夫婦情感 今日: 1 | 主題: 42770

積分: 1732

1^#

發表於 15-3-17 15:43 |只看該作者 |正序瀏覽 |打印

c6係我初戀, 我係愛我c6~ 同c6一齊5年, 結婚2年, 仔仔歲半, 本身有做野, 但真係唔想仔仔俾99湊, 加上而家陀緊細b, 所以請左no pay自己湊返。 c6係個d老婆同阿媽跌落水, 一定係救阿媽個d。

我討厭拜神燒香嘅習俗, c6就覺得99做左安心就叫我遷就佢老人家。

買左樓裝修, 我想用靚料, 想搵人設計, 話晒都長住, 佢就覺得晒錢, 99屋企裝修就搵人設計。

仔仔歲半, 屋企雖然有請工人姐姐, 但我覺得湊小朋友係父母責任, 作為爸爸媽媽都應該主力照顧返, 姐姐係幫手, 如果話c6返工辛苦, 我只不過係想佢陪下仔仔玩, 而唔係一返到屋企就瞓落床睇手機, 睇漫畫, 睇小說。

c6好大男人, 咩都覺得自己岩晒, 同佢講又唔聽, 分析又話我煩, 又話有問題就係我有問題, 係因為我解決唔到個問題, 好多野都焗我接受。

我又唔慣99啲生活習慣, 99之前整爛我d野, 一句sorry/唔好意思都無, 淨係inform我“我打爛左你隻碗”, 但我媽咪不嬲教我做錯野/整爛野都要say sorry, 我媽咪打爛我隻杯都會講sorry。 99上次幫我阿仔著外套, 條拉鍊夾親仔仔條頸啲肉, 又無同阿仔講唔好意思, 我自己有d耿耿於懷。

我明白呢段婚姻係自己選擇, 或者會有人話結婚前都知佢係咁嘅人。但其實結婚前只有我帶c6返屋企食飯, 我有問c6點解唔帶我返去見佢屋企人, 我話我都未同你屋企人相處過, 佢淨係答我佢屋企人好好相處... 好啦, 而家出事啦，我唔同意99啲禮貌習慣, c6就話我唔appreciate佢媽咪, 但我心諗你一樣無appreciate我嫁左俾你, 幫你執屋生仔照顧你。我好想同佢講我真係appreciate唔到99, 因為99將你寵到咁自私, 而家仲話叫99湊, 咁即係寵多個自私精出黎? sorry, 我無咁偉大用我個仔嘅將來作賭注。

我唔係唔愛佢, 兩個人唔同環境大, 生活習慣一定唔同, 希望佢可以磨合, 錫我多d, 可惜佢做唔到。

0 0 0

私人傳訊

Pandorrabbity

積分: 1787

44^#

發表於 15-3-19 01:56 |只看該作者

引用：Quote:原帖由 Nancy20090615 於 15-03-17

原帖由 sche5149 於 15-03-17 發表
我明, 所以我同c6講, 禮貌唔關年紀事。應該say thank you嘅地方就要say thank you, 該say sorry就sorry, ...

係囉有時上—輩冇乜意識...不過個個年代習慣唔同又不能怪佢地.....我mammy 以前都冇...我地依家大個左\"train\" 到佢有...佢會笑笑囗話\" 唔該妳喎! \" 又學我地講英文\" I am所你( sorry) \"

私人傳訊

rila_ma

複式洋房

積分: 476

43^#

發表於 15-3-18 17:05 |只看該作者

回覆：sche5149 的帖子

樓主, 人會慢慢成熟, 明白什麼叫做化。當你既執著改變唔到現況之餘, 人應該慢慢微調自己, 讓自己好過一點。嫁雞隨雞既意思，假設你嫁去外國都要入鄉隨俗，如果下下都堅持自己生活方式，不但唔開心, 關係變差。還會屈出病來呀！你現在不明白, 過多幾年會明。當年我也是這樣, 現在不計較了！

私人傳訊

babybabyu

積分: 20097

42^#

發表於 15-3-18 15:52 |只看該作者

引用：Quote:原帖由 Nancy20090615 於 15-03-18

原帖由 sche5149 於 15-03-18 發表
可能我人生經驗不及你, 未考慮到咁多方面, 只係我都有我嘅原則, 我唔會去干擾人地嘅生活, 所以先希望人地 ...

其實我都一樣係咁執着，但當有一日，比我發現c6呃我的時候，我先發覺原來對住啲咁嘅人再執着落去係無意義，只會浪費自己心機，光陰，小朋友嘅教導同埋自己段婚姻

我唔一定話c6一定會衰，但你諗下，如果再咁落去，你要對住個你愛嘅人，但只有唔開心，辛苦嘅係邊個？你小朋友歲半，大家關係仍可以補救，我自己有2個小朋友，每個時候都有不同壓力，因為99，因為湊小朋友，，只係幾年時間，都已經想放棄婚姻，回覆自由

私人傳訊

lazywife

積分: 24263

41^#

發表於 15-3-18 15:46 |只看該作者

回覆：唔係唔愛, 但覺得唔開心

唔好將你外家果套，同奶奶果套比，根本就係自尋煩惱，多餘，我當年坐月，我阿媽同奶奶同我坐，我阿媽用番鄉下果套同我坐，我奶奶以為我阿媽唔錫我，虐待我咁濟，試諗下，如果我阿媽係奶奶角色，我又要玩比較，我阿媽應該上左婆媳版被誅滅既主角。

要記得，每人成長背景唔同，教出黎既人亦唔同，你覺得你果套寬容大量，曉以大義，人地亦可以認為你地懶有道理，成口廢話，咁大家都係得個吵字，永遠無和諧之路。兩個家庭因你同老公而和合，首要係你同你老公，要互相包容，再學下容得下佢家人，過程係辛苦，但婚姻就係咁，嫁個孤兒都有豬朋狗友出黎搞事搞非，何況直接既家人，唔好下下覺得我呢套點好，點正常，對佢地黎講，佢地亦都好正常。

私人傳訊

babybabyu

積分: 20097

40^#

發表於 15-3-18 15:40 |只看該作者

回覆：唔係唔愛, 但覺得唔開心

講真一句，自己生仔自己教養，你有工人已經好好，我做到有氣無掟抖，有時覺得自己發癲好痴線，但我同你想法一樣，對得99多，就養成多個自私精，爭害了自己和小朋友，c6唔湊仔，唔同仔玩。。我都因為呢樣野，成日發老脾，之前仲搞到想分開，但我同一個比我成熟嘅朋友傾，佢話男人係咁，如其嘈到大家都唔開心又無結果，咁不過唔好再要求佢做咩，諗下如果一日佢有5-10分鐘肯同個仔玩下，講下野，就當佢完成任務，，，我原本都對好多事情好唔開心，但現實係改變唔到，點解要咁執着，當你發覺世界唔係只有c6，你還有小朋友，仲有工人幫手，自己又有能力take care小朋友嘅時候，不過等自己心情好一點，小朋友會係你的覆影，到小朋友大一點，學會對弟弟有愛，互相照顧，先係你最大成就，我好慶幸我的小朋友十分相親相愛，我希望我嘅固執唔會再影響佢地，學會體諒別人

私人傳訊

yan12

男爵府

積分: 9026

39^#

發表於 15-3-18 15:31 |只看該作者

回覆 sche5149 的帖子

樓主我和你性格一樣好執著,亦都有出post,都係想呻下同聽意見...
硬鬥硬真係好唔開心,愈想解決就同老公講,愈講佢就話煩..真係在乎自己心態

無謂激心搞到關係愈黎愈差,大家一齊努力加油

私人傳訊

yan12

男爵府

積分: 9026

38^#

發表於 15-3-18 15:26 |只看該作者

回覆 sche5149 的帖子

我身同感受。我老公啲性格同你老公一樣。99又係傳統做錯野都唔sorry,唔講過左骨就算..
跌落水先救阿媽唔緊要,有時啲野實在太愚孝,有問題都係我自找問題搞出黎

有個自私又自我中心的老公只有苦自己知

私人傳訊

hello_kristy

男爵府

積分: 8463

37^#

發表於 15-3-18 14:26 |只看該作者

回覆：sche5149 的帖子

執著既性格，除左令你唔開心，就再無其他著數…

99無講對唔住，都咁耿耿於懷，小朋友成長既過程遇到既，你癲都似…

私人傳訊

岚月亮

積分: 20164

36^#

發表於 15-3-18 14:05 |只看該作者

引用：Quote:原帖由岚月亮於 15-03-18 發表你既

原帖由 sche5149 於 15-03-18 發表
我無同老公投訴, 所以先上黎呻下。

呻對你既作用唔大啊，你應該要做既就系改變自己既心態啊。

私人傳訊

Nancy20090615

瑪瑙宮

積分: 137519

35^#

發表於 15-3-18 14:01 |只看該作者

本帖最後由 Nancy20090615 於 15-3-18 22:05 編輯

sche5149 發表於 15-3-18 13:32
可能我人生經驗不及你, 未考慮到咁多方面, 只係我都有我嘅原則, 我唔會去干擾人地嘅生活, 所以先希望人地 ...

我有一樣野比您好少少, 係我 99 只鐘意捕响自己屋企, 要請佢先會出出黎其他人屋企, 同埋佢囝囡 d 野佢唔會多意見, 佢地只要比錢同多番黎同佢食飯佢已經够. 咁係煩少好多, 兩女相處必有惡鬥. 如果您唔可以反控制到, 您就要變得彈性 d , 目的係自己無咁唔開心同走向極端架咋.

私人傳訊

積分: 1732

34^#

發表於 15-3-18 13:44 |只看該作者

引用：一觸及屋企人, 兩夫妻關係就會變差。到時就

原帖由 rila_ma 於 15-03-18 發表
一觸及屋企人, 兩夫妻關係就會變差。到時就感覺到, 夫妻其實不及家人親既感覺。

...

所以我c6成日話一家人一家人, 但我就睇住佢對佢屋企人嘅態度同對我根本就唔同, 只係佢自己唔知。

私人傳訊

積分: 1732

33^#

發表於 15-3-18 13:40 |只看該作者

引用：關鍵是你老公想唔想拜神

原帖由 shpfamily 於 15-03-18 發表
關鍵是你老公想唔想拜神? 有d人想神保佑, 唔捨得唔拜咁.
人地set左, 你去搞, 又驚唔驚邪呢? 等陣拆走左, 有 ...

c6從來唔會理拜神, 只係99到時到候會打電話叫c6返99屋企拜, 佢拜完就走, c6係只要唔煩到佢佢就唔會理。

sorry唔sorry我睇完大家comment已經放開左, 我會盡自己努力教好個仔禮貌。

私人傳訊

積分: 1732

32^#

發表於 15-3-18 13:32 |只看該作者

引用：Quote:shpfamily 發表於 15-3-18 11:36 至

原帖由 Nancy20090615 於 15-03-18 發表
本帖最後由 Nancy20090615 於 15-3-18 12:10 編輯

可能我人生經驗不及你, 未考慮到咁多方面, 只係我都有我嘅原則, 我唔會去干擾人地嘅生活, 所以先希望人地都唔會干擾我, 我亦唔係奢望99點點點, 只係覺得有進步嘅空間, 佢唔會做我亦唔會開聲話佢, 佢老人家無唔開心, 我只係希望我c6做到條橋樑。我暫時只係no pay leave, 生完會出返去做野, 我都唔想我嘅世界只有屋企, 一生只為家庭勞碌。

私人傳訊