自由講場今日: 1610|主題: 1368884

收藏本版

發帖

返回列表

跳至頁

查看: 10688 | 回覆: 206

向華強宣佈中國星永不錄用栢芝, 並馬上飛出3D封神榜一片

[複製鏈接]

12 3 4 5...11

jessiecalvin

男爵府

積分: 6642

畀面勳章

1^#

發表於 15-3-17 17:11 |只看該作者 |正序瀏覽 |打印

本帖最後由 jessiecalvin 於 15-3-17 18:30 編輯

( 轉貼自生果日報的幾篇報導 )

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

中國星老闆向華強今日喺上環嘅辦公室接受《蘋果》記者訪問，痛斥喺《3D封神榜》飾演哪吒一角嘅張栢芝失場神經質變本加厲，更決定飛起栢芝，揚言永不錄用。

向華強今日表示，飛起栢芝呢個決定係噚日扑錘。眾所周知向太陳嵐一向十分痛錫栢芝，視其如親女兒，今次栢芝接拍《3D封神榜》，亦係因為栢芝主動向向太要求幫助，又認錯表示知道自己以前工作態度唔好，想重新開始；又指自己有兩個仔，壓力甚大云云，向太亦覺得栢芝獨自帶兩子十分吃力，故給予機會，豈料一開拍已唔對路。

向華強指，《3D封神榜》屬大製作，投資數億，卡士包括李連杰、梁家輝、古天樂、黃曉明等等，可是每次同場有其他巨星在場，栢芝感到自己受忽視，就發脾氣:「佢個心唔舒服，會比較。坦白講人人都比佢妤紅。」向華強又指栢芝故意刁難製片，失驚無神由新加坡返北京開工，但未有告知劇組，失驚無神現身，反指摘大家點解唔俾定啲戲佢拍。向華強歎道:「估唔到佢到今時今日都咁，變本加厲，死性不改。呢個係性格問題。」

向華強表示向太對栢芝深感失望同傷心，亦決定飛起佢出劇組，並斬釘截鐵謂永錄用:「唔會0架喇，我同向太都死心，會俾人笑。」

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

中國星老闆向華強謂栢芝喺拍攝大製作《3D封神榜》，不時失場，又發脾氣，甚至會因為同場有其他演員如古天樂、黃曉明、李連杰等喺度，搶咗栢芝嘅焦點，而令佢感不快。向華強直言不解:「講真，個個都比佢(栢芝)紅。」

向華強又舉另一個例子，佢話:「有次佢喺新加坡返北京開工，但又冇同人講，反而仲問人點解唔俾定啲戲佢拍，喺度刁難人，估唔到今時今日都咁，變本加厲，死性不改。呢個係佢性格問題。」

今次係向太俾機會栢芝，令其有翻身機會，估唔到又係咁，向華強感謂:「向太真係好失望同傷心。」

問道是否因為栢芝有個富商男友令佢心散？向華強就話:「我唔覺得，好多人都有有錢朋友，但工作還工作，應該專業0架啦！」

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

由向華強夫婦打骰嘅中國星，請來梁家輝、李連杰、古天樂、黃曉明等開拍大製作《3D封神榜》，號稱投資逾數億。栢芝是否天皇巨就見仁見智，但肯定戲中巨星如雲。栢芝失場，原來亦與此有關。

向華強向記者表示，今次換人，唔係一個輕易嘅決定:「呢個決定，一定會有重大損失。大家都知栢芝拍戲以前態度唔好，六七個月前，佢同向太微信傾，講下佢嘅家事。向太都知佢帶兩小朋友可憐，佢都知自己以前態度唔好，想改過從新嚟過，向太心軟，想幫多佢一次，反正之前都幫過佢，就係攞影后嗰次(04年憑《忘不了》)，當時栢芝拍晒心口話改，點知一拍就死性不改，故態復萌。」

向華強續道:「佢有D神經質，發脾氣，留難製片。因此部戲好多演員，古仔、黃曉明、李連杰，個個喺電影圈都比佢好，現場又有幾百人喺度，佢覺得人哋唔係咁注重佢，個心唔舒服，就會比較。坦白講，人人都比佢妤紅，但佢都戲多，同我仔(向佐)由頭帶到尾，但佢就因為呢啲事扭計。」

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

向太陳嵐向來視栢芝如女兒，曾給性格飄忽嘅佢無數次機會，包括今次拍攝呢部由中國星投資逾數億嘅《3D封神榜》，亦是因為栢芝主動喺微信向向太認錯，又指自己獨力照顧兩個兒子頗吃力云云，故向太心軟，又覺得可以handle到栢芝，這才獨排眾議，安排佢喺戲中飾演哪叱一角。豈料栢芝仍然死性不改。

去年9月，霆鋒與王菲世紀復合，栢芝情緒大受打擊，致電向太，崩潰痛哭數臭霆鋒，向太曾向傳媒表示：「佢只係為兩個仔傷心，因為個老竇完全唔關心兩個仔，呢個男人已經唔值得去愛, 藉向太把口令栢芝贏盡同情分，而《3D封神榜》亦係呢個時候向向太「R」戲成功博翻身。不過眼淚攻勢雖然感動到向太，但栢芝似乎未有好好珍惜機會，傷盡向太心，致狠下心腸由向華強宣佈中國星永不錄用栢芝，並馬上飛出《3D封神榜》一片。

向華強表示 :「想講下自己感受，平時多數都係向太出嚟講嘢，我自己好少接受訪問，但今次向太好傷心，覺得冇面，無奈換人。向太都唔識講，所以由我嚟講。」