夫婦情感 今日: 2 | 主題: 42799

積分: 145

1^#

發表於 15-5-9 16:40 |只看該作者 |正序瀏覽 |打印

各位, 我之前係CD ROM, 但呢輪心情極度低落,想大家俾下意見
我係男仕, 大約 36歲, 同 EX-WIFE 分居加離婚三年了,有兩位小朋友 (8歲仔同5歲女).
由於同EX-WIFE 喺生活上很多意見不合下, 大家決定分開. (詳情唔描述)
兩位小朋友跟佢,之前住開果層樓, 都轉了佢名, 我繼續供緊, 也一定會供完為止 (大慨還有兩三年吧).
我月入穏定但唔多, 四萬零蚊.....扣除供樓同俾小朋友, 自己淨兩萬....

約一年前, 同咗一個年紀比我細幾年既女仔一齊,我地認識咗都好耐, 佢之前一直有拍拖, 兩年幾前散了, 佢係一個好好既女仔...未結過婚.... 同我好啱傾, 各樣價值觀都好相似, 雖然開始了唔算耐, 但由於大家咩都傾, 好多嘢都好了解對方,覺得對方好夾....
由於佢係適婚年齡, 亦都覺得我係一個好適合佢既對象.....
所以佢嘗試同佢屋企人透露同我既關係,講咗我既狀況, 佢屋企人十分反對..... 覺得我離過婚, 有兩個小朋友要供養...負擔好大....... 叫佢離開我.....叫佢去試吓同第二 D 男人開始....話試多幾次就會有感覺.....結婚都只係想要安穏既生活.....唔係想憂柴憂米.....
佢由於唔開心, 搵吓佢 D 朋友傾, 佢 D 朋友都係叫佢離開我.....話係無結果既.....
所以搞到佢更加無信心同我一齊.....

而家同我父母一齊住.....我有計劃過, 呢一兩年手頭鬆動少少, 點都會買層樓自住,至於會唔會再遇到一個自己好鍾意既, 就真係隨緣....但我無後悔亦都好樂意繼續供養兩個小朋友直至佢地大個....

雖然自問唔食煙, 唔賭錢, 唔打機, 唔亂駛錢, 做嘢勤力, 同好顧家.........
但就係經歷過一段失敗既婚姻同有兩個小朋友要供養,
係咪就無咩可能再同一個真心鍾意既人組一個家庭呢????

某程度上, 我知佢屋企人同朋友都係想佢好, 想佢幸福...... 但我個心真係好 DOWN....

我想聽吓呢度咁多位 JM 既心聲, 妳地究竟係想要一點樣既老公, 點樣既家庭.....

希望大家可以指教下.......

PS. 唔好意思, 我心情比較低落, 所以打出嚟既嘢好雜亂無章..... 請見諒~~

0 0 0

私人傳訊

積分: 145

91^#

發表於 15-5-18 10:40 |只看該作者

JVEC 發表於 15-5-17 22:06
我係過來人，我現任老公同你情況差無幾，不過佢只有一個小朋友亦都已經14歲。
當初我無同任何人講過佢既背 ...

加油呀.....

妳 C6 係一個負責任既人, 佢一定會盡佢全力令妳幸福......

祝福妳......

私人傳訊

積分: 145

90^#

發表於 15-5-18 10:39 |只看該作者

babytwinstar 發表於 15-5-17 17:52
其實都好睇個女仔自己點諗，我個人係無問題，鍾意一個人會接受佢過去同唔會理人點睇，最緊要自己真心鐘意！ ...

係呀..... 我諗大家都估到.....佢聽既, 9成係負面說話....
佢係一個成日十五十六既女仔, 平時食飯食咩都要我幫佢話事果種 (我十分樂意幫佢做決定)

所以聽得多, 意亂心煩, 我都好理解.....

而家, 我個心態都係隨緣, 個天一日未叫停我地呢段緣份, 我就會好好珍惜每一日.....
就算到走到最後, 我都會欣然接受....

老土 D 講, 畢竟大家真係深受過對方...

私人傳訊

skybiebie

侯爵府

積分: 24828

89^#

發表於 15-5-17 23:03 |只看該作者

引用：各位, 我之前係CD ROM, 但呢輪心情極度低落

原帖由 我的歌聲裡 於 15-05-09 發表
各位, 我之前係CD ROM, 但呢輪心情極度低落,想大家俾下意見
我係男仕, 大約 36歲, 同 EX-WIFE 分居加離婚三 ...

個人經驗，當年男方有1個7歲女，已離婚，女不同住，每個weekdend見面或過1晚，條件比你好很多，當10倍吧，最後放手就係唔希望永遠有野排喺我前面，大概係我愛唔夠或者太愛自己…

私人傳訊

JVEC

積分: 1646

88^#

發表於 15-5-17 22:06 |只看該作者

我係過來人，我現任老公同你情況差無幾，不過佢只有一個小朋友亦都已經14歲。
當初我無同任何人講過佢既背景，甚至我屋企人都唔知，直到我今年發現有左bb，佢堅持要結婚同生bb，而家我已經有6個幾月，佢同你一樣好顧家，但我身為一個女人，我可以好老實講，我曾經有妒忌過，但諗深一層，個個始終係佢小朋友，為左一段新感情唔理仔，呢d男人要黎都無用。
其實如果你女朋友真心愛你既話佢會了解會接受，我明白點解佢父母唔接受，始終都係老人家麻。所以如果你地真心相愛想一齊行落去，你要努力d俾大家知道，你係一個可以依靠既好男人！

呼。。。講左太多bullshit，不過多謝你俾左我一個平台發表，因為我將呢d野都放哂係心

私人傳訊

babytwinstar

侯爵府

積分: 21762

馬年勳章母親節2025勳章 2025勳章蛇年勳章 BB防敏心得分享勳章最關心BB問題熱投勳章想生BB熱投 DHA勳章大廚勳章

87^#

發表於 15-5-17 17:52 |只看該作者

回覆：真心求教...... (很長)

其實都好睇個女仔自己點諗，我個人係無問題，鍾意一個人會接受佢過去同唔會理人點睇，最緊要自己真心鐘意！

比啲時間佢諗下啦！可能聽人講得多亂左啲，而家仲係拖友嗎？

如果控制唔到就隨緣啦！加油

私人傳訊

積分: 145

86^#

發表於 15-5-16 14:53 |只看該作者

多謝咁多位既留言
我會保持積極但同時以平常心去看待。
無論係唔係我，只要女友搵到一個愛錫佢同會照顧佢既男人，我都替佢開心。

私人傳訊

RSKT

積分: 183

85^#

發表於 15-5-16 00:22 |只看該作者

回覆：我的歌聲裡的帖子

隨緣啦，不用想太多！條件唔差，不過每人都有過去，仲有機會與見！

私人傳訊

anan3388

積分: 4418

84^#

發表於 15-5-15 14:48 |只看該作者

引用：Quote:anan3388 發表於 15-5-15 12:48 如果

原帖由 我的歌聲裡 於 15-05-15 發表
我好 MAN 架 .... 哈哈哈...
我女友一直就係好鍾意我呢樣嘢...好有承擔力.....可以保護佢...
但行到呢步, ...

佢年輕，所以唔明有責任感的伴侶先難求。

也祝你找到幸福!

私人傳訊

一嚿大番薯

積分: 2225

83^#

發表於 15-5-15 13:50 |只看該作者

引用：Quote:anan3388 發表於 15-5-15 12:48 如果

原帖由 我的歌聲裡 於 15-05-15 發表
我好 MAN 架 .... 哈哈哈...
我女友一直就係好鍾意我呢樣嘢...好有承擔力.....可以保護佢...
但行到呢步, ...

哈哈 feel到你好man

私人傳訊

積分: 145

82^#

發表於 15-5-15 13:03 |只看該作者

sweetylady 發表於 15-5-15 13:01
做女仔嗰個事前一定要諗得清清楚楚，否則，將來會唔開心，例如，父親節可能你嘅仔女會同前妻的兒子一齊慶祝 ...

我諗呢 D 都係顧慮嚟既, 對於我....經歷過一段失敗既婚姻...
其實都好需要勇氣同堅定先夠膽再行多一次......
多謝妳既意見...

私人傳訊

積分: 145

81^#

發表於 15-5-15 13:02 |只看該作者

Nancy20090615 發表於 15-5-15 12:50
多數擇偶之前都會 set 左某 d 條件, 不過, 如果過電都不得了, 重邊重有條件限制.

可能兜兜轉轉都係佢唔 ...

佢而家應該就係過晒電, 但又有 D 害怕....

啱, 隨緣啦.......

私人傳訊

積分: 145

80^#

發表於 15-5-15 13:01 |只看該作者

anan3388 發表於 15-5-15 12:48
如果佢仲同你講，可能佢都仲有少少十五十六。不過無論如何，放開些是好的!記得man d呀！佢未嫁俾你已要受呢 ...

我好 MAN 架 .... 哈哈哈...
我女友一直就係好鍾意我呢樣嘢...好有承擔力.....可以保護佢...
但行到呢步, 反而可能成為咗絆腳石.....
ANYWAY, 多謝妳咁有心機覆我.......
祝妳生活幸福愉快....

私人傳訊

sweetylady

積分: 3650

79^#

發表於 15-5-15 13:01 |只看該作者

回覆：Nancy20090615 的帖子

做女仔嗰個事前一定要諗得清清楚楚，否則，將來會唔開心，例如，父親節可能你嘅仔女會同前妻的兒子一齊慶祝，如前妻兒子有事你會立刻去幫佢地，你仔想搵爸爸有可能佢不在⋯等等，結婚係一生一世的事（對於我嚟講係），尤其有了小朋友更不能離婚（我父親就係咁講），個女仔如果係真心相同你一生一世，更應該想得清清楚楚，知道日後會遇到的問題，而你更應事前和她講清楚，相方知道清楚，日後的日子才會長久！

私人傳訊

Nancy20090615

瑪瑙宮

積分: 139783

78^#

發表於 15-5-15 12:50 |只看該作者

sweetylady 發表於 15-5-15 09:46
我唔介意結過婚嘅男仔，但有小朋友就唔好啦，唔係介意你會不會供養佢地，只係，係你心裡面已有兩個人佔了很 ...

多數擇偶之前都會 set 左某 d 條件, 不過, 如果過電都不得了, 重邊重有條件限制.

可能兜兜轉轉都係佢唔定架, 隨緣喇.

私人傳訊

anan3388

積分: 4418

77^#

發表於 15-5-15 12:48 |只看該作者

引用：Quote:anan3388 發表於 15-5-14 20:52 如果

原帖由 我的歌聲裡 於 15-05-15 發表
佢既朋友會同佢分析,由於我會有責任地供養兩個小朋友,佢哋需要既, 開到聲, 我一定會俾錢佢....一定唔止供 ...

如果佢仲同你講，可能佢都仲有少少十五十六。不過無論如何，放開些是好的!記得man d呀！佢未嫁俾你已要受呢d壓力，咁你都要佢未嫁你已感受到你嘅堅定，man,擋風擋雨，唔好妄自菲薄，未見官先打三十大板。就算最終唔得，起碼你都為佢fight過呀！

佢朋友父母唔係完全無理，但太保護主義。邊有人知明天發生咩事。嫁一個表面乜都好，一樣會發生好多嘢，生意失敗，生cancer,包二奶，估到咩?

你要表達你的優點，真心，不離不棄，等佢父母朋友都覺得你嫁得過先得㗎

加油

私人傳訊

積分: 145

76^#

發表於 15-5-15 12:03 |只看該作者

anan3388 發表於 15-5-14 20:52
如果係咁的話，你俾d信心自己，俾d信佢，在困難中更應流露你的誠意和好處。唔好煩佢，但適當俾佢知你好尊重 ...

佢既朋友會同佢分析,由於我會有責任地供養兩個小朋友,佢哋需要既, 開到聲, 我一定會俾錢佢....一定唔止供到佢地大...係會成世....咁我女友同我一齊, 成世人, 就會少咗果一PART 金錢....

仲有,會話就算同咗我一齊, 表面係開心, 但因為我女友屋企人唔開心, 我女友都一定唔會真正快樂...喺另一面佢會有不快樂 (因為唔理屋企人反對).......

其實所有嘢, 我都理解...明白..... 佢既朋友好想令佢唔好揀我.....無人有必要陪我行一條咁辛苦既路.......

呢幾日, 慢慢地, 我都學識放下偏執...... 佢搵我...我好樂意見佢同回應.....但, 我唔會俾任何壓力佢.... 等佢覺得舒服 D ...唔好咁意亂心煩....畢竟佢有好多選擇.....都希望佢揀一個佢認為最好既.....

私人傳訊

積分: 145

75^#

發表於 15-5-15 11:59 |只看該作者

Tabo63 發表於 15-5-14 23:07
回覆我的歌聲裡的帖子

樓主，其實我好欣賞你既責任感。我覺得係而家時代，離過婚都好普遍。每個人都有自 ...

其實而家好似反而係因為我呢份咁重既責任感..... 令到我女友顧忌或卻步....

總之, 凡事有兩面...真係睇自己睇邊一面....

私人傳訊

一嚿大番薯

積分: 2225

74^#

發表於 15-5-15 11:59 |只看該作者

回覆：真心求教...... (很長)

我個人認為你個女朋友係好愛你嘅我諗呢刻佢自己都好亂佢一定知道你係好愛佢的唔好咁唔開心啦一齊加油啦
另外有啲jm話你害人不淺太偏激了出口傷人你絕對無做錯任何事架

私人傳訊