吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 親子旅遊› 五天包車台北、野柳、九份、十分、飛牛行程分享 ...

親子旅遊今日: 2|主題: 161711

收藏本版

發帖

返回列表

跳至頁

查看: 2694 | 回覆: 8

[台灣] 五天包車台北、野柳、九份、十分、飛牛行程分享 [複製鏈接]

瑩瑩老豆

王國會長

積分: 27592

王國會長

1^#

發表於 15-4-12 17:42 |只看該作者 |正序瀏覽 |打印

本帖最後由瑩瑩老豆於 15-4-17 22:17 編輯

機票: 因3月中才book, 千多元一張的平價機票只剩夜機去/早機返, 又或好貴, 結果買左中華航空, 午機去, 夜機返, 三大一細商務客位共 $9400. 唔少人覺得搭華航唔好(包括我自己), 但搭完完全冇問題, 服務也不錯, 只係空姐全部講普通話的.

酒店: 西門町永安棧三晚(二人房加床), 每晚NTD6800; 飛牛一晚(得一間五人房), NTD5200

包車: 第一日NTD1300 (機場往酒店, 中間停中正記念堂半小時); 第二日NTD4000 (野柳、九份、十分共9小時); 第四日NTD4500 (台北往飛牛, 中間沿途遊覽共6.5小時); 第五日NTD2300(飛牛往機場); 另佢加送五日wifi 旦, 可無限上網. 請大家不要留貼問攞包車資料, 請自行點上面包車連結, 以免被關貼.

行程:
第一日四點準時到台北, 但過海關超超級慢, 足花了45mins, 出閘包車舉牌在等, 先在ATM 提NTD20000 (HKD 4999). 先要包車去中正記念堂到此一遊, 留了半小時在廣場影下相, 再車去酒店, 包車共NTD1300.
check in 后, 在西門町找東西吃和行下, 徧徧找中間好難食的意粉.
今日到台灣明顯涷左, 之前一兩日仲有成30C, 今日得返16C 左右, 仲有微雨.

第二日約左包車10:15 往野柳、九份、十分, 往野柳地質公園要一個小時多些, 野柳地質公園大約行45mins, 司機做埋導遊(佢話佢有導遊証, 得閒做下freelance 揸下包車)帶我地行和幫我地拍照, 主要看那些石頭包括女王石, 今日海邊好大風也好涷, 中午在野柳公園門口的飯店吃飯; 食完出發往陰陽海、黃金瀑布. 那裏基本上係經過, 停留約十分鐘便去九份. 本來一直都天陰, 到了九份開始落雨, 司機帶我地行過第一間戲院、誤傳的千と千尋茶館、食芋圓、行老街(商店), 講真九份其實冇乜好行, 主要都係去老街商店迫人, 唔去都冇乜所謂, 然后開車去貓村, 但落雨, 貓怕水都躲在室內, 再去十分放天燈, 比左錢就在天燈寫願望, 然后工作人員會點著天燈, 要我們拿著, 由他拍照便放上天. 最后司機話可買煙火放, 唔係放上天果D, 只係手拿著燒果D, 放完后便開車回台北, 約七點多回到台北, 全程9小時, 包車NTD4000. 晚上去食附近鴨肉扁, 其實係一碟鵝肉加每人一碗粉, 但我覺得香港的鹵水鵝仲好味, 因天氣仲係好涷, 又去左UNIQLO 買衫.

第三日台北市內遊, 去坐貓空覽車上貓空, 在上面食埋lunch, 去埋貓空cafe 食雪糕(以寒驅寒). 再去信義誠品睇書, 到6點幾坐的去寧夏夜市食飯行埋夜市食小食便坐的回酒店.

第四日約左包車9:00 出發, 第一站大溪花海, 靚就幾靚, 但又落雨, 行左冇耐買左蜜糖便走; 中午去石園活魚食午, 人多的話可以自選魚(一條最細8斤重)幾吃, 我地人少就單點, 5餸1 湯, 其中2餸1 湯係魚, 真係好好味又唔腥也不貴, 埋單都係NTD1700. 本來想去石門水庫睇下, 但落雨唔想去, 結果司機就車我地去好望角睇風車陣(風力發電), 睇完就往飛牛, 去到飛牛3:30PM, 包車全程 NTD4500. 剛好可以check in, check in 完便出去行, 先行去牛屋5:00 揸奶, 再行下便去食火鍋, 晚上8:00PM 有個送的DIY 整餅, 唯一唔好係住的別墅離餐廳有一段距離, 要行上行落5-10分鐘.

第五日食完早餐執野check out, 今日又落雨, 行去食早餐可以濕身(夏天應行到成身汗), 早餐就冇乜野食, 10:00 開始做下DIY, 要比錢的, 如果打算做幾樣可買套票, 中午食西餐, 然后又係DIY, 3:00 去餵牛食奶, 約左司機3:45PM 走去機場, 需時1小時40分鐘, NTD2300. check in 好快, 但過關又係超慢, 排隊照手提行李, 再排隊睇passport, 花了半小時, 當時已6:00PM, 剛好見有幾家人話趕6:20PM 航班都比佢地行先, 唔知最后趕唔趕到. 過左關便去食埋野, 7:30上機, 但機場空管要 8:30 才起機delay 1hr.

點評

fionaleung43

發表於 15-4-16 22:13

0 0 0

私人傳訊

A仔媽咪

大宅

積分: 4034

9^#

發表於 15-5-29 15:54 |只看該作者

瑩瑩老豆發表於 15-5-29 13:34
就是貼一內的連結

謝謝！

私人傳訊

瑩瑩老豆

王國會長

積分: 27592

王國會長

8^#

發表於 15-5-29 13:34 |只看該作者

引用：Quote:瑩瑩老豆發表於 15-4-12 19:48 長者

原帖由 A仔媽咪 於 15-05-28 發表
請問最後搵左邊間包車呀？我7大2小暑假去重未搵到邊間好。

就是貼一內的連結

私人傳訊

qq媽媽咪

珊瑚宮

積分: 119831

母親節2025勳章 2025勳章蛇年勳章 2024年龍年勳章 2018復活節勳章開心吸收勳章好媽媽勳章 BK Milk勳章

7^#

發表於 15-5-28 18:45 |只看該作者

私人傳訊

A仔媽咪

大宅

積分: 4034

6^#

發表於 15-5-28 14:29 |只看該作者

瑩瑩老豆發表於 15-4-12 19:48
長者去野柳OK 的, 佢有D 石屎路行, 但或避免行出去凹凸地方睇石.

包車個司機好, 佢話佢有導遊証的, 沿途 ...

請問最後搵左邊間包車呀？我7大2小暑假去重未搵到邊間好。

私人傳訊

瑩瑩老豆

王國會長

積分: 27592

王國會長

5^#

發表於 15-4-16 21:10 |只看該作者

本帖最後由瑩瑩老豆於 15-4-16 21:20 編輯

補相第一~三天

私人傳訊

瑩瑩老豆

王國會長

積分: 27592

王國會長

4^#

發表於 15-4-12 19:48 |只看該作者

本帖最後由瑩瑩老豆於 15-4-12 20:04 編輯

cola_mama 發表於 15-4-12 18:16
我5月份去台灣其中一日同你第2日既行程完全一樣呀
想問下如果同行有長者去野柳九份方便嗎
同埋你包車個司機好唔好.

長者去野柳OK 的, 佢有D 石屎路行, 但或避免行出去凹凸地方睇石.

包車個司機好, 佢話佢有導遊証的, 沿途做埋導遊介紹下仲講埋台灣歷史, 去到景點佢會落車同我地行, 唔似以前果D 只係在車等我回來. 不過我係同佢公司book, 所以未必次次都係佢帶, 我就頭三程係佢帶, 最后一程出機場換左另一個司機(但冇乜所謂, 只係坐一程車).