眼訓 發表於 15-4-13 17:24 
我冇小朋友呀！（我未achieve到放棄事業都唔會後悔個階段）
係我細個時，我親戚叫我阿媽送我去私校咋。
咁 ...
但vision好差，兩年一副眼鏡，又冇人肯收，因為cheap，
所以我就買我自己公司份vision包全家，一年一副眼鏡，
又有coating，又包dual visions，有間眼鏡舖個老細話未見過咁好嘅plan。
我冇買公司份醫療，但因為我住呢度有規定，公司要俾番一定錢我作醫療費用，
於是我老公果份唔包嘅，我可以入紙reimburse，藥錢治療錢copay。。。
但其他城市冇，人工高過一定數又冇，不過要次次自己報單。
你講得無錯，我地以為理所當然，原來有人會相反睇法。
你未有小朋友可能唔知，最近學校改課程，好多家長嘈，
話個課程唔掂，更有家長威脅會將仔女轉去私校，講真，
好多家長自己都唔明係點，只係覺得同自己以前學嘅唔同就反，
老師都話要深入研究下，絕對唔係完美，但有改善空間，
我都反感要我仔女做白老鼠，但有D嘢有錢就口響，冇錢讀私校果D點？
唔通人地就唔係人咩？我打死唔信要讀到最top將來至會好，
讀書求知識係必要，但我更著重身心成長，好多嘢真係要平衡，
有時家長自己唔覺，但壓力係無形，身教更重要，有咩家長就有咩仔女。
試過有個5歲小朋友話將來要做律師，問佢點解呀？佢話可以搵到好多好多錢，
個家姐話要做醫生，又係因為可以搵到好多好多錢，父母眼中只有錢，
咁小朋友耳濡目染會有D咩大志願？又聽過五六歲講字正腔圓廣東話粗口，
我係大人都覺得唔好意思公開講，小朋友居然面不改容，當場真係嚇到O晒嘴。
homeschool又係兩面睇，有朋友因為學校理念唔同，
小朋友亦學唔到嘢，自己毅然決定homeschool，我好佩服佢，
好大責任，亦都要好有決心同平衡到至得。見另一個人homeschool幾個仔女，
一年下來資助好過去返工，仔女學到幾多我有懷疑，所以好多嘢都係正反。
我初初嚟到都成日問why，點解咁唔公平？點解會咁架？
慢慢練到退一步去睇，去到公園見到有D細路玩得太粗野，
我唔會去同人教仔，叫自己仔女守秩序，覺得有危險就會帶仔女走，
有D父母係放羊咁咩都唔理，你嘈佢仲話番你轉頭。
星期日老公帶住仔女經過見到有個小朋友俾架車碰到，
冇撞到亦唔見受傷，但個媽就同個司機嘈，話佢點解唔小心碰到佢個仔，
當時個媽係推住一架troller，有個歲幾嘅，前面一個大少少有四五歲，
再後面拖一個細D，望落三歲大，俾車掂到果個就係三歲大果個，
司機話佢根本睇唔到個小朋友，又實在係架，佢咁細個好矮。
我當時覺得個媽都有問題，好多人由得D細路自己行，唔拖唔理，
呢個話有拖住，但就冇留意個仔同有車轉緊彎泊位。個小朋友爆喊，
又話背痛，於是老公行過就幫佢地報警，點知個媽鬧我老公，
話幾時叫你報警？咁多事做咩？我老公話個小朋友俾架車碰到又話痛，
點都要去驗下傷，個媽好惡咁話我老公多事。。。真係唔知佢想點，
又唔想報警又唔想驗傷但又拉住個司機鬧，除咗覺得想屈錢或者蠢之外，
我想唔到合理原因解釋，但真係有D咁嘅人。
花旗太太生活在花旗國，留意時差，你問我未必即時答到。
發表於 
返回列表
