之佢唔敢當面話我，已經叫做俾面啦。掉轉諗，我而家都係網度話緊佢啦，但求大家見到面扮下客氣，就已經好安樂啦。

我地做新抱既，就算做到一百分，99要話你一樣有野可以講，邊 ...

我都係咁話，一直都覺得無人不說人是非，個分別就係有冇加鹽加醋歪曲事實嚟講嘅啫，佢唔好俾我知，唔好煩到我就已經好呵哩吉蒂，仲好耐都唔該佢～～

私人傳訊

ahMeow