國家地區媽媽會 今日: 0 | 主題: 20265

積分: 1446

1^#

發表於 15-3-23 01:04 |只看該作者 |正序瀏覽 |打印

代朋友一問，朋友唔係美國居民，持旅遊簽證到美國生bb，要自費到醫院生bb，冇保險，佢問過兩間醫院，一間係公立highland hospital, 一間係私立mills-pen insuba health services,兩間開刀價錢差不多（私立貴少少），佢依家諗緊去邊間好，煩緊幾個問題，睇下有冇jm可以幫手解答下：
1.呢兩間醫院質素點樣？係唔係私立各方面都好啲？例如環境，服務，技術？
2.如果揀私立，佢係經一位華人醫生去診所產檢，再到醫院生bb，語言溝通冇問題，公立嗰間就冇華人醫生，每次產檢，生bb可能都要搵翻譯，咁樣會唔會好麻煩？
3.如果生bb過程中有啲突發意外，公立同私立醫院嘅收費會唔會好唔同？私立會貴好多嘛？私立醫院嘅醫生會唔會胡亂收費？
問題多多，唔好意思，不過朋友仲有一個月左右就生得，都幾急下要下決定，所以都好希望有jm可以幫手解答下，萬分感激。。。

0 0 0

私人傳訊

積分: 174325

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

32^#

發表於 15-3-25 15:16 |只看該作者

sfmeow 發表於 15-3-24 21:48
係呀，雖然consumers report 話我呢邊d kaiser 最高分，仲高分過CPMC，聽唔少Kaiser d 野，所以我唔買Kaise ...

我Kaiser同CPMC都用過，你話CPMC舊，Kaiser仲攞命，不過都係好幾年前啦，我仔女都咁大。。。CPMC照超聲波影張相係3D架，Kaiser係黑白2D，儀器Kaiser比CPMC更舊，夠膽死我去Kaiser照第一次超聲波，搞完一輪佢話部機壞咗睇唔到，要我再約過再去，大佬呀，超聲波要飲好多水唔去小便架，忍完一輪你話壞機？

醫護人員我覺得CPMC pro D，Kaiser收好多新入行嘅，行政又亂，我出院第二日返去Kaiser等咗幾個鐘都冇人知我去錯地方，搞到我仔第三日黃疸過高要再入院住多兩三日，不過因為我有complication，成間產房嘅醫生輪流睇我，鬼咩，幾何有個個案俾佢地實習喎，傷口鬼咁大，搞到我去到第4個月至可以正常坐唔痛，總之就係差，你冇事冇幹係OK，但一有麻煩的話，真係好自為之。

我朋友係瞓足一日一夜冇人叫醒佢，冇人問佢係唔係餵人奶，冇人問佢要唔要止痛藥，我朋友話直覺班護士醫生唔想理佢。但我果陣成棚人入嚟巡房check BB，總之就係好唔同。

花旗太太生活在花旗國，留意時差，你問我未必即時答到。

私人傳訊

積分: 49428

hashtag影視迷勳章大廚勳章玩具勳章畀面勳章 BK猜猜猜慶中秋 BK Milk勳章

31^#

發表於 15-3-25 13:48 |只看該作者

回覆：rose-mag 的帖子

係呀，雖然consumers report 話我呢邊d kaiser 最高分，仲高分過CPMC，聽唔少Kaiser d 野，所以我唔買Kaiser 既保險，我鍾意自己有得揀用咩醫生用咩設施。

我仲未有聲氣

到我個陣希望cpmc 翻新左啦，宜家d 設施好舊。個度d 姑娘好好架，個陣個姑娘係博士，識得用手移正胎位，成晚係房。見我成晚係度，問我要唔要用d 吉既房沖涼瞓下覺，我話去家屬室瞓，又俾枕頭毛毯我。

講番你朋友，佢瞓著左緊係幫佢bb 餵奶粉啦，乜佢咁介懷。產婦最需要休息嘛，唔夠瞓邊有奶，我未生過有上產前後人奶班都知啦。

攞低收入睇醫生係咁求其架，我識人都係低收入睇醫生，佢又係話d 醫生好求其。講穿左就係低收入要醫生同診所填既claim form 又多，政府俾既錢又少。

除非係老人家啦，老人家就邊度邊間醫院都好好。

私人傳訊

積分: 1446

30^#

發表於 15-3-25 12:53 |只看該作者

BossCatCat 發表於 15-3-25 10:15
"朋友" 唔會開唔到 account 既...

叫你 "朋友" 安心生啦.... 返到香港記得同小朋友 ...

借問聲，返香港後點樣同小朋友報稅？可上網報嘛？通常幾月要報稅？thx

私人傳訊

積分: 1446

29^#

發表於 15-3-25 12:51 |只看該作者

rose-mag 發表於 15-3-25 08:42
都要，因為出院第二日要見檢查，之後好似第三日第七日兩星期等，bb嘅嘢幾錢都要俾，好彩嘅有黃疸就三日出院 ...

你講得啱，bb嘅嘢幾多錢都要俾咁同香港一樣，bb出世後都要定期返健康院檢查，
我叫朋友再試下開account先

私人傳訊

BossCatCat

男爵府

積分: 5859

28^#

發表於 15-3-25 10:15 |只看該作者

"朋友" 唔會開唔到 account 既...

叫你 "朋友" 安心生啦.... 返到香港記得同小朋友報稅呀 ...

點評

nikinokb

發表於 15-3-25 10:45

私人傳訊

積分: 174325

27^#

發表於 15-3-25 08:44 |只看該作者

引用：Quote:原帖由 cyberjason 於 15-03-25 發表

原帖由 rose-mag 於 15-03-25 發表
都要，因為出院第二日要見檢查，之後好似第三日第七日兩星期等，bb嘅嘢幾錢都要俾，好彩嘅有黃疸就三日出院 ...

i mean 冇黃疸就阿以早d出院。

花旗太太生活在花旗國，留意時差，你問我未必即時答到。

私人傳訊

積分: 174325

26^#

發表於 15-3-25 08:42 |只看該作者

引用：Quote:rose-mag 發表於 15-3-25 07:35 唔係

原帖由 cyberjason 於 15-03-25 發表
hi,我朋友唔知點解開唔到accout，所以都係佢有咩問題就由我代問（我哋用whatsapp）, 雖然佢喺美國有朋友照 ...

都要，因為出院第二日要見檢查，之後好似第三日第七日兩星期等，bb嘅嘢幾錢都要俾，好彩嘅有黃疸就三日出院，唔係要住多幾日照燈，跟住要確定無問題至好飛。其實滿月會比較好，起碼都去埋一個月檢查，但或者簽証有限期就無得講。

開唔到account 可能係ip喺美國，呢版置頂有教，要電郵通知管理員，叫你朋友睇完跟住做先，開都需時架。

花旗太太生活在花旗國，留意時差，你問我未必即時答到。

私人傳訊

積分: 1446

25^#

發表於 15-3-25 08:26 |只看該作者

rose-mag 發表於 15-3-25 07:35
唔係架，一定要有兒科跟進，唔係有病至要睇，美國呢邊係預防勝於治療，大人細路都定時做檢查，即使喺香港都 ...

hi,我朋友唔知點解開唔到accout，所以都係佢有咩問題就由我代問（我哋用whatsapp）, 雖然佢喺美國有朋友照應，carseat都準備好，不過佢朋友又唔係好熟悉醫院情況，得到你哋一班熱心媽媽嘅解答真係太好了！我朋友知道除咗開刀費要交之外，仲要交麻醉費同小兒照顧費，佢就想知除咗住院期間嘅小兒照顧，出院後仲要唔要額外再搵診所嘅兒科醫生？定係可以返香港後再去健康院做檢查同埋打預防針？佢生完大概兩個幾禮拜後就返香港

私人傳訊

積分: 174325

24^#

發表於 15-3-25 07:35 |只看該作者

引用：多謝各位jm嘅詳細資訊，對我朋友真係好有幫

原帖由 cyberjason 於 15-03-25 發表
多謝各位jm嘅詳細資訊，對我朋友真係好有幫助，佢都好感激各位
佢亦都已經揀咗mill pen，好在冇揀錯 ...

唔係架，一定要有兒科跟進，唔係有病至要睇，美國呢邊係預防勝於治療，大人細路都定時做檢查，即使喺香港都係，小朋友第一次係定期見醫生，出院第二日第七日兩星期一個月兩個月三個月半年一年，之後年年檢查，淨係預防針都要打，未揾兒科快趣揾，因為出世第二日就會去醫院檢查bb, 你朋友一定冇點睇美國呢邊育兒書啦，醫院講座係必須要去聽下。樓主你其實喺唔喺美國？你有小朋友未？不如叫你朋友上bk開個account直接問啦，我真係有d擔心，就生啦，好似仲有好多嘢未準備好。

花旗太太生活在花旗國，留意時差，你問我未必即時答到。

私人傳訊

積分: 1446

23^#

發表於 15-3-25 07:09 |只看該作者

多謝各位jm嘅詳細資訊，對我朋友真係好有幫助，佢都好感激各位

佢亦都已經揀咗mill pen，好在冇揀錯，我都會叫佢聽各位意見去參加下導遊團同母乳班，希望佢一切順利喇！
另外，佢今日去診所見醫生，醫生話bb出院後，又要去睇下兒科醫生，其實如果bb冇特別問題，需要再花錢去睇兒科醫生嘛？

私人傳訊

積分: 174325

22^#

發表於 15-3-25 06:16 |只看該作者

sfmeow 發表於 15-3-24 13:25
CPMC 最正係有雞湯飲我估經濟無以前咁好，sponsor 少左，所以少左卦？呃福利係宅洗d，你朋友好心 ...

唔關事呀，我朋友好醒，邊會俾人見到貴手袋，係我知道啫。
佢10年前生架啦，早過我添，果陣佢話冇人問佢餵咩，生完由得佢瞓，
咁佢女自然係俾人餵奶粉啦，佢識英文架，CPMC好多唐人護士添。
當時佢係拎WIC，朋友話聽其他人講（又係呃福利扮低收入果班人），
好多醫院工作人員係咁，對低收入人士有偏見。。。

我果陣都七八年前，不知幾好，白人唐人護士對我都好好，
我其實第二胎，但第一胎餵得唔好，所以叫佢地教，好多個都好俾心機，
有個唐人護士仲一更入嚟睇我六七次，睇任我餵好仔細咁教，
有個鬼婆話我比較難餵到，個唐人護士叫我唔駛驚，我一定得，
結果真係，佢已係婆婆級，好有經驗，當然都要睇下好彩遇著咩人。
果陣我真係好多嘢拎走，尿片衫仔床墊到水奶都好多。

第一胎去Kaiser都好多嘢送，但D護士唔多得，醫生又有一大批實習嘅，
點解我話靠翻譯大件事就係我喺Kaiser生時見到，住咗幾日見到好多，
得閒慢慢八過你知，得的話去CPMC。。。

花旗太太生活在花旗國，留意時差，你問我未必即時答到。

私人傳訊

積分: 49428

hashtag影視迷勳章大廚勳章玩具勳章畀面勳章 BK猜猜猜慶中秋 BK Milk勳章

21^#

發表於 15-3-25 05:25 |只看該作者

引用：Quote:sfmeow+發表於+15-3-24+08:04+呢邊d+

原帖由 rose-mag 於 15-03-25 發表
Mill Pen係under Sutter Health，其實唔錯，即SF嘅CPMC同一機構，生仔當然係CPMC好啦，簡直係享受到唔想出 ...

CPMC 最正係有雞湯飲

我估經濟無以前咁好，sponsor 少左，所以少左卦？呃福利係宅洗d，你朋友好心佢呃都做足戲，唔好攞貴手袋呃福利丫。人地睇到咁實對佢唔好啦，哈哈。

十幾年前一間房包埋visitors 餐，宜家唔包。以前係成箱玩具幾箱奶粉奶水用品拎走，乜都唔洗買，多到俾番佢。前排少左好多。CPMC 都舊lu，之前話會翻新，我唔記得詳情。我睇開個醫生診所都係個頭，好難泊車，連停車場都無位。

係咪你朋友無join 餵人奶既class 呀？CPMC 好鼓勵餵人奶架喎

私人傳訊

積分: 174325

20^#

發表於 15-3-25 04:22 |只看該作者

sfmeow 發表於 15-3-24 08:04
呢邊d 醫生同香港醫生一樣，有限住某幾間醫院掛單，所以最好問番你朋友既華人醫生推薦邊間醫院啦。既然係 ...

Mill Pen係under Sutter Health，其實唔錯，即SF嘅CPMC同一機構，生仔當然係CPMC好啦，簡直係享受到唔想出院。不過我有朋友喺同一間生，佢係攞低收入（其實佢係呃福利，有錢買幾千蚊一個手袋去攞WIC），佢話D護士對佢好差，唔教佢餵人奶，出院亦都冇大包小包嬰兒用品，咁都冇錯嘅，我份保險我有份俾錢，咁我攞番我自己俾咗錢嘅嘢都係好應份。

花旗太太生活在花旗國，留意時差，你問我未必即時答到。

私人傳訊

積分: 49428

hashtag影視迷勳章大廚勳章玩具勳章畀面勳章 BK猜猜猜慶中秋 BK Milk勳章

19^#

發表於 15-3-25 00:04 |只看該作者

引用：Quote:sfmeow+發表於+15-3-23+19:32+點樣為

本帖最後由 sfmeow 於 15-3-25 00:06 編輯

原帖由 cyberjason 於 15-03-24 發表
sfmeow,好開心見到你嘅回覆，多謝哂，你嘅提議好好，我都會同朋友講聲參加導遊團後再決定。聽你咁講，highl ...

呢邊d 醫生同香港醫生一樣，有限住某幾間醫院掛單，所以最好問番你朋友既華人醫生推薦邊間醫院啦。既然係開刀生，都唔需要擔心，預早去到就得。有d 醫院有中文義工負責醫院tour，醫院gift shop 有齊需要用品買，mill pen 幾好架，上間醫院既網睇下相關資料。

私人傳訊

積分: 49428

hashtag影視迷勳章大廚勳章玩具勳章畀面勳章 BK猜猜猜慶中秋 BK Milk勳章

18^#

發表於 15-3-24 23:48 |只看該作者

回覆：rose-mag 的帖子

十幾年前入院係幾千蚊就得.... 出院張單金之嘛！到時一頸血

私人傳訊

積分: 49428

hashtag影視迷勳章大廚勳章玩具勳章畀面勳章 BK猜猜猜慶中秋 BK Milk勳章

17^#

發表於 15-3-24 23:46 |只看該作者

回覆：眼訓的帖子

我記得新聞講佢地係呃政府、出假證明，先至有呢個價錢，令到政府損失左好大筆錢，所以要捉晒佢地。

私人傳訊

積分: 174325

16^#

發表於 15-3-24 15:21 |只看該作者

眼訓發表於 15-3-23 22:23
回覆 rose-mag 的帖子

父母犯法姐，小朋友仲可以用14th ammendment來抬起頭做人。其實我唔反對d人來生仔。 ...

過嚟生仔如果唔呃福利唔要納稅人找數的話，我覺得可以接受，但事實好多人用假醫生紙虛報產期入境，之後就過期居留，以前BK呢度都有黑市居留大大聲喺度教人點做可以最後成功轉身份，呢D全部都係香港人嚟，心態係點我唔明，只係呢度一定唔俾人講犯法嘢就係。

如果攞咗美籍之後留喺度做嘢，又或者去返大陸又照納美國稅的話，我覺得冇問題，但事實上有幾多我唔知。我識嘅有錢大陸人真係想走，因為黑心食物太多，學額又係問題，讀書競爭大，有錢都讀到死死吓，當然我指嘅唔係果D二世祖富二代，真係有班人以讀書脫貧，呢班嚟度留得低係打死都唔返去，就算有好工請返大陸都唔去，有朋友話：「咁辛苦走得出嚟，我點解要返去，錢度度都搵得到，但命得一條，有錢去高級餐廳都唔知食咩落肚！」

類似說話我唔只聽一個人講，當然有一班真係勤力嘅踏實嘅，嚟到對社會有貢獻有交稅，問題係只要有一小撮人做壞榜樣，我地所有黑頭髮黃皮膚都被人標籤，喺人地地頭做小數民族，冇歧視就假嘅，問題係點解仲要俾籍口人地歧視自己？

香港有部份人想嚟美國，因為暫時仲係只要過到嚟生仔個仔就有美籍，但我想話係想嚟嘅有幾多人真正少解成為美國人有咩責任同義務，時不時見到自由D帖講到美國有幾差有幾衰，好似鬼地方咁，仲有好多知少少就扮代表，好多都stereotype晒，以偏概全，另外有部份人只睇好果邊，但最煩果D冇人深究，全球徵稅、軍事呢D已經係香港冇嘅。

讀書嚟講，美國比香港壓力少，但唔係冇，呢邊教小朋友要好多時間，如果以香港果套喺呢度教養小朋友一樣辛苦，問題係喺美國你可以揀唔谷到個小朋友冇時間玩冇時間瞓，不過依然有父母都係奉行香港果套。

花旗太太生活在花旗國，留意時差，你問我未必即時答到。

私人傳訊

眼訓

子爵府

積分: 14621

環保接龍勳章大廚勳章

15^#

發表於 15-3-24 14:23 |只看該作者

本帖最後由眼訓於 15-3-24 14:24 編輯

回覆 rose-mag 的帖子

父母犯法姐，小朋友仲可以用14th ammendment來抬起頭做人。其實我唔反對d人來生仔。大家都係為尋找好d既生活來美國，no problem。但係你理直氣壯咁話合法入境又剩，拿呢個我有問題啦。你唔隱瞞，你老老實實同海關講話係原居地受文革年代一般的逼害，要來生仔又入到境。。。我真心接收到。你真係冇錢，幫你接生埋，冇問題。

唔講樓主朋友想點啦。大陸去月子中心嗰d，生完就走架啦。小朋友根本冇受美國文化熏陶。大左以美籍身份讀大學（我打死唔信會正價讀囉）都唔緊要，最緊要讀完後貢獻社會。但我有預感呢班會拍拍籮友renounce個美籍返大陸打工囉，又如何？

http://money.cnn.com/2015/03/16/technology/china-tech-jobs-jd-com/index.html

更何況一般香港人根本不屑來美國。蒲一陣自由版已經知。

你今日backup左未？

私人傳訊

lottieclee