懷孕前後 今日: 0 | 主題: 330454

積分: 214

1^#

發表於 15-4-24 18:05 |只看該作者 |正序瀏覽 |打印

我同先生都係90後，先生為人貪玩，呢樣由拍拖以黎我都知道既。但點解就黎做人爸爸都甘？男仔係未好難定性？

我唔知會唔會因為關家庭背景事。係屋企我係大女，而佢係細仔。呢排成日就呢兩個問題，好容易嘈起丄黎。我好想番屋企...😢

呢個月佢因為工傷，要休息一個月。係屋企時間多左，但對住電腦打機既時間仲多過對住我..。一係就出夜街同尐朋友去吹水，留我一個係屋企，無天光都唔番。（而家係同6299屋企住)日日起身食完嘢就打機，打機同打機。之前你話番工辛苦，想放鬆下打下機(佢做展覽，番工時間唔定)，我都會明白，會體諒你。但只不過要你陪下我，你就話坐係我隔離睇我打機，未姐係陪緊你囉。我真係....亓～亓

另外你出去食飯都唔緊要，但問題係點解可以一玩玩到唔天光唔番黎，成日得我自己一個係屋企，我唔知係咪佢以為屋企有佢爸爸媽媽係度就可以走出去。一講起話佢出去玩到天光先番，就會話番我轉頭，話：你同尐朋友出去食飯，我都唔會理你啦，唔會甘話你啦。之後又話甘我唔出去囉，滿意未？點解想傾個問題，往往講到好似我發脾氣甘，而且個問題係我就算同朋友出去，我都唔會係天光先番屋企掛？

其實我都需要你陪伴..我又唔係唔比你出去，比你打機。有左甘耐以黎，到而家7個月啦，有時我覺得好似得自己一個甘...一喊起上黎好難停，好對唔住肚裏面個bb ，點解唔可以堅強尐。

0 0 0

私人傳訊

sheung_

積分: 1820

45^#

發表於 15-4-26 02:24 |只看該作者

引用：Quote:原帖由 sheung_ 於 15-04-24 發表你

原帖由 lalala_leong 於 15-04-25 發表
其實都知架。
以前都會忍下，但而家身份唔同左。
所以我地會選擇講出黎。

加油拉媽媽

不過嘈時嘈要好傷左二公婆既夫妻感情同樂趣
始終都係得廿幾歲享受下廿幾歲既生活會好啲既

私人傳訊

Dice_Sep

積分: 2829

畀面勳章

44^#

發表於 15-4-26 00:16 |只看該作者

引用：唔好話你老公廿幾歲啦我果個40歲都嚟緊，咪

原帖由 RachelK 於 15-04-24 發表
唔好話你老公廿幾歲啦
我果個40歲都嚟緊，咪一樣日日打機打到零晨2-3點

...

打機真係冇分年齡，我果件3x又係訓前打機，訓醒第一件事又係打機！晚晚兩三點先訓……

私人傳訊

Deluxemo

伯爵府

積分: 15236

43^#

發表於 15-4-26 00:08 |只看該作者

回覆：純粹想呻下，好唔開心。

佢個世界係唔會明你諗乜，因為佢未有成熟既經驗！且去到四十都未必定性，若你仍然愛佢，就只有忍耐！希望你加油

私人傳訊

kathy1990

積分: 429

想生BB熱投

42^#

發表於 15-4-25 23:29 |只看該作者

回覆：純粹想呻下，好唔開心。

我老公咪一樣
日打夜打
叫我睇開d真無好難
24小時玩

私人傳訊

六月之星

公爵府

積分: 27735

41^#

發表於 15-4-25 22:27 |只看該作者

回覆：lalala_leong 的帖子

其實咪話90後，我先生80後都係好鍾意玩

私人傳訊

積分: 850

40^#

發表於 15-4-25 22:23 |只看該作者

引用：我老公三十幾四十歲人而家都係成日/晚打機

原帖由 tankegg 於 15-04-25 發表
我老公三十幾四十歲人而家都係成日/晚打機，以前仲晚晚同朋友去飲酒去到3點幾。呢D唔係成唔成熟，係喜好習 ...

地下皇陵😂😂😂😂😂

私人傳訊

積分: 850

39^#

發表於 15-4-25 22:23 |只看該作者

引用：Quote:原帖由 dk1109 於 15-04-25 發表你真

原帖由 ckawromnegn 於 15-04-25 發表
係呀，我c6係細仔，奶奶當佢金波籮好寶貝，好彩奶奶已經不在，如果佢眼見佢寶貝仔咁樣服侍我，實好憎我。

...

私人傳訊

tankegg

積分: 866

38^#

發表於 15-4-25 22:01 |只看該作者

回覆：lalala_leong 的帖子

我老公三十幾四十歲人而家都係成日/晚打機，以前仲晚晚同朋友去飲酒去到3點幾。呢D唔係成唔成熟，係喜好習慣問題，不過我寧願佢留係屋企打機。男人始終係會有嗜好。我老公成日话，你要我唔打機，甘你可唔可以唔買衫唔行街？
結婚初頭我有爆佢，话佢甘晚晚出去我米即係要守生寡，我同你結婚做咩，晚晚陪6299睇電視把鬼仲要做家務，我不如番外家住仲唔使做。總之，如果佢果個禮拜蒲四晚，我就番外家住四晚，等佢自己同6299，外父外母交待囉(用群眾壓力，不過我同6299一齊住關係唔錯). 後來，佢怕惊動6299有所改善。大家協議左每人一星期只可以出2天但最遲1點返，另外一天要陪大家(出去食飯去街)。
D kidult係甘嫁啦，你個心態要轉下，當佢係自己個仔，甘會多D寛容，相處會無甘辛苦。唔嫁都嫁左啦，唔好甘勞氣啦，影響個BB。
我而家都唔得閑理我老公打機，我有時間做下運動，研究下扮靚，做蛋糕，增值下自己，培養興趣。有時D男人犯賤，你唔理佢一排，又扮下靚，佢反而會着緊你。
人地話婚姻係戀愛既墳墓。既然入左墳墓，甘你想建造地下皇陵擴展大家既世界，定係大家攬住揀死大家。希望你明我講咩啦。

私人傳訊

SMANMAN

積分: 1894

37^#

發表於 15-4-25 21:46 |只看該作者

引用：你禁後生就生啦，我唸你未有左之前都知你另

原帖由 standingbird 於 15-04-24 發表
你禁後生就生啦，我唸你未有左之前都知你另一半唔成熟架啦，我覺得男人未到3十都係唔定性

...

私人傳訊

ckawromnegn

積分: 1932

36^#

發表於 15-4-25 20:51 |只看該作者

引用：Quote:原帖由+ckawromnegn+於+15-04-25+發

原帖由 dk1109 於 15-04-25 發表
你真係好勁~~~好認同女人係要適當地乍型同埋俾時間調教~~~有時我覺得佢地都係俾自己阿媽縱壞嚮屋企乜都唔使 ...

係呀，我c6係細仔，奶奶當佢金波籮好寶貝，好彩奶奶已經不在，如果佢眼見佢寶貝仔咁樣服侍我，實好憎我。

私人傳訊

ckawromnegn

積分: 1932

35^#

發表於 15-4-25 20:49 |只看該作者

引用：Quote:原帖由+ckawromnegn+於+15-04-25+發

原帖由 princess13xj 於 15-04-25 發表
講得好好呀，相處要有技巧，唔係一味講晒自己有啲咩不滿，對方就會改

唔好放大佢缺點，不停話佢有幾衰，唔好以為佢係老公就放鬆亂講野，好多說話修飾過佢就會聽入腦。
老老實實，以前阿媽都係日哦夜哦，我地都會覺得好煩好唔想聽，係到左而加大個先明阿媽嘅用意，老公唔同阿媽，老公會走阿媽趕唔走。

私人傳訊

積分: 850

34^#

發表於 15-4-25 20:26 |只看該作者

引用：我同c6都係80後，由拍拖到而加一齊左11年，

原帖由 ckawromnegn 於 15-04-25 發表
我同c6都係80後，由拍拖到而加一齊左11年，你嘅經歷，我好明白。
我c6都係機不離手，由以前入機舖、到後來 ...

你真係好勁~~~好認同女人係要適當地乍型同埋俾時間調教~~~有時我覺得佢地都係俾自己阿媽縱壞嚮屋企乜都唔使做，其實個心都願意做同錫老婆既~~ 要俾少少時間佢地長大...

私人傳訊

lovehugo1314

積分: 2001

33^#

發表於 15-4-25 19:06 |只看該作者

回覆：純粹想呻下，好唔開心。

唔好唔開心啦…我22識我老公，24結婚，衣家32, 佢33, 除了做運動，打機係最大嗜好，我以前都會因為佢日打夜打嘈交，出街玩天光先返都試過，後生有邊個唔貪玩…哦得多自己都覺得煩，過左4-5年佢就轉左性讀書轉工。有時好睇佢受邊一套，可能軟硬兼施去同佢溝通，衣家有時放假佢都會打機打到2-3點架

私人傳訊

memikoc

積分: 419

32^#

發表於 15-4-25 18:51 |只看該作者

回覆：純粹想呻下，好唔開心。

真係只可以講等佢長大等佢開竅。。
成熟呢家野真係無分年齡。。

或者你可以同佢傾下。。一星期可以出去幾多晚
又或者有幾多晚要陪你。。

私人傳訊

princess13xj

積分: 308

31^#

發表於 15-4-25 18:29 |只看該作者

引用：我同c6都係80後，由拍拖到而加一齊左11年，

原帖由 ckawromnegn 於 15-04-25 發表
我同c6都係80後，由拍拖到而加一齊左11年，你嘅經歷，我好明白。
我c6都係機不離手，由以前入機舖、到後來 ...

講得好好呀，相處要有技巧，唔係一味講晒自己有啲咩不滿，對方就會改

私人傳訊

ckawromnegn

積分: 1932

30^#

發表於 15-4-25 18:06 |只看該作者

回覆：純粹想呻下，好唔開心。

我同c6都係80後，由拍拖到而加一齊左11年，你嘅經歷，我好明白。
我c6都係機不離手，由以前入機舖、到後來入網吧，到而加可以用手機打，佢一直都冇離開遊戲世界。
我以前都好心灰，覺得好冇將來。佢會用晒d錢打機，同佢出街永遠冇心機，行兩三步又鼠左入機舖，叫我自己買完野去機舖搵佢。
佢好似有遊戲機就得，覺得我坐喺隔離睇佢打機就等於陪左我，就算係凌晨都係叫我自己一個返屋企然後佢繼續打機。
當時我有諗過係咪應該分手，對住個咁嘅男人點過日子，不過自己冇用，離唔開。
日子一日一日咁過，但我漸漸啟發到點同我c6相處同點調較佢，可以同你分享下。
首先，你要投入佢遊戲嘅世界，其實你唔需要同佢一齊玩，不過你要知佢玩緊咩，裡面有咩朋友，你多d問下佢關於個遊戲裡面嘅野，創造共同話題，就算你唔係太明佢講咩，你都儘量回應佢，其實你比個機會佢up下野，就算你嘅回答係hea佢，佢都唔會太feel到。
第二，放任佢打機，佢打緊期間儘量唔好哦佢，你只可以喺佢停落黎嘅時間話佢一兩句，例如去廁所，或者係你眼見遊戲世界唔係太緊張嘅一刻。你可以話「夜訓對身體唔好」，你講嘅說話要好好修飾，要帶出係為佢健康著想。
第三，需要時你要乍死。當然唔好成日用，成日用就冇效嫁啦。呢招我自從同佢一齊住就開始用。以前佢喺屋企永遠做大少，家務我做晒，飯又係我煮，佢只係會彈我做得有幾唔好。然後，我漸漸開始扮軟弱扮唔識野，例如煎野我扮驚油彈，叫佢幫我。洗碗話自己洗得唔乾淨，叫佢幫我。做左一次兩次，佢漸漸覺得做係佢應份，之後會自然做。
我唔會覺得我嘅方法好fit你，不過我想帶出同人相處要有技巧，同另一半更應該多花心思，佢地真係同小朋友一樣，需要教，需要時間。你地已經結左婚，仲有埋小朋友，好多野都已成定局，唯有努力經營，先有幸福生活比你自己同你個小朋友。
我好慶幸當時我冇離開我嘅c6，經多年嘅努力，我c6係好多人眼中100分嘅男人。平時屋企嘅家務佢會幫我分擔，晚飯會煮比我食，仲會洗碗。而加我有左，佢仲會接我放工，家務已經全數轉移比佢做，我喺屋企只需要好好休息就可以。
你地仲後生，大把時間努力，你唔好心灰，加油！！

私人傳訊

Yoma@2015

積分: 201

29^#

發表於 15-4-25 18:06 |只看該作者

引用：Quote:原帖由+luvacpm+於+15-04-24+發表不

原帖由 lalala_leong 於 15-04-25 發表
打機完全係佢地不可或缺既嘢！

認同！
係每個男人都會打機，不過，打時打唔可以成日都掛住打機咩都唔理！咁就唔好

私人傳訊