吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 人地亞媽好難攪, 請幫手

婆媳關係今日: 0|主題: 27782

收藏本版

發帖

返回列表

跳至頁

查看: 3399 | 回覆: 25

人地亞媽好難攪, 請幫手 [複製鏈接]

ahblow

洋房

積分: 78

1^#

發表於 08-6-20 14:19 |只看該作者 |正序瀏覽 |打印

未係人地媳婦既我, 已感覺到婆媳關係真係好難攪. 我識我男朋友既時間, 佢係一個人住. 所以我地開始同居生活. 但最近哩半年, 為咗佢亞爸亞媽要搬入黎我地到住, 真的令我很煩惱. 因為我知, 我根本無可能同佢地一齊住. 我從過時過節食飯感覺到, 哩2位老人家係唔講道理, 唔理人感受, 有佢講無人講個種人. 所以我每次出去食飯都係坐係到, 得個食同聽. 唔會加入佢地既話題, 因為實在無法溝通. 老實講, 我唔係唔鍾意老人家, 之前我同ex.既父母都相處得好融洽, 可以單獨同ex.個媽咪出街食飯. 但我以家個男朋友既父母很係好難攪. 希望各位睇咗以下既實例, 比d意見我.

例一: 人地亞媽生日, 男朋友諗個地方一齊食飯慶祝. 點知一路食一路"彈", 哩樣唔好食, 哩樣唔抵. 我覺得講唔緊要, 唔好講到咁大聲, 連左右隔離都聽到. 之後, 男朋友唔再發表去邊到食飯, 等2個老人家話事, 去到2老話事既地方食, 佢地一路食一路讚, 你地睇下哩度幾抵食, 幾好味.

例二: 母親節食飯, 事前人地亞媽已經打電話黎, 問男朋友當晚佢負責埋單, 有無問題. 咁問得, 可以話有咩. 之後話要食buffet, 男朋友一家都5個, 唔係細老d仔女同女朋友. 當晚去到, 原來人地亞媽約好契仔一家出黎, 整整齊齊, 一行18人. 我以為分開單, 最後男朋友一個人比晒, 雖然唔係幾百蚊一個人, 但都要百幾蚊一個, 總數係3千多元. 最慘係契仔個家人唔知有人請, 令到人地好尷尬, 人地一心同媽咪食飯慶祝, 攪到好似人地黎"痴"食咁. 要請人食飯唔好簡母親節個日, 咁會令到人地d仔女好尷尬.

例三: 原本佢地有層樓, 因為要幫個細仔還賭債, 所以賣咗. 話想同我男朋友住. 我唔想男朋友難做, 所以答應比2老入黎搬, 因為男朋友話, 佢地會退休返大陸, 只係間唔中落黎香港住幾日. 但以家未搬入黎, 已經將好多嘢搬咗黎先. 廚房用品一大批. 好似上倉咁. 都唔緊要, 最重要係d嘢好污穢, 好似支蠔油, 個樽外面可以有蠔油係到. 又將我掉咗既垃圾執返黎用, 過期罐頭, 生锈既罐.

唉. 仲有好多, 不過講唔晒, 以上經典既事. 但我男朋友覺得, 佢地係佢父母, 佢地要求到咪盡力去做. 我都認同考順父母係岩, 但唔係每件事都可以遷就, 咁只會令佢地覺得, 佢地做所有嘢都係岩.....都唔明點解d老人家唔會體諒人. 以家佢地好似我同佢爭仔咁. 樣樣都同我作對. 我真係唔想因為哩件事而令到我同男朋友關係唔好. 大家可唔可以教下我, 點可以令2老知難而退.

0 0 0

私人傳訊

siufai

民房

積分: 56

26^#

發表於 08-7-4 10:52 |只看該作者

未是心抱，你己受不住，不如你自己一個住下先，等你男朋友去到受不到，佢會明白你感受，但if你男友是孝順仔，甘你最好講明不同９９６２住，，否則都是無好結果，等到人地不在，你會好後悔委屈自己去生活。

私人傳訊

qq媽媽咪

瑪瑙宮

積分: 129950

馬年勳章 2026勳章母親節2025勳章 2025勳章蛇年勳章 2024年龍年勳章 2018復活節勳章開心吸收勳章好媽媽勳章 BK Milk勳章

25^#

發表於 08-7-4 08:52 |只看該作者

橫掂你又未結婚..你一於搬走...等佢地都知道你係唔會同
佢地一齊住. 就算第時結婚. 佢地都知你唔同佢住...都唔會
點為難你同你c6...同埋都會對你有所避忌.

私人傳訊

IaMMoYY

子爵府

積分: 12198

24^#

發表於 08-7-3 23:49 |只看該作者

Honestly, you are only a girlfriend. The three examples you quoted is their family issues, not yours. The apartment belongs to your boyfriend, if he agrees, why can't his parents put things into his apartment?

私人傳訊

pauline6

大宅

積分: 1904

好媽媽勳章

23^#

發表於 08-6-23 03:28 |只看該作者

AGREE, 你快ｄ搬走先...

見您講其他例子，您６２９９都唔方好人，您男友又係孝順仔....
如果結咗婚要一齊住，我會選擇分手....

原文章由 Candykok 於 08-6-20 14:35 發表
佢o地入o左嚟之後, 你到最後只有一條路, 就係輪到你搬走, 仲有就係分手收場. 我唔係嚇你o架! 太多例子啦.

私人傳訊

smartlulu

大宅

積分: 1181

22^#

發表於 08-6-22 23:55 |只看該作者

原文章由 牛精仔 於 08-6-21 10:53 發表
果個係人地個仔, 樓主又未入門, 點計都係外人, 最好方法就係樓主自己搬走。bf 係緊張嘅, 佢自己同屋企人拆掂佢....

係呀,你再喺度住好有可能會影響你同你BF嘅感情,寧願你自己搬走,見唔到佢地"冇眼屎乾淨盲":;pppp: ,如果唔係你同佢地D關係攪到愈嚟愈差,第時入門有排你受呀~!!!

私人傳訊

carmanbaby315

別墅

積分: 507

21^#

發表於 08-6-22 18:19 |只看該作者

我都係咁話,唔好一齊住呀,你一定會好後悔.你個bf都係孝順仔就會咩都就佢父母,你都會係次要黎..以前我會覺得係孝順仔先好,而家結左婚反而覺得孝順未必係一件好事囉..(仲要係同99一齊住既時候)..三思呀

私人傳訊

piyo28

大宅

積分: 3308

20^#

發表於 08-6-21 11:29 |只看該作者

你冇計架喎, 你仲未係人地新抱, 就算係, 你唔通唔比佢地入黎位咩, 除非, 你地有能力租一層樓比2老住啦. 不過, 始終都係個句啦, 相見好, 同住難呀.
我見我個friend 同佢6299住, 佢6299唔係dirty人呀, 反之, 係超要乾淨既人, 煲完水既水煲, 都要再重新用膠袋套住, 話怕有塵喎. 咁你話啦, 咁樣點住呀, 跟住我個friend就同老公搬出去住啦.
你睇下, 你男友可唔可以租一個地方比2老住把啦.

私人傳訊

牛精仔

琥珀宮

積分: 157928

玩具勳章好媽媽勳章醒目開學勳章畀面勳章叻叻勳章 2011精緻種植勳章環保接龍勳章 BK猜猜猜慶中秋 BK Milk勳章

19^#

發表於 08-6-21 10:53 |只看該作者

果個係人地個仔, 樓主又未入門, 點計都係外人, 最好方法就係樓主自己搬走。bf 係緊張嘅, 佢自己同屋企人拆掂佢....

私人傳訊

Candykok

大宅

積分: 2636

好媽媽勳章

18^#

發表於 08-6-21 08:41 |只看該作者

九州Harmony Land

原文章由 hinleungwah 於 08-6-20 15:49 發表
HELLO! 你好! 幅相好靚, 請問後面XO摩天輪係邊到影!

私人傳訊

karemom

複式洋房

積分: 451

17^#

發表於 08-6-21 00:23 |只看該作者

原文章由 Candykok 於 08-6-20 14:35 發表
佢o地入o左嚟之後, 你到最後只有一條路, 就係輪到你搬走, 仲有就係分手收場. 我唔係嚇你o架! 太多例子啦.

同意, 你仲係同局階段, 如果佢地難相處, 你地好易分開架. 我結左婚, 都會因為佢阿媽而有想過同老公離婚啦, 何況你地...

私人傳訊

cc0202

男爵府

積分: 6160

16^#

發表於 08-6-21 00:05 |只看該作者

原文章由 Irismammy 於 08-6-20 14:38 發表
唯一方法，就係你自己搬走！

100% agree

私人傳訊

onon1022

子爵府

積分: 12600

好媽媽勳章

15^#

發表於 08-6-20 23:57 |只看該作者

其實間屋係你男朋友...即係佢地個仔...佢地覺得自己有權搬入黎住...而且你男朋友係佢養大...你唔鍾意...你可以走...或者試下同你男朋友傾下...或者嚐試接受佢地...比d時間大家去接受對方...如果唔得...唯有就係你自己搬走...

[url=http://lilypie.com][img]

私人傳訊

KoyeBaby

子爵府

積分: 12904

醒目開學勳章畀面勳章

14^#

發表於 08-6-20 23:49 |只看該作者

千祈唔好同佢哋一齊住呀!!!睇你呢幾個例子已經大概聯想到佢哋係個咩人,到佢哋搬到入屋你實無"訂"企,當你妹仔咁用呀!!
好似其他mama咁講,搬返去自己屋企先,睇你bf嘅反應再做決定!!要搬就要早過兩老,唔係住住下先搬,佢哋實有說話講,話你嫌佢哋阻住!!
相見好同住難係真架~我依家正處於水深火熱之中,日日夜夜都諗住搬離6299,你唔好咁傻自己踩落去呀!

私人傳訊

OneOneMa

大宅

積分: 1038

13^#

發表於 08-6-20 16:44 |只看該作者

不如你搬走啦... 嗰兩個係佢父母, 搬入黎你話唔好都唔得...
如果第日佢地邊幾日返大陸, 你咪返去住囉... 佢地幾時返你就幾時閃, 相見好同住難呢個道理響 bk 實在見唔小, 你同你 bf 講你搬返出去只係唔想有 argue, 攪到最後大家唔開心。

私人傳訊

wxxyxn

大宅

積分: 2339

12^#

發表於 08-6-20 16:11 |只看該作者

唔會返大陸架，我成日聽d fd講d父母要返大陸住，到而家一個都冇返，妳自己搬返屋企罷啦，要結婚咪買過/租過另一層樓lor，見好就搬啦，遲d反晒面先搬男朋友都冇埋

私人傳訊

hinleungwah

大宅

積分: 1360

11^#

發表於 08-6-20 15:49 |只看該作者

HELLO! 你好! 幅相好靚, 請問後面XO摩天輪係邊到影!

私人傳訊

hinleungwah

大宅

積分: 1360

10^#

發表於 08-6-20 15:47 |只看該作者

[quote]原文章由 ahblow 於 08-6-20 14:19 發表

例一: 人地亞媽生日, 男朋友諗個地方一齊食飯慶祝. 點知一路食一路"彈", 哩樣唔好食, 哩樣唔抵. 我覺得講唔緊要, 唔好講到咁大聲, 連左右隔離都聽到. 之後, 男朋友唔再發表去邊到食飯, 等2個老人家話事, 去到2老話事既地方食, 佢地一路食一路讚, 你地睇下哩度幾抵食, 幾好味.-->
逢是同99出街食飯, 我5會有意見, 因為只有佢建議去邊到食, 如果同c6提議去A地方, 亞99點都會提議去B地方, 所以...

mouth:

另外如同我老豆食, 佢又係同你"人地亞媽"一樣, 嫌呢樣嫌個樣, 好煩, 所以好怕同我老豆出街食.

例三: 原本佢地有層樓, 因為要幫個細仔還賭債, 所以賣咗. 話想同我男朋友住. 我唔想男朋友難做, 所以答應比2老入黎搬, 因為男朋友話, 佢地會退休返大陸, 只係間唔中落黎香港住幾日. 但以家未搬入黎, 已經將好多嘢搬咗黎先. 廚房用品一大批. 好似上倉咁. 都唔緊要, 最重要係d嘢好污穢, 好似支蠔油, 個樽外面可以有蠔油係到. 又將我掉咗既垃圾執返黎用, 過期罐頭, 生锈既罐.-->
所以相見好(都唔係相見好), 同住難. 都沒有辦法!